တရုတ်ဝန်ကြီးချုပ် လီခဲ့ချန် ကျူးဘားသို့ တရားဝင်ခရီးစဉ်ရောက်ရှိ

ဟာဗာနာ၊ စက်တင်ဘာ ၂၅ ရက် (ဆင်ဟွာ)

တရုတ်ဝန်ကြီးချုပ် လီခဲ့ချန် သည် ကျူးဘားနိုင်ငံမြို့တော် ဟာဗာနာမြို့သို့ စက်တင်ဘာ ၂၄ရက်က တရားဝင်ခရီးစဉ် ရောက်ရှိလာခဲ့ကြောင်း သိရသည်။

လီ၏ ခရီးစဉ်သည် နှစ်နိုင်ငံ သံတမန်ဆက်ဆံရေး စတင်ခဲ့ပြီး ၅၆နှစ် အကြာ ၌ တရုတ်ဝန်ကြီးချုပ်အနေဖြင့် ကျူးဘားနိုင်ငံသို့ ပထမဆုံးအကြိမ် ချစ်ကြည်ရေး ခရီးစဉ် သွားရောက် လည်ပတ်ခြင်းဖြစ်ကြောင်းသိရသည်။ကျူးဘားနိုင်ငံတော်ကောင်စီ နှင့် ဝန်ကြီးများကောင်စီ ဥက္ကဋ္ဌ Raul Castro Ruz ၏ ဧည့်သည် အဖြစ် လီနှင့် ဇနီး ချန်းဟုန် အပါအဝင် တရုတ်နိုင်ငံမှ ထိပ်တန်းအရာရှိကြီးများ ဟာဗာနာမြို့သို့ရောက်ရှိလာကြောင်း သိရသည်။ခရီးစဉ်အတွင်း လီသည် Raul Castro နှင့် တွေ့ဆုံကာ တရုတ်-ကျူးဘား ပူးပေါင်းဆောင်ရွက်မှုနှင့် ချစ်ကြည်ရင်းနှီးမှု ပိုမိုခိုင်မာလာရေး အတွက်ဆွေးနွေးသွားမည့်အပြင် နည်းပညာများ၊ ပြန်လည်ဖွံ့ဖြိုးမြဲ စွမ်းအင်၊ စက်မှုလုပ်ငန်း နှင့် သဘာဝပတ်ဝန်းကျင် အကာအကွယ်ပေးမှုဆိုင်ရာ နယ်ပယ်များတွင် ပူးပေါင်းဆောင်ရွက်ရန် သဘောတူစာချုပ်များချုပ်ဆိုသွားမည်ဖြစ်ကြောင်း သိရသည်။

ဟာဗာနာ တက္ကသိုလ် နိုင်ငံတကာဆက်ဆံရေး ပါမောက္ခ Rafael Hernandez က လီ၏ ခရီးစဉ်သည် နှစ်နိုင်ငံ အကြား စီးပွားရေး နှင့် နိုင်ငံရေး ကိစ္စရပ်များအား မြှင့်တင်ရန် ပြီးပြည့်စုံသည့် အခွင့်အလမ်းတစ်ခုကို ကိုယ်စားပြုကြောင်း ပြောကြားခဲ့သည်။တရုတ်နိုင်ငံ၏ ကျူးဘားနိုင်ငံ ၏ ဒုတိယမြောက်အကြီးဆုံး ကုန်သွယ်ဖက်နိုင်ငံဖြစ်ပြီး သကြား၊ ခရီးသွားလုပ်ငန်း နှင့် ဇီဝဆေးပညာ သုတေသနလုပ်ငန်းများတွင် အဓိက ပါဝင်ပတ်သက်နေကြောင်း သိရသည်။ကျူးဘားနိုင်ငံသည် လက်တင်အမေရိကတွင် တရုတ်နှင့် ပထမဆုံးသံတမန်ဆက်ဆံရေး ဆောင်ရွက်ခဲ့သည့် နိုင်ငံတစ်နိုင်ငံဖြစ်ပြီး နယူးယောက်မြို့တွင်ကျင်းပခဲ့သည့် ၇၁ကြိမ်မြောက် ကုလသမဂ္ဂအထွေထွေညီလာခံ သို့တက်ရောက်ခြင်း နှင့် ကနေဒါနိုင်ငံသို့ တရားဝင်ခရီးစဉ်သွားရောက်ပြီးနောက် လီ၏ အမေရိကခရီးစဉ် နောက်ဆုံးနိုင်ငံဖြစ်ကြောင်း သိရသည်။ (Xinhua)