Politics, Law & Military
စည်းကမ်း၊ လုပ်ထုံးလုပ်နည်း နှင့် ဥပဒေကို လေးစားလိုက်နာမှုအားနည်းခြင်းဟာ ပရမ်းပတာ ဒီမိုကရေစီစနစ်အား ဦးတည်သွားစေနိုင်ကြောင်းဗိုလ်ချုပ်မှုးကြီးမင်းအောင်လှိုင်ပြောကြား
ရန်ကုန်၊မတ်၂၇ရက်(ဆင်ဟွာ)
နိုင်ငံအား ဒီမိုကရေစီဖော်ဆောင်ရာမှာ အဓိကနှောင့်ယှက်ဟန့်တားမှု နှစ်ခုဖြစ်သည့် စည်းကမ်း၊ လုပ်ထုံးလုပ်နည်း နှင့် ဥပဒေကို လေးစားလိုက်နာမှုအားနည်းခြင်း နှင့် လက်နက်ကိုင်သောင်းကျန်းမှုများ ရှိနေခြင်းသည် ပရမ်းပတာ ဒီမိုကရေစီစနစ်အား ဦးတည်သွားစေနိုင်ကြောင်း ၇၁ နှစ်မြောက်တပ်မတော်နေ့တွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ၎င်းပြောကြားသည့်မိန့်ခွန်းထဲ၌ ထည့်သွင်းပြောကြားခဲ့သည်။
တပ်မတော်အနေဖြင့် နိုင်ငံတော် နှင့် ပြည်သူလူထု အကျိုးစီးပွါးကို ဖြစ်ထွန်းအောင်မြင်ရန် ဖော်ဆောင်နိုင်ရန် ပူးပေါင်းဆောင်ရွက်သွားမည်ဖြစ်ကြောင်း ၎င်းမိန့်ခွန်းထဲတွင် ထည့်သွင်းပြောကြားခဲ့သည်။
၂၀၁၆ခုနှစ် မတ်လ ၂၇ရက်နေ့တွင်ကျင်းပသော ၇၁နှစ်မြောက် တပ်မတော်နေ့အခမ်းအနား ၌တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အား တပ်မတော် တပ်ရင်းတပ်ဖွဲ့များက ချီတက်အလေးပြုစဉ်(ဆင်ဟွာ)
၂၀၁၆ခုနှစ် မတ်လ ၂၇ရက်နေ့တွင်ကျင်းပသော ၇၁နှစ်မြောက် တပ်မတော်နေ့အခမ်းအနား ၌တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အား တပ်မတော် တပ်ရင်းတပ်ဖွဲ့များက ချီတက်အလေးပြုစဉ်(ဆင်ဟွာ)
ဗိုလ်ချုပ်မှူးကြီးမင်းအောင်လှိုင်က “ပြည်သူအများစုရဲ့ဆန္ဒက တိုင်းပြည်တည်ငြိမ်အေးချမ်းရေး နဲ့ ကောင်းမွန်စွာ လုပ်ကိုင်စားသောက်ပြီး သူတို့ဘဝတိုးတက်ရေးဆိုတဲ့ ကိုယ်စိတ်နှစ်ပါးချမ်းသာရေးပဲ ဖြစ်တယ်။ ပြည်သူလူထု စိတ်အေးချမ်းသာစွာ နေထိုင်နိုင်ဖို့ အတွက် တရားဥပဒေစိုးမိုးရေး၊ ရပ်ရွာအေးချမ်းသာယာရေး နဲ့လက်နက်ကိုင် ပဋိပက္ခများ ချုပ်ငြိမ်းတွေကို လုပ်ဆောင်ရမှာဖြစ်သလို တပ်မတော်အနေနဲ့ ပြည်သူ့ဘဝဖံွံ့ဖြိုးတိုးတက်နိုင်ဖို့ နိုင်ငံကို ကာကွယ်ရမယ်။ ပြည်သူများကို စောင့်ရှောက်ရမယ်၊ဒါကြောင့် တပ်မတော်အနေနဲ့ တည်ငြိမ်အေးချမ်းရေး၊ စည်းလုံးညီညွတ်ရေး၊ ဖွံ့ဖြိုးတိုးတက်ရေး အခြေခံမူချမှတ်ပြီး ဆောင်ရွက်နေခြင်း ဖြစ်သည်။’’ ဟုပြောသည်။
တပ်မတော်အနေဖြင့် အမျိုးသားနိုင်ငံရေးတာဝန်ထမ်းဆောင်နေမှုဟာ နိုင်ငံတော်၏ အမျိုးသားအကျိုးစီးပွားအား ထိန်းသိမ်းစောင့်ရှောက်အကောင်အထည်ဖော်ရန်အတွက်သာ ဖြစ်ကြောင်း၊ အမျိုးသားနိုင်ငံရေးဆိုသည်မှာ အမျိုးသားအကျိုးစီးပွားအား ကာကွယ်စောင့်ရှောက်ရေး၊ တိုင်းရင်းသား ပြည်သူ့အရေး နှင့် နိုင်ငံအရေးသာဖြစ်ကြောင်း ဆိုသည်။
၁၉၈၈ ခုနှစ်က စပြီး ပြည်သူလူထုလိုလားတဲ့ ဒီမိုကရေစီ စနစ်ကို တဆင့်ပြီးတဆင့် အကောင်အထည်ဖော်ဆောင်ရွက်ခဲ့တာ နိုင်ငံတော်ရှေဆက်သွားမယ့် မူဝါဒလမ်းစဉ် ခုနှစ်ရပ် ချမှတ်ပြီး စနစ်တကျပြောင်းလဲလာခဲ့ကြောင်း၊ ဖွဲ့စည်းပုံအခြေခံ ဥပဒေကို အသိပညာရှင် အတတ်ပညာရှင် တိုင်းရင်းသားကိုယ်စားလှယ်တွေနဲ့ ရေးဆွဲပြီး ပြည်လုံးကျွတ်ဆန္ဒခံယူပွဲကျင်းပအတည်ပြုခဲ့ကြောင်း၊ ၂၀၁၀ တွင် ပထမအကြိမ် အထွေထွေရွေးကောက်ပွဲ ကျင်းပပြုလုပ်ခဲ့ပြီး ရွေးကောက်ပွဲအရပေါ်ပေါက်လာသည့် ဒီမိုကရေစီ အစိုးရသစ်တစ်ခုအား ၂၀၁၁ ခုနှစ်တွင် လွှဲပြောင်းပေးနိုင်ခဲ့ကြောင်း၊ တစ်ပါတီ စနစ်မှ ပါတီစုံစနစ်သို့ တည်ငြိမ်အေးချမ်းစွာကူး ပြောင်းနိုင်ခဲ့သလို ၂၀၁၅ အထွေထွေရွေးကောက် ပွဲကြီးအားလည်း လွတ်လပ်၍ တရားမျှတသောရွေးကောက်ပွဲ အဖြစ်ကျင်းပနိုင်ရန် တပ်မတော် အနေဖြင့် အစိုးရ၊ ပြည်သူ နှင့် ပူးပေါင်း၍ ဆောင်ရွက်ခဲ့ကြောင်း ပြောကြားခဲ့သည်။ (Xinhua)