အီရန်နိုင်ငံ၌ မှိုအဆိပ်သင့်မှုဖြစ်ပွားရာ လူပေါင်း ၁ဝဝဝ ကျော် အော့အန်

သစ္ေခါက္မႈိပင္မ်ားအားေတြ ့ရစဥ္(ဆင္ဟြာ) Africa & Middle East

တီဟီရန် ၊ မေ ၂၃ ရက်(ဆင်ဟွာ)

အီရန်နိုင်ငံ အနောက်ပိုင်းပြည်နယ်အချို့၌ မကြာသေးမီ ရက်သတ္တပတ်များက အလေ့ကျပေါက်သော မှိုများကို စားသုံးမိရာမှ လူပေါင်း ၁ဝဝဝ ကျော် အော့အန်ကာ အနည်းဆုံး ၁၅ ဦးသေဆုံးခဲ့ကြောင်း ဒေသတွင်း မီဒီယာက ရေးသားဖော်ပြသည်။

ယင်းကဲ့သို့အဆိပ်သင့်မှုမျိုးကို ထိရောက်အောင်ကုသနိုင်သည့် ကုထုံးမရှိသေးကြောင်း ၊ ၎င်းမှိုများသည် လူကိုသေစေနိုင်သည့် အဆိပ်အတောက်များပါဝင်နေကြောင်း အီရန်နိုင်ငံ Tasnim သတင်းအေဂျင်စီဖော်ပြချက်အရ သိရသည်။

အနည်းဆုံးလူ နှစ်ဦးကို အသဲအစားထိုးကုသမှုပေးခဲ့ပြီဖြစ်ကြောင်း သတင်းက ဆိုသည်။

ကျန်းမာရေးအာဏာပိုင်များက နွေဦးမိုးရွာသွန်းပြီးနောက် အီရန်နိုင်ငံ တောင်တန်းဒေသများတွင် အလေ့ကျပေါက်နေသည့် မှိုပွင့်များကို စားသုံးခြင်း သို့မဟုတ် ဝယ်ယူခြင်းမပြုရန် ပြည်သူများအား တိုက်တွန်းထားသည်။

အီရန်နိုင်ငံ၌ လွန်ခဲ့သောလများက အချိန်အခါမဟုတ်မိုးရွာသွန်းခဲ့ခြင်းကြောင့် မှိုများစွာ ပေါက်နေကြောင်း သတင်းများက ဆိုသည်။(Xinhua)