ဘေရွတ်မြို့ပေါက်ကွဲမှုများကြောင့် လက်ဘနွန်နိုင်ငံ ပြန်ကြားရေး ဝန်ကြီး နှင့် သဘာဝပတ်ဝန်းကျင်ရေးရာဝန်ကြီး ရာထူးမှနုတ်ထွက်

ဘေရွတ်၊ ဩဂုတ် ၁၁ ရက် (ဆင်ဟွာ)

 လက်ဘနွန်နိုင်ငံ ဘေရွတ်မြို့တွင်ပြီးခဲ့သည့် သတင်းပတ်က ဖြစ်ပွားခဲ့သော ပေါက်ကွဲမှုကြီးနှစ်ခုနှင့်ပတ်သက်၍ အစိုးရ အနေဖြင့် တိကျမှန်ကန်သည့် စစ်ဆေးမှုရလဒ်ထုတ်ပြန်ခြင်းခဲ့ခြင်း မရှိသည့်အပေါ် ပြည်သူများက မကျေမနပ်ဖြစ်ရာမှ ဆန္ဒပြမှုများ အကြီးအကျယ်ဖြစ်ပွားလျက်ရှိသည်။ ယင်းဆန္ဒပြပွဲများ၏ နောက်ဆက်တွဲအဖြစ် ဩဂုတ် ၉ ရက်က လက်ဘနွန်နိုင်ငံ ပြန်ကြားရေးဝန်ကြီး နှင့် သဘာဝပတ်ဝန်းကျင်ရေးရာဝန်ကြီး တို့သည် ရာထူးမှ အသီးသီးမှ နုတ်ထွက်သွားခဲ့ရသည်။ 

လက်ဘနွန်နိုင်ငံ ပြန်ကြားရေးဝန်ကြီး Manal Abdel Samad က “ အမှန်တရားဟာ ကျွန်မတို့ ထင်ထားသလိုဖြစ်မလာခဲ့ပါဘူး ဘေရွတ်မြို့ရဲ့ ပြင်းထန်တဲ့ပေါက်ကွဲမှုကြောင့်နိုင်ငံသူနိုင်ငံသားတို့ရဲ့ စိတ်နှလုံးကို ပူဆွေးဝမ်းနည်းစေခဲ့မိပါတယ်၊ ပေါက်ကွဲမှုကြောင့်ကွယ်လွန်ခဲ့ရသူတွေနဲ့ ဒဏ်ရာရရှိခဲ့ကြသူတွေ ၊ ပျောက်ဆုံးသွားခဲ့ကြသူတွေနဲ့ အိမ်ရာမဲ့သွားတဲ့သူတွေအားလုံးကို အနူးအညွတ်တောင်းပန်ရင်းနဲ့ ပြောင်းလဲမှုကို တိုက်တွန်းလိုလားကြသူ အများစုရဲ့ တောင်းဆိုမှုတွေကိုလိုက်နာပြီး ကျွန်မ အနေနဲ့ ရာထူးကနေ နုတ်ထွက်လိုက်ပါတယ်” ဟုဆိုသည်။ 

ပြန်ကြားရေးဝန်ကြီး နုတ်ထွက်သည့် ရက်မှာပင် သဘာဝ ပတ်ဝန်းကျင်ရေးရာဝန်ကြီး Demianos Kattar လည်း ရာထူးမှနုတ်ထွက်ခဲ့သည်။ ပေါက်ကွဲမှုနောက်ဆက်တွဲအဖြစ် လွှတ်တော်အမတ်များကလည်း အစောပိုင်းရက်များတွင် အသီးသီး နုတ်ထွက်ခဲ့ကြသည်။ ဩဂုတ် ၈ ရက်တွင် ဘေရွတ်မြို့၌ လူထောင်ပေါင်းများစွာက အစိုးရဆန့်ကျင်ဆန္ဒပြမှု ပြုလုပ်ခဲ့ကြပြီး အုပ်ချုပ်ရေးစနစ်ပြုပြင်ပြောင်းလဲရေးအတွက် တောင်းဆိုခဲ့ကြသည်။  (Xinhua)