လက်ဝါးပြင်နှစ်ဖက် မရှိသော်လည်း အကောင်းဆုံးသင်ပြပေးသည့် တရုတ်နိုင်ငံမှ ကျောင်းဆရာတစ်ဦး

ချင်းဟိုင်၊ နိုဝင်ဘာ ၂၅ ရက်(ဆင်ဟွာ)

တရုတ်နိုင်ငံ ချင်းဟိုင်ပြည်နယ် Xining မြို့တွင် hui တိုင်းရင်းသားလူမျိုးစုဝင်တစ်ဦးဖြစ်သည့် Ma Fuxing ဆိုသူ မှာ Ma’er  မူလတန်းကျောင်းတွင် ကျောင်းဆရာအဖြစ် သင်ကြားပြသလျှက်ရှိသည်မှာ နှစ်ပေါင်း ၄၀ ခန့် ရှိပြီဖြစ်သည်။ Ma သည် အသက် ၄ လအရွယ်ကတည်းက မတော်တဆမှုတစ်ခုကြောင့် လက်နှစ်ဖက်စလုံးတွင် လက်ဝါးပြင်များမရှိတော့သူတစ်ဦးလည်းဖြစ်သည်။

၁၉၈၁ ခုနှစ်ကတည်းက ယခု ကျောင်းတွင် ကျောင်းဆရာ အဖြစ် စတင်လုပ်ကိုင်ခဲ့ပြီး ကျောက်သင်ပုန်းတွင် စာရေးသားခြင်း၊ အတန်းအတွက် ပြင်ဆင်ခြင်းစသည့် သာမန်လူများလွယ်ကူစွာလုပ်ကိုင်နိုင်သည့်အလုပ်များကို ခက်ခဲစွာ ကြိုးစားလုပ်ကိုင်နိုင်ခဲ့သော အံ့မခန်း ဇွဲသတ္တိရှင် တစ်ဦးလည်းဖြစ်သည်။ “ National Most Beautiful Rural Teacher” ဆု ကို ချီးမြှင့်ပေးအပ် ခံရသည့် Ma မှာ ယခုတွင် အသက် ၆၀ နှစ်ရှိပြီဖြစ် ပြီး ကျောင်းဆရာအဖြစ်မှ အငြိမ်းစားယူတော့မည်ဖြစ်သည်။ Ma Fuxing ကို ကျောင်းသားများကလည်း ဖခင်တစ်ဦးသဖွယ် ရိုသေလေးစားကြကြောင်းသိရသည်။(Xinhua)