တရုတ်နိုင်ငံ ပေကျင်းမြို့တွင် အသက်(၁၂)နှစ်မှ (၁၇)နှစ်ရှိ လူအုပ်စုများအား ကိုဗစ်ကာကွယ်ဆေးထိုးနှံမှု စတင်

ပေကျင်း၊ ဇူလိုင် ၂၁ ရက်(ဆင်ဟွာ)

တရုတ်နိုင်ငံအမျိုးသားစီမံခန့်ခွဲမှုလုပ်ငန်းများအရ ပေကျင်းမြို့တွင် ဇူလိုင် ၂၀ ရက်မှစ၍ အသက် (၁၂)မှ အသက်(၁၇)နှစ်အတွင်း လူအုပ်စုများအား ကိုဗစ်ကာကွယ်ဆေးထိုးနှံမှုများ ဘက်စုံလုပ်ဆောင်နေပြီဖြစ်ကြောင်း ပေကျင်းမြို့ ကိုဗစ်ကပ်ရောဂါကာကွယ်ထိန်းချုပ်ရေးလုပ်ငန်း ညွှန်ကြားမှုအဖွဲ့ ကာကွယ်ဆေးထိုးနှံမှုဆိုင်ရာ ညှိနှိုင်းရေးလုပ်ငန်းအဖွဲ့မှ သိရသည်။အသေးစိတ်အစီအစဉ်များအရ ပေကျင်းမြို့တွင် ဇူလိုင် ၂၀ ရက်မှစ၍ အထက်တန်းကျောင်းသားအရွယ်ဖြစ်သည့် အသက် (၁၅)နှစ်မှ (၁၇)နှစ်ရှိ လူအုပ်စုများကို ကာကွယ်ဆေးထိုးနှံပေးမည်ဖြစ်ပြီး ဩဂုတ်လဆန်းပိုင်းတွင် အသက် (၁၂)နှစ်မှ (၁၄)နှစ်အရွယ် လူအုပ်စုများကို ကာကွယ်ဆေးထိုးနှံပေးမည်ဖြစ်ကြောင်း သိရသည်။ ကျောင်းတွင် ပညာသင်ယူနေသည့် ကျောင်းသားကျောင်းသူများအနေဖြင့် အထက်တန်း၊ အလယ်တန်း၊ အထူးပညာသင်ကြားရေးကျောင်းများ၏ ကာကွယ်ဆေးထိုးနှံမှုအစီအစဉ်အတိုင်း အသက်(၁၂)နှစ်မှ (၁၇)နှစ်ရှိ ကျောင်းသားကျောင်းသူများအား တစ်စုတစ်စည်းတည်း ကာကွယ်ဆေးထိုးနှံပေးမည်ဖြစ်ရာ ခရိုင်ဒေသအသီးသီးက စာသင်ကျောင်း သို့မဟုတ် သက်ဆိုင်ရာစာသင်ကျောင်းရပ်ကွက်များခွဲ၍ ကာကွယ်ဆေးထိုးနှံမှုလုပ်ငန်းများကို ဆောင်ရွက်သွားမည်ဖြစ်သည်။

တရုတ်နိုင်ငံ ပေကျင်းမြို့ ရှီးချန်ခရိုင်တွင် အထက်တန်းကျောင်းသူတစ်ဦးအား ကိုဗစ်ကာကွယ်ဆေးထိုးနှံပေးနေသည်ကို ဇူလိုင် ၂၁ ရက်က တွေ့စဉ်(ဆင်ဟွာ)

ကျောင်းတွင် ပညာသင်ကြားမှုမရှိသည့် အသက်(၁၂)နှစ်မှ (၁၇)နှစ်အရွယ် လူအုပ်စုများကို အလုပ်အကိုင်ရှိသူ သို့မဟုတ် အလုပ်လုပ်ကိုင်ခြင်းမရှိသူ ဟူ၍ ခွဲခြားပြီး ကာကွယ်ဆေးထိုးနှံပေးမည်ဖြစ်သည်။ အသက်(၁၆)နှစ်မှ (၁၇)နှစ်ရှိ အလုပ်လုပ်ကိုင်နေသည့် လူအုပ်စုများကို သက်ဆိုင်ရာဌာနနှင့်ဒေသများက ညှိနှိုင်း၍ သတ်မှတ်ထားသည့်နေရာများတွင် ကာကွယ်ဆေးထိုးနှံပေးမည်ဖြစ်ပြီး အလုပ်လုပ်ကိုင်ခြင်းမရှိသူ( အသက် ၁၂ နှစ်မှ ၁၇ နှစ်ရှိ နိုင်ငံခြားသို့ပညာသင်သွားရောက်မည့်သူများ အပါအဝင်)ကို မြို့နယ်ကျေးရွာများမှ စီစဉ်၍ သတ်မှတ်ထားသည့်နေရာတွင် ကာကွယ်ဆေးထိုးနှံပေးမည် ဖြစ်ကြောင်း သိရသည်။

တရုတ်နိုင်ငံ ပေကျင်းမြို့ ရှီးချန်ခရိုင်တွင် ကာကွယ်ဆေးထိုးနှံပေးရန်အတွက် ကျောင်းသားကျောင်းသူများအား ဆေးဝန်ထမ်းများက လိုအပ်သည်များအား မေးမြန်းနေသည်ကို ဇူလိုင် ၂၁ ရက်က တွေ့ရစဉ်(ဆင်ဟွာ)

ယခုအကြိမ် အသက်(၁၂)နှစ်မှ (၁၇)နှစ်ရှိ လူအုပ်စုများကို ထိုးနှံပေးသည့် ကိုဗစ်ကာကွယ်ဆေးသည် တရုတ်နိုင်ငံ သက်ဆိုင်ရာဌာနများက ခွင့်ပြုချက်ပေးထားသည့် ကာကွယ်ဆေးဖြစ်ပြီး ယင်းအသက်အရွယ်အပိုင်းအခြားတွင် အသုံးပြုနိုင်သည့် inactivated vaccineဖြစ်ရာ Sinopharm Beijing Bio-Instituteနှင့် Beijing Sinovac Biotechမှ သုတေသနပြုထုတ်လုပ်သည့် ကိုဗစ်-၁၉ inactivated vaccineတို့ ပါဝင်ကြောင်း သိရသည်။

ဇူလိုင် ၂၀ ရက် ၁၂ နာရီအထိ ပေကျင်းမြို့တွင် ကိုဗစ်ကာကွယ်ဆေးထိုးနှံမှု အကြိမ်ရေ စုစုပေါင်း (၃၆.၁၅၃၅)သန်း ရှိပြီး ကာကွယ်ဆေးထိုးနှံပြီးသူ စုစုပေါင်း (၁၈.၆၂၀၆)သန်း ရှိရာ ၎င်းတို့အနက် (၁၇.၆၄၃၄)သန်းသည် ကာကွယ်ဆေးအပြည့်အဝထိုးနှံပြီဖြစ်ကြောင်း သိရသည်။ ပေကျင်းတစ်မြို့လုံးတွင် အသက်(၁၈)နှစ်နှင့်အထက်ရှိသူ လူအုပ်စုများ၏ ကိုဗစ်ကာကွယ်ဆေး ပထမတစ်လုံးထိုးနှံပြီးသူ (၉၅.၆၃)ရာခိုင်နှုန်း၊ ကာကွယ်ဆေးအပြည့်အဝထိုးနှံပြီးသူ (၉၀.၆၁)ရာခိုင်နှုန်းရှိကြောင်း သိရသည်။

လာမည့်ကာလများတွင် ပေကျင်းမြို့သည် ကပ်ရောဂါဖြစ်ပွားမှုအခြေအနေ၊ ကာကွယ်ထိန်းချုပ်ရေးလိုအပ်ချက်၊ လူအုပ်စု၏ထူးခြားချက်စသည့်တို့ပေါ်တွင် မူတည်ကာ နိုင်ငံ၏အစီအစဉ်အရ အသက်(၃)နှစ်မှ (၁၁)နှစ်ရှိ လူအုပ်စုများအား ကာကွယ်ဆေးထိုးနှံပေးသွားမည်ဖြစ်ကြောင်း သိရသည်။ (Xinhua)

——————————————–
(Chinese Version)

（聚焦疫情防控）北京启动12岁至17岁人群新冠病毒疫苗接种

新华社北京7月20日电（记者侠克）记者20日从北京市新冠肺炎疫情防控工作领导小组疫苗接种组织协调工作组获悉，按照国家整体部署，北京市7月20日全面启动12岁至17岁人群新冠病毒疫苗接种。覆盖在京年满12周岁人群，含在校学生及非在校适龄人群。
据介绍，按照具体安排，北京市定于7月20日启动高中阶段15岁至17岁人群接种，8月初启动初中阶段12岁至14
岁人群接种。在校学生按照高中（含技工学校）、初中、特殊教育学校的接种顺序有序安排12岁至17岁在校学生集中接种，各区以学校或学区为单位开展组织工作。

非在校12岁至17岁人群则按照就业和非就业安排接种。16岁至17岁就业人群由各行业主管部门与各区协同配合组织至指定接种点进行疫苗接种。非就业人群（含12岁至17岁出国留学人员）由所在街道（乡镇）组织至指定接种点接种。

据了解，此次12岁至17岁人群使用的新冠病毒疫苗是经国家有关部门的批准、可用于该年龄段人群的新冠病毒灭活疫苗，包括国药中生北京所和北京科兴中维公司研制的新冠病毒灭活疫苗。

记者了解到，截至7月20日12时，北京市累计报告接种新冠病毒疫苗3615.35万剂次，累计接种1862.06万人，其中1764.34万人完成全程接种，全市18岁及以上人群新冠病毒疫苗第1剂接种率达到95.63%，全程接种率达90.61%。

未来，北京市将结合疫情形势、防控需求、人群特点等情况，按照国家统一安排开展3岁至11岁人群的接种工作。（完）

图说1：7月21日，来自首都师范大学附属中学永定分校的学生在北京市门头沟区永定镇惠康文化活动中心疫苗临时接种点排队等候接种新冠病毒疫苗。新华社记者 张晨霖 摄

图说2：7月21日，在北京市西城区展览路街道新冠疫苗接种点未成年人接种处，医护人员为一名高中生接种新冠病毒疫苗。新华社记者 任超 摄
图说3：7月21日，在北京市西城区展览路街道新冠疫苗接种点未成年人登记处，医护人员询问一名高中生的信息。新华社记者 任超 摄