RCEP တွန်းအားပေးမှုကြောင့် တရုတ်ဈေးကွက်သို့ ပိုမိုများပြားသောအာဆီယံထုတ်ကုန်များ တင်ပို့ ရောင်းချလျက်ရှိ

နန်နင်း၊ ဇူလိုင် ၂၅ ရက် (ဆင်ဟွာ)

အာဆီယံနိုင်ငံများမှ ထွက်ကုန်ကောင်းများဖြစ်သည့် ထိုင်းနိုင်ငံမှ ဒူးရင်းသီး ၊ မင်းကွတ်သီး ၊ ဗီယက်နမ်မှ ကော်ဖီ၊ အင်ဒိုနီးရှားမှ ဝေဖာ စသည်တို့က ပူပြင်းသော နွေရာသီတွင် တရုတ်နိုင်ငံ စားသုံးသူများ၏ အာသီသပြင်းပြမှုကို ဖြည့်ဆည်းနိုင်ခဲ့သည်။ RCEP စတင်အသက်ဝင်ချိန်မှစ၍ အာဆီယံနိုင်ငံများမှ တင်ပို့သော လယ်ယာထွက်ကုန် ၊ အစားအစာ ၊ စက်မှုထုတ်ကုန်စသည့်ကုန်ပစ္စည်းများသည် ပိုမိုများပြားသော ပမာဏဖြင့် တရုတ်ဈေးကွက်သို့ အဆင်ပြေချောမွေ့စွာ ဝင်ရောက်လာခဲ့သည်။ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု (RCEP) သည် ၂၀၂၂ ခုနှစ် ဇန်နဝါရီ ၁ ရက်တွင် စတင်အသက်ဝင်ခဲ့ပြီး နှစ်ဝက်ကျော်ရှိပြီဖြစ်ရာ မူဝါဒဆိုင်ရာ အကျိုးခံစားခွင့်များ တဖြည်းဖြည်း ခွင့်ပြုပေးခဲ့သောကြောင့် တရုတ်နှင့် အာဆီယံနိုင်ငံများအကြား စီးပွားရေး ကုန်သွယ်မှု ပူးပေါင်းဆောင်ရွက်မှုကို ထိရောက်စွာ မြှင့်တင်ပေးခဲ့သည်။ တရုတ်နိုင်ငံ နိုင်ငံခြားကုန်သွယ်မှုသည် ယခုနှစ် ပထမနှစ်ဝက်တွင် တည်ငြိမ်သော ဖွံ့ဖြိုးတိုးတက်မှုကို အကောင်အထည်ဖော်နိုင်ခဲ့ရာ သွင်းကုန်ပို့ကုန် စုစုပေါင်းတန်ဖိုးမှာ ယွမ် ၁၉.၈ ထရီလီယံဖြစ်ပြီး ကာလတူထက် ၉.၄ ရာခိုင်နှုန်းတိုးလာခဲ့ကြောင်းနှင့် ၎င်းအနက် အာဆီယံနိုင်ငံ၏ သွင်းကုန်ပို့ကုန် ကုန်သွယ်မှုမှာ ယွမ် ၂.၉၅ ထရီလီယံဖြစ်ပြီး ၁၀.၆ ရာခိုင်နှုန်း တိုးလာခဲ့ကြောင်း တရုတ်နိုင်ငံ အကောက်ခွန်ရုံးချုပ်က ထုတ်ပြန်သော အချက်အလက်များအရ သိရသည်။

တရုတ်နိုင်ငံ၏ အနောက်တောင်ပိုင်းဒေသတွင် တည်ရှိသော ကွမ်ရှီးပြည်နယ်သည် အာဆီယံနိုင်ငံများနှင့် ကုန်းကြောင်းရေကြောင်း အပြန်အလှန်ချိတ်ဆက်လျက်ရှိရာ တရုတ်နှင့် RCEP နိုင်ငံများအကြား ပူးပေါင်းဆောင်ရွက်မှု၏ အရေးကြီးသော အစိတ်အပိုင်းဖြစ်ကြောင်း သိရသည်။ မကြာသေးမီနှစ်များတွင် အနောက်ဘက် ကုန်းကြောင်း ရေကြောင်းစင်္ကြံသစ်တည်ဆောက်ရေး အခွင့်အလမ်းကို အမှီပြု၍ အအေးကွင်းဆက်နှင့် အအေးခန်းစသော ဝန်ဆောင်မှုပေး အခြေခံအဆောက်အအုံများ စဉ်ဆက်မပြတ် တိုးတက်ကောင်းမွန်အောင် ဆောင်ရွက်ခဲ့ပြီး အာဆီယံနိုင်ငံများမှ သစ်သီးဝလံ၊ အစားအစာ နှင့် လယ်ယာထွက်ကုန်စသည်တို့ကို တရုတ်နိုင်ငံဈေးကွက်သို့ မြန်ဆန်စွာ တင်ပို့ရောင်းချနိုင်ခဲ့သည်။

မကြာသေးမီက နန်နင်းမြို့ရှိ ထိုင်းကောင်စစ်ဝန်ရုံးချုပ်သည် ထိုင်းကုန်ပစ္စည်းများကို မြှင့်တင်ရန်အတွက် “Thailand Carnival – 2022 Thailand Shopping Festival” ကို တရုတ်နိုင်ငံ နန်နင်းမြို့၌ ကျင်းပခဲ့သည်။ အဆိုပါ ဈေးဝယ်ပြပွဲသည် တရုတ်နိုင်ငံ ပြည်သူလူထုများအကြား ရေပန်းစားလာသဖြင့် ပွဲတော်၏ ကျင်းပချိန်ကို မူလသတ်မှတ်ချိန်ဖြစ်သည့် ၉ ရက်မှ ၁၅ ရက်အထိ တိုးမြှင့်ခဲ့ရကြောင်း သိရသည်။

ထိုင်းနိုင်ငံ စီးပွားရေးဌာနသည် တရုတ်ဈေးကွက်ကို အထူးအလေးထားပြီး ကွမ်ရှီးပြည်နယ်နှင့် ပူးပေါင်းကာ ဈေးဝယ်ပြပွဲကို နှစ်စဉ်ကျင်းပခဲ့ရာ ယခုချိန်အထိဆိုလျှင် ၁၀ နှစ်တိုင်တိုင် ကျင်းပခဲ့ပြီဖြစ်ကြောင်း သိရသည်။ ထိုင်းနိုင်ငံ ဆန်မွှေးများ၊ မုန့်ပဲသရေစာများ ၊ တုန်ယမ်းအနှစ်စသည့် ရိုးရာအစားအစာများနှင့် ရွှေခေါင်းအုံးဒူးရင်း၊ မင်းကွတ်သီး ၊ သရက်သီးစသည့် အရည်အသွေးမြင့် ထွက်နှုန်းကောင်းသည့် ပင်ရင်းသစ်သီးဝလံများ အပါအဝင် ရာနှင့်ချီသော ထိုင်းနိုင်ငံမှ တင်သွင်းသည့် ကုန်ပစ္စည်းများသည် တရုတ်နိုင်ငံဈေးကွက်သို့ ဝင်ရောက်‌ရောင်းချလျက်ရှိကြောင်း သိရသည်။

“စားသုံးသူတွေဟာ အာဆီယံထုတ်ကုန်တွေအပေါ် ပိုမိုအသိအမှတ်ပြုလာကြပြီး ဝယ်လိုအားလည်း ဆက်လက်မြင့်မားနေပါတယ်။” ယခုနှစ်များအတွင်းတွင် အာဆီယံထုတ်ကုန်များသည် စားသုံးသူများအကြား အထူးပင်ရေပန်းစားလာခဲ့သဖြင့် အရောင်းမြှင့်တင်ရန်အတွက် ကျင်းပသော ဈေးဝယ်ပြပွဲမှာ ထူးထူးခြားခြား ရလဒ်များရရှိခဲ့သည့်အပြင် ဒူးရင်းသီးရောင်းချမှုမှာ တစ်ခါတစ်ရံတွင် တစ်ရက်အတွင်း ယွမ် ၁၀၀,၀၀၀ ခန့်အထိ ရောင်းချနိုင်ခဲ့သည်ဟု နန်နင်း Crystal City ရှိ ဖုန်းရွင့်စူပါမားကတ် အထွေထွေမန်နေဂျာ လီဝန်ချင်းက မိတ်ဆက်ပြောကြားခဲ့သည်။

ကွမ်ရှီးရှိ Ant Foreign Goods သည် နယ်စပ်ဖြတ်ကျော် e-commerce အဖြစ် နှစ်ပေါင်းများစွာ ဆောင်ရွက်လာရာ နယ်စပ်ဖြတ်ကျော် ကုန်ပစ္စည်းအမျိုးအစားများမှာ ပိုမိုပေါများ ကြွယ်ဝလာခဲ့သည်။ မလေးရှားမှ Musang King ဒူးရင်း၊ ဗီယက်နမ်မှ ကော်ဖီ၊ ထိုင်းမှ ရာဘာစေးဖြင့် ပြုလုပ်သော အိပ်ရာအသုံးအဆောင်ပစ္စည်း စသည်တို့အနက် ဌက်သိုက်နှင့် ဒူးရင်းသည် လူကြိုက်အများဆုံး အမျိုးအစားများဖြစ်ကြောင်းနှင့် ယခုနှစ် ဇန်နဝါရီလမှ ဇွန်လအထိ တန်ဖိုး ယွမ် သန်း ၆၀ ကျော်ရှိသည့် ငှက်သိုက် ၄.၉ တန်ကို တင်သွင်းခဲ့ကြောင်း သိရသည်။

“RCEP ဟာ ကျွန်တော်တို့ကုမ္ပဏီ ဖွံ့ဖြိုးတိုးတက်မှုအတွက် အပြုသဘောဆောင်တဲ့ အကျိုးသက်ရောက်မှုတွေ ဆောင်ကြဉ်းပေးခဲ့တယ်။ RCEP ကြောင့် အာဆီယံကုန်ပစ္စည်းတင်သွင်းမှုက တစ်နေ့တစ်ခြားပိုမို အဆင်ပြေလာပြီး အမျိုးအစားမှာလည်း စုံလင်လာပါတယ်။ လက်ရှိ ကုမ္ပဏီဟာ အာဆီယံ အရည်အသွေးမြင့် ထုတ်ကုန်တွေ တရုတ်နိုင်ငံသို့ ပိုမိုတင်ပို့နိုင်ဖို့အတွက် အာဆီယံနိုင်ငံရှိ ကုန်ပစ္စည်းအမှတ်တံဆိပ် အများအပြားနှင့် တက်ကြွစွာ အဆက်အသွယ်ပြုလုပ်နေတယ်” ဟု Ant Foreign Goods ထောက်ပို့မှုကွင်းဆက်ဆိုင်ရာ စီမံခန့်ခွဲမှု ကုမ္ပဏီတာဝန်ရှိသူက ပြောကြားခဲ့သည်။

ယခုနှစ်များအတွင်းတွင် တရုတ်-အာဆီယံ နယ်စပ်ဖြတ်ကျော် e-commerce သွင်းကုန်ပို့ကုန် ပမာဏသည် တစ်နေ့တစ်ခြား တိုးတက်လျက်ရှိကြောင်း၊ RCEP အသက်ဝင်ပြီးနောက် အာဆီယံနယ်စပ်ဖြတ်ကျော် e-commerce ဖွံ့ဖြိုးတိုးတက်မှု အလားအလာသည် ထပ်ဆင့်တိုးအားကောင်းခဲ့ပြီး ပိုမိုများပြားသော အာဆီယံထုတ်ကုန်များသည် e-commerce မှတစ်ဆင့် တရုတ်ပြည်သူလူထုများဆီသို့ ရောက်ရှိလာခဲ့သည်။

တရုတ်စားသုံးသူများက ထိုင်းနိုင်ငံထုတ်ကုန်များအပေါ် အမြဲနှစ်သက်မှုရှိကြောင်း၊ RCEP အသက်ဝင်အကောင်အထည်ဖော်မှုနှင့်အမျှ ဒေသတွင်းကုန်သွယ်မှု၏ ပိုမိုအဆင်ပြေချောမွေ့မှု၊ လွတ်လပ်မှုမှာ ထိုင်း-တရုတ်၊ အာဆီယံ-တရုတ် အကြား ကုန်သွယ်မှု အလားအလာ ပိုမိုကျယ်ပြန့်စေခဲ့ကြောင်း နန်နင်းမြို့ရှိ ထိုင်းကောင်စစ်ဝန်ချုပ်ရုံး၏ စီးပွားရေးဆိုင်ရာ ကောင်စစ်ဝန် Wanda Ratanapani က ပြောကြားခဲ့သည်။ (Xinhua)

————————

更多东盟商品在RCEP推动下销往中国市场
新华社南宁7月24日电 题：更多东盟商品在RCEP推动下销往中国市场
新华社记者潘强 朱丽莉 赵欢
泰国榴莲山竹、越南咖啡、印尼威化饼……炎炎夏日，多种东盟国家地道好物热销，丰富了广大中国消费者的味蕾。RCEP生效实施以来，来自东盟国家的农产品、休闲食品、工业用品等货物更多、更便捷地进入中国市场。
区域全面经济伙伴关系协定（RCEP）自2022年1月1日生效实施，已逾半年，政策红利逐步释放，有效推动中国与东盟国家经贸合作。海关总署数据显示，今年上半年，中国外贸实现稳步增长，货物贸易进出口总值19.8万亿元，同比增长9.4%，其中中国对东盟进出口2.95万亿元，增长10.6%。
广西位于中国西南地区，与东盟国家陆海相连，是中国与RCEP国家交流合作的重要窗口。近年来，依托西部陆海新通道建设的机遇，冷链、冷库等服务配套基础设施不断完善，助推东盟国家水果、零食、农产品等快速出口到中国。
近日，由泰王国驻南宁总领事馆商务处携手广西大型商超、贸易公司举办的“泰狂欢—2022泰国嗨购节”购物狂欢节活动在广西南宁开幕，因备受广大市民喜爱，原定9天的购物活动延长至15天。
泰国商务部门十分重视中国市场，每年联手广西打造泰国购物狂欢节，至今已举办10年。泰国香米、休闲小吃、冬阴功酱料等特色食品，以及金枕榴莲、山竹、芒果等原产高品质水果……上百种进口泰国商品进驻超市，面向顾客让利促销。
“消费者对东盟国家商品的认知度越来越高，购买热情也持续高涨。”南宁水晶城丰润家超市总经理黎文清介绍，近年来，东盟商品深受消费者喜爱，活动促销成效显著，有时榴莲单日就能销售近10万元。
蚂蚁洋货作为广西本土跨境电商平台，多年来从事跨境电商贸易，跨境商品品种不断丰富。马来西亚猫山王榴莲、越南咖啡、泰国乳胶寝具……其中，燕窝和榴莲是蚂蚁洋货的热销品类。据介绍，蚂蚁洋货今年1至6月实现进口燕窝（净燕）4.9吨，货值超6000万元。
“RCEP对我们公司的发展带来了积极影响，关税减让和通关时效变快，让我们进口东盟商品日益便利和多样。”广西蚂蚁洋货供应链管理有限公司运营经理彭雪艳说，公司正积极与东盟国家多家商品品牌联络，帮助更多优质产品进入中国市场。
近年来，中国—东盟跨境电商进出口规模与日俱增。RCEP生效后，中国—东盟跨境电商发展势头进一步增强，越来越多东盟商品通过电商平台进入中国寻常百姓家。
泰王国驻南宁总领事馆商务处商务领事万达·拉塔纳帕尼表示，泰国产品一直以来备受中国消费者喜爱，伴随RCEP生效实施，区域贸易投资便利化、自由化进一步加深，泰中、东盟国家同中国贸易前景十分广阔。（完）