China

ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထုတ်ပြန်ခြင်း နှစ် ၇၀ ပြည့် အထိမ်းအမှတ် ညီလာခံ ပေကျင်းမြို့တွင် ကြီးကျယ်ခမ်းနားစွာ ကျင်းပ၊ တရုတ်နိုင်ငံ သမ္မတ ရှီကျင့်ဖိန် အခမ်းအနားသို့ တက်ရောက်၍ အရေးကြီး မိန့်ခွန်းပြောကြား

ပေကျင်း၊ ဇွန် ၂၉ ရက် (ဆင်ဟွာ)
ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထုတ်ပြန်ခြင်း နှစ် ၇၀ ပြည့် အထိမ်းအမှတ် ညီလာခံကို ဇွန် ၂၈ ရက် နံနက်ပိုင်းက ပေကျင်းမြို့တွင် ကြီးကျယ်ခမ်းနားစွာ ကျင်းပခဲ့သည်။ တရုတ်နိုင်ငံ သမ္မတ ရှီကျင့်ဖိန်က အဆိုပါ ညီလာခံ အခမ်းအနားသို့ တက်ရောက်၍ 《ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်ကို ကျယ်ပြန့်အောင် ဆောင်ရွက်၍ လူသားမျိုးနွယ်တို့ အေးအတူ၊ ပူအမျှ လက်တွဲအတူ တည်ဆောက်ကြမည်》ဟူသော ခေါင်းစဉ်ဖြင့် အရေးကြီးမိန့်ခွန်း ပြောကြားခဲ့သည်။

ထိုသို့ မိန့်ခွန်းပြောကြားရာ၌ သမ္မတ ရှီကျင့်ဖိန်က မျက်မှောက်ခေတ် လူ့ဘောင်အဖွဲ့အစည်းဖွံ့ဖြိုးတိုးတက်မှု သမိုင်းဖြစ်စဉ်တွင် နိုင်ငံအချင်းချင်းဆက်ဆံရေး စီမံရန်၊ ကမ္ဘာ့ငြိမ်းချမ်းသာယာရေးကို အတူတကွ ကာကွယ်ထိန်းသိမ်းရန်၊ လူသားမျိုးနွယ်တစ်ရပ်လုံး ဖွံ့ဖြိုးတိုးတက်ရေးကို မြှင့်တင်ရန်တို့မှာ နိုင်ငံအားလုံးက မဆုတ်မနစ်ကြိုးပမ်းကြရသော ကြီးမားသည့် ကိစ္စရပ်များ ဖြစ်ပါကြောင်း ပြောကြားခဲ့သည်။

လွန်ခဲ့သည့် နှစ်ပေါင်း ၇၀ က အမျိုးသား လွတ်လပ်ရေးနှင့် လွတ်မြောက်ရေး လှုပ်ရှားမှုများ ကျယ်ကျယ်ပြန့်ပြန့် ဖြစ်ပွားခဲ့ရာ ကမ္ဘာ့ကိုလိုနီစနစ် ပြိုလဲခဲ့သလို စစ်အေးကာလ တိမ်ရိပ်မည်းများက ကမ္ဘာကို လွှမ်းခြုံခဲ့ပြီး “အာဏာပါဝါသည်သာ အမှန်တရား ” ဟူသော မာနထောင်လွှားနေခဲ့ရာ လွတ်လပ်ရေးရပြီးခါစ ထွန်းသစ်စနိုင်ငံများက နိုင်ငံ၏အချုပ်အခြာအာဏာကို ကာကွယ်ထိန်းသိမ်းရန်၊ အမျိုးသားအကျိုးစီးပွား တိုးတက်ဖွံ့ဖြိုးရန် လိုလားတောင့်တကြကြောင်း ၊ တရုတ်နိုင်ငံ ခေါင်းဆောင်ပိုင်းက ပထမဆုံးအကြိမ်အဖြစ် တစ်နိုင်ငံ၏ နယ်မြေတည်တံ့မှုနှင့် အချုပ်အခြာ အာဏာပိုင်ဆိုင်မှုကို တစ်နိုင်ငံက လေးစားရန်၊ တစ်နိုင်ငံနှင့် တစ်နိုင်ငံ ကျူးကျော်တိုက်ခိုက်မှု မပြုလုပ်ရန်၊ တစ်နိုင်ငံနှင့် တစ်နိုင်ငံ ပြည်တွင်းရေး ကိစ္စများတွင် ဝင်ရောက်စွက်ဖက်ခြင်း မပြုရန်၊ တစ်နိုင်ငံနှင့် တစ်နိုင်ငံ တန်းတူရည်တူရှိရန်၊ နှစ်ဦးနှစ်ဖက်အကျိုး ဖြစ်ထွန်းရန်နှင့် ငြိမ်းချမ်းစွာအတူ ယှဉ်တွဲနေထိုင်ရန် ဟူသော မူကြီး ၅ ရပ်ကို အဆိုပြုခဲ့ကြောင်း၊ ယင်းမူကြီး ၅ ရပ်ကိုလည်း တရုတ်-အိန္ဒိယ၊ တရုတ်-မြန်မာ ပူးတွဲကြေညာချက်များတွင် ထည့်သွင်းခဲ့သလို နိုင်ငံအချင်းချင်းဆက်ဆံရေး လမ်းညွှန်မှု အခြေခံမူအဖြစ် အတူတကွ အဆိုပြုခဲ့ကြကြောင်း ၎င်းက ပြောကြားခဲ့သည်။

နှစ်ပေါင်း ၇၀ ကြာကာလတွင် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်သည် အချိန်ကာလနှင့် ကွာခြားချက်များကို ကျော်လွှားပြီး ပိုမိုခိုင်မာအားကောင်းလာခဲ့ရာ ပွင့်လင်း၍အားလုံးပါဝင်မှု၊ အများသင့်လျော်မှုရှိသော နိုင်ငံတကာ ဆက်ဆံရေး အခြေခံမူနှင့် နိုင်ငံတကာ ဥပဒေ အခြေခံမူများ ဖြစ်လာခဲ့ကြောင်း၊ ၎င်းမှာ နိုင်ငံတကာ ဆက်ဆံရေးနှင့် နိုင်ငံတကာ တရားဥပဒေစိုးမိုးရေးအတွက် သမိုင်းစံသတ်မှတ်ချက်၊ လူမှုစနစ်ချင်းမတူညီသောနိုင်ငံချင်း ဆက်ဆံရေး ထူထောင်ရေးနှင့် ဖွံ့ဖြိုးတိုးတက်ရေးအတွက် မှန်ကန်သော လမ်းညွှန်၊ ဖွံ့ဖြိုးဆဲနိုင်ငံများ တစ်ညီတစ်ညွတ်တည်း ပူးပေါင်းဆောင်ရွက်မှု၊ လက်တွဲဆောင်ရွက်ခြင်းဖြင့် မိမိတို့ ကိုယ်စီ အင်အားတောင့်တင်းစေမှုအတွက် ကြီးမားသောခွန်အား၊ နိုင်ငံတကာစနစ် ပြုပြင်ပြောင်းလဲရေးနှင့် ပြည့်စုံကောင်းမွန်အောင် ဆောင်ရွက်ရေးအတွက် သမိုင်း၏ဉာဏ်ပညာ၊ လူသားမျိုးနွယ် တိုးတက်ရေးအတွက် ဖျောက်ဖျက်မရသည့် သမိုင်းအကျိုးဆောင်မှု ဖြစ်စေခဲ့ကြောင်း သမ္မတ ရှီက ပြောကြားခဲ့သည်။

နှစ်ပေါင်း ၇၀ ကြာပြီးနောက် ယနေ့အချိန်အခါ၌ “ဘယ်လိုမျိုး ကမ္ဘာကို တည်ဆောက်မလဲ၊ ဘယ်လို တည်ဆောက်ကြမလဲ” ဆိုသည့် အမေးကို ရင်ဆိုင်ရာတွင် လူသားမျိုးနွယ် အေးအတူ၊ ပူအမျှ အသိုက်အဝန်း တည်ဆောက်ကြမည်ဟူသော ယနေ့ခေတ်အဖြေကို တရုတ်နိုင်ငံက ထပ်မံဖြေဆိုပြီး ဖြစ်ပါကြောင်း သမ္မတ ရှီကျင့်ဖိန်က အလေးထား ပြောကြားခဲ့သည်။

လူသားမျိုးနွယ် အေးအတူ၊ ပူအမျှ အသိုက်အဝန်း တည်ဆောက်ရေး အတွေးအခေါ် နှင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်မှာ တစ်မျိုးတစ်နွယ်တည်းဖြစ်ပြီး အားလုံးမှာ အိမ်နီးချင်းအား ချစ်ကြည်ရင်းနှီးမှု၊ ကရုဏာတရားဖြင့် စေတနာထား ဆက်ဆံခြင်း၊ ယုံကြည်မှုဖြင့် သင့်မြတ်မှုကို ဖော်ဆောင်ခြင်း၊ နိုင်ငံအသီးသီး၏ သဟဇာတဖြစ်မှုကို ဖော်ဆောင်ခြင်း ဟူသော တရုတ်နိုင်ငံ၏ ထူးချွန်ကောင်းမွန်သည့် ရိုးရာယဉ်ကျေးမှုတွင် အခြေတည်ကြောင်း၊ ၎င်းမှာ တရုတ်နိုင်ငံ သံတမန်ဆက်ဆံရေး၏ မိမိကိုယ်ကို ယုံကြည်ခြင်း၊ ရပ်တည်ခြင်း၊ တရားမျှတမှုကို လက်ကိုင်ထားခြင်း၊ အားနည်းသူကို ဖေးမကူမည့် ကရုဏာတရားရှိခြင်းဟူသော စိတ်ဓာတ်ကို ပြသလျက်ရှိသလို လူသားမျိုးနွယ်အတွက် ပို၍ကြီးမားသော အကျိုးကို ဖော်ဆောင်လိုသည့် တရုတ်ကွန်မြူနစ်ပါတီ၏ ကမ္ဘာအပေါ်ထားသော သဘောထား၊ တရုတ်နိုင်ငံက ငြိမ်းချမ်းစွာ ဖွံ့ဖြိုးတိုးတက်ရေးလမ်းကို ခိုင်မာစွာ လျှောက်လှမ်းမည့် သန္နိဋ္ဌာန်ကို ပြသခြင်း ဖြစ်ရာ အခင်းအကျင်းသစ်တွင် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်ကို အကောင်းဆုံး ဆက်ခံခြင်း၊ ကျယ်ပြန့်အောင် ဆောင်ရွက်ခြင်းနှင့် မြှင့်တင်ခြင်း ဖြစ်ပါကြောင်း ၎င်းက ပြောကြားခဲ့သည်။
ဤအတွေးအခေါ်သည် နိုင်ငံတစ်နိုင်ငံ နှင့် တစ်နိုင်ငံ ကံကြမ္မာချင်း ယှက်နွယ်နေခြင်း၊ အေးအတူ ပူအမျှ ဖြစ်ခြင်း ဟူသော ဓမ္မဓိဋ္ဌာန် အဖြစ်မှန်ပေါ်တွင် ရပ်တည်ခြင်း ဖြစ်ရာ တန်းတူညီမျှမှုနှင့် အတူယှဉ်တွဲနေထိုင်မှု စံပြပုံစံသစ် ဖြစ်ကြောင်း၊ ငြိမ်းချမ်းရေး၊ ဖွံ့ဖြိုးရေး၊ ပူးပေါင်းဆောင်ရွက်ရေး၊ ဘုံအကျိုးစီးပွားဖော်ဆောင်ရေး ဟူသော ခေတ်ရေစီးကြောင်းနှင့်အညီ ငြိမ်းချမ်းရေးနှင့်တိုးတက်ရေး အလားအလာသစ်များကို ဖွင့်လှစ်လိုက်ခြင်း ဖြစ်ကြောင်း၊ ကမ္ဘာကြီး ဗဟုအသွင် ပြောင်းလဲလာမှုနှင့် ကမ္ဘာလုံးဆိုင်ရာ စီးပွားရေးအသွင် ပြောင်းလဲလာမှု ဟူသော သမိုင်းအခြေအနေတွင် ဖွံ့ဖြိုးတိုးတက်ရေးနှင့် လုံခြုံရေး လက်တွေ့လုပ်ဆောင်မှုကို ပို၍ ပြည့်စုံစေကြောင်း သမ္မတ ရှီကျင့်ဖိန်က ပြောကြားခဲ့သည်။

သမ္မတ ရှီက ငြိမ်းချမ်းရေးနှင့် စစ်ပွဲ၊ ဖွံ့ဖြိုးတိုးတက်မှုနှင့် ယိုယွင်းဆုတ်ယုတ်မှု၊ စည်းလုံးညီညွတ်မှုနှင့် ထိပ်တိုက်ရင်ဆိုင်မှုကို ရင်ဆိုင်ရမည့် သမိုင်းရွေးချယ်မှုကို ရင်ဆိုင်ရာတွင် မိမိတို့သည် မည်သည့်အချိန်ကထက်မဆို ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်၏ စိတ်ဓာတ်ကို ပို၍ မြှင့်တင်သွားရန်၊ လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေးဟူသော ကြီးမြတ်လှသည့် ရည်မှန်းချက်ကို ဦးတည်ကာ မဆုတ်မနစ် ကြိုးပမ်းသွားရန် ပို၍ လိုအပ်ကြောင်း ထောက်ပြပြောကြားခဲ့သည်။

— မိမိတို့သည် အချုပ်အခြာအာဏာ တန်းတူညီမျှရှိမှုကို လက်ကိုင်ထားရမည် ဖြစ်ကြောင်း၊ တန်းတူညီမျှ၊ စနစ်တကျ ရှိသော ကမ္ဘာဗဟုအသွင်ပြောင်းလဲမှုကို တိုက်တွန်းအားပေးခြင်းမှာ ဗဟုစနစ်တွင် နိုင်ငံတိုင်းက မိမိနှင့်သက်ဆိုင်သောနေရာကို ရနိုင်ပြီး နိုင်ငံတကာ ဥပဒေနှင့်အညီ ပါဝင်သင့်သည့်အခန်းကဏ္ဍမှ ပါဝင်နိုင်မည်ဖြစ်သလို ကမ္ဘာ ဗဟုအသွင်ပြောင်းဖြစ်စဉ်သည် ယေဘုယျအားဖြင့် တည်ငြိမ်ပြီး အပြုသဘောရှိစေနိုင်မည် ဖြစ်ကြောင်း ၊
— မိမိတို့သည် အပြန်အလှန်လေးစားမှု အခြေခံအုတ်မြစ်ကို ခိုင်မာအောင် လုပ်ဆောင်ရမည် ဖြစ်ကြောင်း၊ ဗဟိုအကျိုးစီးပွားနှင့် အဓိက စိုးရိမ်မှုများကို အပြန်အလှန်လေးစားခြင်း၊ နိုင်ငံတိုင်းရှိ ပြည်သူများမှ လွတ်လပ်စွာ ရွေးချယ်သော ဖွံ့ဖြိုးတိုးတက်ရေးလမ်းနှင့် စနစ်ပုံစံကို လေးစားရမည် ဖြစ်ပြီး အခြားနိုင်ငံ၏ပြည်တွင်းရေးကို စွက်ဖက်ခြင်းမပြု ဟူသော “ရွှေစည်းမျဉ်း” အား အတူတကွ ကာကွယ်ထိန်းသိမ်းရမည် ဖြစ်ကြောင်း၊ မိမိ၏သဘောဆန္ဒကို အခြားသူတွင် အတင်းအဓမ္မ ပုံသွင်းခြင်း ၊ “အဖွဲ့ငယ်” အမျိုးမျိုးဖွဲ့၍ အုပ်စုလိုက် ထိပ်တိုက်ရင်ဆိုင်မှုလုပ်ခြင်း၊ အခြားနိုင်ငံအား ဖိအားပေး ဘက်ရွေးရပ်တည်စေခြင်းကို အတူတကွ ဆန့်ကျင်ရမည် ဖြစ်ကြောင်း၊

— မိမိတို့သည် ငြိမ်းချမ်းရေးနှင့် လုံခြုံရေး လိုလားမှုမျှော်လင့်ချက်ကို လက်တွေ့အဖြစ် ပြောင်းလဲရမည် ဖြစ်ကြောင်း၊ ငြိမ်းချမ်းရေး ထိန်းသိမ်းမှု တာဝန်ကို အတူထမ်းဆောင်ရမည် ဖြစ်သလို ငြိမ်းချမ်းစွာ ဖွံ့ဖြိုးတိုးတက်ရေးလမ်းကို အတူလျှောက်လှမ်းရမည် ဖြစ်ကြောင်း၊ ငြိမ်းချမ်းရေးကို အတူကြိုးပမ်း၊ အတူ ထိန်းသိမ်း၍ အတူ မျှဝေရမည် ဖြစ်ကြောင်း ၊ ကမ္ဘာလုံးဆိုင်ရာ လုံခြုံရေးအဆိုပြုချက် (GSI) ကို အကောင်အထည်ဖော်၍ ပူးပေါင်းဆောင်ရွက်မှုဖြင့် ဖွံ့ဖြိုးတိုးတက်ရေးနှင့် လုံခြုံရေးကို မြှင့်တင်ကာ ပို၍ မျှတမှု၊ ထိရောက်မှုရှိသော ရေရှည် လုံခြုံရေး မူဘောင် တည်ဆောက်ရမည် ဖြစ်ကြောင်း၊

— မိမိတို့သည် သာယာဝပြောရေးကို အတူတည်ဆောက်မည့် အင်အား စုစည်းရမည် ဖြစ်ကြောင်း၊ မိမိတို့အနေဖြင့် အများအကျိုးဖြစ်ထွန်းပြီး အားလုံးပါဝင်မှုရှိသော ကမ္ဘာလုံးဆိုင်ရာ စီးပွားရေးအသွင်ပြောင်းမှုကို တိုက်တွန်းအားပေးသွားမည် ဖြစ်သလို “ရပ်ဝန်းနှင့် ပိုးလမ်းမ”အရည်အသွေးမြင့် တည်ဆောက်ရေးကို တွန်းအားပေးခြင်း၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေး အဆိုပြုချက်（GDI）ကို အကောင်အထည်ဖော်ခြင်းဖြင့် နိုင်ငံအသီးသီးပြည်သူများနှင့်အတူ ဖွံ့ဖြိုးတိုးတက်ရေး ရလဒ်များကို မျှဝေကာ ဖွံ့ဖြိုးတိုးတက်သာယာဝပြောရေးကို အတူ ကြိုးပမ်းဆောင်ရွက်သွားမည် ဖြစ်ကြောင်း ၊
— မိမိတို့သည် တရားမျှတမှုကို လက်ကိုင်ထားရမည် ဖြစ်ကြောင်း၊ အတူဆွေးနွေး၊ အတူတည်ဆောက် ၊ အတူ မျှဝေသည့် ကမ္ဘာလုံးဆိုင်ရာ စီမံခန့်ခွဲမှုအမြင်ကို တိုက်တွန်းအားပေးရမည် ဖြစ်ကြောင်း၊ စစ်မှန်သော နိုင်ငံပေါင်းစုံ ပူးပေါင်းဆောင်ရွက်ရေးဝါဒကို လက်တွေ့ဖော်ဆောင်ရမည် ဖြစ်သလို နိုင်ငံတကာ စည်းမျဉ်းကို နိုင်ငံ အသီးသီးက အတူတကွ ရေးဆွဲ ၊ အတူတကွ ထိန်းသိမ်းရမည် ဖြစ်ပြီး ကမ္ဘာ့ရေးရာကိစ္စများကို နိုင်ငံအသီးသီး ဆွေးနွေးညှိနှိုင်းပြီး ဆောင်ရွက်ရမည် ဖြစ်ကြောင်း၊

— မိမိတို့သည် ပွင့်လင်း၍ အားလုံးပါဝင်မှုရှိသော သဘောထားကို ပြသရမည် ဖြစ်ကြောင်း၊ ကမ္ဘာလုံးဆိုင်ရာ ယဉ်ကျေးမှုအဆိုပြုချက် （GCI）ကို ဖော်ဆောင်ခြင်းမှာ ပြည်သူချင်း အပြန်အလှန် နားလည်မှုနှင့်ချစ်ကြည်ရင်းနှီးမှု၊ ယဉ်ကျေးမှုချင်း အပြန်အလှန် သင်ယူလေ့လာ လက်ခံမှုကို မြှင့်တင်ရန် ဖြစ်ကြောင်း ၊ ဤကမ္ဘာကြီးသည် နိုင်ငံအသီးသီး အတူတကွ ဖွံ့ဖြိုးတိုးတက်စေရန် လုံလောက်ပါကြောင်း၊ မတူညီသော ယဉ်ကျေးမှုများသည် တန်းတူညီမျှ ဆက်ဆံမှု၊ အပြန်အလှန်လေ့လာသင်ယူမှုဖြင့် တစ်စုတစ်စည်းတည်း တောက်ပနိုင်ပါကြောင်း သမ္မတ ရှီက
ပြောကြားခဲ့သည်။

စည်းလုံးညီညွတ်စွာ ပူးပေါင်းဆောင်ရွက်မှုကို အားဖြည့်ခြင်း၊ ဆွေးနွေးညှိနှိုင်းမှုဖြင့် နားလည်မှု တိုးပွားစေခြင်းသည် စိန်ခေါ်မှုများကို အတူရင်ဆိုင်ခြင်းနှင့် အနာဂတ်ကို အတူဖန်တီးခြင်း၏ ထိရောက်သော နည်းလမ်းဖြစ်သည် ဆိုသည်မှာ နှစ်ပေါင်း ၇၀ ကြာသမိုင်းကြောင်းတွင် ကြိမ်ဖန်များစွာ သက်သေပြပြီး ဖြစ်ကြောင်း သမ္မတ ရှီကျင့်ဖိန်က အလေးထားပြောကြားခဲ့သည်။ “ကမ္ဘာ့တောင်ဘက်ခြမ်း” ၏ အရှိန်အဝါ ကြီးမားလာရာ လူသားမျိုးနွယ်တိုးတက်ရေးကို မြှင့်တင်ရာတွင် အရေးပါသည့် အခန်းကဏ္ဍမှ ပါဝင်လာကြောင်း၊ သမိုင်း၏စမှတ်သစ်တွင် “ကမ္ဘာ့တောင်ဘက်ခြမ်း” သည် ပို၍ ပွင့်လင်းမှု၊ အားလုံးပါဝင်စေလိုမှုဖြင့် လက်တွဲအတူ ရှေ့သို့ တက်လှမ်းသင့်ပြီး လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေး၏ရှေ့တန်းမှ လျှောက်လှမ်းသင့်ကြောင်း သမ္မတ ရှီက ပြောကြားခဲ့သည်။

မိမိတို့သည် ငြိမ်းချမ်းရေးကို ထိန်းသိမ်းသည့် တည်ငြိမ်မှုအင်အားအဖြစ် အတူတကွ ဆောင်ရွက်ရမည် ဖြစ်ကြောင်း၊ ငြိမ်းချမ်းရေးနည်းလမ်းဖြင့် နိုင်ငံချင်းဖြစ်ပွားသော ကွဲလွဲမှုနှင့် အငြင်းပွားမှုကို ဖြေရှင်းရန် တွန်းအားပေးရမည် ဖြစ်သလို နိုင်ငံတကာနှင့် ဒေသတွင်း အရေးကိစ္စများကို နိုင်ငံရေးဖြင့် ဖြေရှင်းရာတွင် အပြုသဘောအခန်းကဏ္ဍမှ ပါဝင်ရမည် ဖြစ်ကြောင်း၊ မိမိတို့သည် တံခါးဖွင့် ဖွံ့ဖြိုးတိုးတက်မှု၏ ခိုင်မာသော အင်အားအဖြစ် အတူတကွဆောင်ရွက်ရမည် ဖြစ်ကြောင်း ၊ ဖွံ့ဖြိုးတိုးတက်ရေးကို နိုင်ငံတကာအစီအစဉ်၏ ဗဟိုနေရာတွင် ပြန်လည်ရောက်ရှိအောင် တွန်းအားပေးဆောင်ရွက်ရမည် ဖြစ်ပြီး ကမ္ဘာလုံးဆိုင်ရာ ဖွံ့ဖြိုးတိုးတက်ရေး မိတ်ဖက်ဆက်ဆံမှုကို ပြန်လည်တည်ဆောက်ရမည်ဖြစ်သလို ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှုနှင့် ကမ္ဘာ့တောင်ဘက်ခြမ်းနှင့် မြောက်ဘက်ခြမ်းနိုင်ငံများ တွေ့ဆုံဆွေးနွေးမှုကို နက်ရှိုင်းအောင် ဆောင်ရွက်ရမည် ဖြစ်ကြောင်း၊ မိမိတို့သည် ကမ္ဘာလုံးဆိုင်ရာ စီမံခန့်ခွဲမှု၏ အပေါင်းလက္ခဏာ အင်အားအဖြစ် အတူတကွ ဆောင်ရွက်ရမည် ဖြစ်ကြောင်း၊ ကမ္ဘာလုံးဆိုင်ရာ စီမံခန့်ခွဲရေးစနစ် ပြုပြင်ပြောင်းလဲမှုနှင့် တည်ဆောက်မှုတွင် တက်ကြွစွာ ပါဝင်ရမည် ဖြစ်ပြီး ဘက်ပေါင်းစုံ၏ ဘုံအကျိုးစီးပွားကျယ်ပြန့်အောင် ကြိုးပမ်းရမည် ဖြစ်သလို ကမ္ဘာလုံးဆိုင်ရာ စီမံခန့်ခွဲမှု မူဘောင် ပို၍ မျှတမှု၊ ထိရောက်မှု ရှိစေရန် တွန်းအားပေး ဆောင်ရွက်ရမည် ဖြစ်ကြောင်း ၊ မိမိတို့သည် ယဉ်ကျေးမှု အပြန်အလှန်လေ့လာသင်ယူမှုကို မြှင့်တင်သည့် အင်အားစုအဖြစ် အတူတကွ ဆောင်ရွက်ရမည် ဖြစ်ကြောင်း၊ ကမ္ဘာ့နိုင်ငံအသီးသီး မတူကွဲပြားသော ယဉ်ကျေးမှုများ တွေ့ဆုံဆွေးနွေးမှုကို တိုးမြှင့်ရမည် ဖြစ်သလို နိုင်ငံရေးရာ စီမံခန့်ခွဲမှုဆိုင်ရာ ဖလှယ်ရေးကို အားဖြည့်ရမည် ဖြစ်ပြီး ပညာရေး၊ သိပ္ပံနည်းပညာ၊ ယဉ်ကျေးမှု၊ ဒေသန္တရ၊ အရပ်ဖက်၊ လူငယ်ရေးရာ စသည့် ကဏ္ဍများ၏ ဖလှယ်မှုများကို ထဲထဲဝင်ဝင်ဆောင်ရွက်ရမည် ဖြစ်ကြောင်း သမ္မတ ရှီက ပြောကြားခဲ့သည်။

“ကမ္ဘာ့တောင်ဘက်ခြမ်း” ပူးပေါင်းဆောင်ရွက်မှုကို ပိုမို ကောင်းမွန်စွာ အားပေးနိုင်ရန်အတွက် တရုတ်နိုင်ငံအနေဖြင့် “ကမ္ဘာ့တောင်ဘက်ခြမ်း” သုတေသန စင်တာ (Global South research center) ကို တည်ဆောက်သွားမည် ဖြစ်ပြီး အနာဂတ် ၅ နှစ်တွင် “ကမ္ဘာ့တောင်ဘက်ခြမ်း” နိုင်ငံများအတွက် “ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထူးချွန် ပညာသင်ဆု” ၁,၀၀၀ နှင့် မွမ်းမံသင်တန်းတက်ရောက်ခွင့် ၁ သိန်း ပံ့ပိုးသွားမည် ဖြစ်ပြီး “ကမ္ဘာ့တောင်ဘက်ခြမ်း” လူငယ်ခေါင်းဆောင်များ အစီအစဉ်ကို စတင်ဆောင်ရွက်သွားမည် ဖြစ်ကြောင်း သမ္မတ ရှီကျင့်ဖိန်က ကြေညာခဲ့သည်။ တရုတ်-ကုလသမဂ္ဂ ငြိမ်းချမ်းရေးနှင့် ဖွံ့ဖြိုးတိုးတက်ရေး ရန်ပုံငွေ၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေးနှင့် ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှု ရန်ပုံငွေ၊ ဥတုရာသီပြောင်းလဲမှုဆိုင်ရာ ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှု ရန်ပုံငွေကို ကောင်းမွန်စွာ အသုံးချ၍ သက်ဆိုင်ရာ နိုင်ငံအဖွဲ့အစည်းများနှင့်အတူ ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက် (GDI) သုံးပွင့်ဆိုင် ပူးပေါင်းဆောင်ရွက်မှု သရုပ်ပြစင်တာကို တည်ထောင်သွားမည် ဖြစ်ပြီး အပြည်ပြည်ဆိုင်ရာ စိုက်ပျိုးရေး ဖွံ့ဖြိုးမှု ရန်ပုံငွေအဖွဲ့ (IFAD) တွင် ကမ္ဘာ့တောင်ဘက်ခြမ်းနှင့် သုံးပွင့်ဆိုင် ပူးပေါင်းဆောင်ရွက်မှု ရန်ပုံငွေ ထားရှိသွားမည် ဖြစ်ကြောင်း သမ္မတ ရှီက ကြေညာခဲ့သည်။
တရုတ်နိုင်ငံသည် ပို၍ များပြားသော “ကမ္ဘာ့တောင်ဘက်ခြမ်း” နိုင်ငံများနှင့်အတူ လွတ်လပ်သော ကုန်သွယ်ရေး ကဏ္ဍ စီစဉ်မှုများအား ဆွေးနွေးညှိနှိုင်းသွားလိုကြောင်း၊ ကမ္ဘာ့ကုန်သွယ်ရေးအဖွဲ့ (WTO) ၏ ကုန်သွယ်မှု မြှင့်တင်ရေး ပံ့ပိုးမှု အဆိုပြုချက်ကို ဆက်လက်ထောက်ခံသွားမည်ဖြစ်ပြီး “တရုတ်အစီအစဉ်”များ ဆက်လက် အားဖြည့်သွားမည်ဖြစ်ကြောင်း၊ 《ဒစ်ဂျစ်တယ် စီးပွားရေးနှင့် အစိမ်းရောင် ဖွံ့ဖြိုးတိုးတက်ရေးဆိုင်ရာ နိုင်ငံတကာ ကုန်သွယ်စီးပွား ပူးပေါင်းဆောင်ရွက်မှု မူဘောင် အဆိုပြုချက်》တွင် “ကမ္ဘာ့တောင်ဘက်ခြမ်း” နိုင်ငံများ ပိုမို ပါဝင်လာကြရန် ဖိတ်ခေါ်ကြောင်း ၎င်းက ပြောကြားခဲ့သည်။

သမ္မတ ရှီကျင့်ဖိန်က တရုတ်နိုင်ငံ၏ အခြေခံဥပဒေတွင် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်ကို အစောကြီးကတည်းက ထည့်သွင်းပြီးဖြစ်ရာ တရုတ်နိုင်ငံ၏ သီးခြားလွတ်လပ်သော ငြိမ်းချမ်းရေး နိုင်ငံခြားရေးမူဝါဒ၏ အခြေခံအုတ်မြစ် ဖြစ်ကြောင်း အလေးထားပြောကြားခဲ့သည်။ တရုတ်နိုင်ငံ၏ ငြိမ်းချမ်းစွာ ဖွံ့ဖြိုးတိုးတက်ရေးလမ်းကို လျှောက်လှမ်းမည့် သန္နိဋ္ဌာန်သည် ပြောင်းလဲမည် မဟုတ်သလို နိုင်ငံတိုင်းနှင့် ချစ်ကြည်ရင်းနှီးစွာ ပူးပေါင်းဆောင်ရွက်မည့် သန္နိဋ္ဌာန်သည်လည်း ပြောင်းလဲမည် မဟုတ်ဘဲ ကမ္ဘာကြီး အတူတကွ ဖွံ့ဖြိုးတိုးတက်ရေးကို မြှင့်တင်မည့် သန္နိဋ္ဌာန်ကလည်း ပြောင်းလဲမည် မဟုတ်ကြောင်း၊ ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်ကို ဆက်လက် ကျယ်ပြန့်အောင် ဆောင်ရွက်သွားမည် ဖြစ်ပြီး နိုင်ငံအသီးသီးနှင့်အတူ လက်တွဲကာ လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေးကို တွန်းအားပေးသွားမည် ဖြစ်ကြောင်း၊ ကမ္ဘာ့ငြိမ်းချမ်းရေးကို ထိန်းသိမ်းရန်၊ ဘုံဖွံ့ဖြိုးတိုးတက်ရေးကို မြှင့်တင်ရန် ပံ့ပိုးမှုအသစ်များ ပိုမိုဆောင်ရွက်သွားမည် ဖြစ်ကြောင်း ၎င်းက အလေးထားပြောကြားခဲ့သည်။

နောက်ဆုံးတွင် သမ္မတ ရှီကျင့်ဖိန်က ယနေ့ လူသားမျိုးနွယ် ငြိမ်းချမ်းစွာ ဖွံ့ဖြိုးတိုးတက်ရေး လုပ်ငန်းကို တွန်းအားပေးရေး သမိုင်းတာဝန်သည် ကျွန်ုပ်တို့ မျိုးဆက်များထံသို့ လက်ဆင့်ကမ်းရောက်ရှိလာပြီ ဖြစ်ရာ မိမိတို့အနေဖြင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထုတ်ပြန်သည့် နှစ် ၇၀ ပြည့် အထိမ်းအမှတ်ကို အစပြုကာ သမိုင်းတာဝန်ကို ပခုံးထက်တွင်ထမ်း၍ လက်တွဲအတူ ရဲဝံ့စွာ ရှေ့ဆက်ပြီး လူသားမျိုးနွယ် အေးအတူပူအမျှ အသိုက်အဝန်းတည်ဆောက်ရေးကို အတူတကွ တွန်းအားပေး၍ လူ့ဘောင်အဖွဲ့အစည်း၏ ပိုမိုသာယာလှပသော အနာဂတ်ကို အတူဖွင့်လှစ်ကြပါစို့ ဟူ၍ ပြောကြားခဲ့သည်။

အဆိုပါ အထိမ်းအမှတ် အခမ်းအနားတွင် ဝန်ကြီးချုပ် လီချန်က သဘာပတိအဖြစ် ဆောင်ရွက်ပြီး ချိုက်ချီ၊ ဝမ်ရိ၊ လီစူးလိန်၊ ကျန်းရှင့်ကျစ်တို့ တက်ရောက်ခဲ့ကြကြောင်း သိရသည်။

ထို့အပြင် ယင်းအခမ်းအနားကို ဗီယက်နမ်နိုင်ငံ ကွန်မြူနစ်ပါတီ အထွေထွေအတွင်းရေးမှူးချုပ်ဟောင်း Nong Duc Manh ၊ မြန်မာနိုင်ငံ သမ္မတဟောင်း ဦးသိန်းစိန်၊ ဘရာဇီးနိုင်ငံ သမ္မတဟောင်းနှင့် ဖွံ့ဖြိုးတိုးတက်ရေးဘဏ်သစ် ဥက္ကဋ္ဌ Dilma Rousseff ၊ တောင်အာဖရိကနိုင်ငံ သမ္မတဟောင်း Kgalema Motlanthe ၊ အီသီယိုးပီးယားနိုင်ငံ သမ္မတဟောင်း Mulatu Teshome ၊ သီရိလင်္ကာနိုင်ငံ သမ္မတဟောင်း Gotabaya Rajapaksa ၊ ဂျပန်နိုင်ငံ ဝန်ကြီးချုပ်ဟောင်း Yukio Hatoyama ၊ အီတလီနိုင်ငံ ဝန်ကြီးချုပ်ဟောင်း Massimo D’Alema ၊ ပြင်သစ်နိုင်ငံ ဝန်ကြီးချုပ်ဟောင်း Dominique de Villepin ၊ တောင်ကိုရီးယားနိုင်ငံ ဝန်ကြီးချုပ်ဟောင်း Lee Hae-chan စသည့် နိုင်ငံရေးလောကအထင်ကရပုဂ္ဂိုလ်များ တက်ရောက်ခဲ့သလို တရုတ်ကွန်မြူနစ်ပါတီဗဟိုကော်မတီ (CPC)၊ တရုတ်ပြည်လုံးဆိုင်ရာ ပြည်သူ့ကွန်ဂရက် (NPC) ၊ တရုတ်နိုင်ငံ နိုင်ငံတော်ကောင်စီ၊ တရုတ်ပြည်သူ့နိုင်ငံရေးအတိုင်ပင်ခံကွန်ဖရင့် (CPPCC) စသည့် သက်ဆိုင်ရာဌာနများမှ တာဝန်ရှိသူများ၊ နိုင်ငံတကာနှင့် ဒေသတွင်းအဖွဲ့အစည်း ကိုယ်စားလှယ်များ၊ တရုတ်နိုင်ငံရှိ နိုင်ငံပေါင်း ၁၀၀ ကျော်မှ သံတမန်များ၊ ပြည်တွင်းပြည်ပ ကျွမ်းကျင်ပညာရှင်များ၊ ချစ်ကြည်ရေးလူပုဂ္ဂိုလ်များ၊ မီဒီယာများ၊ စီးပွားရေးနှင့် စက်မှုလုပ်ငန်းကဏ္ဍမှ ကိုယ်စားလှယ်များ စုစုပေါင်း လူ ၆၀၀ ကျော်ခန့် တက်ရောက်ခဲ့ကြကြောင်း သိရသည်။ （Xinhua）

…………………………….
(Chinese Version)
和平共处五项原则发表70周年纪念大会在北京隆重举行　　习近平出席大会并发表重要讲话
新华社北京6月28日电（记者孙奕、马卓言）6月28日上午，和平共处五项原则发表70周年纪念大会在北京人民大会堂隆重举行。国家主席习近平出席纪念大会并发表题为《弘扬和平共处五项原则，携手构建人类命运共同体》的重要讲话。
习近平指出，在近现代人类社会发展的历史进程中，处理国与国关系，共同维护世界和平与安宁，促进全人类发展与进步，始终是各国不懈探索的重大命题。70年前，民族独立和解放运动风起云涌，世界殖民体系土崩瓦解。冷战阴云笼罩世界，“强权即公理”甚嚣尘上，刚刚获得独立的新生国家渴望维护国家主权、发展民族经济。中国领导人首次完整提出互相尊重主权和领土完整、互不侵犯、互不干涉内政、平等互利、和平共处五项原则，并将其纳入中印、中缅联合声明，共同倡导将五项原则确立为指导国家间关系的基本准则。这成为国际关系史上的伟大创举，具有划时代的重大意义。
70年来，和平共处五项原则跨越时空、超越隔阂，经久愈韧、历久弥新，成为开放包容、普遍适用的国际关系基本准则和国际法基本原则，为国际关系和国际法治树立了历史标杆，为不同社会制度国家建立和发展关系提供了正确指导，为发展中国家团结合作、联合自强汇聚了强大合力，为国际秩序改革和完善贡献了历史智慧，为人类进步事业作出了不可磨灭的历史贡献。
习近平强调，70年后的今天，面对“建设一个什么样的世界、如何建设这个世界”的重大课题，中国又给出了构建人类命运共同体这个时代答案。构建人类命运共同体理念与和平共处五项原则一脉相承，都根植于亲仁善邻、讲信修睦、协和万邦的中华优秀传统文化，都彰显了中国外交自信自立、坚持正义、扶弱扬善的精神风骨，都体现了中国共产党人为人类作出新的更大贡献的世界情怀，都展现了中国坚持走和平发展道路的坚定决心，是新形势下对和平共处五项原则最好的传承、弘扬、升华。这一理念立足于国与国命运交织、休戚与共的客观现实，树立了平等和共生的新典范；顺应和平、发展、合作、共赢的时代潮流，开辟了和平和进步的新境界；着眼世界多极化和经济全球化的历史大势，丰富了发展和安全的新实践。
习近平指出，面对和平还是战争、繁荣还是衰退、团结还是对抗的历史抉择，我们比以往任何时候都更加需要弘扬和平共处五项原则的精神内涵，朝着构建人类命运共同体的崇高目标不懈努力。
——我们要坚持主权平等的原则。倡导平等有序的世界多极化，确保各国都能在多极体系中找到自己的位置，都能在遵守国际法前提下发挥应有的作用，确保世界多极化进程总体稳定和具有建设性。
——我们要夯实相互尊重的基础。尊重彼此的核心利益和重大关切，尊重各国人民自主选择的发展道路和制度模式，共同维护好不干涉别国内政这一“黄金法则”，共同反对把自己的意志强加于人，反对搞阵营对抗和各种“小圈子”，反对强迫别国选边站队。
——我们要实现和平安全的愿景。共担维护和平责任，同走和平发展道路，共谋和平、共护和平、共享和平。践行全球安全倡议，以合作促发展、以合作促安全，构建起更为均衡、有效、可持续的安全架构。
——我们要汇聚共筑繁荣的动力。倡导普惠包容的经济全球化，推进高质量共建“一带一路”，践行全球发展倡议，让各国人民共享发展成果，共谋发展繁荣。
——我们要秉持公道正义的理念。倡导共商共建共享的全球治理观，践行真正的多边主义，坚持国际规则由各国共同书写、共同维护，世界上的事要由各国商量着办。
——我们要展现开放包容的胸襟。践行全球文明倡议，促进各国人民相知相亲，促进各种文明包容互鉴。这个世界完全容得下各国共同发展、共同进步。不同文明完全可以在平等相待、互学互鉴中兼收并蓄、交相辉映。
习近平强调，70年历史发展反复证明，加强团结合作、增进沟通理解是各国共迎挑战、共创未来的有效途径。“全球南方”声势卓然壮大，为推动人类进步发挥了举足轻重的作用。站在新的历史起点上，“全球南方”应当以更加开放包容的姿态携手共进，走在推动构建人类命运共同体的前列。
我们要共同做维护和平的稳定力量，推动以和平方式解决国家间分歧和争端，建设性参与国际地区热点问题的政治解决；共同做开放发展的中坚力量，推动发展重回国际议程中心位置，重振全球发展伙伴关系，深化南南合作和南北对话；共同做全球治理的建设力量，积极参与全球治理体系改革和建设，努力扩大各方共同利益，推动全球治理架构更为均衡有效；共同做文明互鉴的促进力量，增进世界各国不同文明沟通对话，加强治国理政交流，深化教育、科技、文化、地方、民间、青年等领域交往。
习近平宣布，为更好支持“全球南方”合作，中方将设立“全球南方”研究中心，未来5年向“全球南方”国家提供1000个“和平共处五项原则卓越奖学金”名额、提供10万个研修培训名额，并启动“全球南方”青年领军者计划。继续用好中国－联合国和平与发展基金、全球发展和南南合作基金、气候变化南南合作基金，同有关方共同设立落实全球发展倡议三方合作示范中心，在国际农业发展基金续设南南及三方合作基金。中方愿同更多“全球南方”国家商谈自由贸易安排，继续支持世界贸易组织发起的促贸援助倡议并持续注资“中国项目”，欢迎更多“全球南方”国家加入《数字经济和绿色发展国际经贸合作框架倡议》。
习近平强调，和平共处五项原则早已载入中国宪法，成为中国独立自主和平外交政策的基石。中国走和平发展道路的决心不会改变，同各国友好合作的决心不会改变，促进世界共同发展的决心不会改变。中国将继续弘扬和平共处五项原则，同各国携手推动构建人类命运共同体，为维护世界和平、促进共同发展作出新的更大贡献。
习近平最后指出，今天，推动人类和平和发展事业的接力棒，历史地落到我们这一代人手中。让我们以纪念和平共处五项原则发表70周年为起点，肩负历史使命，携手勇毅前行，共同推动构建人类命运共同体、开创人类社会更加美好的未来！（全文另发）
李强主持纪念大会。
蔡奇、王毅、李书磊、姜信治等出席。
越南共产党中央原总书记农德孟，缅甸前总统登盛，巴西前总统、新开发银行行长罗塞夫，南非前总统莫特兰蒂，埃塞俄比亚前总统穆拉图，斯里兰卡前总统拉贾帕克萨，日本前首相鸠山由纪夫，意大利前总理达莱马，法国前总理德维尔潘，韩国前总理李海瓒等政要，以及中共中央、全国人大、国务院、全国政协等有关部门负责人，国际和地区组织代表、来自100多个国家的驻华使节、中外专家学者、友好人士、媒体和工商界代表共约600余人参加。（完）