တရုတ်-အာဆီယံ နိုင်ငံခြားရေးဝန်ကြီးများ အစည်းအဝေး လာအိုနိုင်ငံ ဗီယင်ကျန်းမြို့တွင် ကျင်းပ

ဗီယင်ကျန်း၊ ဇူလိုင် ၂၇ ရက် (ဆင်ဟွာ)
တရုတ်-အာဆီယံ နိုင်ငံခြားရေးဝန်ကြီးများ အစည်းအဝေးကို ဇူလိုင် ၂၆ ရက်က လာအိုနိုင်ငံ ဗီယင်ကျန်းမြို့တွင် ကျင်းပခဲ့ရာ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် တရုတ်-အာဆီယံ ဆက်ဆံရေး ညှိနှိုင်းမှုနိုင်ငံ ကိုယ်စားလှယ်နှင့်အတူ အစည်းအဝေးပူးတွဲသဘာပတိအဖြစ် ဆောင်ရွက်ခဲ့ပြီး အာဆီယံနိုင်ငံအသီးသီး၏ နိုင်ငံခြားရေးဝန်ကြီးများနှင့် အာဆီယံ အတွင်းရေးမှူးချုပ်တို့ တက်ရောက်ခဲ့ကြသည်။

ဝမ်ရိက ယခုနှစ်သည် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထုတ်ပြန်သည့် နှစ် ၇၀ ပြည့် နှစ်ပတ်လည် ဖြစ်သည်ဟု ပြောကြားခဲ့သည်။ အာဆီယံ အဆိုပြုတိုက်တွန်းသည့် “ဘန်ဒေါင်းစိတ်ဓာတ်”၊ “အာဆီယံနည်းလမ်း” နှင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်မှာ အထူးကိုက်ညီမှုရှိကြောင်း၊ ပြီးခဲ့သည့်လက မိမိတို့အနေဖြင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ် ထုတ်ပြန်ခြင်း နှစ် ၇၀ ပြည့် အထိမ်းအမှတ် ညီလာခံကို ပေကျင်းမြို့တွင် ကျင်းပခဲ့ကြောင်း၊ ညီလာခံတွင် သမ္မတ ရှီကျင့်ဖိန် အရေးကြီးမိန့်ခွန်းပြောကြားခဲ့ရာ မူကြီး ၅ ရပ်သည် ယနေ့တိုင် အားကောင်းနေဆဲ ဖြစ်ပြီး လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေး အတွေးအခေါ်သည် အခင်းအကျင်းသစ်တွင် မူကြီး ၅ ရပ်ကို အကောင်းဆုံးဆက်ခံမှုနှင့် မြှင့်တင်မှု ဖြစ်သည်ဟု အလေးထားပြောကြားခဲ့ကြောင်း ဝမ်ရိက ဆိုသည်။

ဝမ်ရိက တရုတ်နိုင်ငံနှင့် အာဆီယံသည် အပြန်အလှန် ဖေးမကူညီကြသော ချစ်ကြည်ရင်းနှီးသည့် အိမ်နီးချင်းနိုင်ငံ၊ တစ်လှေတည်းစီး တစ်ခရီးတည်း သွားကြသော နီးကပ်သည့်မိတ်ဖက်ဖြစ်ကြသလို ဆိုးတူကောင်းဖက် ကံကြမ္မာအကျိုးတူ အသိုက်အဝန်း ပို၍ပင် ဖြစ်ပါကြောင်း ပြောကြားခဲ့သည်။ ယခုနှစ်များတွင် တရုတ်-အာဆီယံ အေးအတူ ပူအမျှ အသိုက်အဝန်း တည်ဆောက်မှုသည် ခိုင်မာသော ခြေလှမ်း လှမ်းခဲ့ရာ အောင်မြင်မှုရလဒ်များစွာ ရရှိပြီး နှစ်ဖက်လူထု ၂ သန်းကို အကျိုးဖြစ်ထွန်းစေကာ ဘုံဖွံ့ဖြိုးတိုးတက်ရေး၏ အားကောင်းသော မြှင့်တင်မှု ဖြစ်ခဲ့ကြောင်း၊၂၀ ကြိမ်မြောက် တရုတ်ကွန်မြူနစ်ပါတီ ဗဟိုကော်မတီ တတိယအကြိမ်မြောက် မျက်နှာစုံညီအစည်းအဝေးသည် တရုတ်ပုံစံ ခေတ်မီအသွင်ပြောင်းမှုကို ဗဟိုပြု တွန်းအားပေးရာ ဘက်စုံနက်ရှိုင်းစွာ ပြုပြင်ပြောင်းလဲရေး တစ်ဆင့်တိုးဆောင်ရွက်မည့် အလုံးစုံအစီအမံများကို ဆောင်ရွက်ခဲ့ကြောင်း၊ မိမိတို့အနေဖြင့် အာဆီယံနိုင်ငံများနှင့်အတူ တရုတ်နိုင်ငံ၏ အခွင့်အလမ်းများကို မျှဝေသွားလိုပြီး နိုင်ငံအားလုံး မိမိနိုင်ငံ၏ အခြေအနေ၊ သမိုင်း၊ ယဉ်ကျေးမှုတို့နှင့်ကိုက်ညီသည့် အောင်မြင်သော ခေတ်မီတိုးတက်ရေး လမ်းကြောင်းပေါ်သို့ လျှောက်လှမ်းမှုအား ထောက်ခံပြီး အာရှခေတ်မီတိုးတက်ရေးခရီးစဉ်ကို အတူလက်တွဲ တွန်းအားပေးဆောင်ရွက်သွားလိုကြောင်း ၎င်းက ပြောကြားခဲ့သည်။

တရုတ်နိုင်ငံသည် အာဆီယံ မဟာဗျူဟာ လွတ်လပ်မှုကို ဆက်လက်ခိုင်မာစွာ ထောက်ခံမည် ဖြစ်သလို အာဆီယံ ဗဟိုပြုသည့် ဒေသတွင်း ပူးပေါင်းဆောင်ရွက်မှု ယန္တရား ပိုမိုကြီးမားအားကောင်းလာအောင် အားပေးသွားမည် ဖြစ်ပြီး တရုတ်-အာဆီယံ ”မိသားစု ဥယျာဉ်ကြီး ၅ ခု” ကို ကောင်းမွန်စွာ တည်ဆောက်သွားမည် ဖြစ်ကြောင်း၊ တရုတ်နိုင်ငံသည် 《အရှေ့တောင်အာရှ နျူကလီးယားလက်နက် ကင်းစင်ရေး သဘောတူစာချုပ်》ပရိုတိုကောတွင် ဦးစွာ လက်မှတ်ရေးထိုးပြီး လက်တွေ့လုပ်ဆောင်မှုအနေဖြင့် အရှေ့တောင်အာရှ နျူကလီးယားလက်နက် ကင်းစင်ရေးဇုန်တည်ဆောက်မှုကို ထောက်ခံသွားလိုကြောင်း ဝမ်ရိက ပြောကြားခဲ့သည်။
တောင်တရုတ်ပင်လယ်အရေးတွင် တရုတ်နိုင်ငံ၏ မူရပ်တည်ချက်ကိုလည်း ဝမ်ရိက ထည့်သွင်းပြောကြားခဲ့ကြောင်း သိရသည်။

အစည်းအဝေးတက်ရောက်သည့် ဘက်ပေါင်းစုံက တည်ငြိမ်အေးချမ်းရေးကို မြှင့်တင်ရာတွင် တရုတ်နိုင်ငံ ကြိုးပမ်းချက်များကို အကောင်းမြင်သုံးသပ်ခဲ့သလို လက်ရှိအခြေအနေတွင် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်ကို ဆက်လက် ခိုင်မာစွာ လက်ကိုင်ထားရန်၊ “ဘန်ဒေါင်းစိတ်ဓာတ်” ကို မြှင့်တင်ရန် အလွန်အရေးကြီးကြောင်း ပြောကြားခဲ့သည်။ ဘက်ပေါင်းစုံက တရုတ်နိုင်ငံ အဆိုပြုသော ကမ္ဘာလုံးဆိုင်ရာ အဆိုပြုချက်များကို ထောက်ခံကြောင်း၊ အာဆီယံဗဟိုပြုသည့်အနေအထားကို တရုတ်နိုင်ငံက အားကောင်းသည့်ထောက်ခံမှုပေးခြင်းအပေါ် အထူးတန်ဖိုးထားချီးကျူးကြောင်း၊ နှစ်ဖက်လက်တွေ့ ပူးပေါင်းဆောင်ရွက်မှု၏ အောင်မြင်မှုရလဒ်များစွာကို အလေးအနက်ထားကြောင်း၊ တရုတ်နိုင်ငံ၏ ဘက်စုံနက်ရှိုင်းစွာ ပြုပြင်ပြောင်းလဲရေး တစ်ဆင့်တိုးဆောင်ရွက်မှု၊ ပို၍အဆင့်မြင့်စွာ တံခါးဖွင့်လှစ်ရေးကို တွန်းအားပေးမှု ၊ အာဆီယံနှင့်အတူ ဖွံ့ဖြိုးရေး အခွင့်အလမ်းများကို တက်ကြွစွာ မျှဝေပေးမှုအပေါ် အားတက်မိကြောင်း၊ နှစ်ဖက် ဖွံ့ဖြိုးတိုးတက်ရေး မဟာဗျူဟာ ချိတ်ဆက်မှုကို မြှင့်တင်၍ အာဆီယံအတွက် ပိုမိုခံနိုင်ရည်ရှိပြီး ပိုမို စဉ်ဆက်မပြတ်ဖြစ်သောအနာဂတ်အတွက် အားသစ်လောင်းပေးရန် မျှော်လင့်ကြောင်း ပြောကြားခဲ့ကြသည်။ 《အရှေ့တောင်အာရှ နျူကလီးယားလက်နက် ကင်းစင်ရေး သဘောတူစာချုပ်》ပရိုတိုကောတွင် တရုတ်နိုင်ငံက ဦးစွာ လက်မှတ်ရေးထိုးလိုမှုအပေါ် ဘက်ပေါင်းစုံက တန်ဖိုးထားကြောင်းနှင့် ဒေသတွင်း တည်ငြိမ်အေးချမ်းရေးကို ကာကွယ်ထိန်းသိမ်းရန် အတူတကွ ကြိုးပမ်းအားထုတ်သွားလိုကြောင်း ပြောကြားခဲ့ကြသည်။

အစည်းအဝေးတွင် 《လူသားချင်းစာနာထောက်ထားမှုဆိုင်ရာ မိုင်းရှင်းလင်းရေး ပူးပေါင်းဆောင်ရွက်မှု မြှင့်တင်ရေးဆိုင်ရာ တရုတ်-အာဆီယံ နိုင်ငံခြားရေးဝန်ကြီးများ ပူးတွဲကြေညာချက်》ကို အတည်ပြုခဲ့ရာ “မိုင်းကင်းစင်သော အာဆီယံ” တည်ဆောက်ရေးအတွက် အားသစ်လောင်းပေးခဲ့သည်။ (Xinhua)
………………………..
(Chinese Version)
中国－东盟外长会在万象举行
新华社万象7月26日电（记者赵旭　马淮钊）当地时间7月26日，中国－东盟外长会在老挝万象举行，中共中央政治局委员、外交部长王毅同中国东盟关系协调国代表共同主持，东盟各国外长及东盟秘书长与会。
王毅说，今年是和平共处五项原则发表70周年。东盟倡导的“万隆精神”、“东盟方式”与和平共处五项原则高度契合。上个月我们在北京举行和平共处五项原则发表70周年纪念大会，习近平主席发表重要讲话，强调五项原则今天仍在焕发强大生命力，构建人类命运共同体理念是新形势下对五项原则最好的传承和升华。
王毅表示，中国和东盟是守望相助的友好邻邦，风雨同舟的亲密伙伴，更是荣辱与共的命运共同体。近年来，中国－东盟命运共同体建设迈出坚实步伐，取得丰硕成果，惠及双方20亿民众，有力促进了共同发展。中国共产党二十届三中全会围绕推进中国式现代化，作出进一步全面深化改革的总体部署。我们愿同东盟国家分享中国机遇，支持各国都走出符合本国国情和历史文化特点的成功现代化之路，携手推进亚洲现代化进程。
中方将继续坚定支持东盟战略自主，支持做大做强以东盟为中心的区域合作机制，建设好中国东盟“五大家园”。中方愿率先签署《东南亚无核武器区条约》议定书，以实际行动支持东南亚无核武器区建设。
王毅还阐述了中方在南海问题上的原则立场。
各方积极评价中方为促进和平稳定所作努力，表示当前形势下继续坚持和平共处五项原则、弘扬“万隆精神”至关重要。各方支持中方提出的系列全球性倡议，高度赞赏中方对东盟中心地位的有力支持，高度评价双方务实合作丰硕成果。表示对中国进一步全面深化改革、推进更高水平开放并积极同东盟分享发展机遇备感鼓舞，期待加强双方发展战略对接，为东盟更有韧性、更可持续未来注入强劲动力。各方赞赏中方愿率先签署《东南亚无核武器区条约》议定书，愿共同致力于维护地区和平安宁。
会议通过了《中国－东盟外长关于加强人道主义扫雷合作的联合声明》，将为建设“无雷东盟”注入新动能。