ရှီကျင့်ဖိန်နှင့် ရုရှားသမ္မတ ပူတင် ဖုန်းဖြင့် ဆက်သွယ်ဆွေးနွေး

ပေကျင်း၊ ဖေဖော်ဝါရီ ၂၅ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ဖိတ်ကြားချက်အရ ရုရှားသမ္မတ ပူတင်နှင့် ဖေဖော်ဝါရီ ၂၄ ရက် ညနေပိုင်းတွင် ဖုန်းဖြင့် ဆက်သွယ်ဆွေးနွေးခဲ့သည်။

ထိုသို့ဆက်သွယ်ဆွေးနွေးရာတွင် ရှီကျင့်ဖိန်က တရုတ်နှစ်သစ်ကူး နွေဦးပွဲတော်မတိုင်မီ မိမိနှင့် သမ္မတပူတင် တို့ ဗီဒီယိုဖြင့် တွေ့ဆုံဆွေးနွေးပြီး တစ်နှစ်ပတ်လုံး တရုတ်-ရုရှား ဆက်ဆံရေး တိုးတက်ရေးအတွက် စီစဉ်လမ်းညွှန်မှုပေးခဲ့သလို နိုင်ငံတကာနှင့် ဒေသရေးရာ အရေးကြီးကိစ္စရပ်များစွာအတွက် ညှိနှိုင်းဆွေးနွေးမှုများ အားဖြည့်ဆောင်ရွက်ခဲ့ကြောင်း ထောက်ပြပြောကြားခဲ့သည်။
နှစ်နိုင်ငံ ဌာနအသီးသီးက မိမိတို့ ရရှိခဲ့သော သဘောတူညီချက်များအတိုင်း တရုတ်ပြည်သူများ ဂျပန်ခုခံတော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ်နှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အခမ်းအနားများ ဆောင်ရွက်ခြင်းအပါအဝင် ကဏ္ဍစုံပူးပေါင်းဆောင်ရွက်မှုများကို တည်ငြိမ်စွာ တွန်းအားပေး ဆောင်ရွက်ခဲ့ကြကြောင်း၊ တရုတ်-ရုရှားမှာ ရွှေ့ပြောင်းမရသည့် အိမ်နီးချင်း ဖြစ်သလို အေးအတူပူအမျှဖြစ်ပြီး အပြန်အလှန်ထောက်ခံအားပေးကာ အတူတကွ ဖွံ့ဖြိုးတိုးတက်အောင် ဆောင်ရွက်ကြသည့် မိတ်ဆွေစစ် မိတ်ဆွေမှန်များ ဖြစ်ကြသည်ကို သမိုင်းနှင့် လက်တွေ့ ဖြစ်ရပ်က မိမိတို့အား ရှင်းလင်းစွာ ပြသခဲ့ကြောင်း၊ တရုတ်-ရုရှား ဆက်ဆံရေးသည် အင်အားကြီးမားသော ပင်ကိုတွန်းအားနှင့် တစ်မူထူးခြားသည့် မဟာဗျူဟာ တန်ဖိုးရှိရာ တတိယဘက်ကို ဦးတည်ခြင်း မရှိသလို မည်သည့် တတိယဘက်၏ ဩဇာလွှမ်းမိုးမှုကိုလည်း ခံမည်မဟုတ်ကြောင်း၊ တရုတ်-ရုရှား နှစ်နိုင်ငံ၏ ဖွံ့ဖြိုးတိုးတက်ရေး မဟာဗျူဟာနှင့် နိုင်ငံခြားရေးမူဝါဒသည် ရေရှည်ဖြစ်ကြောင်း၊ နိုင်ငံတကာအခြေအနေ မည်သို့ပင် ပြောင်းလဲစေကာမူ တရုတ်-ရုရှား ဆက်ဆံရေးသည် အေးဆေးတည်ငြိမ်စွာ ရှေ့သို့ လျှောက်လှမ်းကာ ကိုယ်စီ ဖွံ့ဖြိုးတိုးတက်မှုအားကောင်းရေးအတွက် အထောက်အပံ့အင်အား၊ နိုင်ငံတကာဆက်ဆံရေးအတွက် တည်ငြိမ်မှုနှင့် အပြုသဘောစွမ်းအင် ဖြည့်တင်းသွားမည် ဖြစ်ကြောင်း ၎င်းက ပြောကြားခဲ့သည်။

ပူတင်က ရုရှားနိုင်ငံသည် တရုတ်နိုင်ငံနှင့် ဆက်ဆံရေးကို အထူးအလေးထားရာ တရုတ်နိုင်ငံနှင့်အတူ နှစ်သစ်တွင် အဆင့်မြင့်အလွှာ ဖလှယ်မှုများကို ထိန်းသိမ်းသွားရန် မျှော်လင့်သလို လက်တွေ့ပူးပေါင်းဆောင်ရွက်မှုများကို နက်ရှိုင်းအောင် ဆောင်ရွက်သွားလိုကြောင်း၊ ကမ္ဘာ့ ဖက်ဆစ်တော်လှန်ရေးတိုက်ပွဲ အောင်နိုင်ခြင်း နှစ် ၈၀ ပြည့်နှင့် တရုတ်ပြည်သူများ ဂျပန်ခုခံတော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် အထိမ်းအမှတ်အခမ်းအနားများကို အတူတကွ ကျင်းပသွားမည် ဖြစ်ကြောင်း ပြောကြားခဲ့သည်။
တရုတ်နိုင်ငံနှင့် ဆက်ဆံရေး ဖွံ့ဖြိုးတိုးတက်ရေးမှာ ရုရှားနိုင်ငံ ရေရှည် အလေးထားသည့် မဟာဗျူဟာ ရွေးချယ်မှု ဖြစ်ရာ အခြေအနေအရ ယာယီထားရှိသော အစီအစဉ် လုံးဝဥဿုံမဟုတ်ကြောင်း၊ အချိန်အခါတစ်ခုခု အကြောင်းအရာ တစ်ခုခု၏ ရိုက်ခတ်မှုကို ခံမည်မဟုတ်သသို အပြင်ဘက်အကြောင်းရင်း၏ နှောင့်ယှက်မှုကိုလည်း ခံမည်မဟုတ်ကြောင်း၊ မျက်မှောက်အခြေအနေတွင် ရုရှား-တရုတ် ဆွေးနွေးညှိနှိုင်းမှုများကို နီးကပ်စွာ ထားရှိခြင်းသည် နှစ်နိုင်ငံ ခေတ်သစ် ဘက်စုံ မဟာဗျူဟာ ညှိနှိုင်း ပူးပေါင်းဆောင်ရွက်မှု မိတ်ဖက်ဆက်ဆံရေး စိတ်ဓာတ်နှင့် ကိုက်ညီသလို နိုင်ငံတကာရေးရာတွင် ရုရှား-တရုတ်သည် တည်ငြိမ်သည့် အခန်းကဏ္ဍမှ ပါဝင်သည့် အပြုသဘောအချက်ပြ သ‌င်္ကေတလည်း ဖြစ်ကြောင်း ၎င်းက ပြောကြားခဲ့သည်။
ပူတင်က ရုရှား-အမေရိကန် ထိတွေ့ဆွေးနွေးမှု နောက်ဆုံးအခြေအနေနှင့် ယူကရိန်းအကျပ်အတည်းတွင် ရုရှားနိုင်ငံ၏ မူကျသောရပ်တည်ချက်ကို မိတ်ဆက်ပြောကြားခဲ့ရာ ရုရှားဘက်က ရုရှား-ယူကရိန်း ပဋိပက္ခ အရင်းအမြစ်ကို ဖယ်ရှားရှင်းလင်းရန်၊ စဉ်ဆက်မပြတ်နှင့် ရေရှည်ဖြစ်သော ငြိမ်းချမ်းရေး အစီအစဉ် ရရှိရန် ကြိုးပမ်းလျက်ရှိကြောင်း ပြောကြားခဲ့သည်။

ရှီကျင့်ဖိန်က ယူကရိန်း အကျပ်အတည်း ဘက်စုံအရှိန်မြင့်တက်လာသည့် ကနဦးကာလတွင် မိမိအနေဖြင့် အကျပ်အတည်းဖြေရှင်းရေး “လုပ်ဆောင်သင့်သည့် အကြောင်း ၄ ရပ်” စသည့် အခြေခံ ခံယူချက်ကို အဆိုပြုခဲ့ကြောင်း၊ ယမန်နှစ် စက်တင်ဘာလက တရုတ်နိုင်ငံသည် ဘရာဇီးနှင့်အတူ ကမ္ဘာ့တောင်ဘက်ခြမ်းနိုင်ငံအချို့နှင့်တကွ ယူကရိန်းအကျပ်အတည်း ဖြေရှင်းရေး “ငြိမ်းချမ်းရေးမိတ်ဆွေ” အဖွဲ့ငယ် ဖွဲ့စည်းခဲ့ပြီး နိုင်ငံရေးဖြင့် အကျပ်အတည်းဖြေရှင်းရေး ပတ်ဝန်းကျင်နှင့် အခြေအနေများကို စုစည်းဖန်တီး၍ တွန်းအားပေးခဲ့ကြောင်း၊ အကျပ်အတည်း ဖြေရှင်းရန် ရုရှားနှင့် သက်ဆိုင်ရာ ဘက်ပေါင်းစုံက အပြုသဘောကြိုးပမ်းမှုများကို တရုတ်နိုင်ငံက မြင်တွေ့လိုပါကြောင်း အလေးထားပြောကြားခဲ့သည်။

နှစ်ဖက်အနေဖြင့် ဆွေးနွေးညှိနှိုင်းမှုများကို နည်းလမ်းအသွယ်သွယ်ဖြင့် ဆက်လက်ထိန်းသိမ်းထားရှိရန် သဘောတူညီခဲ့ကြသည်။ (Xinhua)
………………………..

(Chinese Version)
习近平同俄罗斯总统普京通电话
新华社北京2月24日电　2月24日下午，国家主席习近平应约同俄罗斯总统普京通电话。
习近平指出，中国春节前夕我同总统先生视频会晤，对全年中俄关系发展作出规划引领，就一系列重大国际和地区问题加强协调。两国各部门正按照我们达成的共识，稳步推进各领域合作，包括开展纪念中国人民抗日战争胜利80周年和世界反法西斯战争胜利80周年活动。历史和现实昭示我们，中俄是搬不走的好邻居，是患难与共、相互支持、共同发展的真朋友。中俄关系具有强大内生动力和独特战略价值，不针对第三方，也不受任何第三方影响。中俄两国的发展战略和外交政策是管长远的。任凭国际风云变幻，中俄关系都将从容前行，为各自发展振兴助力，为国际关系注入稳定性和正能量。
普京表示，俄方高度重视对华关系，期待同中方在新的一年保持高层交往，深化务实合作，共同纪念世界反法西斯战争胜利80周年和中国人民抗战胜利80周年。发展对华关系是俄方着眼长远作出的战略选择，绝非权宜之计，不受一时一事影响，不受外部因素干扰。当前形势下，俄中保持密切沟通符合两国新时代全面战略协作伙伴关系精神，也将释放俄中在国际事务中发挥稳定作用的积极信号。
普京介绍了俄美接触最新情况和俄方在乌克兰危机问题上的原则立场，表示俄方致力于消除俄乌冲突根源，达成可持续和长久的和平方案。
习近平强调，乌克兰危机全面升级之初，我就提出解决危机的“四个应该”等基本主张。去年9月，中国同巴西一道，会同部分全球南方国家成立乌克兰危机“和平之友”小组，为推动危机政治解决营造氛围、积累条件。中方乐见俄罗斯及有关各方为化解危机作出积极努力。
双方同意继续通过各种方式保持沟通协调。（完）
1. 1月21日下午，国家主席习近平在北京人民大会堂同俄罗斯总统普京举行视频会晤。 新华社记者 饶爱民 摄