Environment, Disasters & Accidents
သတင်းထောက်မှတ်စု/ မျှော်လင့်ချက်၏ အင်အားများ စုစည်းလာသောအခါ

ရန်ကုန်၊ ဧပြီ ၂ ရက် (ဆင်ဟွာ)
ငလျင်သတင်းများကို သတင်းရေးသားဖော်ပြရာတွင် ငလျင်ဒဏ်သင့် ကယ်ဆယ်ရေး နေရာသည် သတင်းထောက်များ အလုအယက် ရောက်ရှိအောင် ကြိုးပမ်းရသည့် နေရာဖြစ်သည်။ ယခုရက်ပိုင်းများတွင် မြန်မာနိုင်ငံ ငလျင်သတင်းများကို ဖော်ပြရာ၌ ရန်ကုန်အပြည်ပြည်ဆိုင်ရာလေဆိပ်သည်လည်း ကျွန်တော့်၏ လုပ်ဖော်ကိုင်ဖက်များ နေ့စဉ် သွားလာ၍ အင်တာဗျူးမေးမြန်းရသည့် နေရာဖြစ်လာခဲ့သည်။
ဒေသစံတော်ချိန် မတ် ၂၉ ရက် နံနက် ၇ နာရီခန့်တွင် တရုတ် ယူနန် ကယ်ဆယ်ရေးနှင့် ဆေးကုသရေးအဖွဲ့သည် မြန်မာနိုင်ငံသို့ ဦးစွာရောက်ရှိလာရာ ရန်ကုန်၌ အမြဲတမ်းအခြေစိုက်သည့် လုပ်ဖော်ကိုင်ဖက်များက ပထမဆုံး အမြန်သတင်းပို့ခဲ့သည်။ ထို့နောက် တရုတ်နိုင်ငံ ကယ်ဆယ်ရေးအဖွဲ့၊ တရုတ်နိုင်ငံ ဟောင်ကောင် အထူးအုပ်ချုပ်ခွင့်ရဒေသ ကယ်ဆယ်ရေးအဖွဲ့နှင့် ဒေသသီးသီးမှ Blue Sky၊ Ramunion အရပ်ဘက်ကယ်ဆယ်ရေး အဖွဲ့များကလည်း အသီးသီး ရောက်ရှိလာကြသည်။ လေယာဉ်များ တစ်ကြိမ်ပြီး တစ်ကြိမ် ဆိုက်ရောက်လာခြင်းနှင့်အတူ ဘက်ပေါင်းစုံမှ လာရောက်ကြသည့် အင်အားများသည် ရန်ကုန်အပြည်ပြည်ဆိုင်ရာ လေဆိပ်တွင် စုစည်းကာ ထိုမှတစ်ဆင့် ကပ်ဘေးသင့်ဒေသများသို့ အသီးသီး ထဲထဲဝင်ဝင် သွားရောက်၍ ကူညီကယ်ဆယ်ရေးလှုပ်ရှားမှုများ လုပ်ဆောင်ကြသည်။
မတ် ၃၁ ရက် နေ့လယ်ပိုင်းတွင် တရုတ်နိုင်ငံ အစိုးရက မြန်မာနိုင်ငံသို့ ပံ့ပိုးသော အရေးပေါ် လူသားချင်းစာနာမှုဆိုင်ရာ ကပ်ဘေးကယ်ဆယ်ရေးပစ္စည်း ပထမအသုတ်သည် ရန်ကုန်မြို့ အပြည်ပြည်ဆိုင်ရာ လေဆိပ်သို့ ရောက်ရှိလာသည်။ ရွက်ဖျင်တဲ၊ ခြုံစောင်၊ အရေးပေါ် ရှေးဦးသူနာပြုအိတ်များ စသည့် ပစ္စည်းများသည် ဤနေရာမှတစ်ဆင့် မြောက်ဘက် ငလျင်ဒဏ် ဆိုးရွားစွာ ခံစားခဲ့ရသည့် မန္တလေး၊ နေပြည်တော် စသည့် ဒေသများသို့ ပို့ဆောင်ခဲ့သည်။
ရန်ကုန်နှင့် မန္တလေးကြားရှိ လမ်းများသည် ငလျင်ဒဏ်ကြောင့် ဆိုးရွားစွာ ပျက်စီးခဲ့ရာ ကားများသည် အမြန်လမ်းနှင့် လမ်းဟောင်းကို ပြောင်းလဲ၍ မောင်းနှင်နေရပေသည်။ ယခင်က ၆ နာရီကြာသည့် ခရီးစဉ်သည် ယခုအခါ ၁၅ နာရီ ၊ နာရီ ၂၀ အထိပင် ကြာမြင့်ပေသည်။
ယခုရက်ပိုင်းများတွင် မန္တလေးမှ တောင်ပိုင်းရှိ ရန်ကုန်သို့ ကားမောင်း ဆင်းလာသူကြများမှာလည်း မနည်းလှပေ။ တစ်ချိန်တည်းတွင် ကူညီကယ်ဆယ်ရေးပစ္စည်းများ အပြည့်တင်ဆောင်ထားသည့် ယာဉ်များက တန်းစီကာ မြောက်ဘက်သို့ မောင်းနှင်နေကြသည်။ တောင်ပိုင်းနှင့် မြောက်ပိုင်းသို့ ကိုယ်စီဦးတည်သွားလာနေကြသည့် ယာဉ်များ ဆုံစည်းရာတွင် အပြန်အလှန် မြင်တွေ့ကြရသည်မှာ ဘဝအတွက် မျှော်လင့်ချက်များပင်ဖြစ်လေသည်။
ရန်ကုန်တွင် မြို့၏အနေအထားက အခြေခံအားဖြင့် ပုံမှန်ပြန်လည် လည်ပတ်နေသော်လည်း ငလျင်ဒဏ်၏ရိုက်ခတ်မှုက ဤမြန်မာနိုင်ငံ၏ အကြီးဆုံးမြို့ကို “စစ်ကာလ” အသင့်ပုံစံအနေအထား ဖြစ်စေသည်။ ဆက်တိုက်လှုပ်ခတ်နေသည့် နောက်ဆက်တွဲငလျင်များက အဆောက်အဦ၏ ခိုင်ခံမှုနှင့် လူအများ၏ စိတ်ပိုင်းဆိုင်ရာ ကြံ့ခိုင်မှုကို အဖန်တလဲလဲ စမ်းသပ်နေသည်။ မြို့တွင် ညစဉ် အနည်းဆုံး ၂ နာရီ ညမထွက်ရအမိန့် ကျင့်သုံးခြင်း၊ လျှပ်စစ်ဓာတ်အားပေးမှုသည် ငလျင်မတိုင်မီ နေ့စဉ် ၁၂ နာရီ ဓာတ်အားပေးရာမှ ၄ နာရီသာ ပေးခြင်း၊ ဆက်သွယ်ရေးလိုင်းများ ရုတ်တရက်ပြတ်တောက် မသွားနိုင်ကြောင်း ဆက်သွယ်ရေးအော်ပရေတာများက အာမခံမှုမပေးနိုင်ခြင်း…ထိုသို့အခြေအနေများ ရှိသော်ငြားလည်း ဆိုးရွားစွာ ငလျင်ဒဏ်သင့်သည့်ဒေသမှ ပြည်သူများအတွက်ကမူ တည်ငြိမ်အေးချမ်းသည့် ပတ်ဝန်းကျင်တစ်ခု ရှိလျှင်ပင် မျှော်လင့်ချက်ကို ထွေးပွေ့နိုင်စေသည်။
ယခုရက်ပိုင်များတွင် သက်ကြီးရွယ်အို အဘိုးအဘွားများ၊ ကိုယ်ဝန်ဆောင်မိခင်များ၊ ကလေးငယ်များ ကယ်ထုတ်နိုင်သည့် သတင်းကောင်းများ မကြာခဏကြားသိရခြင်းက အားလုံးအတွက် အားတက်မှုအနည်းငယ်ဖြစ်စေခဲ့သည်။ သို့သော် ကျွန်တော့်၏ စိတ်နှလုံးကို ကိုင်လှုပ်စေသည်မှာ မန္တလေးလမ်းမများထက်က နေ့စဉ်မြင်ကွင်းများ ဖြစ်ပေသည်။
မတ်လကုန်တွင် မန္တလေးမြို့သည် နေ့အပူချိန် ၄၀ ဒီဂရီ စင်တီဂရိတ်နီးပါးရှိရာ မြင့်မားသည့်အပူချိန်၊ စိုထိုင်းသည့် ပတ်ဝန်းကျင်က ခြင်များ ပေါများ၍ ထင်ရာစိုင်းစေသည်။ ညအချိန် ကျရောက်လာလျှင် လမ်းမထက်တွင် ဘေးအန္တရာယ်ရှောင်သူ လူအများက ခြင်ထောင်ထောင်သူက ထောင်၊ မြေပြင်တွင် ဖျာခင်းထိုင်သူက ထိုင်နေကြသည်။ အားလုံးဝိုင်းထိုင်ကာ ပေါင်မုန့်စားရင်း ရေသောက်ရင်းဖြင့် ပင်ပန်းနွမ်းနယ်ကြသော်လည်း အေးချမ်းမှု အရိပ်အယောင် တစ်စွန်းတစ်စလေးတော့ ပေါ်လာခဲ့သည်။
အသက်ခပ်ငယ်ငယ် မိခင်တစ်ဦးက အသက် ၄ နှစ်ခန့်အရွယ် သားလေးကို အဖော်လုပ်ပြီး လမ်းနံဘေး ဖျာပေါ်တွင်ထိုင်ကာ ခြင်ရိုက်ဘက်တံဖြင့် ကလေးကို ခြင်မောင်းပေးနေသည်။ သားလေးဖြစ်သူကလည်း အေးချမ်းစွာထိုင်ရင်း လက်ထဲက ပစ္စည်းကို စိတ်ဝင်တစား ဆော့ကစားနေသည်။
ဤသည်မှာ မန္တလေးလမ်းမများထက်တွင် ပုံမှန်မြင်နေရသည့် မြင်ကွင်းများ ဖြစ်သလို ကပ်ဘေးအလွန် လူအများ၏ ပုံမှန်ဘဝ ဖြစ်ရပ်မှန်များဖြစ်သည်။ မည်သို့ပင်ဆိုစေကာမူ ကပ်ဘေးမှာ ကျော်လွန်သွားမည်ဖြစ်ပြီး ဘဝကိုလည်း စဉ်ဆက်မပြတ် ဆက်လက်ရှေ့ဆက်ရဦးပေမည်။ ရန်ကုန်မြို့ ဆင်ခြေဖုံးတွင် လယ်သမားများက နောက်တစ်ရာသီ အထွက်နှုန်းတိုးရန် မျှော်လင့်ကာ စိုက်ပျိုးထွန်ယက်နေကြသည်။
ယင်းမှာလည်း မျှော်လင့်ချက်၏ အင်အားများဖြစ်ပေသည်။ (Xinhua)

မြန်မာနိုင်ငံ မန္တလေးမြို့၌ ခြင်ထောင်ထဲတွင် အနားယူရန် ပြင်ဆင်နေကြသူများအား ၂၀၂၅ ခုနှစ် မတ် ၃၁ ရက်က တွေ့ရစဉ် (ဆင်ဟွာ)

မြန်မာနိုင်ငံ မန္တလေးမြို့လမ်းမထက်၌ အမျိုးသမီးတစ်ဦးက ကလေးငယ်အတွက် ခြင်မောင်းပေးနေသည်ကို ၂၀၂၅ ခုနှစ် မတ် ၃၁ ရက်က တွေ့ရစဉ် (ဆင်ဟွာ)

မြန်မာနိုင်ငံ ရန်ကုန်မြို့ရှိ ရွှေတိဂုံစေတီ၏ မြင်ကွင်းတစ်နေရာအား ၂၀၂၅ ခုနှစ် မတ် ၃၀ ရက်က တွေ့ရစဉ် (ဆင်ဟွာ)

မြန်မာနိုင်ငံ ရန်ကုန်မြို့ရှိ လမ်းမမြင်ကွင်းတစ်ခုအား ၂၀၂၅ ခုနှစ် မတ် ၃၀ ရက်က တွေ့ရစဉ် (ဆင်ဟွာ)

မြန်မာနိုင်ငံ ရန်ကုန်မြို့ ရွှေတိဂုံစေတီအနီး ဈေးသည်တစ်ဦးအား ၂၀၂၅ ခုနှစ် မတ် ၃၀ ရက်က တွေ့ရစဉ် (ဆင်ဟွာ)

မြန်မာနိုင်ငံ မြို့တော် နေပြည်တော်၌ အမျိုးသမီးတစ်ဦး လမ်းနံဘေးတွင် ညစာချက်ပြုတ်နေသည်ကို ၂၀၂၅ ခုနှစ် မတ် ၃၁ ရက်က တွေ့ရစဉ် (ဆင်ဟွာ)

မြန်မာနိုင်ငံ မြို့တော် နေပြည်တော်၌ ငလျင်ဒဏ်သင့်ပြည်သူများ မြေလမ်းနံဘေးတွင် အိပ်စက်ကြသည်ကို ၂၀၂၅ ခုနှစ် မတ် ၃၁ ရက်က တွေ့ရစဉ် (ဆင်ဟွာ)

မြန်မာနိုင်ငံ မြို့တော် နေပြည်တော်၌ ငလျင်ဒဏ်သင့်ပြည်သူများ မြေလမ်းနံဘေးတွင် ထမင်းစားသောက်ကြသည်ကို ၂၀၂၅ ခုနှစ် မတ် ၃၁ ရက်က တွေ့ရစဉ် (ဆင်ဟွာ)
———————-
(Chinese Version)
记者手记|当希望的力量汇聚
新华社仰光4月1日电 记者手记|当希望的力量汇聚
新华社记者刘锴 地震报道中,救灾现场是记者们争先恐后力求抵达的地点。而这些天,在缅甸地震报道中,仰光国际机场也成为我的同事们每天都要往返的采访点。
当地时间3月29日上午7时许,中国云南救援医疗队率先抵达缅甸,常驻仰光的同事在现场第一时间发出快讯。此后,中国救援队、中国香港特区救援队以及从各地赶来的蓝天、公羊等民间救援队陆续抵达。随着飞机一次次降落,各路力量在仰光国际机场汇聚,再从那里分头抵进,深入灾区开展救援行动。
3月31日中午,中国政府向缅甸提供的首批紧急人道主义救灾物资运抵仰光国际机场。帐篷、毛毯、急救包等物资从这里北上,运往受灾严重的曼德勒、内比都等地。 往返仰光和曼德勒之间的道路在地震中损毁严重,车辆不得不在高速路和老公路之间切换行驶。往常6个小时的路程,现在要花15个小时、甚至20个小时。
这些天,不少人驾车从曼德勒南下撤到仰光。同时,满载救援物资的车辆也排着队向北前进。车辆南北交会时,人们从彼此身上看到的,都是生活的希望。
在仰光,城市基本恢复正常运转,地震的影响仍让这座缅甸最大城市处于某种“战时”状态:持续的余震一再考验着建筑结构的牢固度和人们内心的承受度,城市每晚至少实施2小时宵禁,供电从震前每天12小时缩短至4小时,通信运营商仍无法保证信号不会突然中断……然而,对于受灾更严重地区的人来说,有一个安稳的环境,便足以让人满怀希望。
这些天,老人、孕妇、女童获救的好消息不时传来,给大家带来些许安慰。而更令我动容的,是曼德勒街头的日常一幕。
3月底的曼德勒,白天气温接近40摄氏度,高温高湿的环境使得蚊虫肆虐。夜幕降临后,在街头避难的人们或是搭起蚊帐,或是就地铺上凉席而坐。人们围坐一圈,吃着面包,就着瓶装水,脸上满是疲惫,却也露出一丝安宁。
一位年轻的母亲陪着一个四岁左右的小男孩,坐在路边凉席上,拿着电蚊拍为孩子驱赶蚊虫。小男孩安心地坐着,全神贯注地摆弄手上的物品。
这是曼德勒街头再平常不过的场景,也是灾难后人们恢复正常生活的真实写照。灾难总会过去,生活一直继续。在仰光近郊,农民已经下田劳作,期待下一季的丰收。
这,也是希望的力量。(完)
1. 3月31日,在缅甸曼德勒,人们在蚊帐里打蚊虫。新华社记者 才扬 摄
2. 3月31日,在缅甸曼德勒,人们在蚊帐里准备休息。新华社记者 才扬 摄
3. 3月31日,在缅甸曼德勒街头,一名女子用电蚊拍为孩子驱赶蚊虫。新华社记者 才扬 摄
4. 这是3月30日拍摄的缅甸仰光大金塔。新华社发(王申摄)
5. 这是3月30日拍摄的缅甸仰光街头一景。新华社发(王申摄)
6. 这是3月30日拍摄的缅甸仰光大金塔附近的小贩。新华社发(王申摄)
7. 3月31日,在缅甸首都内比都,一名女子在土路边做晚饭。新华社发(王申摄)
8. 3月31日,在缅甸首都内比都,地震受灾民众在土路边的树林中过夜。新华社发(王申摄)
9. 3月31日,在缅甸首都内比都,地震受灾民众在土路边的树林中吃饭。新华社发(王申摄)