အီရတ်ကလေးငယ်များ မြေမြှုပ်မိုင်း အန္တရာယ်မှ ကင်းဝေးစေရေး အစီအမံများ လုပ်ဆောင်ရန် ကုလသမဂ္ဂ တိုက်တွန်း

ဘဂ္ဂဒက်၊ ဧပြီ ၅ ရက် (ဆင်ဟွာ)
အီရတ်ကလေးငယ်များ မြေမြှုပ်မိုင်းနှင့် စစ်ပွဲ အကြွင်းအကျန် ပေါက်ကွဲစေတတ်သော ပစ္စည်းများ၏ အန္တရာယ်မှ ကင်းဝေးစေရေး အစီအမံများ ချက်ချင်းလုပ်ဆောင်ရန် ကုလသမဂ္ဂ မိုင်းရှင်းလင်းရေးလုပ်ငန်းအဖွဲ့ (UNMAS) နှင့် ကုလသမဂ္ဂ ကလေးများရန်ပုံငွေအဖွဲ့ (UNICEF) က ဧပြီ ၄ ရက်တွင် တိုက်တွန်းခဲ့သည်။

ဧပြီ ၄ ရက်သည် “နိုင်ငံတကာ မြေမြှုပ်မိုင်းအသိပညာမြှင့်တင်ပေးရေးနှင့် မြေမြှုပ်မိုင်းလှုပ်ရှားမှု ကူညီထောက်ပံ့ရေးနေ့” ဖြစ်သည်။ မြေမြှုပ်မိုင်းနှင့် စစ်ပွဲ အကြွင်းအကျန် ပေါက်ကွဲစေတတ်သောပစ္စည်းများသည် အီရတ်ပြည်သူများ၏ အသက်အန္တရာယ်ကို ဆက်လက်ခြိမ်းခြောက်လျက်ရှိကြောင်း၊ ကလေးငယ်များသည် ထိခိုက်အလွယ်ဆုံး လူစုများအနက် တစ်ခုဖြစ်ကြောင်း အီရတ်ရှိ UNICEF ရုံးက အဆိုပါနေ့တွင် ကြေညာချက်ထုတ်ပြန်ခဲ့သည်။

လွန်ခဲ့သည့် ၅ နှစ်အတွင်း အီရတ် ကလေးငယ် ၃၁၄ ဦးထက်မနည်းမှာ ပေါက်ကွဲစေတတ်သော ပစ္စည်းများကြောင့် သေဆုံး၊ ဒဏ်ရာရရှိခဲ့ရပြီး လက်ရှိတွင် အီရတ်နိုင်ငံ၏ စတုရန်း ကီလိုမီတာ ၂,၇၀၀ ကျော်သော မြေဧရိယာသည် မြေမြှုပ်မိုင်းများနှင့် ပေါက်ကွဲစေတတ်သော ပစ္စည်းများကြောင့် “ညစ်ညမ်းနေ” ဆဲဖြစ်ကြောင်း ကုလသမဂ္ဂ၏ တရားဝင်ထုတ်ပြန်ချက်တွင် ဖော်ပြထားသည်။ အီရတ်၏ ထိလွယ်ရှလွယ်ဆုံး လူအုပ်စု၊ အထူးသဖြင့် ကလေးငယ်များ၏ အသက်များကို ကာကွယ်စောင့်ရှောက်ရန်၊ မြေမြှုပ်မိုင်းနှင့် စစ်ပွဲ အကြွင်းအကျန် ပေါက်ကွဲစေတတ်သော ပစ္စည်းများ၏ သေစေနိုင်လောက်သည့် ခြိမ်းခြောက်မှုမှ ၎င်းတို့အား ကာကွယ်ရန် ကုလသမဂ္ဂ မိုင်းရှင်းလင်းရေးလုပ်ငန်းအဖွဲ့ (UNMAS) နှင့် ကုလသမဂ္ဂ ကလေးများရန်ပုံငွေအဖွဲ့ (UNICEF) က အရေးပေါ်လှုပ်ရှားမှုများ လုပ်ဆောင်ရန် တိုက်တွန်းခဲ့သည်။

အီရတ်ရှိ UNMAS အဖွဲ့၏ တာဝန်မှာ လုံခြုံရေးကို မြှင့်တင်ရန်နှင့် တည်ငြိမ်မှု၊ ရေရှည်ဖွံ့ဖြိုးတိုးတက်မှုအတွက် အခွင့်အလမ်းများ ဆောင်ကြဉ်းပေးရန် ဖြစ်ကြောင်း၊ ဤလှုပ်ရှားမှုသည် ပေါက်ကွဲစေတတ်သော ပစ္စည်း “ညစ်ညမ်းမှု” ပြဿနာကို အီရတ်အစိုးရ ဖြေရှင်းရာတွင် ဆက်လက်ပံ့ပိုးကူညီသွားမည်ဖြစ်ကြောင်း အီရတ်ရှိ UNMAS အဖွဲ့၏ မိုင်းရှင်းလင်းရေး အစီအစဉ် တာဝန်ခံ Pehr Lodhammar က ပြောကြားခဲ့သည်။

“ကလေးတိုင်းမှာ မြေမြှုပ်မိုင်းနဲ့ စစ်ပွဲ အကြွင်းအကျန် ပေါက်ကွဲစေတတ်သော ပစ္စည်းများရဲ့ ခြိမ်းခြောက်မှုကနေ ကင်းဝေးစေပြီး အပူအပင်ကင်း၊ လုံခြုံတဲ့ ကလေးဘဝ ရပိုင်ခွင့်ရှိတယ်” ဟု အီရတ်ရှိ UNICEF ကိုယ်စားလှယ် Sandra Lattouf က ပြောကြားခဲ့သည်။ (Xinhua)
…………………….
(Chinese Version)
联合国呼吁采取行动保护伊拉克儿童免受地雷威胁
新华社巴格达4月4日电（记者李军 段敏夫）联合国排雷行动处和联合国儿童基金会4日呼吁立即采取行动，保护伊拉克儿童免受地雷和战争遗留爆炸物的威胁。
4月4日是“国际提高地雷意识和协助地雷行动日”。联合国儿童基金会伊拉克办事处当天发表声明说，地雷和战争遗留爆炸物仍在持续威胁伊拉克人民的生命，儿童是最易受伤害的群体之一。联合国官方报告显示，过去5年内至少有314名伊拉克儿童因爆炸物死伤，伊拉克目前仍有超过2700平方公里的土地受地雷和爆炸物“污染”。联合国排雷行动处和联合国儿童基金会呼吁采取紧急行动，保护伊拉克最脆弱人群、尤其是儿童的生命，使他们免受地雷和战争遗留爆炸物带来的致命威胁。
联合国排雷行动处伊拉克排雷项目负责人佩尔·洛德哈马尔表示，联合国排雷行动处在伊拉克的使命是促进安全并为稳定和可持续发展提供机会。该行动处将继续支持伊拉克政府解决爆炸物“污染”问题。
联合国儿童基金会驻伊拉克代表桑德拉·拉图夫说，“每个孩子都有权享有安全无虞的童年，免受地雷和战争遗留爆炸物的威胁”。（完）