အမေရိကန်က Chip တင်ပို့မှုထိန်းချုပ်မှုနှင့်စပ်လျဉ်းသည့် ဖော်ပြချက် ပြင်ဆင်ခြင်းအား တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန တုံ့ပြန်

ပေကျင်း၊ မေ ၂၀ ရက် (ဆင်ဟွာ)

အမေရိကန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက Chip တင်ပို့မှု ထိန်းချုပ်မှုနှင့်စပ်လျဉ်းသည့် ဖော်ပြချက် ပြင်ဆင်မှုအတွက် မေ ၁၅ ရက်က တရုတ်စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပုံမှန်သတင်းစာရှင်းလင်းပွဲတွင် တရုတ်ဘက်က သက်ဆိုင်ရာအရေးကိစ္စနှင့်ပတ်သက်ပြီး တိကျသော ရပ်တည်ချက်အား ရှင်းလင်းစွာပြောကြားပြီးဖြစ်ကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြောခွင့်ရပုဂ္ဂိုလ်က မေ ၁၉ ရက်တွင် သတင်းထောက်၏ မေးမြန်းမှုကို ဖြေကြားရာတွင် ပြောကြားခဲ့သည်။

အမေရိကန်ဘက်က သက်ဆိုင်ရာလမ်းညွှန်ချက် ထုတ်ပြန်ပြီးနောက် တရုတ်ဘက်က တရုတ်-အမေရိကန် စီးပွားရေးနှင့် ကုန်သွယ်ရေး ညှိနှိုင်းဆွေးနွေးမှုယန္တရားမှတစ်ဆင့် အလွှာအသီးသီးတွင် အမေရိကန်ဘက်နှင့် ဆွေးနွေးညှိနှိုင်းမှုများ လုပ်ဆောင်ခဲ့ပြီး အမေရိကန်၏ လုပ်ရပ်သည် တရုတ်-အမေရိကန် ဂျီနီဗာ အဆင့်မြင့်တွေ့ဆုံဆွေးနွေးပွဲ သဘောတူညီချက်အား ပြင်းထန်စွာချိုးဖောက်နေသည်ဟု ထောက်ပြခဲ့ကာ အမေရိကန်ဘက်က အမှားကိုပြင်ဆင်ရန် တောင်းဆိုခဲ့ကြောင်း၊ မကြာသေးမီရက်များက အမေရိကန်ဘက်က လမ်းညွှန်ချက်သတင်းထုတ်ပြန်ချက်၌ သက်ဆိုင်ရာဖော်ပြချက်အား ပြင်ဆင်ခဲ့သည်ကို တရုတ်ဘက်က သတိထားမိကြောင်း၊ သို့သော် လမ်းညွှန်ချက်ပင်ကိုယ်ကပင် ခွဲခြားဆက်ဆံမှု အစီအမံနှင့် ဈေးကွက်ကို ပုံပျက်စေသည့် သဘောသဘာဝမှာ ပြောင်းလဲမှုမရှိကြောင်း ပြောခွင့်ရပုဂ္ဂိုလ်က ပြောကြားခဲ့သည်။

အမေရိကန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဝက်ဘ်ဆိုက်က ၎င်းတို့ မေ ၁၂ ရက်တွင် ထုတ်ပြန်ခဲ့သော AI Chip တင်ပို့မှုထိန်းချုပ်ခြင်း လမ်းညွှန်ချက် သတင်းထုတ်ပြန်မှုတွင် သက်ဆိုင်ရာ ဖော်ပြချက်များကို ပြင်ဆင်ခဲ့ကြောင်း၊ “ကမ္ဘာ့မည်သည့်နေရာတွင်မဆို HUAWEI Ascend chip အသုံးပြုမှုသည် အမေရိကန်၏ တင်ပို့မှုထိန်းချုပ်ရေး ဥပဒေစည်းကမ်းအား ချိုးဖောက်ရာကျသည်” ဟူသော ပြောဆိုချက်ကို “လုပ်ငန်းများက တရုတ်နိုင်ငံ ခေတ်မီ ကွန်ပျူတာ Chip များ အသုံးပြုမှုအား သတိပေးကြောင်း၊ အထူးသတ်မှတ်ထားသည့် HUAWEI Ascend Chip များ၏ အန္တရာယ်လည်း အပါအဝင်ဖြစ်သည်” ဟု ပြင်ဆင်ခဲ့ကြောင်း၊ ယင်းနှင့်စပ်လျဉ်း၍ တရုတ်နိုင်ငံအနေဖြင့် မည်ကဲ့သို့ မှတ်ချက်ပြုလိုသနည်းဟု သတင်းထောက်၏ မေးမြန်းချက်အပေါ် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောခွင့်ရပုဂ္ဂိုလ်က အထက်ပါအတိုင်း တုံ့ပြန်ဖြေကြားခဲ့ခြင်းဖြစ်သည်။

အမေရိကန်အနေဖြင့် တင်ပို့မှုကန့်သတ်ချက်အစီအမံကို အလွဲသုံး၍ အခြေအမြစ်မရှိသောစွဲချက်ဖြင့် တရုတ် Chips ထုတ်ကုန်များအပေါ် တင်းကျပ်စွာကန့်သတ်ပြီး တရုတ်ကုမ္ပဏီများက တရုတ်နိုင်ငံပြည်တွင်း၌ တရုတ်နိုင်ငံ ကိုယ်တိုင်ထုတ်လုပ်သော Chips အသုံးပြုမှုအား စွက်ဖက်လာကြောင်း၊ အမေရိကန်၏ လက်တံရှည်လှမ်းစီမံမှုက ပို၍ကျယ်ပြန့်လာရာ စံပြုထိုက်သော တစ်ဖက်သတ် ဗိုလ်ကျအနိုင်ကျင့်မှု လုပ်ရပ်ဖြစ်ကာ တရုတ်နိုင်ငံအနေဖြင့် ပြတ်သားစွာကန့်ကွက်ကြောင်း ပြောခွင့်ရပုဂ္ဂိုလ်က ပြောကြားခဲ့သည်။

အမေရိကန်၏လုပ်ရပ်သည် တရုတ်လုပ်ငန်းကုမ္ပဏီများ၏ တရားဝင် အခွင့်အရေးနှင့် အကျိုးစီးပွားကို ပြင်းထန်စွာ ထိခိုက်နေပြီး တစ်ကမ္ဘာလုံး တစ်ပိုင်းလျှပ်ကူးပစ္စည်း ကုန်ထုတ်မှုနှင့် ထောက်ပံ့ရေးကွင်းဆက် လုံခြုံတည်ငြိမ်မှုကို ဆိုးရွားစွာ ခြိမ်းခြောက်နေကာ ကမ္ဘာ့သိပ္ပံနည်းပညာ ဆန်းသစ်တီထွင်မှုကို များစွာ ထိုးနှက်မှုဖြစ်ကြောင်း၊ သူတစ်ပါးအား “ခြေထိုးခံခြင်း” သည် မိမိကိုယ်ကိုလည်း ပိုမြန်အောင် ပြေးနိုင်စေမည်မဟုတ်ကြောင်း၊ ထိုကဲ့သို့ တစ်ဖက်သတ် ကိုယ်ကျိုးစီးပွားရေးကာကွယ်ရေးဝါဒ လုပ်ရပ်ဖြင့် အခြားနိုင်ငံအား ပိတ်ဆို့ပြီး အထီးကျန်အောင် ကြိုးပမ်းလုပ်ဆောင်မှုသည် အမေရိကန် မိမိကိုယ်တိုင် လုပ်ငန်းများ၏ ယှဉ်ပြိုင်နိုင်မှုစွမ်းရည်ကိုသာ ထိခိုက်စေမည်ဖြစ်ပြီး ယင်း၏ရလဒ်မှာ ကိုယ့်အတတ် ကိုယ်စူးစေမည်သာကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် အမေရိကန်ဘက်က မှားယွင်းသည့်လုပ်ရပ်ကို ချက်ချင်းပြင်ဆင်ကာ တရုတ်နိုင်ငံအပေါ် ခွဲခြားဆက်ဆံသည့် အစီအမံများအား ရပ်တန့်ရန် တိုက်တွန်းကြောင်း ပြောခွင့်ရပုဂ္ဂိုလ်က ပြောကြားခဲ့သည်။
နှစ်ဖက်အနေဖြင့် ဂျီနီဗာ အဆင့်မြင့်တွေ့ဆုံဆွေးနွေးပွဲ သဘောတူညီချက်အား အတူတကွ ကာကွယ်ထိန်းသိမ်းပြီး တရုတ်-အမေရိကန် စီးပွားရေးနှင့်ကုန်သွယ်ရေး ဆွေးနွေးညှိနှိုင်းမှု စသည့် ယန္တရားများမှတစ်ဆင့် ရပ်တည်ချက်ဆိုင်ရာ ချိတ်ဆက်ဆွေးနွေးမှုများကို တိုးမြှင့်သင့်ကြောင်း၊ သဘောထားကွဲလွဲမှုများကို ထိရောက်စွာ စီမံထိန်းချုပ်၍ ကိုယ်စီ ဂရုပြုသည့် အကြောင်းအရာများအား ညှိနှိုင်းဖြေရှင်းကာ စဉ်ဆက်မပြတ်ဖြစ်သော၊ ရေရှည်ဖြစ်သော၊ အပြန်အလှန် အကျိုးဖြစ်ထွန်းသော နှစ်ဖက် စီးပွားရေးနှင့် ကုန်သွယ်ရေး ဆက်ဆံရေး တည်ဆောက်မှုကို တွန်းအားပေးရမည်ဖြစ်ကြောင်း ၎င်းက ပြောကြားခဲ့သည်။

အမေရိကန်ဘက်က တဇွတ်ထိုးလုပ်ဆောင်ပြီး တရုတ်နိုင်ငံ အကျိုးစီးပွားရေးအား လက်တွေ့အရ ထိခိုက်မှုများ ဆက်လက်လုပ်ဆောင်နေမည်ဆိုပါက တရုတ်နိုင်ငံဘက်က ခိုင်မာသောအစီအမံလုပ်ဆောင်ပြီး မိမိ၏ တရားဝင် လုပ်ပိုင်ခွင့်နှင့် အကျိုးစီးပွားများကို ကာကွယ်ထိန်းသိမ်းသွားမည်ဖြစ်ကြောင်း ၎င်းက ပြောကြားခဲ့သည်။ (Xinhua)

———————-
(Chinese Version)
美方调整芯片出口管制有关表述，商务部这样回应
新华社北京5月19日电 商务部新闻发言人5月19日就美国商务部调整芯片出口管制有关表述答记者问时表示，5月15日商务部例行新闻发布会上，中方已就相关问题阐明严正立场。美方发布有关指南后，中方通过中美经贸磋商机制，在各层级与美方进行交涉沟通，指出美方行为严重破坏中美日内瓦高层会谈共识，要求美方纠偏纠错。中方注意到，近日美方对指南新闻稿相关表述进行了调整，但指南本身的歧视性措施和扭曲市场本质并没有改变。
有记者问：美国商务部网站调整了其5月12日发布的AI芯片出口管制指南新闻稿相关表述，将“在世界任何地方使用华为昇腾芯片均违反美国出口管制法规”调整为“警告业界使用中国先进计算机芯片，包括特定华为昇腾芯片的风险”。请问中方对此有何评论？商务部新闻发言人作出上述回应。
发言人说，美方滥用出口管制措施，以莫须有的罪名对中国芯片产品加严管制，甚至干涉中国公司在中国境内使用中国自己生产的芯片，美方的手伸得太长，是典型的单边霸凌行径，中方坚决反对。美方行为严重损害中国企业正当权益，严重威胁全球半导体产供链安全稳定，严重冲击全球科技创新。给别人“下绊子”，不会让自己跑得更快。这种以单边保护主义手段，妄图围堵、孤立其他国家的做法，终将损害美自身产业竞争力，其结果只能是搬起石头砸自己的脚。
发言人表示，中方敦促美方立即纠正错误做法，停止对华歧视性措施。双方应共同维护日内瓦高层会谈共识，通过中美经贸磋商等机制，加强立场沟通，有效管控分歧，协商解决各自关切，推动构建可持续的、长期的、互利的双边经贸关系。倘若美方一意孤行，继续实质性损害中方利益，中方必将采取坚决措施，维护自身正当权益。（完）