တရုတ်အဆင့်မြင့် ကွန်ပျူတာ ချစ်ပ်များအား တစ်ကမ္ဘာလုံးတွင် အသုံးပြုရန် တားမြစ်သည့် အမေရိကန်၏ ကြိုးပမ်းမှုအပေါ် တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောရေးဆိုခွင့်ရှိသူ ပြောကြား

ပေကျင်း၊ မေ ၂၁ ရက် (ဆင်ဟွာ)
အမေရိကန်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက မကြာမီရက်ပိုင်းတွင် ထုတ်ပြန်သည့် လမ်းညွှန်ချက်၌ အမေရိကန် ပို့ကုန် စီမံထိန်းချုပ်မှုအား ချိုးဖောက်သည်ဟူသော ယူဆသတ်မှတ်ချက်ဖြင့် အထူးသတ်မှတ်ထားသည့် HUAWEI Ascend ချစ်ပ် အပါအဝင် တရုတ်အဆင့်မြင့် ကွန်ပျူတာ ချစ်ပ်များအား တစ်ကမ္ဘာလုံးတွင် အသုံးပြုရန် တားမြစ်သည့် အမေရိကန်၏ ကြိုးပမ်းမှုကို တရုတ်နိုင်ငံက ဂရုပြုမိကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောရေးဆိုခွင့်ရှိသူက မေ ၂၁ ရက်တွင် ပြောကြားခဲ့သည်။

အမေရိကန်၏အစီအမံများမှာ စံတင်ရသည့် တစ်ဖက်သတ် ဗိုလ်ကျအနိုင်ကျင့်မှုနှင့် ကိုယ်ကျိုးစီးပွားကာကွယ်ရေးဝါဒ လုပ်ရပ် ဖြစ်ရာ ကမ္ဘာလုံးဆိုင်ရာ တပိုင်းလျှပ်ကူးပစ္စည်း ထုတ်လုပ်မှုလုပ်ငန်းကွင်းဆက်နှင့် ထောက်ပံ့ရေးကွင်းဆက် တည်ငြိမ်မှုကို ဆိုးရွားစွာ ထိခိုက်စေသလို အခြားနိုင်ငံများက အဆင့်မြင့် ကွန်ပျူတာ ချစ်ပ်နှင့် ဉာဏ်ရည်တု စသည့် အဆင့်မြင့် သိပ္ပံနည်းပညာထုတ်လုပ်မှုလုပ်ငန်း ဖွံ့ဖြိုးတိုးတက်မှုဖော်ဆောင်သည့် အခွင့်အရေးကို လုယူခြင်း ဖြစ်ကြောင်း ၎င်းက ပြောကြားခဲ့သည်။

အမေရိကန်ဘက်က ပို့ကုန် စီမံထိန်းချုပ်မှုကို အလွဲသုံး၍ တရုတ်နိုင်ငံအပေါ် တားဆီးဖိနှိပ်ခြင်းသည် နိုင်ငံတကာ ဥပဒေနှင့် နိုင်ငံတကာဆက်ဆံရေး အခြေခံမူများကို ချိုးဖောက်ခြင်း၊ တရုတ်ကုမ္ပဏီလုပ်ငန်းများ၏ တရားဝင် အခွင့်အရေးနှင့် အကျိုးစီးပွားကို ဆိုးရွားစွာ ဖျက်ဆီးခြင်း၊ တရုတ်နိုင်ငံဖွံ့ဖြိုးတိုးတက်မှု အခွင့်အရေးနှင့် အကျိုးစီးပွားကို ထိခိုက်ခြင်းဖြစ်သည်ဟု တရုတ်နိုင်ငံအနေဖြင့် ယူဆကြောင်း ပြောရေးဆိုခွင့် ရှိသူက ပြောကြားခဲ့သည်။

အမေရိကန်ဘက်က အစီအမံများသည် တရုတ်ကုမ္ပဏီလုပ်ငန်းများအပေါ် ခွဲခြားဆက်ဆံသည့် ကန့်သတ်ချက် အစီအမံမြောက်သည်ဟု သံသယရှိကြောင်း တရုတ်နိုင်ငံက အလေးထားပြောကြားခဲ့ကြောင်း ပြောရေးဆိုခွင့်ရှိသူက ထောက်ပြခဲ့သည်။ အမေရိကန် အစီအမံများကို ပံ့ပိုးဖော်ဆောင်ပေးသည့် မည်သည့် အဖွဲ့အစည်းနှင့် တစ်သီးပုဂ္ဂလလူပုဂ္ဂိုလ် မဆို “တရုတ်ပြည်သူ့သမ္မတနိုင်ငံ နိုင်ငံခြား ပိတ်ဆို့အရေးယူမှု တိုက်ဖျက်ရေးဥပဒေ” စသည့် ဥပဒေစည်းမျဉ်းစည်းကမ်းများကို ချိုးဖောက်သည်ဟု သံသယရှိမည် ဖြစ်ရာ သက်ဆိုင်ရာဥပဒေဖြင့် အရေးယူမှုကို ခံရမည် ဖြစ်ကြောင်း ၎င်းက ပြောကြားခဲ့သည်။

ဆန်းသစ်တီထွင် ဖွံ့ဖြိုးတိုးတက်ရေး၊ ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ရေးသည် ခေတ်ရေစီးကြောင်းနှင့်လျော်ညီကြောင်း ပြောရေးဆိုခွင့်ရှိသူက ပြောကြားခဲ့သည်။ တရုတ်နိုင်ငံအနေဖြင့် အမေရိကန်ဘက်က မှားယွင်းသည့်လုပ်ရပ်များကို ချက်ချင်းပြင်ဆင်ရန်၊ နိုင်ငံတကာ ကုန်သွယ်ရေး စည်းမျဉ်းစည်းကမ်းများကို လေးစားလိုက်နာစောင့်ထိန်းရန်၊ အခြားနိုင်ငံ၏ သိပ္ပံနည်းပညာ ဖွံ့ဖြိုးတိုးတက်မှု အခွင့်အရေးကို လေးစားရန် တိုက်တွန်းကြောင်း၊ တစ်ကမ္ဘာလုံးရှိ ကုမ္ပဏီလုပ်ငန်းများအနေဖြင့်လည်း ဈေးကွက်မူဝါဒအရ သိပ္ပံနည်းပညာပူးပေါင်းဆောင်ရွက်မှုများ နက်ရှိုင်းစွာပြုလုပ်ကာ အပြန်အလှန် အကျိုးဖြစ်ထွန်းသည့် ဘုံအကျိုးစီးပွားဖော်ဆောင်ရန်၊ သိပ္ပံနည်းပညာ ဆန်းသစ်တီထွင်မှုကို တွန်းအားပေးခြင်းဖြင့် ကမ္ဘာ့နိုင်ငံအသီးသီးပြည်သူများအား အကျိုးပြုရန် တရုတ်နိုင်ငံအနေဖြင့် ထောက်ခံအားပေးကြောင်း၊ တရုတ်နိုင်ငံက အမေရိကန်ဘက် အစီအမံများဖော်ဆောင်မှုအခြေအနေကို အနီးကပ်စောင့်ကြည့်သွားမည် ဖြစ်ပြီး မိမိ၏တရားဝင် အခွင့်အရေးနှင့် အကျိုးစီးပွားကို ကာကွယ်ထိန်းသိမ်းရန်အတွက် အစီအမံများ ပြတ်ပြတ်သားသား ဆောင်ရွက်သွားမည် ဖြစ်ကြောင်း ၎င်းက ပြောကြားခဲ့သည်။ (Xinhua)

———————
(Chinese Version)
商务部新闻发言人就美国企图全球禁用中国先进计算芯片发表谈话
新华社北京5月21日电 商务部新闻发言人21日表示，中方注意到，美国商务部近日发布指南，以所谓推定违反美出口管制为由，企图在全球禁用中国先进计算芯片，包括特定的华为昇腾芯片。美方措施是典型的单边霸凌和保护主义做法，严重损害全球半导体产业链供应链稳定，剥夺其他国家发展先进计算芯片和人工智能等高科技产业的权利。
发言人说，中方认为，美方滥用出口管制，对中国进行遏制打压，违反国际法和国际关系基本准则，严重损害中国企业正当权益，危害中国发展利益。
发言人指出，中方强调，美方措施涉嫌构成对中国企业采取歧视性限制措施。任何组织和个人执行或协助执行美方措施，将涉嫌违反《中华人民共和国反外国制裁法》等法律法规，须承担相应法律责任。
发言人表示，创新发展、合作共赢是大势所趋。中方敦促美方立即纠正错误做法，遵守国际经贸规则，尊重其他国家科技发展权利。中方支持全球企业按照市场原则，深入开展科技合作，实现互利共赢，共同推动科技创新造福世界各国人民。中方密切关注美方措施执行情况，将采取坚决措施维护自身正当权益。（完）