တောတောင်ထဲတွင် နှစ်ထောင်ချီကျော် သက်တမ်းရှိ ရုပ်ပွားတော်များအား ထိန်းသိမ်းစောင့်ရှောက်သူ

ချိန်တူး၊ ဇူလိုင် ၅ ရက် (ဆင်ဟွာ)
တရုတ်နိုင်ငံ စီချွမ်းပြည်နယ် ကျစ်ယန်မြို့ အန်းယွဲ့ခရိုင် စီယန်မြို့နယ်အတွင်းရှိ ကျားခေါင်းတောင်ထိပ်တွင် အဘိုးအိုတစ်ဦးက မကြာခဏ ဝံပုလွေခွေးတစ်ကောင်ကို ဆွဲကာ မင်ဆန်းဘုရားကျောင်းပြင်ပ လမ်းလျှောက်ပတ်လမ်းတွင် လှည့်ပတ်သွားလာပြီး ချောက်ကမ်းပါးပေါ်က ရုပ်ပွားတော်တိုင်း အကောင်းပကတိ ရှိ၊ မရှိကို အသေးစိတ် စစ်ဆေးလေ့ရှိသည်။

၎င်းမှာ ယခုနှစ် အသက် ၇၆ နှစ် ရှိပြီဖြစ်သော ကျန်းရှန်ယွီ ဖြစ်သည်။
မင်ဆန်းဘုရားကျောင်းကို ထန်မင်းဆက်ခေတ်တွင် စတင်တည်ဆောက်ခဲ့ရာ ဘုရားကျောင်းအပြင်ဘက် ချောက်ကမ်းပါးပေါ်တွင် လက်ရှိတွင် ချောက်ကမ်းပါးလိုဏ်ဂူ ၁၃ ခုနှင့် ရုပ်ပွားတော် ၆၀ ဆူရှိပေသည်။ ယင်းရုပ်ပွားတော်အများစုမှာ စုန့်မင်းဆက်ခေတ်က ပန်းပုလက်ရာဖြစ်ပြီး ရုပ်ပွားတော်၏ ဉာဏ်တော်မြင့်မားကာ ကြည်ညိုဖွယ်ကောင်းသလို ပန်းပုလက်ရာပြောင်မြောက်လှသည်။

“ငယ်ငယ်တုန်းကတော့ တောင်ပေါ်မှာ ရုပ်ပွားတော်တွေ အများကြီး ရှိတယ်ဆိုတာတော့ ကျွန်တော်တို့ သိတယ်။ အဲဒီတုန်းက အခုထက်ပိုပြီး လှပတင့်တယ်တယ်” ဟု ကျန်းရှန်ယွီက ပြန်လည်အောက်မေ့လျက် ပြောသည်။
၁၉၈၀ ပြည့်လွန်နှစ်များက ၎င်းသည် ဦးလေးဖြစ်သူနှင့်လိုက်ပြီး တောင်ပေါ်တက်၍ မင်ဆန်းဘုရားကျောင်းကို မွမ်းမံခဲ့ကြောင်း၊ ဤသို့ရောက်လာရာမှ မထင်မှတ်ဘဲ ဤနေရာ၌သာ မခွဲမခွာနေထိုင်ခဲ့ကြောင်း ၎င်းက ဆိုသည်။

၎င်းသည် အပြင်သို့ တိုးတက်ရာတိုးတက်ကြောင်း သွားနိုင်သည့်အခွင့်အလမ်းကို စွန့်လွှတ်ပြီး ကျောက်ပန်းပု ရုပ်ပွားတော်များအား ထိန်းသိမ်းစောင့်ရှောက်ရမည့်တာဝန်ကို ယခင်ရှေးလူကြီးများလက်မှ ဆက်ခံခဲ့ခြင်းဖြစ်သည်။

“ဒါတွေအားလုံးက ရှေးလူကြီးတွေ ချန်ထားခဲ့တဲ့ အဖိုးတန်ရတနာတွေပါ။ ကျွန်တော်က သူတို့ကို ထိန်းသိမ်းစောင့်ရှောက်ဖို့ တာဝန်ရှိတယ်” ဟု ကျန်းရှန်ယွီက ဆိုသည်။

ကျန်းရှန်ယွီ၏နေအိမ်မှာ မင်ဆန်းဘုရားကျောင်းတောင်ခြေ မလှမ်းမကမ်းနေရာတွင်ရှိရာ တောင်ခြေမှ မင်ဆန်းဘုရားကျောင်းသို့ရောက်ရန် လှေကားထစ်ပေါင်း ၂၈၀ ကျော် တက်ရပေသည်။ အစက ၎င်းအနေဖြင့် လှေကားထစ်လမ်းတစ်လျှောက် နေ့စဉ် အသွားအပြန် အနည်းဆုံး သုံးခေါက် သွားလာရသည်။

၂၀၀၆ ခုနှစ်တွင် မင်ဆန်းဘုရားကျောင်းကို တရုတ်နိုင်ငံတစ်ဝန်း အဓိကကာကွယ်ထိန်းသိမ်းရသော ယဉ်ကျေးမှုအမွေအနှစ်နေရာအဖြစ် သတ်မှတ်ခဲ့ရာ ကျန်းရှန်ယွီလည်း တရားဝင် ယဉ်ကျေးမှုအမွေအနှစ်ပစ္စည်း ထိန်းသိမ်းသူ ဝန်ထမ်းတစ်ဦး ဖြစ်လာကာ မင်ဆန်းဘုရားကျောင်းနံဘေးရှိ ရုံးခန်းတွင် ရေရှည်တာဝန်ထမ်းဆောင်ခဲ့သည်။

ယခုနှစ်များတွင် မင်ဆန်းဘုရားကျောင်းသို့ လာရောက်လည်ပတ်သူ ပို၍များပြားလာရာ ကျန်းရှန်ယွီလည်း တစ်ခါတရံ “လမ်းညွှန်ရှင်းပြပေးသူ” အဖြစ် ခရီးသွားဧည့်သည်များကို မင်ဆန်းဘုရားကျောင်းနှင့် ကျောက်လိုဏ်ဂူများ၏ သမိုင်းကြောင်းများကို ရှင်းလင်းပြောကြားပေးတတ်သည်။

“အခုအင်တာနက်တွေ သိပ်ဖွံ့ဖြိုးတိုးတက်လာတော့ မင်ဆန်းဘုရားကျောင်းလည်း စည်ကားလာတယ်” ဟု ၎င်းက ဆိုသည်။

မိမိ၏ ဆန္ဒမှာ ဤကျောက်လိုဏ်ဂူရုပ်ပွားတော်များကို ကောင်းမွန်စွာ ထိန်းသိမ်းစောင့်ရှောက်ပြီး ရှေးလူကြီးများ ချန်ရစ်ထားသည့် အမွေအနှစ်များကို နောက်မျိုးဆက်ထံ ကောင်းကောင်းမွန်မွန် လက်ဆင့်ကမ်းချင်ကြောင်း ကျန်းရှန်ယွီက ပြောကြားခဲ့သည်။ (Xinhua)

တရုတ်နိုင်ငံ မင်ဆန်းဘုရားကျောင်း ချောက်ကမ်းပါးပေါ်က ရုပ်ပွားတော်များအား ကျန်းရှန်ယွီနှင့် ၎င်း၏ ဝံပုလွေခွေးလေး “ရှောင်ရှောင်” အတူ လှည့်လည်စစ်ဆေးကြည့်ရှုနေသည်ကို ၂၀၂၅ ခုနှစ် ဇွန် ၁၄ ရက်က တွေ့ရစဉ် (ဆင်ဟွာ)

တရုတ်နိုင်ငံ မင်ဆန်းဘုရားကျောင်းတည်ရှိရာ ကျားခေါင်းတောင်၏ ဘယ်ဘက်အခြမ်း တောင်ကုန်းပေါ်ရှိ မင်ဆန်းဘုရားကျောင်းအား ၂၀၂၅ ခုနှစ် ဇွန် ၁၄ ရက်က တွေ့ရစဉ် (ဆင်ဟွာ)

တရုတ်နိုင်ငံ မင်ဆန်းဘုရားကျောင်း ကျောက်လိုဏ်ဂူ ရုပ်ပွားတော်အား ၂၀၂၅ ခုနှစ် ဇွန် ၁၄ ရက်က တွေ့ရစဉ် (ဆင်ဟွာ)

ရုံးခန်းတံခါးဝတွင် ကျန်းရှန်ယွီက ခရီးသွားဧည့်သည်တစ်ဦးနှင့် စကားပြောဆိုနေသည်ကို ၂၀၂၅ ခုနှစ် ဇွန် ၁၄ ရက်က တွေ့ရစဉ် (ဆင်ဟွာ)

——————-
(Chinese Version)
文化中国行·守宝人｜与山野为伴 守护千年造像
新华社照片，成都，2025年7月5日
在四川资阳安岳县石羊镇境内的虎头山巅，一位老人经常牵着一条狼狗，在茗山寺外的环形步道转上几圈，仔细检查每一尊摩崖造像是否完好。他，名叫曾祥余，今年76岁。 茗山寺始建于唐代，寺外山崖上现存摩崖造像13窟60多尊，造像多为宋代雕刻，造型高大宏伟，雕刻精美。 “小时候我们就知道山上有很多造像，那会儿似乎比现在更美。”曾祥余回忆，20世纪80年代，他随叔叔上山修缮茗山寺，没想到一来，就再也没有离开。他放弃了外出发展的机会，主动从老一辈人手中接管了守护石刻的重任，“这些都是前辈留下来的宝贝，我有义务保护好它们。”曾祥余说。 曾祥余的家就在茗山寺山下不远，从山下到茗山寺需要爬280多级台阶，最初他每天至少沿着台阶往返三次。2006年，茗山寺被确定为全国重点文物保护单位，曾祥余正式成为一名文管员，长期驻守在茗山寺旁的值班室里。 近年来，越来越多的人访茗山寺，曾祥余偶尔会客串“解说员”，给游客们讲述茗山寺和石窟的历史故事。“现在网络太发达了，茗山寺也变得热闹起来。”他表示，自己的心愿就是守护好这些石窟造像，把先辈留下来的遗产好好传承给下一代。
1. 6月14日，曾祥余巡查茗山寺摩崖造像。新华社记者 胥冰洁 摄
2. 6月14日，曾祥余和他的狼狗“小小”在茗山寺巡查摩崖造像。新华社记者 胥冰洁 摄
3. 茗山寺所在的虎头山，左前方小山包处便是茗山寺（无人机照片，6月14日摄）。
4. 6月14日拍摄的茗山寺石窟造像。新华社记者 胥冰洁 摄
5. 曾祥余在值班室门口与游客交流（6月14日摄）。新华社记者 胥冰洁 摄