ဝမ်ရိနှင့် ပြင်သစ်နိုင်ငံခြားရေးဝန်ကြီး Jean-Noel Barrot တွေ့ဆုံဆွေးနွေး

ပဲရစ်၊ ဇူလိုင် ၅ ရက် (ဆင်ဟွာ)
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် ပြင်သစ်နိုင်ငံခြားရေးဝန်ကြီး Jean-Noel Barrot နှင့် ပြင်သစ်နိုင်ငံ ပဲရစ်မြို့၌ ဒေသစံတော်ချိန် ဇူလိုင် ၄ ရက်က တွေ့ဆုံဆွေးနွေးခဲ့သည်။

ထိုသို့ တွေ့ဆုံရာတွင် ဝမ်ရိက နှစ်နိုင်ငံခေါင်းဆောင်များ၏ မဟာဗျူဟာ ဦးဆောင်မှုအောက်တွင် တရုတ်-ပြင်သစ်သည် အဆင့်မြင့်အလွှာ ကူးလူးဖလှယ်မှုအား ထိန်းသိမ်းထားပြီး မဟာဗျူဟာ ညှိနှိုင်းမှုကို အားဖြည့်ခဲ့ရာ နားလည်မှုနှင့် အပြန်အလှန် ယုံကြည်မှုကို မြှင့်တင်ခဲ့ကြောင်း ပြောကြားခဲ့သည်။

နှစ်ဖက်အနေဖြင့် အဆင့်မြင့် လူမှုယဉ်ကျေးမှုဖလှယ်ရေး ယန္တရားအစည်းအဝေးကို အောင်မြင်စွာ ကျင်းပခဲ့ပြီး တရုတ်-ပြင်သစ် ယဉ်ကျေးမှုကြီးနှစ်ရပ်၏ အားသာချက်ကို အသုံးချရန်၊ ယဉ်ကျေးမှုဖလှယ်ရေးနှင့် အပြန်အလှန် သင်ယူလေ့လာရေးကို မြှင့်တင်ပြီး လူမှ ရည်ရွယ်ပြုလုပ်ထားသည့် အတားအဆီးတံတိုင်းကို ထိုးဖောက်ရန် တိုက်တွန်းခဲ့ကြကြောင်း၊ ယခုနှစ်သည် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှင့် ကုလသမဂ္ဂတည်ထောင်ခြင်း နှစ် ၈၀ ပြည့်ဖြစ်ကြောင်း၊ နှစ်ပေါင်း ၈၀ ကြာကာလတွင် တရုတ်-ပြင်သစ်သည် သမိုင်း၏အချက်အချာအချိန်အခါတွင် မှန်ကန်သည့် မဟာဗျူဟာကို အကြိမ်ပေါင်းများစွာ ရွေးချယ်ခဲ့ဖူးကြရာ ကမ္ဘာ့ဖွံ့ဖြိုးတိုးတက်ရေးဖြစ်စဉ်ကို အတူတကွ သက်ရောက်မှုနှင့် တည်ဆောက်မှု ရှိခဲ့ကြပြီး တရုတ်-ပြင်သစ် ဆက်ဆံရေး၏ မဟာဗျူဟာနှင့် အမြော်အမြင်ကို ထင်ဟပ်ပြသခဲ့ကြောင်း ၎င်းက ပြောကြားခဲ့သည်။

တစ်ဖက်သတ် ဗိုလ်ကျစိုးမိုးမှုများ နိုင်ငံတကာစည်းစနစ်ကို ပြင်းထန်စွာ ရိုက်ခတ်မှုအား ရင်ဆိုင်ရာတွင် တရုတ်-ပြင်သစ်သည် ကုလသမဂ္ဂလုံခြုံရေးကောင်စီ အမြဲတမ်းအဖွဲ့ဝင်နိုင်ငံနှင့် လွတ်လပ်၍ ကိုယ်ပိုင်ရပ်တည်မှုရှိကြသော နိုင်ငံကြီးများအနေဖြင့် ခေတ်ကာလ၏သမိုင်းတာဝန်ကို ထပ်မံထမ်းဆောင်သင့်ကြောင်း၊ နိုင်ငံစုံပူးပေါင်းဆောင်ရွက်ရေးဝါဒ ဖော်ဆောင်ရေးကို ဦးဆောင်ရန်၊ လွတ်လပ်သောကုန်သွယ်ရေး စည်းမျဉ်းစည်းကမ်းများကို ကာကွယ်ထိန်းသိမ်းရန်၊ ကမ္ဘာ့ငြိမ်းချမ်းရေးအတွက် တာဝန်ကို ထမ်းဆောင်ကာ ကမ္ဘာကြီး ဖွံ့ဖြိုးတိုးတက်ရေးအတွက် တာဝန်ကို ကျေပွန်အောင် ထမ်းပိုးပြီး လူသားမျိုးနွယ် တိုးတက်ရေးအတွက် အထောက်အပံ့ပြုသင့်ကြောင်း၊ ပြင်သစ်နိုင်ငံအနေဖြင့် တရုတ်တစ်နိုင်ငံတည်း မူဝါဒကို ဆက်လက်လိုက်နာစောင့်ထိန်းကာ နှစ်နိုင်ငံဆက်ဆံရေး၏ နိုင်ငံရေးအခြေခံကို ကောင်းမွန်စွာ ကာကွယ်ထိန်းသိမ်းသွားမည်ဟု ယုံကြည်ကြောင်း ဝမ်ရိက ပြောကြားခဲ့သည်။

တရုတ်-ပြင်သစ်သည် “ပြင်သစ်စိုက်ပျိုးရေးခြံမှ တရုတ်စားပွဲသို့” ဟူသော ကွင်းဆက်တစ်ခုလုံး လျင်မြန်စွာ ညှိနှိုင်းဖော်ဆောင်ရေး ယန္တရားကို တည်ဆောက်ခဲ့ရာ နှစ်ဖက် လက်တွေ့ပူးပေါင်းဆောင်ရွက်မှု၏ အဆင့်မြင့်မားမှုကို ပြသခဲ့ကြောင်း၊ ပြင်သစ်အနေဖြင့် တရုတ်နိုင်ငံနှင့်အတူ စိတ်တူကိုယ်တူ ရှေ့သို့တက်လှမ်းကာ တရုတ်-ပြင်သစ် ပူးပေါင်းဆောင်ရွက်မှုအကျိုးစီးပွားကို ပို၍ ကြီမားအောင် ဆောင်ရွက်စေလိုကြောင်း ဝမ်ရိက ပြောကြားခဲ့သည်။ နှစ်ဖက်အနေဖြင့် နျူကလီးယားစွမ်းအင်၊ လေကြောင်း၊ အာကာသ စသည့် သမားရိုးကျ အဓိကကျသည့်ကဏ္ဍ ပူးပေါင်းဆောင်ရွက်မှုများကို ဆက်လက် နက်ရှိုင်းအောင် လုပ်ဆောင်ရမည် ဖြစ်သလို ဉာဏ်ရည်တု၊ အစိမ်းရောင်စွမ်းအင်၊ ဇီဝသိပ္ပံနည်းပညာ၊ သက်ကြီးရွယ်အိုများအတွက် ဆံဖြူစီးပွားရေးကဏ္ဍစသည့် ထွန်းသစ်စကဏ္ဍများ၏ ပူးပေါင်းဆောင်ရွက်မှုကို ချဲ့ထွင်ရမည် ဖြစ်ကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် အရည်အချင်းရှိသည့် တရုတ်ကုမ္ပဏီများ ပြင်သစ်သို့လာရောက် ရင်းနှီးမြှုပ်နှံမှုကို ထောက်ခံအားပေးကြောင်း၊ တရုတ်ရင်းနှီးမြှုပ်နှံမှုကုမ္ပဏီလုပ်ငန်းအတွက် ပြင်သစ်နိုင်ငံအနေဖြင့်လည်း တရားမျှတမှု၊ ပွင့်လင်းမြင်သာမှုရှိပြီး ခွဲခြားဆက်ဆံမှုမရှိသော၊ ကြိုတင်ခန့်မှန်းနိုင်သော စီးပွားရေးပတ်ဝန်းကျင်ကို ပံ့ပိုးပေးမည်ဟု မျှော်လင့်ကြောင်း၊ တရုတ်-ဥရောပသမဂ္ဂသည် ချစ်ကြည်ရင်းနှီးစွာ ဆွေးနွေးညှိနှိုင်းမှုဖြင့် ဘရန်ဒီအရေးကိစ္စကို ဖြေရှင်းခဲ့သည်မှာ နှစ်ဖက်အနေဖြင့် ပွတ်တိုက်မှုများကို ကောင်းမွန်စွာ စီမံနိုင်သည်ကို အပြည့်အဝဖော်ပြကြောင်း၊ ပြင်သစ်နိုင်ငံသည် ဥရောပသမဂ္ဂ၏ အဓိကနိုင်ငံကြီး၊ လွတ်လပ်သော ကုန်သွယ်ရေးအား အဆိုပြုသူနှင့် အစိမ်းရောင်အသွင်ပြောင်းမှုအား ဦးဆောင်သူအနေဖြင့် ဥရောပသမဂ္ဂအား အလားတူ စိတ်ဓာတ်ဖြင့် ကွဲလွဲမှုများကို သင့်လျော်စွာ ဖြေရှင်းရေး တွန်းအားပေးရာတွင် အပြုသဘောဆောင်သည့် အခန်းကဏ္ဍမှ ပါဝင်ရန် မျှော်လင့်ကြောင်း ဝမ်ရိက ပြောကြားခဲ့သည်။

Jean-Noel Barrot က လက်ရှိ ရှုပ်ထွေးနေသည့် နိုင်ငံတကာအခြေအနေကို ရင်ဆိုင်ရာတွင် ပြင်သစ်-တရုတ်၊ ဥရောပသမဂ္ဂ-တရုတ်တို့သည် ကမ္ဘာအတွက် တည်ငြိမ်မှုနှင့် ဓမ္မဓိဋ္ဌာန်ကျမှု အင်အားကို ပို၍ပံ့ပိုးပေးသင့်ကြောင်း ပြောကြားခဲ့သည်။
ပြင်သစ်-တရုတ်သည် နီးကပ်သည့် အဆင့်မြင့်အလွှာ ကူးလူးဖလှယ်ရေးကို ထိန်းသိမ်းခဲ့ရာ လက်တွေ့ပူးပေါင်းဆောင်ရွက်မှုနှင့် လူမှုယဉ်ကျေးမှုဖလှယ်မှုများတွင် အားရဖွယ်ရလဒ်များကို ရရှိခဲ့ကြောင်း၊ ပြင်သစ်-တရုတ်သည် နိုင်ငံစုံပူးပေါင်းဆောင်ရွက်ရေးဝါဒကို အခိုင်အမာ လက်ကိုင်ထားရာ ပြင်သစ်နိုင်ငံအနေဖြင့် တရုတ်နိုင်ငံနှင့်အတူ ညှိနှိုင်းပူးပေါင်းဆောင်ရွက်မှုများကို အားဖြည့်ကာ ကမ္ဘာလုံးဆိုင်ရာ စိန်ခေါ်မှုများကို အတူတကွ ရင်ဆိုင်သွားလိုကြောင်း၊ ပြင်သစ်အစိုးရသည် တရုတ်တစ်နိုင်ငံတည်းမူဝါဒကို လက်ကိုင်ထားသည်မှာ မည်သည့်အခါမျှ ပြောင်းလဲမည်မဟုတ်ကြောင်း၊ ဥရောပသမဂ္ဂ-တရုတ် မိတ်ဖက်ဆက်ဆံရေးကို ပြင်သစ်အနေဖြင့် အထူးအလေးအနက်ထားရာ ဥရောပသမဂ္ဂ-တရုတ် သံတမန်ဆက်ဆံရေး ထူထောင်ခြင်း နှစ် ၅၀ ပြည့်ကို အခါအခွင့်အဖြစ်ထားရှိပြီး ပူးပေါင်းဆောင်ရွက်မှုများကို နက်ရှိုင်းစွာလုပ်ဆောင်သွားလိုကြောင်း ၎င်းက ပြောကြားခဲ့သည်။

နှစ်ဖက်အနေဖြင့် ယူကရိန်းအကျပ်အတည်း၊ အီရန်နျူကလီးယားအရေး စသည့်ကိစ္စရပ်များအပေါ် အမြင်ချင်းဖလှယ်ခဲ့ကြကြောင်း သိရသည်။ (Xinhua)

———————–
(Chinese Version)
王毅同法国外长巴罗会谈
新华社巴黎7月4日电 当地时间7月4日，中共中央政治局委员、外交部长王毅在巴黎同法国外长巴罗会谈。
王毅说，在两国元首战略引领下，中法保持高层交往，加强战略协调，增进了理解互信。双方成功举办高级别人文交流机制会议，呼吁发挥中法两大文明优势，促进文明交流互鉴、打破人为制造壁垒。今年是世界反法西斯战争胜利和联合国成立80周年。80年来，中法曾多次在历史关键节点作出正确战略选择，共同影响、塑造了世界发展进程，体现了中法关系的战略性、前瞻性。面对单边霸凌严重冲击国际秩序，中法作为联合国安理会常任理事国和独立自主大国，应该再次承担起时代使命，倡导践行多边主义，维护自由贸易规则，共同为世界和平担当、为全球发展尽责、为人类进步助力。相信法方将继续恪守一个中国原则，维护好两国关系的政治基础。
王毅表示，中法建立“从法国农场到中国餐桌”全链条快速协同机制，体现了双方务实合作的高水平，希望法方同中方相向而行，做大中法合作蛋糕。双方要持续深化核能、航空、航天等传统关键领域合作，拓展人工智能、绿色能源、生物科技、银发经济等新兴领域合作。中方支持有实力的中国企业来法投资，希望法方为中资企业提供公平、透明、非歧视、可预期的营商环境。中欧通过友好协商解决白兰地问题，充分表明双方完全有能力处理好摩擦，希望法国作为欧盟核心大国、自由贸易倡导者和绿色转型引领者，为推动欧盟秉持同样精神妥处分歧发挥建设性作用。
巴罗表示，面对当今纷繁复杂的国际形势，法中、欧中应为世界提供更多稳定和理性力量。法中保持密切高层交往，务实合作和人文交流取得积极成果。法中都坚持多边主义，法方期待同中方加强沟通协作，共同应对全球性挑战。法国政府奉行一个中国政策，没有任何变化。法方高度重视欧中伙伴关系，期待以欧中建交50周年为契机深化合作。
双方还就乌克兰危机、伊朗核问题等交换了看法。（完）
1. 7月4日，中共中央政治局委员、外交部长王毅在巴黎同法国外长巴罗会谈。 新华社记者 彭子洋 摄