BRICS နိုင်ငံ ခေါင်းဆောင်များ ၁၇ ကြိမ်မြောက် တွေ့ဆုံဆွေးနွေးမှု ဒုတိယနှင့် တတိယအဆင့် အစည်းအဝေးသို့ လီချန် တက်ရောက်

ရီယိုဒီဂျနေးရိုး၊ ဇူလိုင် ၈ ရက် (ဆင်ဟွာ)
တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်သည် ဘရာဇီးနိုင်ငံ ရီယိုဒီဂျနေးရိုးမြို့၌ ဒေသစံတော်ချိန် ဇူလိုင် ၆ ရက်နှင့် ၇ ရက်တွင် BRICS နိုင်ငံခေါင်းဆောင်များ ၁၇ ကြိမ်မြောက် တွေ့ဆုံဆွေးနွေးမှု ဒုတိယနှင့် တတိယအဆင့် အစည်းအဝေးသို့ တက်ရောက်ခဲ့ပြီး နိုင်ငံစုံပူးပေါင်းဆောင်ရွက်ရေးဝါဒ၊ ဉာဏ်ရည်တု (AI) ၊ ပတ်ဝန်းကျင်နှင့် ရာသီဥတုပြောင်းလဲမှု၊ ကမ္ဘာလုံးဆိုင်ရာ ကျန်းမာရေး စသည့် အကြောင်းအရာများနှင့် စပ်လျဉ်း၍ အမှာစကားပြောကြားခဲ့သည်။ အဆိုပါအစည်းအဝေးသို့ BRICS အဖွဲ့ဝင်နိုင်ငံများနှင့် မိတ်ဖက်နိုင်ငံများ၊ ဧည့်သည်တော်နိုင်ငံခေါင်းဆောင်များနှင့် နိုင်ငံတကာအဖွဲ့အစည်းကိုယ်စားလှယ်များ တက်ရောက်ခဲ့ကြသည်။

ထိုအစည်းအဝေး၌ လီချန်က လက်ရှိတွင် နိုင်ငံတကာ ကုန်သွယ်စီးပွားရေးစနစ်၊ နိုင်ငံစုံ ကုန်သွယ်ရေးစနစ်သည် ပြင်းထန်သော ရိုက်ခတ်မှုများခံခဲ့ရပြီး ကမ္ဘာ့စီးပွားရေးပြန်လည်နာလန်ထူရန် အလွန်ခဲယဉ်းလှကြောင်း၊ “BRICS ပူးပေါင်းဆောင်ရွက်ရေး” အနေဖြင့် ထူထောင်စဉ် မူလရည်မှန်းချက်ကို လက်ကိုင်ထားပြီး ခေတ်၏ လိုအပ်ချက်နှင့်အညီ နိုင်ငံစုံပူးပေါင်းဆောင်ရွက်ရေးဝါဒကို ထိန်းသိမ်းကာ လက်တွေ့ဖော်ဆောင်ရမည်ဖြစ်ကြောင်း၊ တရားမျှတ၍ တံခါးဖွင့်လှစ်မှုရှိသော နိုင်ငံတကာ ကုန်သွယ်စီးပွားရေးစည်းစနစ် တည်ဆောက်ရေးကို တွန်းအားပေးကာ ကမ္ဘာ့တောင်ဘက်အင်အားများစုစည်းပြီး ကမ္ဘာကြီး တည်ငြိမ်ဖွံ့ဖြိုးတိုးတက်မှုအတွက် ပိုမိုကြီးမားသော ကူညီပံ့ပိုးမှုများ လုပ်ဆောင်ရမည်ဖြစ်ကြောင်း ပြောကြားခဲ့သည်။

ပထမအနေနှင့် တံခါးဖွင့်လှစ်မှုပုံစံရှိသော ကမ္ဘာ့စီးပွားရေး ဖွဲ့စည်းတည်ဆောက်ရန် အားထားဆောင်ရွက်ရမည်ဖြစ်ကြောင်း၊ တစ်ဖက်သတ်ဝါဒနှင့် ကိုယ်ကျိုးစီးပွားကာကွယ်ရေးဝါဒကို ပြတ်ပြတ်သားသား ဆန့်ကျင်ရမည်ဖြစ်ရာ ကမ္ဘာ့ကုန်သွယ်ရေးအဖွဲ့ (WTO) အခြေခံမူများကို ထိန်းသိမ်းကာကွယ်ကာ ကုန်သွယ်ရေးနှင့် ရင်နှီးမြှုပ်နှံမှု လွတ်လပ်ရေး၊ အဆင်ပြေချောမွေ့ရေး အသွင်ပြောင်းမှုကို မြှင့်တင်ပြီး ထုတ်ကုန်လုပ်ငန်းကွင်းဆက် တည်ငြိမ်ချောမွေ့စေရေးကို ထိန်းသိမ်းကာကွယ်ရမည်ဖြစ်ကြောင်း၊ တရုတ်နိုင်ငံသည် BRICS နိုင်ငံများ အထူးစီးပွားရေးဇုန် တရုတ်နိုင်ငံပူးပေါင်းဆောင်ရွက်မှုစင်တာ တည်ဆောက်ပြီးဖြစ်ရာ ဘက်အသီးသီးနှင့် ပူးပေါင်းဆောင်ရွက်မှုကွန်ရက် အတူတည်ဆောက်သွားလိုကြောင်း ၎င်းက ပြောကြားခဲ့သည်။

ဒုတိယအနေနှင့် နိုင်ငံတကာ ဘဏ္ဍာရေးပူးပေါင်းဆောင်ရွက်မှုအဆင့် မြှင့်တင်ရန် အားထားဆောင်ရွက်ရမည်ဖြစ်ကြောင်း၊ တရုတ်နိုင်ငံသည် New Development Bank (NDB) ပိုမိုကြီးမား၍ အားကောင်းလာရန် ဆောင်ရွက်ခြင်းကို ထောက်ခံသလို အခြေအနေများနှင့် ကိုက်ညီမှုရှိသော ကမ္ဘာ့တောင်ဘက်ခြမ်းနိုင်ငံများအနေဖြင့် တရုတ်နိုင်ငံ ဘဏ္ဍာရေးဈေးကွက်၌ ရင်းနှီးမြှုပ်နှံမှုကို ကြိုဆိုကြောင်း၊ ဖွံ့ဖြိုးဆဲနိုင်ငံများ၏ ကိုယ်စားပြုမှုနှင့် ပြောရေးဆိုခွင့်ကို တိုးမြှင့်ပေးရန် ကမ္ဘာ့ဘဏ်၏ ရှယ်ယာပြန်လည်စိစစ်သုံးသပ်ခြင်းနှင့် အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) ၏ ရာခိုင်နှုန်းအချိုးအစားညှိခြင်းတို့ကို တွန်းအားပေးဆောင်ရွက်ရမည်ဖြစ်ကြောင်း ၎င်းက ပြောကြားခဲ့သည်။

တတိယအနေဖြင့် စီးပွားရေး တိုးတက်မှုအတွက် အပြာရောင်ပင်လယ်ပြင်အသစ် ဖွင့်လှစ်ရန် အားထားဆောင်ရွက်ရမည်ဖြစ်ကြောင်း၊ ဒစ်ဂျစ်တယ်၊ အစိမ်းရောင်စသည့် ထွန်းသစ်စကဏ္ဍပူးပေါင်းဆောင်ရွက်မှုများကို တိုးချဲ့ကာ ဉာဏ်ရည်တုဖြင့် ထောင်ချီရာချီသော လုပ်ငန်းများအား ပံ့ပိုးပေးခြင်း၊ ထောင်သောင်းချီသော အိမ်ထောင်စုများကို အကျိုးပြုစေခြင်းဖြင့် ကမ္ဘာ့တောင်ဘက်ခြမ်းနိုင်ငံများ စွမ်းရည် တည်ဆောက်နိုင်စွမ်း အားဖြည့်မှုကို ကူညီပေးမည်ဖြစ်ကြောင်း ၎င်းက ပြောကြားခဲ့သည်။
တရုတ်နိုင်ငံသည် ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက် (GDI) မူဘောင်အောက်တွင် “ဒစ်ဂျစ်တယ် တောင်ဘက်ခြမ်း” ကုန်အမှတ်တံဆိပ်ကို ဖန်တီးမည်ဖြစ်ပြီး နောင်လာမည့် ၅ နှစ်တွင် တောင်ဘက်ခြမ်းနိုင်ငံများအတွက် ဒစ်ဂျစ်တယ်စီးပွားရေးနှင့် ဉာဏ်ရည်တုဆိုင်ရာ မွမ်းမံသင်တန်းစီမံကိန်း ၂၀၀ ကို စီစဉ်ကျင်းပပေးမည်ဖြစ်ကြောင်း၊ ယခုနှစ် ဇူလိုင်လတွင် တရုတ်နိုင်ငံ၌ ကမ္ဘာ့ဉာဏ်ရည်တု ညီလာခံ ကျင်းပမည်ဖြစ်ရာ တရုတ်နိုင်ငံအနေဖြင့် နိုင်ငံအသီးသီး ပါဝင်တက်ရောက်ရန် ကြိုဆိုကြောင်း ၎င်းက ပြောကြားခဲ့သည်။

လက်ရှိတွင် ကမ္ဘာလုံးဆိုင်ရာ ရာသီဥတု၊ ပတ်ဝန်းကျင်နှင့် ကျန်းမာရေးကဏ္ဍများတွင် မသေချာမရေရာမှုအန္တရာယ်တိုးမြင့်လာရာ နိုင်ငံတကာအသိုင်းအဝိုင်းအနေဖြင့် သဘောတူညီမှုများကို ကျယ်ကျယ်ပြန့်ပြန့် စုစည်းကာ တက်ကြွအားကောင်းစွာ လုပ်ဆောင်ကြပြီး ဘုံစိန်ခေါ်မှုများကို လက်တွဲရင်ဆိုင်တုံ့ပြန်သင့်ကြောင်း လီချန်က ထောက်ပြခဲ့သည်။

ပထမအနေနှင့် ရာသီဥတုပြောင်းလဲမှုအား ရင်ဆိုင်တုံ့ပြန်ရာတွင် ပိုမိုများပြားသော စုပေါင်းအင်အားများကို စုစည်းရမည်ဖြစ်ကြောင်း၊ “ကုလသမဂ္ဂ ရာသီဥတု ပြောင်းလဲမှုဆိုင်ရာ မူဘောင်ကွန်ဗင်းရှင်း” နှင့် “ပဲရစ်သဘောတူညီချက်” ကို အခိုင်အမာ လက်တွေ့ဖော်ဆောင်ကာ ဘုံဖြစ်သော်လည်း ကွဲပြားမှုရှိသော တာဝန်ဝတ္တရားနှင့် အခြေခံမူများကို ကာကွယ်၍ သန့်စင်စွမ်းအင်၊ ကာဗွန်ဈေးကွက်စသည့် ကဏ္ဍများ၏ ပူးပေါင်းဆောာင်ရွက်မှုကို နက်ရှိုင်းစေပြီး ဖွံ့ဖြိုးပြီးနိုင်ငံများအနေဖြင့် ဘဏ္ဍာရေး၊ နည်းပညာစသည့် ကဏ္ဍများ၏ ကတိကဝတ်များ လိုက်နာဆောင်ရွက်ရန် တိုက်တွန်းကြောင်း ၎င်းက ပြောကြားခဲ့သည်။

ဒုတိယအနေနှင့် ဂေဟပတ်ဝန်းကျင်ထိန်းသိမ်းစောင့်ရှောက်ရေး၏ လက်တွေ့ထိရောက်မှုများကို မြှင့်တင်ရန်ဖြစ်ကြောင်း၊ လူသားနှင့် သဘာဝ သဟဇာတဖြစ်စွာ အတူယှဉ်တွဲနေထိုင်ခြင်းကို အခိုင်အမာ ထိန်းသိမ်းထားပြီး စနစ်တကျ စီမံခန့်ခွဲမှုကို ထောက်ခံအားပေးကာ “ဇီဝ ဇီဝမျိုးစုံမျိုးကွဲများဆိုင်ရာ ကွန်ဗင်းရှင်း”၊ “ကုလသမဂ္ဂ သဲကန္တာရအသွင်ပြောင်းမှု ကာကွယ်တိုက်ဖျက်ရေး ကွန်ဗင်းရှင်း” ကို ပိုမိုကောင်းမွန်စွာ လိုက်နာဆောင်ရွက်ရမည်ဖြစ်ကြောင်း ၎င်းက ပြောကြားခဲ့သည်။

တတိယအနေနှင့် ပြည်သူ့ကျန်းမာရေးစနစ်၏ တည်ဆောက်နိုင်စွမ်းကို အားဖြည့်ပေးရမည်ဖြစ်ကြောင်း၊ ကမ္ဘာ့ကျန်းမာရေးအဖွဲ့ WHO က ကမ္ဘာလုံးဆိုင်ရာ ကျန်းမာရေး စီမံခန့်ခွဲမှုတွင် ညှိနှိုင်းဆောင်ရွက်ပေးသော အခန်းကဏ္ဍမှ ဆက်လက်၍ ပါဝင်ဆောင်ရွက်ကာ ကမ္ဘာ့တောင်ဘက်ခြမ်းအတွက် ပိုမိုများပြားသော အများပြည်သူဆိုင်ရာ ထုတ်ကုန်များ ပံ့ပိုးပေးနိုင်ရန် BRICS ကာကွယ်ဆေး သုတေသနနှင့်ဖွံ့ဖြိုးတိုးတက်ရေးစင်တာ စသည့် ပလက်ဖောင်းများ၏ အခန်းကဏ္ဍများအား အပြည့်အဝ အသုံးပြုခြင်းအား ထောက်ခံအားပေးကြောင်း ၎င်းက ပြောကြားခဲ့သည်။

ရှည်လျားသောကာလတစ်လျှောက် တရုတ်နိုင်ငံသည် ကတိသစ္စာတည်မှုကို အခိုင်အမာ လက်ကိုင်ထားပြီး မိမိ တတ်နိုင်သောစွမ်းရည်ဖြင့် ကမ္ဘာကြီးလိုအပ်ချက်များကို တက်ကြွစွာ ဖြည့်ဆည်းပံပိုးပေးခဲ့ကြောင်း၊ တရုတ်နိုင်ငံသည် ပိုပိုများပြားသော လက်တွေ့လုပ်ဆောင်မှုများ ဆက်လက်လုပ်ဆောင်သွား၍ တာဝန်ဝတ္တရားများကို ကျေပွန်စွာ ထမ်းဆောင်ကာ ဘက်အသီးသီးနှင့်အတူ ပိုမိုအစိမ်းရောင်ဖြစ်သော၊ ကောင်းမွန်သော၊ ရေရှည်တည်တံ့သော ကမ္ဘာလုံးဆိုင်ရာဖွံ့ဖြိုးတိုးတက်မှုကို အတူမြှင့်တင်သွားမည်ဖြစ်ကြောင်း လီချန်က ပြောကြားခဲ့သည်။

အဆိုပါအစည်းအဝေးတွင် “ဉာဏ်ရည်တု (AI) ကမ္ဘာလုံးဆိုင်ရာစီမံခန့်ခွဲမှုနှင့် စပ်လျဉ်းသည့် BRICS နိုင်ငံခေါင်းဆောင်များ ကြေညာချက်”၊ “BRICS နိုင်ငံခေါင်းဆောင်များ ရာသီဥတုဆိုင်ရာ ရန်ပုံငွေများ မူဘောင်ကြေညာစာတမ်း” ကို အတည်ပြုခဲ့သည်။ (Xinhua)
…………………………………
(Chinese Version)
李强出席金砖国家领导人第十七次会晤第二及第三阶段会议
新华社里约热内卢7月7日电（记者陈昊佺　邵艺博）当地时间7月6日和7日，国务院总理李强在里约热内卢出席金砖国家领导人第十七次会晤第二及第三阶段会议，围绕加强多边主义、人工智能、环境和气候变化、全球卫生等议题发表讲话。金砖成员国和伙伴国、嘉宾国领导人以及国际组织代表出席会议。
李强表示，当前国际经贸秩序、多边贸易体制受到严重冲击，世界经济复苏艰难。“大金砖合作”要秉持成立初衷，契合时代之需，维护和践行多边主义，推动建设公平开放的国际经贸秩序，凝聚全球南方力量，为世界稳定发展作出更大贡献。一是致力于构建开放型世界经济。旗帜鲜明反对单边主义和保护主义，维护世贸组织基本原则，促进贸易和投资自由化便利化，维护产业链供应链稳定畅通。中方已成立金砖国家特殊经济区中国合作中心，愿同各方共建合作网络。二是致力于提升国际金融合作水平。中方支持新开发银行做大做强，欢迎符合条件的全球南方国家投资中国金融市场。要推动世界银行股权审议和国际货币基金组织份额占比调整，增加发展中国家代表性和发言权。三是致力于开辟经济增长新蓝海。拓展数字、绿色等新兴领域合作，让人工智能赋能千行百业、惠及千家万户，帮助全球南方国家加强能力建设。中方将在全球发展倡议框架下打造“数字南方”品牌，未来5年为南方国家举办200期数字经济、人工智能培训项目。中方欢迎各国出席今年7月在华举办的世界人工智能大会。
李强指出，当前全球气候、环境和卫生领域的不确定性风险上升，国际社会应当广泛凝聚共识，积极有力行动，携手应对共同挑战。一是汇聚应对气候变化的更多合力。坚定落实《联合国气候变化框架公约》及《巴黎协定》，捍卫共同但有区别的责任原则，深化清洁能源、碳市场等领域合作，敦促发达国家履行资金、技术等方面的承诺。二是提升生态环境保护的实际成效。坚持人与自然和谐共生，倡导系统治理，更好履行《生物多样性公约》《联合国防治荒漠化公约》。三是加强公共卫生体系的能力建设。支持世卫组织继续在全球卫生治理中发挥协调作用，充分发挥金砖疫苗研发中心等平台作用，为全球南方提供更多公共产品。长期以来，中国坚持践信守诺，以自身所能为世界所需作出了积极贡献。中国将继续拿出更多实际行动，承担应尽责任，同各方共促更加绿色、健康、可持续的全球发展。
三是加强公共卫生体系的能力建设。支持世卫组织继续在全球卫生治理中发挥协调作用，充分发挥金砖疫苗研发中心等平台作用，为全球南方提供更多公共产品。长期以来，中国坚持践信守诺，以自身所能为世界所需作出了积极贡献。中国将继续拿出更多实际行动，承担应尽责任，同各方共促更加绿色、健康、可持续的全球发展。
会议通过《金砖国家领导人关于人工智能全球治理的声明》《金砖国家领导人气候资金框架宣言》。（完）
图说：这是7月7日，金砖成员国和伙伴国、嘉宾国领导人以及国际组织代表集体合影。 新华社记者 刘彬 摄