ဂျပန်နိုင်ငံ၏ ဖူကူရှီးမား နျူကလီးယားရေဆိုးနှင့် နျူကလီးယားစက်ရုံ ပုံမှန်ရေစွန့်ထုတ်မှုကို အလွယ်တကူနှိုင်းယှဉ်ခြင်းက သိပ္ပံအခြေခံသဘောတရားနှင့် ဆန့်ကျင်နေသည်ဟု တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြောကြား

ပေကျင်း၊ ဇူလိုင် ၁၃ ရက် (ဆင်ဟွာ)

စီမံရန် စံချိန်စံညွှန်းများနှင့်ကိုက်ညီမှု ရှိမရှိ အတည်မပြုနိုင်သော ဂျပန် ဖူကူရှီးမား နျူကလီးယား ရေဆိုးများကို နျူကလီးယားစက်ရုံ၌ လက်ရှိ ပုံမှန်လည်ပတ် စွန့်ထုတ်နေသောရေနှင့် အလွယ်တကူ နှိုင်းယှဉ်ခြင်းသည် သိပ္ပံအခြေခံသဘောတရားနှင့် ဆန့်ကျင်နေကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက ဇူလိုင် ၁၁ ရက်တွင် ပြောကြားခဲ့သည်။ အကယ်၍ ဖူကူရှီးမား နျူကလီးယားရေဆိုးများကို သောက်သုံး၍ ရသည်၊ ရေကူး၍ ရသည်ဟု ယူဆသူရှိသည်ဆိုလျှင် ထိုရေဆိုးများကို ပင်လယ်အတွင်းသို့ မစွန့်ထုတ်ဘဲ ထိုသို့ယူဆသူများ ကိုယ်တိုင် အသုံးပြုနိုင်ရေးအတွက် ပံ့ပိုးပေးရန် အကြံပြုကြောင်း ၎င်းက ပြောကြားခဲ့သည်။

ဖူကူရှီးမား နျူကလီးယား “သန့်စင်ရေ”သည် သောက်သုံးရာတွင်လည်းကောင်း၊ ရေကူးရာတွင်လည်းကောင်း အသုံးပြု၍ရကြောင်း ၊ ၎င်းမှာ အခြားနိုင်ငံများ၏ နျူကလီးယားဓာတ်အားပေးစက်ရုံများမှ စွန့်ထုတ်သော ရေများနှင့်အလားတူ အန္တရာယ်မရှိကြောင်းဆိုသည့် အငြင်းပွားဖွယ်ပြောကြားချက်များကို ယခုကာလများ၌ အပြည်ပြည်ဆိုင်ရာ အဏုမြူစွမ်းအင် အေဂျင်စီ(IAEA)ညွှန်ကြားရေးမျူးချုပ်က တောင်ကိုရီးယား၊ နယူးဇီလန် နိုင်ငံများသို့ သွားရောက်လည်ပတ်စဉ် ကာလအတွင်း အကြိမ်ပေါင်းများစွာ ပြောကြားခဲ့ဟု သတင်းများက ဖော်ပြခဲ့ကြောင်း၊ ထို့အပေါ် အကဲဖြတ်လုပ်ငန်းတွင် ပါဝင်ကြသော နျူကလီးယား ပညာရှင်များအပါအဝင် နျူကလီးယားကဏ္ဍ ပညာရှင်များက သဘောထားကွဲလွဲမှုများ ရှိကြောင်း၊ ယင်းကိစ္စရပ်အပေါ် မည်သို့ သုံးသပ်ပြောကြားလိုပါသနည်းဟု သတင်းထောက်တစ်ဦးက ဇူလိုင် ၁၁ ရက်၌ကျင်းပသော ပုံမှန် သတင်းစာရှင်းလင်းပွဲတွင် မေးမြန်းခဲ့ခြင်း ဖြစ်သည်။

ထို့အပေါ် ဝမ်ဝန်ပင်းက အပြည်ပြည်ဆိုင်ရာ အဏုမြူစွမ်းအင် အေဂျင်စီ(IAEA)၏ အထွေထွေသုံးသပ်ချက် အစီရင်ခံစာသည် အငြင်းပွားဖွယ် ရှိပြီး သုံးသပ်မှုတွင် ပါဝင်ခဲ့သည့်ပညာရှင်များကလည်း သဘောထားကွဲပြားမှုရှိသည်ကို သတင်းများ၌ ဖော်ပြထားကြောင်း၊ ယင်းဖြစ်ရပ်မှာ ငြင်းခုံ၍ မရသော လက်တွေ့အမှန်တရား ဖြစ်ကြောင်း ပြောကြားခဲ့သည်။

“ ၎င်းမှာ IAEAက နျူကလီးယားရေဆိုး ပင်လယ်အတွင်းသို့ စွန့်ထုတ်မယ့် ရှုပ်ထွေးလှတဲ့ အရေးကိစ္စကို အလျင်စလို အစီရင်ခံစာ ထုတ်ခြင်းဖြစ်ပြီး သက်ဆိုင်ရာ ကောက်ချက်ချမှုမှာ အကန့်အသတ်နဲ့တစ်ဖက်သတ်ကျမှု ရှိရာ ဖူကူရှီးမား နျူကလီးယားရေဆိုး ပင်လယ်အတွင်းသို့ စွန့်ထုတ်မှုအပေါ် နိုင်ငံတကာအသိုက်အဝန်း ဂရုပြုမှုများကို ဖြေရှင်းခြင်း မရှိတာကို နောက်ထပ်တစ်ကြိမ် သက်သေပြခြင်းပဲ ဖြစ်ပါတယ်။ ဂျပန်နိုင်ငံအနေနဲ့ ဒီအစီရင်ခံစာကို ပင်လယ်အတွင်း ရေဆိုးစွန့်ထုတ်တဲ့ ‘ဖြတ်သန်းခွင့်လက်မှတ်’လို့ သဘောထားလို့ မရပါဘူး ”ဟု ဝမ်ဝန်ပင်းက ပြောကြားခဲ့သည်။

“စီမံဖို့ စံချိန်စံညွှန်းများနဲ့ကိုက်ညီမှု ရှိမရှိ အတည်မပြုနိုင်တဲ့ ဂျပန် ဖူကူရှီးမား နျူကလီးယား ရေဆိုးတွေကို နျူကလီးယားစက်ရုံမှာ ပုံမှန်လည်ပတ် စွန့်ထုတ်နေတဲ့ရေနှင့် အလွယ်တကူ နှိုင်းယှဉ်ခြင်းက သိပ္ပံအခြေခံသဘောတရားနှင့် ဆန့်ကျင်နေတယ်လို့ ကျွန်တော် နောက်ထပ်တစ်ကြိမ်ပြောကြားလိုပါတယ်။ ဒီရေနှစ်မျိုးက ပင်ကိုအားဖြင့် ကွဲပြားခြားနားမှုရှိပါတယ်။ အရင်းအမြစ်ချင်း၊ ရေဒီယို နယူကလိုက်(radionuclides) ပါဝင်မှု အမျိုးအစားချင်း၊ စီမံဆောင်ရွက်ရတဲ့ ခက်ခဲပုံချင်း မတူပါဘူး ”ဟု ဝမ်ဝန်ပင်းက ပြောကြားခဲ့သည်။

ယင်းရေဆိုးများမှာ ဖူကူရှီးမား နျူကလီးယား ကပ်ဘေးဖြစ်ပွားပြီးနောက် နျူကလီးယားဓာတ်ပေါင်းဖို အူတိုင်သို့ ထည့်သွင်းသော အအေးခံရေများ၊ စိမ့်ဝင်နေသော မြေအောက်ရေနှင့်မိုးရေများဖြစ်ရာ ပျက်စီးနေသည့် ဓာတ်ပေါင်းဖို အူတိုင်မှ ထုတ်လွှတ်သော ရေဒီယို နယူကလိုက်(radionuclides)များ ပါဝင်ခြင်းကြောင့် နျူကလီးယားဓာတ်အားပေးစက်ရုံမှ ပုံမှန်စွန့်ထုတ်နေသော ရေနှင့် တူညီမှုမရှိကြောင်း၊ IAEA အနေဖြင့် ဂျပန် နျူကလီးယား ရေဆိုးသန့်စင်စက်၏ ထိရောက်မှုနှင့်ရေရှည်ယုံကြည်စိတ်ချရမှုများကို သုံးသပ်ထားမှု မရှိခြင်းကြောင့် အနာဂတ် နှစ်ပေါင်း ၃၀ ကာလတွင် နျူကလီးယား ရေဆိုး အားလုံးကို သတ်မှတ်စံချိန်စံညွှန်းနှင့်အညီ စီမံနိုင်မည်ဟု အာမခံချက် မရှိနိုင်ကြောင်း ၊ ရေဆိုးများအား ရေရှည် ပင်လယ်အတွင်းသို့ စွန့်ထုတ်ခြင်း၏ ပင်လယ်သမုဒ္ဒရာပတ်ဝန်းကျင်၊ စားသောက်ကုန်လုံခြုံရေးအပေါ် သက်ရောက်မှုကို IAEA က အလွယ်တကူကောက်ချက်ချ၍ မရကြောင်း ဝမ်ဝန်ပင်းက ပြောကြားခဲ့သည်။

“အကယ်၍ ဖူကူရှီးမား နျူကလီးယားရေဆိုးများကို သောက်သုံးလို့ ရတယ်၊ ရေကူးလို့ ရတယ်လို့ ယူဆသူရှိတယ်ဆိုလျှင် နိုင်ငံတကာအသိုက်အဝန်း စိုးရိမ်မှု မရှိရအောင် ဒီရေဆိုးတွေကို ပင်လယ်အတွင်းသို့ မစွန့်ထုတ်ဘဲ ဒီလိုယူဆတဲ့သူတွေ အသုံးပြုဖို့ ပံ့ပိုးပေးရန် အကြံပြုပါတယ်”ဟု ဝမ်ဝန်ပင်းက ပြောကြားခဲ့သည်။ (Xinhua)

………………………….
(Chinese Version)
（外事）外交部发言人：把日本福岛核污染水同核电站正常运行排水简单类比违背科学常识
新华社北京7月11日电（记者曹嘉玥）外交部发言人汪文斌11日表示，把不确定能否处理达标的日本福岛核污染水同核电站正常运行排水进行简单类比，违背科学常识。如果有人认为福岛核污染水可以饮用、可以游泳，建议日方把核污染水供这些人使用，而不是排进大海。
当日例行记者会上，有记者问：据报道，国际原子能机构总干事近期访问韩国、新西兰期间，多次发表福岛核“处理水”可以饮用、游泳，与别国核电站排水一样没有危险等争议言论。此外，最近不少核领域专家，包括参与评估工作的核专家对此发表了不同看法。请问发言人对此有何评论？
汪文斌说，近期的媒体报道显示，国际原子能机构综合评估报告是有争议的，参与评估的专家发表了不同看法，这是无可争辩的事实。“这再次表明，机构就核污染水排海这一复杂问题仓促出台报告，相关结论存在局限性和片面性，没有解决国际社会对福岛核污染水排海计划的关切。日方不能将机构报告当作排海的‘通行证’。”
“我要再次指出，把不确定能否处理达标的日本福岛核污染水，同核电站正常运行排水进行简单类比，是违背科学常识的。两者具有本质区别，一是来源不同，二是所含放射性核素种类不同，三是处理难度不同。”汪文斌说，日本福岛核污染水来自于事故后注入损毁反应堆堆芯的冷却水以及渗入的地下水和雨水，包含损毁堆芯释放出的各种放射性核素，与核电站正常排水根本不是一回事。国际原子能机构根本没有评估日方核污染水净化设备的有效性和长期可靠性，无法保证未来30年所有核污染水都能处理达标。长期排海对海洋环境、食品安全的影响也不是国际原子能机构能够轻易下结论的。
“如果有人认为福岛核污染水可以饮用、可以游泳，我们建议日方把核污染水好好利用起来，供这些人饮用或游泳，而不是排进大海，让国际社会担忧。”汪文斌说。（完）