တရုတ်နိုင်ငံသမ္မတ ရှီ နှင့် ရုရှားနိုင်ငံ သမ္မတ ပူတင်တို့အကြား ဆွေးနွေးမှုများက အလွန်အောင်မြင်ကြောင်း တရုတ်နိုင်ငံခြားရေးဝန်ကြီးဌာန ဒုတိယဝန်ကြီး ပြောကြား

ပေကျင်း ၊ ဖေဖော်ဝါရီ ၆ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန် နှင့် ရုရှားနိုင်ငံ သမ္မတ ဗလာဒီမာပူတင်တို့အကြား ဖေဖော်ဝါရီ ၄ ရက်တွင် ဆွေးနွေးမှုများသည် အလွန်အောင်မြင်ခဲ့ကြောင်း တရုတ် ဒုတိယ နိုင်ငံခြားရေးဝန်ကြီး Le Yucheng က မီဒီယာများအား ပြောကြားခဲ့သည်။ဖေဖော်ဝါရီ ၄ ရက်က ကျင်းပပြုလုပ်ခဲ့သည့် ပေကျင်း ၂၀၂၂ အိုလံပစ်ဆောင်းရာသီပြိုင်ပွဲ ဖွင့်ပွဲအခမ်းအနားသို့ တက်ရောက်ရန် ရုရှားနိုင်ငံသမ္မတပူတင်သည် တရုတ်နိုင်ငံသို့ ရောက်ရှိနေခဲ့ခြင်း ဖြစ်သည်။

မကြာသေးမီနှစ်များအတွင်း တရုတ်နှင့် ရုရှား နှစ်နိုင်ငံခေါင်းဆောင်များသည် ဆွေးနွေးမှု ၃၈ ကြိမ် ပြုလုပ်ခဲ့ပြီး ဖုန်းခေါ်ဆိုမှု ၊ စာရေးသားမှုများ အပါအဝင် အမျိုးမျိုးသောနည်းလမ်းများမှတစ်ဆင့် အကြိမ် ၁၀၀ ကျော် တစ်ဦး နှင့် တစ်ဦး ဆက်သွယ်ခဲ့ကြောင်း ၊ ယင်းမှာ နိုင်ငံကြီးများ၏ ခေါင်းဆောင်များအကြား ထူးခြားကြောင်း တရုတ် ဒုတိယ နိုင်ငံခြားရေးဝန်ကြီး Le Yucheng က ပြောကြားခဲ့သည်။

ပြီးခဲ့သည့် ၂ နှစ်အတွင်း ခေါင်းဆောင်နှစ်ဦးအကြား ပထမဆုံး offline မျက်နှာချင်းဆိုင်အစည်းအဝေး ပြုလုပ်ခဲ့ခြင်းဖြစ်ကြောင်း ၊ ဖေဖော်ဝါရီ ၄ ရက် ဆွေးနွေးမှုတွင် ပါဝင်သည့်အကြောင်းအရာသည် ပြည့်စုံကြွယ်ဝပြီး အကျိုးများသော ရလဒ်များ ဖြစ်ထွန်းခဲ့ကြောင်း တရုတ် ဒုတိယ နိုင်ငံခြားရေးဝန်ကြီး Le က ပြောကြားခဲ့သည်။

လှိုက်လှဲပြီး ချစ်ကြည်ရင်းနှီးသော သွင်ပြင်အခြေအနေတွင် တရုတ်နိုင်ငံ သမ္မတ ရှီ နှင့် ရုရှားနိုင်ငံ သမ္မတ ပူတင်တို့သည် သမိုင်းဝင်အခြေအနေအသစ်များအောက်တွင် တရုတ်-ရုရှားဆက်ဆံရေးအတွက် လမ်းကြောင်း နှင့် စီမံချက် ရေးဆွဲခြင်း ၊ ကမ္ဘာလုံးဆိုင်ရာ ဖွံ့ဖြိုးတိုးတက်မှု နှင့် တည်ငြိမ်မှု ဆိုင်ရာ အဓိကကိစ္စရပ်များ နှင့် တရုတ်-ရုရှား ဆက်ဆံရေးအပေါ်တွင် နက်နက်ရှိုင်းရှိုင်း အမြင်ချင်းဖလှယ်ခဲ့ကြောင်း ၎င်းက ပြောကြားခဲ့သည်။

အခြေအနေအသစ်အောက်တွင် ကမ္ဘာလုံးဆိုင်ရာအုပ်ချုပ်မှုစနစ် တိုးတက်ကောင်းမွန်လာခြင်းအပေါ် အရေးပါပြီး အားလုံးလွှမ်းခြုံ ထိရောက်သည့် အကျိုးသက်ရောက်မှု ရှိလာမည် ဖြစ်သည့် ပူးတွဲကြေညာချက်တစ်ရပ်အား သမ္မတ နှစ်ဦးက ထုတ်ပြန်ခဲ့ကြောင်း တရုတ် ဒုတိယ နိုင်ငံခြားရေးဝန်ကြီး Le Yucheng က ပြောကြားခဲ့ပြီး ယင်းပူးတွဲကြေညာချက်သည် ဖေဖော်ဝါရီ ၄ ရက်တွင် သမ္မတနှစ်ဦး တွေ့ဆုံဆွေးနွေးမှု၏ အရေးကြီးဆုံး နိုင်ငံရေးအောင်မြင်မှု ဖြစ်လာခဲ့ကြောင်း ဖြည့်စွက်ပြောကြားခဲ့သည်။

ရုရှားနိုင်ငံသမ္မတ ပူတင်၏ ခရီးစဉ်မူဘောင်အောက်တွင် တရုတ်-ရုရှား နှစ်နိုင်ငံသည် စီးပွားရေး ၊ ကုန်သွယ်မှု ၊ ရင်းနှီးမြှုပ်နှံမှု ၊ စွမ်းအင် နှင့် အားကစား အပါအဝင် ကဏ္ဍများတွင် ပူးပေါင်းဆောင်ရွက်မှုအပေါ် စာချုပ် ၂၀ နီးပါးအား လက်မှတ်ရေးထိုးခဲ့ပြီး နှစ်ဦးနှစ်ဖက်လက်တွေ့ကျသည့်ပူးပေါင်းဆောင်ရွက်မှု နက်ရှိုင်းစေရေးအတွက် ခိုင်မာသည့် အခြေခံအုတ်မြစ် ချမှတ်ခဲ့ကြောင်း သိရသည်။

တရုတ် ဒုတိယ နိုင်ငံခြားရေးဝန်ကြီး Le Yucheng က တရုတ်-ရုရှား ဆက်ဆံရေး အမြန်ရထားသည် ယင်း၏လမ်းကြောင်းပေါ်တွင် အမြဲတမ်း လည်ပတ်သွားလာနေပြီး ရပ်နားသည့် ဘူတာရုံ မရှိဘဲ ဆီဖြည့်တင်းသည့် နေရာများသာရှိကြောင်း ပြောကြားခဲ့သည်။

တရုတ်-ရုရှား နှစ်နိုင်ငံခေါင်းဆောင်များက ယင်းနှစ်နိုင်ငံအကြား သဘောထားကွဲလွဲအောင် သွေးထိုးခြင်း သို့မဟုတ် နှစ်နိုင်ငံဆက်ဆံရေးအား ထိခိုက်ပျက်ပြားစေရန် ကြိုးပမ်းမှုမှန်သမျှသည် ကျရှုံးခြင်းဖြင့်သာ အဆုံးသတ်သွားရမည်ဖြစ်ကြောင်း ဆွေးနွေးမှုများအတွင်း ထပ်လောင်းပြောဆိုခဲ့သည်ဟု တရုတ် ဒုတိယ နိုင်ငံခြားရေးဝန်ကြီး Le Yucheng က ပြောကြားခဲ့သည်။
ခေါင်းဆောင်နှစ်ဦးလုံးက စစ်မှန်သည့် ဘက်ပေါင်းစုံကဏ္ဍစုံ (နိုင်ငံစုံဝါဒ)ကို ဆက်လက်ကျင့်သုံးသွားရေး သဘောတူညီခဲ့ပြီး အရေးတကြီး အလေးထားရမည့် ကမ္ဘာလုံးဆိုင်ရာကိစ္စရပ်များတွင် နိုင်ငံကြီးတာဝန်ကို ထမ်းဆောင်ခဲ့ကြောင်း ၎င်းက ဖြည့်စွက်ပြောကြားခဲ့သည်။

ခေါင်းဆောင်များသည် တရုတ်-ရုရှား နှစ်နိုင်ငံအကြား အားကစားဖလှယ်ရေးနှစ် တရားဝင်စတင်ခြင်းအား ပူးတွဲကြေညာခဲ့ပြီး ယင်းသည် နှစ်နိုင်ငံအကြား ၈ ကြိမ်မြောက် အမျိုးသားအဆင့် အထိမ်းအမှတ် အထူးသီးသန့်ဆောင်ပုဒ်တစ်ခု ဖြစ်ကြောင်း တရုတ် ဒုတိယ နိုင်ငံခြားရေးဝန်ကြီး Le Yucheng က ပြောကြားခဲ့သည်။ (Xinhua)

————————————————-
(English Version)

Talks between Xi, Putin “very successful”: Chinese vice FM

BEIJING, Feb. 5 (Xinhua) — The talks between Chinese President Xi Jinping and his Russian counterpart Vladimir Putin on Friday were “very successful,” Chinese Vice Foreign Minister Le Yucheng told media.
Putin, who is on a visit to China, attended Friday’s opening ceremony of the Beijing 2022 Olympic Winter Games.

In recent years, the two leaders of China and Russia held 38 talks, and communicated with each other over 100 times through various means including phone calls and letters. This is unique among leaders of major countries, Le said.

Speaking of the first offline meeting between the two leaders in over two years, Le said Friday’s talks were rich in content and yielded fruitful results.

In a cordial and friendly atmosphere, President Xi and President Putin had an in-depth and thorough exchange of views on China-Russia relations and a series of major issues concerning global development and stability, drawing up a blueprint and charting the course for China-Russia relations under the new historical conditions, he said.

The two presidents issued a joint statement, which will have an important and far-reaching impact on improving the global governance system under the new situation, Le said, adding that the joint statement has become the most important political achievement of their meeting on Friday.

Under the framework of this visit, the two countries signed nearly 20 documents on cooperation in areas including economy and trade, investment, energy and sports, laying a solid foundation for deepening bilateral pragmatic cooperation.

Le said that the fast train of the China-Russia relations is always running on its track, having no terminal but only filling stations.

The two heads of state have reiterated in the talks that any attempts to damage China-Russia relations or sow discord between the two countries are doomed to failure, he said.

Both leaders agreed to continue practicing true multilateralism, and shoulder major-country responsibilities in global issues of pressing concerns, Le added.

The leaders also jointly announced the official launch of the Years of Sports Exchanges between China and Russia, which is the eighth national level celebration of a specific theme between the two countries, said Le. ■
Photo – Chinese President Xi Jinping holds talks with Russian President Vladimir Putin at the Diaoyutai State Guesthouse in Beijing, capital of China, Feb. 4, 2022. (Xinhua/Li Tao)