China
တရုတ်နိုင်ငံအနေဖြင့် ကုန်သွယ်စီးပွား ကိစ္စရပ်များနှင့် စပ်လျဉ်း၍ အမေရိကန်နိုင်ငံနှင့် ဆွေးနွေးရန် ဆန္ဒရှိဟု ပြောရေးဆိုခွင့်ရှိသူ ပြောကြား
ပေကျင်း၊ ဧပြီ ၄ ရက် (ဆင်ဟွာ)
တရုတ်နိုင်ငံအနေဖြင့် ကုန်သွယ်စီးပွားဆိုင်ရာ အရေးကြီးကိစ္စရပ်များနှင့် စပ်လျဉ်း၍ အမေရိကန်နိုင်ငံနှင့် ဆွေးနွေးကာ တန်းတူရည်တူ တွေ့ဆုံဆွေးနွေးမှု၊ ညှိနှိုင်းဆွေးနွေးမှုမှတစ်ဆင့် နှစ်ဖက် အလေးထားစရာ ကိစ္စရပ်များကို အပြန်အလှန် ဖြေရှင်းသွားရန် ဆန္ဒရှိပါကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောရေးဆိုခွင့်ရှိသူက ဧပြီ ၃ ရက် သတင်းစာရှင်းလင်းပွဲ၌ ပြောကြားခဲ့သည်။
တရုတ်နိုင်ငံနှင့် အမေရိကန်နိုင်ငံတို့မှ စီးပွားရေးနှင့် ကုန်သွယ်ရေးဆိုင်ရာ ကိုယ်စားလှယ်အဖွဲ့များ တွေ့ဆုံဆွေးနွေးမည့် အစီအစဉ်များနှင့် စပ်လျဉ်း၍ မေးမြန်းရာ၌ ပြောရေးဆိုခွင့်ရှိသူ ဟယ်ရာ့တုန်းက တရုတ်နိုင်ငံ ဒုတိယဝန်ကြီးချုပ်လည်းဖြစ်၊ တရုတ်-အမေရိကန် ကုန်သွယ်စီးပွား ကိစ္စရပ်များတွင် တရုတ်နိုင်ငံ၏ အဓိက တာဝန်ရှိပုဂ္ဂိုလ်လည်းဖြစ်သူ ဟယ်လိဖုန်းက အမေရိကန်ဘက်မှ မေတ္တာရပ်ခံချက်အရ အမေရိကန် ကုန်သွယ်ရေးကိုယ်စားလှယ် ဂျေမဆင် ဂရီရာနှင့် ဗီဒီယိုလင့်ခ်မှတစ်ဆင့် ဆွေးနွေးခဲ့သည်ဟု ပြောကြားခဲ့သည်။
တရုတ်နိုင်ငံနှင့် အမေရိကန်နိုင်ငံတို့၏ စီးပွားရေးနှင့် ကုန်သွယ်ရေးဌာနများအနေဖြင့် ဆက်သွယ်ဆွေးနွေးမှုများ စဉ်ဆက်မပြတ် လုပ်ဆောင်လျက်ရှိသည်ဟုလည်း ၎င်းပြောရေးဆိုခွင့်ရှိသူက ထပ်လောင်းပြောကြားခဲ့သည်။ (Xinhua)
………………….
(English Version)
China willing to talk with U.S. on economic, trade issues: spokesperson
BEIJING, April 3 (Xinhua) — China is willing to talk with the United States on important economic and trade issues and resolve each other’s concerns through equal dialogue and consultations, a spokesperson for the Ministry of Commerce said Thursday at a news conference.
When asked about the meeting plans between Chinese and U.S. economic and trade teams, He Yadong, the spokesperson, said that on March 26, He Lifeng, Chinese vice premier and Chinese lead person for China-U.S. economic and trade affairs, held video talks with U.S. Trade Representative Jamieson Greer at the request of the U.S. side.
Economic and trade departments of both China and the United States have maintained communication, the spokesperson added. ■
