ထရမ့်နှင့် ဆီးရီးယား ယာယီခေါင်းဆောင်တို့ နှစ်နိုင်ငံဆက်ဆံရေးနှင့် စပ်လျဉ်း၍ တွေ့ဆုံဆွေးနွေး၊ အီရန်နှင့် သဘောတူညီချက် ရယူရန် ဆန္ဒရှိဟု ဆို

ရီယတ်၊ မေ ၁၅ ရက် (ဆင်ဟွာ)

နှစ်နိုင်ငံ ဆက်ဆံရေး ပုံမှန်ပြန်လည်ထူထောင်ရေး ဆွေးနွေးရန် အမေရိကန် သမ္မတ ဒေါ်နယ်ထရမ့်က ဆီးရီးယား ယာယီခေါင်းဆောင် အာမက် အယ်လ်-ရှာရာနှင့် ဆော်ဒီအာရေဗျနိုင်ငံ ရီယတ်မြို့တွင် မေ ၁၄ ရက်၌ တွေ့ဆုံခဲ့သလို အီရန်နှင့် သဘောတူညီချက် ရယူရန် ဆန္ဒရှိကြောင်းလည်း ထရမ့်က ထုတ်ဖော်ပြောကြားခဲ့သည်။

အဆိုပါ တွေ့ဆုံဆွေးနွေးမှု၌ ထရမ့်နှင့် ဆော်ဒီအိမ်ရှေ့မင်းသားနှင့် ဝန်ကြီးချုပ်ဖြစ်သူ မိုဟာမက် ဘင်ဆယ်မန် အယ်လ်ဆော့တို့နှင့်အတူ တူကီယဲ သမ္မတ ရီဆပ်တေယစ် အာဒိုဂန်ကလည်း အွန်လိုင်းမှ ပါဝင်တက်ရောက်ခဲ့ကြောင်း တူကီယဲနိုင်ငံပိုင် Anadolu Agency သတင်းဌာနက ဖော်ပြခဲ့သည်။

ဆယ်စုနှစ်များအတွင်း အမေရိကန် သမ္မတနှင့် ဆီးရီးယားခေါင်းဆောင်တစ်ဦး၏ ပထမဆုံးအကြိမ် တွေ့ဆုံမှုအဖြစ် ထရမ့်နှင့် အယ်လ်-ရှာရာတို့မှာ ထရမ့်နှင့် ပင်လယ်ကွေ့နိုင်ငံ ခေါင်းဆောင်များ ထိပ်သီးအစည်းအဝေး ပြင်ပ၌ သီးခြားတွေ့ဆုံခဲ့ခြင်းဖြစ်သည်။

မိမိနှင့် အယ်လ်-ရှာရာတို့၏ တွေ့ဆုံမှုနှင့်အတူ အမေရိကန်နိုင်ငံနှင့် ဆီးရီးယားနိုင်ငံကြား ပုံမှန်ဆက်ဆံမှုများ ပြန်လည်စတင်ပြီဖြစ်ကြောင်း ယင်းထိပ်သီးအစည်းအဝေး၌ မိန့်ခွန်းပြောကြားစဉ်အတွင်း ထရမ့်က အလေးအနက်ပြောကြားခဲ့သည်။

၂၀၂၄ ခုနှစ် ဒီဇင်ဘာလတွင် သမ္မတဟောင်း ဘာရှာ အယ်လ်-အာဆတ် ဖြုတ်ချခံရပြီးနောက် ဆီးရီးယားနိုင်ငံ၌ အစ္စရေးစစ်တပ်က လေကြောင်းတိုက်ခိုက်မှုများနှင့် မြေပြင်စစ်ဆင်ရေးများ မကြာခဏ လုပ်ဆောင်ခဲ့သော်လည်း အစ္စရေးနှင့် ပုံမှန်ဆက်ဆံရေး ထူထောင်ရေးအတွက် အမေရိကန်က ကြားဝင်စေ့စပ်ပေးသည့် အေဘရာဟမ် သဘောတူညီချက်၌ ပါဝင်ရန်လည်း ၎င်းက ဆီးရီးယားအား တိုက်တွန်းခဲ့သည်။

မူဝါဒပိုင်း သိသိသာသာ ပြောင်းလဲမှုအဖြစ် ဆီးရီးယားအပေါ် ဒဏ်ခတ်ပိတ်ဆို့မှုများကို ရုပ်သိမ်းပေးမည်ဖြစ်ကြောင်း ဆော်ဒီနိုင်ငံတွင် မေ ၁၃ ရက်၌ ပြုလုပ်သည့် ရင်းနှီးမြှုပ်နှံမှု ဖိုရမ်တစ်ခု၌ ထရမ့်က ကြေညာခဲ့သည်။

“ဆီးရီးယားအတွက် ကြီးကြီးမားမား အခွင့်အရေးပေးတဲ့အနေနဲ့ သူတို့အပေါ် ဒဏ်ခတ်ပိတ်ဆို့မှုတွေကို ရပ်ဆိုင်းဖို့ ကျွန်တော် ညွှန်ကြားသွားမှာပါ” ဟု ထရမ့်က ပြောကြားခဲ့ပြီး အမေရိကန်အနေဖြင့် ဆီးရီးယား အစိုးရနှင့် ပုံမှန်ဆက်ဆံရေး ထူထောင်ရေးအတွက် ပထမဆုံးခြေလှမ်းများကို စတင်လိုက်ပြီဖြစ်ကြောင်း ၎င်းက အလေးအနက်ပြောကြားခဲ့သည်။

ပင်လယ်ကွေ့နိုင်ငံ ခေါင်းဆောင်များနှင့် ထိပ်သီးအစည်းအဝေးအတွင်း ထရမ့်က အီရန်၏ နျူကလီးယား အစီအစဉ်၊ အမေရိကန်၏ ဒဏ်ခတ်ပိတ်ဆို့မှုများ ဖယ်ရှားရေးတို့နှင့် စပ်လျဉ်း၍ လုပ်ဆောင်ဆဲဖြစ်သော သွယ်ဝိုက်ဆွေးနွေးမှုများနှင့် ပတ်သက်၍လည်း ထည့်သွင်းပြောဆိုခဲ့သည်။

ထရမ့်အနေဖြင့် သမ္မတဖြစ်လာပြီးနောက် ပထမဆုံး သွားရောက်သည့် အထင်ကရ ပြည်ပခရီးစဉ် ဒုတိယနေ့သို့ ရောက်ရှိလာပြီဖြစ်ကာ ထိုခရီးစဉ်အတွင်း ဆော်ဒီအာရေဗျ၊ ကာတာနှင့် ယူအေအီးနိုင်ငံ ခရီးစဉ်များ ပါဝင်ကြောင်း သိရသည်။

မေ ၁၃ ရက်၌ စတင်ခဲ့သည့် ဆော်ဒီနိုင်ငံခရီးစဉ်အတွင်း ထရမ့်အနေဖြင့် အမေရိကန်ဒေါ်လာ ၆၀၀ ဘီလီယံ တန်ဖိုးရှိသော ရင်းနှီးမြှုပ်နှံမှုဆိုင်ရာ ကတိကဝတ်များကို ဆော်ဒီထံမှ ရရှိခဲ့ကြောင်း သိရသည်။ (Xinhua)

……………………
(English Version)

Trump meets Syrian interim leader on ties, says willing to make deal with Iran

RIYADH, May 14 (Xinhua) — U.S. President Donald Trump held a meeting on Wednesday with Syrian interim leader Ahmed al-Sharaa in Riyadh, Saudi Arabia, to discuss normalizing bilateral ties, while expressing his willingness to reach a deal with Iran.

Turkish President Recep Tayyip Erdogan joined Trump and Saudi Crown Prince and Prime Minister Mohammed bin Salman Al Saud online during the meeting, Türkiye’s state-run Anadolu Agency reported.

Trump’s meeting with al-Sharaa — the first between a U.S. president and a Syrian leader in decades — took place on the sidelines of a summit between Trump and leaders from Gulf states.

During the summit, Trump noted in a speech that the normalization of relations between the United States and Syria began with his meeting with al-Sharaa.

He also called on Syria to join the U.S.-brokered Abraham Accords to normalize relations with Israel, despite the Israeli military having conducted frequent airstrikes and ground operations in Syria since the ouster of former President Bashar al-Assad in December 2024.

On Tuesday, Trump announced at an investment forum in Saudi Arabia that he would lift sanctions on Syria in a major policy shift.

“I will be ordering the cessation of sanctions against Syria in order to give them a chance at greatness,” Trump said, noting that the United States had taken the first steps toward normalizing relations with Damascus.

During the summit with leaders of the Gulf states, the U.S. president also mentioned the ongoing indirect talks with Iran on Tehran’s nuclear program and the removal of Washington’s sanctions.

Trump is on the second day of his first major foreign visit since taking office, which includes stops in Saudi Arabia, Qatar, and the United Arab Emirates.

During his trip to Saudi Arabia, which began on Tuesday, Trump secured investment commitments worth 600 billion U.S. dollars from the Gulf nation.

English Caption

U.S. President Donald Trump speaks at an investment forum in Riyadh, Saudi Arabia, on May 13, 2025. (Saudi Press Agency/Handout via Xinhua)