တတိယအကြိမ် တရုတ်-ပစိဖိတ်ကျွန်းနိုင်ငံ နိုင်ငံခြားရေးဝန်ကြီးများ အစည်းအဝေး အချက်ငါးချက်ပါ သဘောတူညီမှုရရှိ

ရှမန်၊ မေ ၃၀ ရက် (ဆင်ဟွာ)
တရုတ်နိုင်ငံခြားရေးဝန်ကြီး ဝမ်ရိသည် ခီရီဘာတီနိုင်ငံ သမ္မတနှင့် နိုင်ငံခြားရေးဝန်ကြီး Taneti Maamau နှင့်အတူ တရုတ်နိုင်ငံ အရှေ့ပိုင်း ဖူကျန့်ပြည်နယ် ရှမန်မြို့တွင် မေ ၂၈ ရက်၌ ကျင်းပသော တတိယအကြိမ် တရုတ်-ပစိဖိတ်ကျွန်းနိုင်ငံ နိုင်ငံခြားရေးဝန်ကြီးများအစည်းအဝေးအား ပူးတွဲသဘာပတိအဖြစ် ဆောင်ရွက်ခဲ့ကြောင်း သိရသည်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်လည်းဖြစ်သူ ဝမ်က ယခုနှစ်သည် တရုတ်နိုင်ငံနှင့် ပစိဖိတ်ကျွန်းနိုင်ငံများအကြား သံတမန်ဆက်ဆံရေးစတင်သည့် နှစ် ၅၀ ပြည့် အခါသမယဖြစ်ကြောင်း၊ တရုတ်နိုင်ငံအနေဖြင့် ပစိဖိတ်ကျွန်းနိုင်ငံများအား မိတ်ဆွေကောင်း၊ မိတ်ဖက်ကောင်းနှင့် ညီအစ်ကိုကောင်းများအဖြစ် အစဉ်အမြဲမှတ်ယူကြောင်း ပြောကြားခဲ့သည်။
သက်ဆိုင်ရာ ခေါင်းဆောင်အသီးသီး၏ မဟာဗျူဟာမြောက် လမ်းညွှန်မှုများအောက်တွင် တရုတ်နိုင်ငံနှင့် ပစိဖိတ်ကျွန်းနိုင်ငံများအကြား ဘက်စုံမဟာဗျူဟာမြောက် မိတ်ဖက်ဆက်ဆံရေးသည် သစ်လွင်သော သက်ဝင်လှုပ်ရှားမှုကို ဖော်ပြလျက်ရှိသလို အောင်မြင်ပြီးမြောက်မှုအသစ်များ ရရှိခဲ့ကာ အဆင့်သစ်သို့လည်း ရောက်ရှိခဲ့ကြောင်း ဝမ်က ပြောခဲ့သည်။
ထို့ပြင် အပြန်အလှန် လေးစားမှုကို လက်ကိုင်ထားခြင်း၊ ဖွံ့ဖြိုးတိုးတက်ရေး ပူးပေါင်းဆောင်ရွက်မှုကို ဦးထိပ်ထားခြင်း၊ ပြည်သူဗဟိုပြုစီမံခန့်ခွဲမှု ထိန်းသိမ်းခြင်း၊ ကူးလူးဖလှယ်မှုနှင့် အပြန်အလှန်လေ့လာမှု မြှင့်တင်ခြင်း၊ သာတူညီမျှနှင့် သမာသမတ်ကျမှု ကာကွယ်စောင့်ရှောက်ခြင်းနှင့် စိန်ခေါ်မှုရှိသော အချိန်ကာလများ၌ စည်းလုံးညီညွတ်မှုကို ထိန်းသိမ်းခြင်း စသည့် တရုတ်-ပစိဖိတ်ကျွန်းနိုင်ငံများ အေးအတူပူအမျှ အသိုက်အဝန်း တည်ဆောက်ရေးအတွက် အကြံပြုချက် ခြောက်ရပ်ကို ဝမ်က ချမှတ်ခဲ့သည်။
တရုတ်နိုင်ငံအနေဖြင့် ငြိမ်းချမ်းမှု၊ ဖွံ့ဖြိုးတိုးတက်မှု၊ ပူးပေါင်းဆောင်ရွက်မှုနှင့် အပြန်အလှန် အကျိုးဖြစ်ထွန်းမှုများက ကမ္ဘာကြီး၊ မိမိတို့၏ ခေတ်ကာလများနှင့် သမိုင်းကြောင်းတစ်လျှောက်တွင် ကြီးမားသော ပြောင်းလဲမှုများဖြင့် ရင်ဆိုင်ရချိန်၌ တစ်ခုတည်းသော မှန်ကန်သည့် ရွေးချယ်မှုများဖြစ်ကြောင်း ဝမ်က ဆိုသည်။
ပစိဖိတ်ကျွန်းနိုင်ငံများ၏ နိုင်ငံခြားရေးဝန်ကြီးများက ရှည်ကြာလှသော အချိန်ကာလအတွင်း အဖိုးထိုက်တန်သော ထောက်ခံအားပေးမှုအတွက် တရုတ်နိုင်ငံအား ကျေးဇူးတင်ရှိကြောင်း ပြောကြားခဲ့ကြသည်။ တရုတ်နိုင်ငံနှင့် ၎င်းတို့၏ ပူးပေါင်းဆောင်ရွက်မှုသည် အပြန်အလှန်လေးစားမှု၊ အပြန်အလှန် ယုံကြည်မှု၊ အပြန်အလှန် နားလည်မှုနှင့် အချုပ်အခြာ သာတူညီမျှရှိမှုတို့အပေါ် အခြေတည်ထားခြင်းဖြစ်ကာ ပစိဖိတ်ကျွန်းနိုင်ငံများ၏ သီးခြားလွတ်လပ်သော ဆုံးဖြတ်ချက်လည်း ဖြစ်သလို ၎င်းတို့၏ ကိုယ်ပိုင်အခြေခံအကျိုးစီးပွားများနှင့် ကိုက်ညီမှုရှိကြောင်း၊ ဒေသတွင်း ငြိမ်းချမ်းရေး၊ တည်ငြိမ်ရေး၊ ဖွံ့ဖြိုးတိုးတက်ရေးနှင့် သာယာဝပြောရေးကို ထိန်းသိမ်းခြင်းလည်း ဖြစ်ကြောင်း ပစိဖိတ်ကျွန်းနိုင်ငံများ၏ နိုင်ငံခြားရေးဝန်ကြီးများက ဆိုသည်။
ထို့ပြင် ၎င်းတို့အနေဖြင့် တရုတ်တစ်နိုင်ငံတည်း မူဝါဒအပေါ် ၎င်းတို့၏ ကတိကဝတ်ပြုမှုကိုလည်း တစ်ခဲနက်ထပ်လောင်းပြောကြားခဲ့ကြပြီး အခြေခံအဆောက်အအုံ၊ ရာသီဥတုပြောင်းလဲမှုနှင့် အစိမ်းရောင် ဖွံ့ဖြိုးတိုးတက်မှုနယ်ပယ်၌ နက်နက်ရှိုင်းရှိုင်း ပူးပေါင်းဆောင်ရွက်ရေး၊ ရပ်ဝန်းနှင့် ပိုးလမ်းမ အရည်အသွေးမြင့်တည်ဆောက်မှု မြှင့်တင်ရေးနှင့် ငြိမ်းချမ်းသော သာယာဝပြောသော ပစိဖိတ်ဒေသတစ်ခု တည်ဆောက်ရန် အတူတကွလုပ်ဆောင်ရေး စသည်တို့အတွက် တရုတ်နိုင်ငံနှင့်အတူ ရှေ့ဆက်ဆောင်ရွက်သွားမည်ဟု မျှော်လင့်ကြောင်း ပြောကြားခဲ့ကြသည်။ (Xinhua)
……………………………………..
(English Version)
Third China-Pacific Island countries FMs’ meeting reach five-point consensus
XIAMEN, May 28 (Xinhua) — Chinese Foreign Minister Wang Yi co-chaired the Third China-Pacific Island Countries Foreign Ministers’ Meeting with Kiribati’s President and Foreign Minister Taneti Maamau on Wednesday in Xiamen, east China’s Fujian Province.
Wang, also a member of the Political Bureau of the Communist Party of China Central Committee, said that this year marks the 50th anniversary of the beginning of diplomatic relations between China and the Pacific Island countries, and noted that China has always regarded the Pacific Island countries as its good friends, partners and brothers.
Wang said that under the strategic guidance of their leaders, the comprehensive strategic partnership between China and the Pacific Island countries has shown new vitality, achieved new accomplishments and reached a new level.
Wang made a six-point suggestion on building a China-Pacific Island countries community with a shared future: upholding mutual respect, prioritizing development cooperation, maintaining people-centered governance, promoting exchange and mutual learning, safeguarding equity and justice, and maintaining solidarity in challenging times.
Wang said that China firmly believes that peace, development, cooperation and mutual benefits are the only correct choices when faced with profound changes in the world, our times and the trajectory of history.
The foreign ministers of Pacific Island countries expressed their gratitude to China for its valuable support over a long period of time. They emphasized that their cooperation with China is based on mutual respect, mutual trust, mutual understanding and sovereign equality, and that it has been the independent decision of these island countries, conforms to their own fundamental interests, and is conducive to maintaining regional peace, stability, development and prosperity.
They unanimously reaffirmed their commitment to the one-China principle, noting that they are looking forward to deepening cooperation with China on infrastructure, climate change and green development, to promoting the high-quality joint construction of the Belt and Road, and to working together to build a peaceful, prosperous Pacific region.
Photo: Chinese Foreign Minister Wang Yi, also a member of the Political Bureau of the Communist Party of China Central Committee, co-hosts the Third China-Pacific Island Countries Foreign Ministers’ Meeting with Kiribati’s President and Foreign Minister Taneti Maamau in Xiamen, southeast China’s Fujian Province, May 28, 2025. (Xinhua/Ding Lin)