ကမ္ဘောဒီးယားနိုင်ငံ ဝန်ကြီးချုပ်က အွန်လိုင်းလိမ်လည်မှုများအား အပြီးသတ်ဖယ်ရှားရန် အာဏာပိုင်များအား အမိန့်ပေး

ဖနွမ်းပင်၊ ဇူလိုင် ၁၆ ရက် (ဆင်ဟွာ)
ကမ္ဘောဒီးယားနိုင်ငံ ဝန်ကြီးချုပ် ဟွန်မန်နက်က နိုင်ငံတစ်ဝန်းရှိ အွန်လိုင်းလိမ်လည်မှုစင်တာအားလုံးကို အပြီးသတ်ဖယ်ရှားရန် အာဏာပိုင်များအား အမိန့်ပေးခဲ့ပြီး နှိမ်နင်းရေးလုပ်ငန်းများကို အဟန့်အတားပြုသည့် မည်သည့်အရာရှိမဆို အလုပ်ထုတ်ခံရနိုင်ကြောင်း သတိပေးခဲ့သည်။
ဇူလိုင် ၁၄ ရက်က လက်မှတ်ရေးထိုးပြီး ဇူလိုင် ၁၅ ရက်၌ ထုတ်ပြန်ခဲ့သည့် အမိန့်တွင် ဟွန်မန်နက်က နိုင်ငံခြား ရာဇဝတ်ဂိုဏ်းအချို့သည် ၎င်းတို့၏ တရားမဝင်အွန်လိုင်းလှုပ်ရှားမှုများကို လုပ်ဆောင်ရန် ကမ္ဘောဒီးယားနိုင်ငံကို အခြေစိုက်စခန်းအဖြစ် အသုံးပြုနေကြောင်း ပြောကြားခဲ့သည်။
မြို့ကြီးများနှင့် ပြည်နယ်များအားလုံး၏ တာဝန်ရှိသူများနှင့် ရဲတပ်ဖွဲ့ဝင်များသည် “၎င်းတို့၏ ဒေသနှင့် တရားစီရင်ပိုင်ခွင့်နယ်နိမိတ်အတွင်းရှိ အွန်လိုင်းလိမ်လည်မှုစင်တာအားလုံးကို ဥပဒေ၊ စည်းမျဉ်းစည်းကမ်းများနှင့်အညီ ရှင်းလင်းဖယ်ရှားရန် တာဝန်ရှိကြောင်း” ဟွန်မန်နက်က ပြောကြားခဲ့သည်။
၎င်းက လက်နက်ကိုင်တပ်ဖွဲ့များအား နှိမ်နင်းရေးလုပ်ငန်းများကို ကူညီပံ့ပိုးရေးအတွက် အသင့်ပြင်ဆင်ထားရန်လည်း ညွှန်ကြားခဲ့သည်။
နိုင်ငံခြားသားများ ကမ္ဘောဒီးယားသို့ တရားမဝင် ဝင်ရောက်ခြင်းကို တားဆီးရန်နှင့် တရားမဝင် ဝင်ရောက်လာသူ၊ တရားမဝင် နေထိုင်သူ သို့မဟုတ် ကမ္ဘောဒီးယားနိုင်ငံ အတွင်း တရားမဝင် လုပ်ဆောင်မှုများ၌ ပါဝင်သူ မည်သူကိုမဆို ပြည်နှင်ဒဏ်ပေးရန် ဟွန်မန်နက်က အာဏာပိုင်များအား ညွှန်ကြားခဲ့သည်။
“ဒီအမိန့်ကို တင်းတင်းကျပ်ကျပ်နဲ့ တာဝန်ယူမှုရှိရှိ အကောင်အထည်ဖော်ရမယ်” ဟု ၎င်းက ပြောကြားခဲ့သည်။ “အမိန့်ကို မလိုက်နာခြင်း သို့မဟုတ် ဘယ်ကိစ္စမှာမဆို ပူးပေါင်းဆောင်ရွက်မှု မရှိခြင်းဟာ ရာထူးခန့်အပ်ခြင်း၊ ဖယ်ရှားခြင်း သို့မဟုတ် ရာထူးမှ ရပ်စဲခြင်းဆိုင်ရာ ကိစ္စတွေမှာ အကဲဖြတ်ခံရမှာ ဖြစ်တယ်” ဟုလည်း ၎င်းက ဆိုသည်။
ဟွန်မန်နက်က ဤသို့ လုပ်ဆောင်မှုသည် လုံခြုံရေး၊ လူထုစည်းစနစ်ရှိမှုနှင့် လူမှုဘေးကင်းလုံခြုံရေးကို ထိန်းသိမ်းကာကွယ်ရန် ရည်ရွယ်ကြောင်း ပြောကြားခဲ့သည်။
ဇူလိုင် ၁၄ ရက်က ကမ္ဘောဒီးယားနိုင်ငံ၏ နောက်ဆုံး အွန်လိုင်းလိမ်လည်မှု နှိမ်နင်းရေးတွင် မြို့တော် ဖနွမ်းပင်၊ Tuol Kork ခရိုင်ရှိ တိုက်ခန်းတစ်ခုတွင် ဗီယက်နမ်နိုင်ငံသား ၁၄၉ ဦးနှင့် ကမ္ဘောဒီးယားနိုင်ငံသား ၈၅ ဦးတို့ကို အာဏာပိုင်များက ဖမ်းဆီးထိန်းသိမ်းခဲ့ကြောင်း မြို့တော်ခန်းမ၏ အစီရင်ခံစာအရ သိရသည်။ (Xinhua)
……………………
(English Version)
Cambodian PM orders authorities to stamp out online scams
HNOM PENH, July 16 (Xinhua) — Cambodian Prime Minister Hun Manet has ordered authorities to root out all online scam centers across the country, warning that any officials who obstruct crackdown operations could be fired.
In an order signed on Monday and publicized Tuesday night, Hun Manet said some foreign criminal groups have used Cambodia as a base for operating their illegal online activities.
He said the leaders of all cities and provinces, as well as police, “must be responsible for wiping out all online scam centers in their geographical and jurisdictional boundaries in accordance with law and regulations.”
The prime minister ordered the armed forces to get ready to provide support to the crackdown operations.
He also instructed authorities to prevent foreigners from illegally entering Cambodia and to deport anyone who has entered illegally, lives illegally, or engages in illegal activities in the Southeast Asian country.
“This order must be implemented strictly and responsibly,” he said. “Failure to comply with the order or failure to cooperate in any case will be subject to evaluation in appointing, removing, or terminating a position.”
Hun Manet said the move aimed at maintaining and protecting security, public order, and social safety.
In the latest online scam suppression on Monday at an apartment building in the capital Phnom Penh’s Tuol Kork district, the authorities detained 149 Vietnamese nationals and 85 Cambodians, according to a City Hall’s report.

English Caption
Cambodian Prime Minister Hun Manet speaks at the Global Chinese Economic and Technology (GCET) Summit 2024 in Phnom Penh, Cambodia, Nov. 26, 2024. (Photo by Ly Lay/Xinhua)