ဆီးရီးယားနိုင်ငံ ဒမတ်စကပ်စ်မြို့ရှိ သမ္မတအိမ်တော်နှင့် စစ်ဌာနချုပ်တို့အား အစ္စရေး တိုက်ခိုက်

ဒမတ်စကပ်စ်/ဂျေရုဆလမ်၊ ဇူလိုင် ၁၇ ရက် (ဆင်ဟွာ)
အစ္စရေး စစ်လေယာဉ်များက ဆီးရီးယားနိုင်ငံ တောင်ပိုင်းတွင် ဇူလိုင် ၁၆ ရက်က လေကြောင်းတိုက်ခိုက်မှုများ အရှိန်မြှင့်လုပ်ဆောင်ခဲ့ပြီး ဒမတ်စကပ်စ်မြို့လယ်ရှိ ဆီးရီးယားစစ်တပ်၏ တပ်ပေါင်းစုကွပ်ကဲရေးဌာနချုပ်နှင့် သမ္မတအိမ်တော်တို့အား တိုက်ခိုက်ခဲ့ခြင်းဖြစ်ကြောင်း သိရသည်။
ဒမတ်စကပ်စ် မြို့လယ်အား ပစ်မှတ်ထား၍ အနည်းဆုံး သီးခြားလေကြောင်းတိုက်ခိုက်မှု ငါးကြိမ်ထက်မနည်း လုပ်ဆောင်ခဲ့ရာ ထိုတိုက်ခိုက်မှုများအတွင်း အရပ်သားတစ်ဦး သေဆုံးပြီး ၁၈ ဦး ဒဏ်ရာရရှိခဲ့သည်ဟု ဆီးရီးယား ကျန်းမာရေးဌာန တာဝန်ရှိသူများက ဆိုသည်။ ဆီးရီးယားစစ်တပ်၏ ပင်မကွပ်ကဲရေးဌာနချုပ် အဆောက်အအုံတည်ရှိရာ အူမေယက်ဒ်ရင်ပြင်မှ မီးခိုးလုံးများ တက်လာသည့် ဗီဒီယိုမှတ်တမ်းကို ပြည်တွင်းရုပ်သံတစ်ခုက ထုတ်လွှင့်ပြသခဲ့သည်။
အဆိုပါ တိုက်ခိုက်မှုများကြောင့် ကွပ်ကဲရေးဌာနချုပ်နှင့် ကာကွယ်ရေးဝန်ကြီးဌာန အဆောက်အအုံ တစ်စိတ်တစ်ပိုင်း ထိခိုက်ပျက်စီးခဲ့ကာ နောက်ဆက်တွဲ တိုက်ခိုက်မှုများကြောင့်လည်း အယ်လ်-မာလ်ကီ လူကုံထံရပ်ကွက်နှင့် သမ္မတအိမ်တော်အနီးရှိ အဆောက်အအုံများကို ထိမှန်ခဲ့သည်ဟု ဆီးရီးယား လူ့အခွင့်အရေးစောင့်ကြည့်မှုအဖွဲ့က ဆိုသည်။ ယင်းအဆောက်အအုံများတွင်ရှိသော အဆင့်မြင့် အစိုးရအရာရှိများ၏ အခြေအနေကိုမူ လတ်တလော မသိရှိရသေးပေ။
အစ္စရေးစစ်တပ် ပြောရေးဆိုခွင့်ရှိသူတစ်ဦးက ထိုစစ်ဆင်ရေးအား အတည်ပြုခဲ့ပြီး ဆီးရီးယားစစ်တပ်၏ တပ်မှူးများအနေဖြင့် ဒမတ်စကပ်စ်မြို့ရှိ စစ်ဌာနချုပ်မှ ဆွီဒါဒေသသို့ တပ်များစေလွှတ်ခြင်း၊ စစ်ဆင်ရေးများ ကွပ်ကဲခြင်းတို့ကို လုပ်ဆောင်နေခြင်းဖြစ်ကြောင်း ပြောကြားခဲ့သည်။
ဒမတ်စကပ်စ်မြို့ရှိ ဆီးရီးယားအစိုးရ၏ သမ္မတအိမ်တော်တည်ရှိရာ နေရာရှိ စစ်ရေးပစ်မှတ်တစ်ခုကိုလည်း တိုက်ခိုက်ခဲ့သည်ဟု ၎င်းပြောရေးဆိုခွင့်ရှိသူက ထုတ်ပြန်ခဲ့သည့် ကြေညာချက်တွင် ဖော်ပြထားသည်။
အစ္စရေးအနေဖြင့် ဆီးရီးယားနိုင်ငံ တောင်ပိုင်း ဆွီဒါပြည်နယ်တွင် အစိုးရစစ်တပ် ယာဉ်တန်းများနှင့် တပ်စွဲထားသော နေရာများကိုလည်း ပစ်မှတ်ထားတိုက်ခိုက်ခဲ့ရာ အယ်လ်-မာဂျီမာဒေသတွင် အကြီးတန်းအရာရှိ သုံးဦးထက်မနည်း သေဆုံးခဲ့သည်ဟု ဆီးရီးယား လူ့အခွင့်အရေးစောင့်ကြည့်မှုအဖွဲ့၏ အဆိုအရ သိရသည်။ ယင်းဒေသ၌ အစောပိုင်းက ပြုလုပ်ခဲ့သည့် တိုက်ခိုက်မှုများအတွင်း ခုနစ်ဦးထက်မနည်း သေဆုံးခဲ့သဖြင့် စုစုပေါင်း ဆီးရီးယားတပ်ဖွဲ့ဝင် ၁၀ ဦးအထိ သေဆုံးခဲ့ကြောင်း သိရသည်။
ဇူလိုင် ၁၆ ရက် နှောင်းပိုင်းက ပြုလုပ်ခဲ့သည့် နောက်ထပ် လေကြောင်းတိုက်ခိုက်မှုများအတွင်း အုပ်ချုပ်ရေးမှူးအိမ်တော်၊ စစ်ဘက်ထောက်လှမ်းရေးဌာနခွဲနှင့် နိုင်ငံသားမှတ်တမ်းရုံး အပါအဝင် ဒါရာမြို့နှင့် အနီးဝန်းကျင်ရှိ နေရာအများအပြားကို တိုက်ခိုက်ခဲ့သည်ဟု ဆီးရီးယား လူ့အခွင့်အရေးစောင့်ကြည့်မှုအဖွဲ့က ဆိုသည်။
အစ္စရေး ဂျက်တိုက်လေယာဉ်များက ဒမတ်စကပ်စ်မြို့ ကျေးလက်ဒေသဖြစ်သော အယ်လ်-ကီဆဝါမြို့ကိုလည်း ဗုံးကြဲတိုက်ခိုက်ခဲ့ပြီး လတ်တလောတွင်မူ လူအသေအပျောက် ဖြစ်ပွားခဲ့သည့် သတင်းများ ထွက်ပေါ်လာခြင်းမရှိသေးပေ။
ဆီးရီးယားနိုင်ငံရှိ ဒရုစ်ဇ် အသိုင်းအဝိုင်း၏ ဗဟိုချက်ဖြစ်သော ဆွီဒါပြည်နယ်တွင် ဆီးရီးယားအစိုးရတပ်များနှင့် ဒရုစ်ဇ်လက်နက်ကိုင်အဖွဲ့များကြား အပစ်အခတ်ရပ်စဲရေး ပျက်ပြယ်ခဲ့ပြီးနောက် အစ္စရေး၏ တိုက်ခိုက်မှုများ ဖြစ်ပွားခဲ့ခြင်းဖြစ်သည်။ ယင်းဒေသ၌ ဇူလိုင် ၁၃ ရက်မှစ၍ လူပေါင်း ၂၄၈ ဦးထက်မနည်း သတ်ဖြတ်ခံခဲ့ရသည်ဟု စစ်ပွဲစောင့်ကြည့်ရေးအဖွဲ့က ပြောကြားခဲ့သည်။
ဒရုစ်ဇ်အသိုင်းအဝိုင်းမှာ အစ္စလာမ်ဘာသာမှ အခြေတည် ပေါ်ထွန်းလာသည့် ဘာသာအယူဝါဒနှင့် လူမျိုးစုအရ လူနည်းစုအသိုင်းအဝိုင်းဖြစ်ကာ ဆီးရီးယား၊ လက်ဘနွန်နှင့် အစ္စရေးတို့တွင် အဓိကနေထိုင်ပြီး ဂျော်ဒန်နှင့် အခြားနေရာများတွင်လည်း အနည်းငယ်စီ နေထိုင်လျက်ရှိကြောင်း သိရသည်။
အစ္စရေးအနေဖြင့် ဒရုစ်ဇ်လူနည်းစုများအား ရန်ပြုတိုက်ခိုက်ခံရခြင်းမှ ကာကွယ်ရန် ရည်ရွယ်လျက် ဒမတ်စကပ်စ်မြို့နှင့် ဆွီဒါပြည်နယ်တို့ကို တိုက်ခိုက်မှုအများအပြား လုပ်ဆောင်ခဲ့ခြင်းဖြစ်ကြောင်း သိရသည်။ (Xinhua)

……………….
(English Version)
Israel strikes Syrian presidential palace area, army HQ in Damascus
DAMASCUS/JERUSALEM, July 16 (Xinhua) — Israeli warplanes intensified their air campaign across southern Syria on Wednesday, striking the Syrian Army General Command headquarters and the presidential palace area in central Damascus.
The Syrian health authorities said one civilian was killed, and 18 others injured in the strikes on the capital, which included at least five separate air raids targeting central Damascus. Footage aired on local TV showed smoke billowing from Umayyad Square, where the army’s main command building is located.
The Syrian Observatory for Human Rights said parts of the headquarters and the defense authorities were destroyed, and additional strikes hit buildings in the upscale al-Malki neighborhood and near the Tishreen Palace. The fate of senior officials inside the facilities remained unknown.
An Israeli military spokesperson confirmed the operation, saying that “the military headquarters in Damascus is the location from which Syrian regime commanders direct combat operations and deploy regime forces to the Sweida area.”
In a statement, the spokesperson added that also “a military target in the area of the Syrian regime’s presidential palace in Damascus was struck.”
In southern Syria, Israeli strikes also targeted government forces’ convoys and positions in Sweida province, killing at least three senior officers in the village of al-Majimer, according to the observatory. Earlier raids in the region had killed at least seven others, bringing the total toll among government forces to 10.
Additional air raids late Wednesday struck multiple locations in and around Daraa city, including the governor’s palace, the military intelligence branch, and the civil registry office, the observatory said.
In the Damascus countryside, Israeli jets also bombed the town of al-Kiswah, though no casualties were immediately reported.
The strikes came after the collapse of a ceasefire between Syrian government forces and armed Druze groups in Sweida, the heartland of the Druze community in Syria. The war monitor said at least 248 people have been killed in the area since Sunday.
The Druze are a religious and ethnic minority originating from Islam, living primarily in Syria, Lebanon, and Israel, with smaller communities in Jordan and elsewhere.
Israel carried out several waves of strikes in Damascus and Sweida, with the stated aim of preventing the Druze minority from being harmed.
English Caption
A damaged car is seen after Israel struck the Syrian Army General Command and the Defense Ministry compound in Umayyad Square in central Damascus, Syria, July 16, 2025. (Str/Xinhua)