တရုတ်နိုင်ငံနှင့် အီးယူတို့အနေဖြင့် တံခါးဖွင့်လှစ်မှု၊ ပူးပေါင်းဆောင်ရွက်မှုတို့ကို ထိန်းသိမ်းကာ မတူကွဲပြားမှုများကို သင့်လျော်မှန်ကန်စွာ ကိုင်တွယ်စီမံသင့်ဟု သမ္မတရှီ ပြောကြား

ပေကျင်း၊ ဇူလိုင် ၂၄ ရက် (ဆင်ဟွာ)
တရုတ်နိုင်ငံနှင့် ဥရောပသမဂ္ဂ (အီးယူ) တို့အနေဖြင့် တံခါးဖွင့်လှစ်မှု၊ ပူးပေါင်းဆောင်ရွက်မှုတို့ကို ဆက်လက်ထိန်းသိမ်းကာ မတူကွဲပြားမှုများကို သင့်လျော်မှန်ကန်စွာ ကိုင်တွယ်စီမံသင့်ကြောင်း တရုတ်နိုင်ငံ သမ္မတ ရှီကျင့်ဖိန်က ဇူလိုင် ၂၄ ရက်၌ ပြောကြားခဲ့သည်။
၂၅ ကြိမ်မြောက် တရုတ်-အီးယူ ထိပ်သီးအစည်းအဝေး တက်ရောက်ရန် ပေကျင်းမြို့သို့ ရောက်ရှိနေသည့် ဥရောပကောင်စီ ဥက္ကဋ္ဌ အန်တိုနီယို ကော်စတာ၊ ဥရောပကော်မရှင် ဥက္ကဋ္ဌ အာဆူလာ ဗွန်ဒါလေယန်တို့နှင့် တွေ့ဆုံစဉ် ရှီက အထက်ပါအတိုင်း ပြောကြားခဲ့ခြင်းဖြစ်သည်။
အပြန်အလှန် အမှီသဟဲပြုခြင်းက အန္တရာယ်မဟုတ်သလို အကျိုးစီးပွားချင်း တူညီမှုကလည်း ခြိမ်းခြောက်မှု မဟုတ်သည်ကို သမိုင်းနှင့် ပကတိအခြေအနေတို့က ညွှန်ပြလျက်ရှိသည်ဟု ရှီက အလေးအနက်ပြောကြားခဲ့ပြီး ယှဉ်ပြိုင်မှု မြှင့်တင်ရာတွင် တံတိုင်းများခတ်ခြင်း၊ အတားအဆီးများ တည်ဆောက်ခြင်းအပေါ် အားမပြုသင့်ဘဲ အဆက်အသွယ် ဖြတ်တောက်ခြင်း၊ ထောက်ပံ့ကွင်းဆက်များ ဖြတ်တောက်ခြင်းတို့က မိမိကိုယ်တိုင် အထီးကျန်ခြင်းကိုသာ ဖြစ်ပေါ်စေမည်ဟုလည်း ထောက်ပြပြောဆိုခဲ့သည်။
‌မှီခိုမှုလျှော့ချခြင်းက တရုတ်-အီးယူ ပူးပေါင်းဆောင်ရွက်မှု လျှော့ချရေးဆီသို့ ဦးမတည်သင့်ကြောင်း ရှီက ပြောကြားခဲ့သည်။ ပင်ကိုသဘာဝအားဖြင့် အပြန်အလှန်ဖြည့်စွက်မှု၊ အကျိုးဖြစ်ထွန်းမှုရှိသည့် နှစ်နိုင်ငံ ကုန်သွယ်စီးပွား ဆက်ဆံရေးက ဖွံ့ဖြိုးတိုးတက်မှုဖြင့် တိုးတက်ပြောင်းလဲမှု မျှခြေကို အမှန်တကယ် ရရှိစေနိုင်ကြောင်း ၎င်းက ဆိုသည်။
တရုတ်နိုင်ငံ၏ အရည်အသွေးမြင့် ဖွံ့ဖြိုးတိုးတက်မှုနှင့် တံခါးဖွင့်လှစ်မှုတို့က တရုတ်-အီးယူ ပူးပေါင်းဆောင်ရွက်မှုအတွက် အခွင့်အလမ်းသစ်များနှင့် အလားအလာများကို ပေးစွမ်းလိမ့်မည်ဖြစ်ကြောင်း၊ နှစ်ဖက်အနေဖြင့် အစိမ်းရောင်နှင့် ဒစ်ဂျစ်တယ်ကဏ္ဍတို့တွင် မိတ်ဖက်ပူးပေါင်းဆောင်ရွက်မှု ခိုင်မာအားကောင်းရေး၊ အပြန်အလှန် ရင်းနှီးမြှုပ်နှံမှုနှင့် ပူးပေါင်းဆောင်ရွက်မှု တိုးမြှင့်ရေးအတွက် တိုက်တွန်းလိုကြောင်း ရှီက အလေးအနက်ပြောကြားခဲ့သည်။
အီးယူအနေဖြင့် ကုန်သွယ်ရေးနှင့် ရင်းနှီးမြှုပ်နှံမှု ဈေးကွက်အား ဆက်လက်တံခါးဖွင့်လှစ်ကာ ကုန်သွယ်စီးပွားဆိုင်ရာ ကန့်သတ်မှု အစီအမံများ အသုံးချခြင်းအား ရှောင်ကြဉ်ပြီး အီးယူတွင် လာရောက်ရင်းနှီးမြှုပ်နှံ၍ လုပ်ငန်းလုပ်ကိုင်နေသည့် တရုတ်စီးပွားရေးလုပ်ငန်းများအတွက် ကောင်းမွန်သော စီးပွားရေးဝန်းကျင်တစ်ခုအား အားပေးမြှင့်တင်သွားမည်ဟု မျှော်လင့်ပါကြောင်း ရှီက အလေးအနက်ပြောကြားခဲ့သည်။ (Xinhua)

…………………..
(English Version)
China, EU should uphold openness and cooperation, properly manage differences: Xi
BEIJING, July 24 (Xinhua) — Chinese President Xi Jinping on Thursday said that China and the European Union should uphold openness and cooperation, and properly manage differences.
Xi made the remarks when meeting with President of the European Council Antonio Costa and President of the European Commission Ursula von der Leyen, who are here for the 25th China-EU Summit in Beijing.
History and reality show that interdependency is not a risk, and convergent interests are not a threat, Xi noted, pointing out that boosting competitiveness should not rely on building walls or barriers, as decoupling and severing supply chains will only result in self-isolation.
Xi said that “reducing dependency” should not lead to reducing China-EU cooperation. The bilateral economic and trade relationship, which is by nature complementary and mutually beneficial, can indeed achieve dynamic equilibrium through development, he said.
China’s high-quality development and opening-up will provide new opportunities and potentials for China-EU cooperation, Xi noted, calling on both sides to strengthen green and digital partnership, and boost mutual investment and cooperation.
It is hoped that the EU can remain open in trade and investment market, refrain from using restrictive economic and trade tools, and foster a sound business environment for Chinese enterprises investing and operating in the EU, Xi stressed. ■
English Caption
Chinese President Xi Jinping meets with President of the European Council Antonio Costa and President of the European Commission Ursula von der Leyen, who are in China for the 25th China-EU Summit, at the Great Hall of the People in Beijing, capital of China, July 24, 2025. (Xinhua/Xie Huanchi)