Environment, Disasters & Accidents
စစ်ကိုင်းတိုင်းဒေသကြီးတွင် မြေတူးသယ်ဆောင်မှုပြုလုပ်စဉ် မြေပြိုမှုဖြစ်ပွား ၊ လူသေဆုံးမှုှရှိဟုဆို
ရန်ကုန်၊ဇန်နဝါရီ ၂၈ ရက် (ဆင်ဟွာ)
စစ်ကိုင်းတိုင်းဒေသကြီး စစ်ကိုင်းမြို့ နယ် တောင်ပြိုကျေးရွာတွင် ယနေ့ ( ဇန်နဝါရီ ၈ ရက်) နံနက် ၉နာရီခွဲခန့်က မြေတူးသယ်ဆောင်မှုပြုလုပ်နေစဉ် မြေပြိုကျမှုဖြစ်ပွားခဲ့ရာ လူသေဆုံးမှုရှိခဲ့ကြောင်း စစ်ကိုင်းတိုင်းဒေသကြီးရဲတပ်ဖွဲ့ထံမှ စုံစမ်းသိရှိရသည်။
မြေပြိုကျကြောင့် ထော်လာဂျီယာဉ် ၂စီးနှင့် လူ ၄ဦး ပိမှုခဲ့ကြောင်း ၊ ထော်လာဂျီတစ်စီး နှင့် စိုးရိမ်ဖွယ် အခြေအနေရှိ ဒဏ်ရာရသူ တစ်ဦးကို ဦးစွာ ကယ်တင်နိုင်ခဲ့ပြီး အဆိုပါ ဒဏ်ရာရသူကို စစ်ကိုင်းဆေးရုံကြီးသို့ ပို့ဆောင်ထားကြောင်း သိရသည်။
ရှာဖွေမှုများဆက်လက်ဆောင်ရွက်စဉ် ကျောက်တုံးများပိမိ၍ ပျက်စီးနေသော ထော်လာဂျီတစ်စီးနှင့် လူသေအလောင်း တစ်လောင်းကို ရှာဖွေတွေ့ရှိခဲ့ကြောင်း သိရသည်။
ကျန်ပျောက်ဆုံးနေသူ နှစ်ဦးကို ရှာဖွေမှုများ ဆက်လက် ပြုလုပ်လျက်ရှိကြောင်း စစ်ကိုင်းတိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူတစ်ဦးက ဆိုသည်။(Xinhua)