Environment, Disasters & Accidents
မန္တလေးတိုင်းဒေသကြီးအတွင်း ကမ်းပြိုကာကွယ်ရေးလုပ်ငန်းများ ဆောင်ရွက်မည်
ရန်ကုန်၊ ဒီဇင်ဘာ ၁၂ ရက် (ဆင်ဟွာ)
မန္တလေးတိုင်းဒေသကြီး တံတားဦးမြို့နယ်အတွင်းရှိ လက်ဆောင်ယူကျေးရွာနှင့် ပုဏ္ဏားခြံကျေးရွာ များတွင် ကမ်းပြိုကာကွယ်ရေးလုပ်ငန်းများအား ဇန်နဝါရီလအတွင်း စတင်ဆောင်ရွက်သွားမည် ဖြစ်ကြောင်း တိုင်းဒေသကြီး ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ သိရသည်။
အဆိုပါကျေးရွာနှစ်ရွာ၏ ကမ်းပြိုကာကွယ်ရေးလုပ်ငန်းများအတွက်
ပြည်ထောင်စုအစိုးရ၏ အရေးပေါ် ရန်ပုံငွေမှ ငွေကျပ်သန်း ၁၅ဝဝဝ သုံးစွဲ၍
ဆောင်ရွက်သွားမည်ဖြစ်ကြောင်း ပြန်ကြားရေးဝန်ကြီးဌာန ၏ သတင်းထုတ်ပြန်ချက်ထဲတွင် ပါရှိသည်။
ကမ်းပြိုကာကွယ်ရေးလုပ်ငန်းများကို တိုက်ရိုက် ကာကွယ်ရေးနှင့် သွယ်ဝိုက်ကာကွယ်ရေးနည်းလမ်းများဖြင့် ဆောင်ရွက်သွားမည်ဖြစ်ရာ လက်ရှိ တွင် လုပ်ငန်းဆောင်ရွက်ရန် တင်ဒါခေါ်ယူထားပြီး ကာကွယ်ရေးဆောင်ရွက်မည့် အင်ဂျင်နီယာ ဒီဇိုင်းများ ရေးဆွဲတွက်ချက်လျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)