Environment, Disasters & Accidents
မွန်ပြည်နယ် ကျိုက်မရော မြို့နယ်၌ စက်လှေ တိမ်းမှောက်၍ ၂ ဦး သေဆုံး
ရန်ကုန် ၊ သြဂုတ် ၂ ရက်(ဆင်ဟွာ)
မွန်ပြည်နယ် ကျိုက်မရောမြို့နယ် မက်ကသန် ကျေးရွာ အနီးတွင် သြဂုတ် ၁ ရက် မွန်းလွဲပိုင်း အချိန် တွင် စက်လှေ တိမ်းမှောက်မှု ဖြစ်ပွားကာ ၂ ဦး သေဆုံးခဲ့ကြောင်း ပြန်ကြားရေး ဝန်ကြီးဌာနမှ ထုတ်ပြန်သော သတင်း အရ သိရသည်။
ကျိုက်မရောမြို့နယ် ကော့ပလော့ကျေးရွာအုပ်စု ကော့ဒွန်း ကျေးရွာမှ လင်မယားနှစ်ဦးသည် ၎င်းတို့၏ ဦးလေးနေထိုင်ရာ ကျေးရွာသို့ စက်တပ်ရေယာဉ်ဖြင့် အသွား မက်ကသန် ကျေးရွာအနီးတွင် မိုးသည်းထန်စွာရွာသွန်းပြီး လှိုင်းလေထန်သဖြင့် စက်လှေတိမ်းမှောက်ကာ လင်မယားနှစ်ဦးလုံး ရေနစ် သေဆုံးခဲ့ပြီး သေဆုံးသူများအား ဆေးရုံရှိ ရင်ခွဲရုံသို့ ပို့ဆောင်ပေးခဲ့ကြောင်း သိရသည်။(Xinhua)
Continue Reading