Politics, Law & Military
မင်းလှမြို့ ဧရာဝတီ(မလွန်)တံတားပေါ်၌ ယာဉ်တိုက်မှုကြောင့် လူ ၁ဦးသေ၊၂၀ဦး ဒဏ်ရာရရှိ
ရန်ကုန်၊ ဇန်နဝါရီ ၂၈ ရက် (ဆင်ဟွာ)
မကွေးတိုင်းဒေသကြီး အထက်မင်းလှမြို့ ဧရာဝတီတံတား (မလွန်)ပေါ်၌ ယာဉ်တိုက်မှုကြောင့် လူ ၁ဦးသေဆုံးပြီး ၂၀ဦး ဒဏ်ရာရရှိခဲ့ကြောင်း ပြန်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။
အဆိုပါ တံတားပေါ်တွင် ဇန်နဝါရီလ ၂၇ ရက်နေ့ မနက်ပိုင်းက စက်ချို့ယွင်းနေ၍ ရပ်ထားသော သုံးဘီးယာဉ်နောက်ကျောကို ကြက်စာများတင်လာသော ၁၂ ဘီးယာဉ်က ဝင်ရောက်တိုက်မိခဲ့သည့်အတွက် ၁ ဦး သေဆုံးခဲ့ပြီး အယောက် ၂၀ ဒဏ်ရာရရှိခဲ့ကြောင်း သိရသည်။
မင်းလှမြို့ ပြည်သူ့ဆေးရုံကြီးတွင် ယာဉ်တိုက်မှုကြောင့် ဒဏ်ရာရရှိသူများ ဆေးကုသမှုခံယူလျက်ရှိပြီး ဒဏ်ရာရရှိသူများထဲတွင် ၇ဦးသည် စိုးရိမ်ရသည့်အခြေအနေရှိပြီး ကျန် ၁၇ဦးသည် မစိုးရိမ်ရသော ဒဏ်ရာများသာ ဖြစ်ကြောင်း သိရသည်။
ယင်းဖြစ်စဉ်နှင့် ပတ်သက်ပြီး ယာဉ်မောင်းကို အမှတ်ယာဉ်(ပ)၃/၂၀၁၈ ယဉ်မဆင်မခြင် မောင်းနှင်ပြီး လူသေဆုံးမှု ရာဇသတ်ကြီးဥပဒေပုဒ်မ ၃၀၄-က/၃၃၈/၃၃၇ဖြင့် မင်းလှမြို့မ ရဲစခန်း၌ အမှုဖွင့်အရေးယူထားကြောင်း သိရသည်။(Xinhua)