မြန်မာနိုင်ငံနှင့် ကိုလံဘီယာနိုင်ငံတို့ကြား ပြည်ဝင်ဗီဇာကင်းလွတ်ခွင့် သဘောတူစာချုပ်လက်မှတ်ရေးထိုး

ရန်ကုန်၊ စက်တင်ဘာ ၂၉ ရက် (ဆင်ဟွာ)

မြန်မာနိုင်ငံနှင့် ကိုလံဘီယာ နိုင်ငံတို့အကြား ပြည်ဝင်ဗီဇာကင်းလွတ်ခွင့် သဘောတူစာချုပ်ကို လက်မှတ်ရေးထိုးထားကြောင်း နိုင်ငံခြားရေးဝန်ကြီးဌာနက ယနေ့ သတင်းထုတ်ပြန်ထားသည်။

အဆိုပါ နှစ်နိုင်ငံအကြား ချစ်ကြည်ရင်းနှီးမှုပိုမိုတိုးမြှင့်ရန်နှင့် ခရီးသွားလာမှုလွယ်ကူ အဆင်ပြေစေ ရန်ရည်ရွယ်လျက် သံတမန်နှင့် အထူး∕ဝန်ထမ်းနိုင်ငံကူးလက်မှတ် ကိုင်ဆောင်သူများအတွက် ပြည်ဝင်ခွင့် ဗီဇာကင်း လွတ်ခွင့်ပြုရေး သဘောတူစာချုပ်အား စက်တင်ဘာ ၂၀ရက်နေ့တွင် လက်မှတ်ရေးထိုးခဲ့သည်။

ယင်းနှစ်နိုင်ငံ ပြည်ဝင်ဗီဇာကင်းလွတ်ခွင့် လက်မှတ်ရေးထိုးမှုကို နယူးယောက်မြို့ရှိ ကုလသမဂ္ဂဌာနချုပ်၌ ပြည်ထောင်စုသမ္မတ မြန်မာနိုင်ငံတော် နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကျော်တင်နှင့် ကိုလံဘီယာသမ္မတနိုင်ငံ၊ နိုင်ငံခြားရေးဝန်ကြီး H.E. Ms. María Ángela Holguín Cuéllar တို့မှ လက်မှတ်ရေးထိုးခဲ့သည်။(Xinhua)