အာဆီယံဘောလုံးအဖွဲ့ချုပ်မှ ၂၀၁၆ ခုနှစ်တွင် ကျင်းပမည့် ဘောလုံးပြိုင်ပွဲများတွင် မြန်မာနိုင်ငံမှ ဝင်ရောက်ယှဉ်ပြိုင်မည်

ရန်ကုန်၊ ဇန်နဝါရီ ၁၅ရက် (ဆင်ဟွာ)

၂၀၁၆ခုနှစ်တွင် အောက်ပါ ဘောလုံးပြိုင်ပွဲများကို အာဆီယံဘောလုံးအဖွဲ့ချုပ်မှ ဦးစီးကျင်းပသွားမည်ဖြစ်ပြီး မြန်မာနိုင်ငံအနေဖြင့် ၎င်းပြိုင်ပွဲများသို့ ဝင်ရောက်ယှဉ်ပြိုင်ရန်အတွက် စီစဉ်လျက်ရှိကြောင်း မြန်မာနိုင်ငံ ဘောလုံးအဖွဲ့ချုပ်မှ သတင်းထုတ်ပြန်သည်။

အာဆီယံ အမျိုးသမီးဘောလုံးချန်ပီယံရှစ် (AFF Women’s Championship) ကို မြန်မာနိုင်ငံမှ အိမ်ရှင်အဖြစ် တာဝန်ယူဆောင်ရွက်မည်ဖြစ်ပြီး ၂၀၁၆ ဇူလိုင် ၂၄ မှ သြဂုတ် ၅ ရက်နေ့ထိ မန္တလေးမြို့တွင် ယှဉ်ပြိုင်ရမည်ဖြစ်သည်။

အာဆီယံ အသက် (၁၆)နှစ်အောက် ဘောလုံးချန်ပီယံရှစ် (AFF U16 Championship) ကို ၂၀၁၆ ဇူလိုင်နှင့် သြဂုတ်လများတွင် မလေးရှားနိုင်ငံတွင် ကျင်းပပြုလုပ်မည်ဖြစ်ပြီး မြန်မာနိုင်ငံမှ ဝင်ရောက်ယှဉ်ပြိုင်မည် ဖြစ်ကြောင်းသိရသည်။

သဲသောင်ပြင်ဘောလုံးချန်ပီယံရှစ် ( AFF Beach Soccer Championship) ပြိုင်ပွဲကို ဗီယက်နမ်မြို့တွင် ၂၀၁၆ခုနှစ် သြဂုတ်လများတွင် ကျင်းပပြုလုပ်သွားမည်ဖြစ်ပြီး မြန်မာနိုင်ငံမှ သွားရောက်ယှဉ်ပြိုင်မည် ဖြစ်ကြောင်း မြန်မာနိုင်ငံဘောလုံး အဖွဲ့ချုပ်၏ သတင်းထုတ်ပြန်ချက်ထဲတွင်ပါရှိသည်။

အာဆီယံ ဖူဆယ်ချန်ပီယံရှစ်ပြိုင်ပွဲ ( AFF Futsal Championship)သို့ မြန်မာနိုင်ငံမှ ဝင်ရောက်ယှဉ်ပြိုင်မည်ဖြစ်ပြီး ပြိုင်ပွဲကျင်းပမည့်နိုင်ငံနှင့် ပြိုင်ပွဲအချက်အလက်များကို သိရှိပါက မြန်မာနိုင်ငံ ဘောလုံးအဖွဲ့ချုပ် အနေဖြင့် ဆက်လက်ထုတ်ပြန်သွားမည်ဖြစ်ကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)