၂၀၁၇ အာဆီယံဖူဆယ် ချန်ပီယံရှစ်ပွဲကြိုသတင်းစာရှင်းလင်းပွဲကျင်းပ

ရန်ကုန်၊ အောက်တိုဘာ ၂၅ ရက် (ဆင်ဟွာ)

ဗီယက်နမ်နိုင်ငံတွင် အိမ်ရှင်အဖြစ် လက်ခံကျင်းပမည့် ၂၀၁၇ခုနှစ် အာဆီယံဖူဆယ်ချန်ပီယံရှစ် ပြိုင်ပွဲ၏ ပွဲကြိုသတင်းစာရှင်းလင်းပွဲကို အောက်တိုဘာလ ၂၅ရက်နေ့ နေ့လည်ပိုင်းက ဗီယက်နမ်နိုင်ငံ ဟိုချီမင်းမြို့ရှိ First Hotel တွင် ကျင်းပခဲ့ကြောင်း မြန်မာနိုင်ငံဘောလုံးအဖွဲ့ချုပ်မှ သတင်းထုတ်ပြန်သည်။

ဗီယက်နမ် အသင်းနည်းပြ Miguel Rodrigo(မီဂူရယ်ရိုဒရင်ဂို) က “ဒီပြိုင်ပွဲမတိုင်ခင်မှာ ပြင်ဆင်မှုအနေနဲ့ တရုတ်ဖိတ်ခေါ်ဖလားဝင်ပြိုင်ခဲ့ပါတယ်။ အာဆီယံဒေသတွင်းမှာ ဖူဆယ်ကစားနည်းတိုးတက်လာမှုက တကယ်မြန်ဆန်ပါတယ်။ အုပ်စုတွင်းပြိုင်ဘက်တွေဖြစ်တဲ့ မြန်မာ၊အင်ဒို အသင်းတွေကလဲ အသင်းကောင်းတွေဖြစ်လို့ ပွဲစဉ်တိုင်းကို လေးလေးစားစားယှဉ်ပြိုင်သွားမှာပါ။ အိမ်ရှင်အားသာချက်နဲ့ နောက်တစ်ဆင့်တက်အောင် စွမ်းဆောင်သွားမှာပါ။’’ ဟုပြောကြားခဲ့သည်။

ဦးကြည်မင်းသိန်း ၊(မြန်မာ့လက်ရွေးစင် ဖူဆယ်ဘောလုံးအသင်း အုပ်ချုပ်သူ) က “မြန်မာအသင်းနည်းပြချုပ် အနေနဲ့ အသင်းလေ့ကျင့်ရေးအစီအစဉ်ရှိနေတာကြောင့် ဒီနေ့ပွဲကို မတက်ရောက်နိုင်ပါဘူး။ ပထမဆုံးအနေနဲ့ အစစအရာရာအဆင်ပြေအောင် စီစဉ်ပေးတဲ့ ဗီယက်နမ်ဘောလုံးအဖွဲ့ချုပ်ကို ကျေးဇူးတင်ပါတယ်။ ဗီယက်နမ်၊အင်ဒိုတို့ပါဝင်တဲ့ အုပ်စုဟာ ခက်ခဲပါတယ်။ ကျွန်တော်တို့အသင်းအနေနဲ့ အကောင်းဆုံးယှဉ်ပြိုင်သွားမှာပါ’’ ဟုပြောကြားခဲ့သည်။ (Xinhua)