Myanmar
(၃၃)ကြိမ်မြောက် ဆီးဂိမ်းပြိုင်ပွဲတွင် မြန်မာနိုင်ငံက အားကစားနည်း (၅၀)ဖြင့် ပါဝင်ယှဉ်ပြိုင်မည်
ရန်ကုန်၊ ဇန်နဝါရီ ၃၀ ရက် (ဆင်ဟွာ)
(၃၃)ကြိမ်မြောက် ဆီးဂိမ်းပြိုင်ပွဲတွင် မြန်မာနိုင်ငံက အားကစားနည်း (၅၀)ဖြင့် ပါဝင်ယှဉ်ပြိုင်မည်ဖြစ်ကြောင်း နိုင်ငံပိုင်မီဒီယာက ထုတ်ပြန်သော သတင်းအရ သိရသည်။
၂၀၂၅ ခုနှစ် ဒီဇင်ဘာ ၉ ရက်မှ ၂၀ ရက်အထိ ထိုင်းနိုင်ငံ၌ ကျင်းပမည့် (၃၃)ကြိမ်မြောက် ဆီးဂိမ်း အားကစားပြိုင်ပွဲတွင် မြန်မာနိုင်ငံမှ အားကစားနည်း (၅၀) ပါဝင်ယှဉ်ပြိုင်မည် ဖြစ်ကြောင်း သိရသည်။
အဆိုပါပြိုင်ပွဲတွင် မြန်မာအားကစားများအနေဖြင့် ရေကူး၊ မြှားပစ်၊ ကြက်တောင်၊ ဘတ်စကက်ဘော၊ လှေလှော်၊ စက်ဘီးစီး၊ မြင်းစီး၊ ဘောလုံး၊ ဂေါက်သီး၊ လက်ပစ်ဘော၊ စားပွဲတင်တင်းနစ်၊ တိုက်ကွမ်ဒိုနှင့် အခြားပွဲများစွာတွင် ပါဝင်ယှဉ်ပြိုင်ကြမည်ဖြစ်ကြောင်း သိရသည်။
မြန်မာအားကစားအဖွဲ့များသည် လာမည့်ပြိုင်ပွဲအတွက် ပြင်ဆင်မှုများ စတင်နေပြီဖြစ်ကြောင်း သိရသည်။
၂၀၂၃ ဆီးဂိမ်းတွင် မြန်မာနိုင်ငံက ရွှေ တံဆိပ်၂၁ ခု၊ ငွေ တံဆိပ်၂၅ ခုနှင့် ကြေးတံဆိပ် ၆၈ ခု ဆွတ်ခူးနိုင်ခဲ့ကြောင်း သိရသည်။(Xinhua)
