Africa & Middle East
အစ္စရေးတောင်ပိုင်းတွင် တိုက်ခိုက်ခံရမှုကြောင့် အစ္စရေးစစ်သား ၃ ဦး ဒဏ်ရာရ
ဂျေရုဆလင် ၊ မေ ၃၀ ရက်(ဆင်ဟွာ)
ဂါဇာကမ်းမြောင်ဒေသမှ အစ္စရေးတောင်ပိုင်းဒေသကို မေလ ၂၉ ရက်နေ့က တိုက်ခိုက်မှုတစ်ခုပြုလုပ်ခဲ့ရာ အစ္စရေးစစ်သား ၃ ဦး ဒဏ်ရာရခဲ့ကြောင်း ၊ဒဏ်ရာရသူများအား ဆေးရုံသို့ ကုသရန်ပို့ဆောင်ပြီးဖြစ်ကြောင်း အစ္စရေးစစ်တပ်က အခင်းဖြစ်ပွားသည့်နေ့တွင် ထုတ်ပြန်ကြေညာခဲ့သည်။
မေ ၂၉ ရက်တွင် ဂါဇာဒေသမှ အစ္စရေးတောင်ပိုင်းကို အမြောက်ကျည်၊ဒုံးကျည် စုစုပေါင်း ၇၀ ခန့် ပစ်ခတ်ခဲ့ကြောင်း ၊အစ္စရေးစစ်တပ်က ၎င်းတိုက်ခိုက်မှုကို တုံ့ပြန်သည့်အနေဖြင့် လက်နက်ခဲယမ်းသိုလှောင်ခန်း၊ ညွှန်ကြားရေးစခန်းနှင့် ရေတပ် စစ်ရေးပစ်မှတ် စသည်တို့အပါအဝင် ဂါဇာဒေသရှိ စစ်စခန်း ၇ ခု ကို လေကြောင်းမှပြန်လည် တိုက်ခိုက်ခဲ့ကြောင်း၊ ထို့အပြင် ပါလက်စတိုင်းအစ္စလာမ်မစ် ဟားမတ်စ်တို့၏ မြေအောက်လိုဏ်ခေါင်းတစ်ခုကိုလည်း ဖျက်ဆီးခဲ့ကြောင်း အစ္စရေးစစ်တပ်၏ကြေညာချက်ထဲတွင် ဖော်ပြထားသည်။
လက်ရှိ အစ္စရေးတောင်ပိုင်းတိုက်ခိုက်မှုကို မည်သည့်ပါလက်စတိုင်းအဖွဲ့ကမှ ဝန်ခံပြောဆိုထားခြင်း မရှိသေးပေ။
ယခုရက်ပိုင်းများတွင် ဂါဇာဒေသရှိ ပါလက်စတိုင်းလက်နက်ကိုင် အဖွဲ့များနှင့် အစ္စရေးတို့အကြား အပြန်အလှန်စစ်ရေးလှုပ်ရှားမှုများ ဆက်တိုက်ဆိုသလို ပြုလုပ်နေကြောင်း သိရသည်။ (Xinhua)