အိန်ဂျယ်လာမာကဲလ်၏ CDU ပါတီ နှင့် ညွန့်ပေါင်းအဖွဲ့ ဖွဲ့စည်းရန် ဂျာမန် SPD ပါတီ မီးစိမ်းပြ

ဘွန်း ၊ ဇန်နဝါရီ ၂၂ ရက်(ဆင်ဟွာ)

ဂျာမနီနိုင်ငံဝန်ကြီးချုပ် အိန်ဂျယ်လာမာကဲလ် ဦးဆောင်သော ကွန်ဆာဗေးတီးယူနီယံ(CDU) ပါတီ နှင့် ညွန့်ပေါင်းအဖွဲ့ဖွဲ့စည်းသွားရန် ဂျာမနီနိုင်ငံ၏ ဗဟိုလက်ဝဲယိမ်း ဆိုရှယ်ဒီမိုကရက်တစ်ပါတီ(SPC) မှ ကိုယ်စားလှယ်များသည် ဇန်နဝါရီ၂၁ ရက်တွင် ထောက်ခံမဲပေးခဲ့ကြကြောင်း သိရသည်။

ဘွန်းမြို့(Bonn) ၌ ပြုလုပ်သော အထူးညီလာခံသို့တက်ရောက်ခဲ့သော ကိုယ်စားလှယ် ၆ဝဝ ကျော်အနက် ၃၆၂ ဦးက (CDU) နှင့် ၎င်းတို့၏ ညီအစ်မပါတီဖြစ်သော ခရစ်ယာန်ဆိုရှယ်ယူနီယံပါတီ(CSU) နှင့် အနာဂတ်တွင် ညွန့်ပေါင်းအဖွဲ့ဖွဲ့စည်းသွားရန် ( yes) ထောက်ခံမဲပေးခဲ့ကြောင်း နှင့် အခြား ကိုယ်စားလှယ်ပေါင်း ၂၇၉ ဦးက ဆန့်ကျင်ကန့်ကွက်မဲ အသီးသီးပေးခဲ့ကြောင်း သိရသည်။

ညီလာခံတက်ရောက်လာသော ကိုယ်စားလှယ်များအကြား အကြိတ်အနယ် ဆွေးနွေးခဲ့ပြီးနောက် အထက်ပါအတိုင်း ဆုံးဖြတ်ခဲ့ခြင်းဖြစ်သည်။ ယင်းမဲရလဒ်အရ SPD နှင့် ယူနီယံပါတီတို့အကြား ညွန့်ပေါင်းဖွဲ့ရန် ရှင်းရှင်းလင်းလင်းလမ်းပွင့်သွားပြီဖြစ်ကြောင်း နှင့် ၁၉၄၉ ခုနှစ် ကတည်းက ဆိုးရွားစွာရှိခဲ့သော နှစ်ဖက်ဆံဆက်ရေးအတားအဆီးကို ပြည်ထောင်စုရွေးကောက်ပွဲကျင်းပပြီး ၄ လအကြာတွင် ဖယ်ရှားနိုင်ခဲ့ခြင်းဖြစ်ကြောင်း သိရသည်။

SPD နှင့် ယူနီယံပါတီအကြား ဇန်နဝါရီ ၁၂ ရက်တွင် အတားအဆီးများကို ကျော်ဖြတ်ခဲ့ပြီးနောက် အထူးညီလာခံကို ကျင်းပခဲ့ခြင်းဖြစ်ကြောင်း နှင့် အတားအဆီးများကို ဖယ်ရှားပြီးနောက် နှစ်ဖက်ပါတီအနေဖြင့် လာမည့် ရက်အနည်းငယ်အတွင်း ညွန့်ပေါင်းအဖွဲ့ဖွဲ့ရန် ဆွေးနွေးပွဲများ စတင်နိုင်ဖွယ်ရှိကြောင်း သိရသည်။(Xinhua)