Europe
ဗြိတိန် နိုင်ငံ အလယ်ပိုင်း ဒေသ ရှိ အဆောက်အဦ တစ်ခု ပေါက်ကွဲမှု ဖြစ်ပွားရာ မှ မီးလောင်ခဲ့သဖြင့် လူပေါင်း အနည်းဆုံး ၅ ဦး သေဆုံး
လန်ဒန် ၊ ဖေဖော်ဝါရီ ၂၇ ရက် (ဆင်ဟွာ)
ဗြိတိန် နိုင်ငံ အလယ်ပိုင်း Leicester မြို့ရှိ သုံးထပ် အဆောက်အဦ တစ်ခု သည် ဖေဖော်ဝါရီ ၂၅ ရက်နေ့ ညပိုင်း အချိန်တွင် ပေါက်ကွဲမှု ဖြစ်ပွား ခဲ့ပြီး မီးလောင် ခဲ့ရာ လက်ရှိအချိန်ထိ လူပေါင်း ၅ ဦး သေဆုံး ခဲ့ပြီး ၅ ဦး ဒဏ်ရာရရှိခဲ့ကြောင်း သိရှိရသည်။
ဒေသတွင်း မီဒီယာ များ၏ ဖော်ပြချက်အရ ဖေဖော်ဝါရီ ၂၅ ရက်နေ့၌ ဖြစ်ပွား ခဲ့သည့် ပေါက်ကွဲမှုကြောင့် အဆောက်အဦ ပြိုလဲ သွားခဲ့ပြီး အနီးပတ်ဝန်းကျင်တွင် နေထိုင်သူများ က ပေါက်ကွဲမှု မှာ လွန်စွာ ပြင်းထန်ကာ အိမ်တွင် သိသာစွာ ခံစားမိခဲ့ကြောင်း ပြောကြားခဲ့ကြသည်။ အခင်း ဖြစ်ပွား ခဲ့ပြီးနောက်တွင် အနီးပတ်ဝန်းကျင် အဆောက်အဦ များ လျှပ်စစ်ဓာတ်အား ပြတ်တောက် ခဲ့ကြကြောင်း သိရှိရသည်။
ဗြိတိန် နိုင်ငံ ရဲတပ်ဖွဲ့ က ပေါက်ကွဲမှုကြောင့် ဒဏ်ရာရရှိသူများကို လက်ရှိချိန်တွင် ဆေးရုံ သို့ ပို့ဆောင်ပေးနိုင်ခဲ့ပြီး ၎င်းတို့အနက် တစ်ဦး မှာ ဒဏ်ရာလွန်စွာ ပြင်းထန်ကြောင်း ၊ ပေါက်ကွဲမှု ဖြစ်ပွား ရခြင်း နှင့် ပတ်သက်၍ လက်ရှိချိန်တွင် မသိရှိရသေးဘဲ ရဲတပ်ဖွဲ့ အနေဖြင့် အကြမ်းဖက်မှု နှင့် မသက်ဆိုင်ဟု ယူဆကြောင်း ထုတ်ပြန်ကြေညာ ခဲ့သည်။
လက်ရှိချိန်တွင် မီးလောင်မှု ကို ထိန်းချုပ် နိုင်ခဲ့ပြီး ကယ်ဆယ်ရေး လုပ်ငန်းများ ဆက်လက်ဆောင်ရွက်နေကာ ပြိုလဲခဲ့သည့် အဆောက်အဦ အောက်တွင် လူများ ကျန်ရှိနိုင်သေးကြောင်း သိရှိရသည်။(Xinhua)