အာရှ၏ အကြီးဆုံး သောင်တူးသင်္ဘော ပထမဆုံး ပင်လယ်တွင်းစမ်းသပ်မောင်းနှင်

ထျန်ကျင်း၊ ဇွန် ၁၃ ရက် (ဆင်ဟွာ)

အာရှတွင် အကြီးဆုံးဖြစ်သည့် တရုတ်နိုင်ငံမှ တည်ဆောက်သော သောင်တူးသင်္ဘောသည် ပထမဆုံး ပင်လယ်တွင် စမ်းသပ်မောင်းနှင်ခြင်း အောင်မြင်စွာပြီးဆုံးပြီးနောက် တရုတ်နိုင်ငံ အရှေ့ပိုင်း ကျန်းစုပြည်နယ် ချီတုံမြို့ရှိ သင်္ဘောကျင်းသို့ ပြန်လည်ရောက်ရှိလာခဲ့ကြောင်း သိရသည်။

၁၄၀ မီတာရှည်သည့် အဆိုပါသင်္ဘောကို ထျန်ခွင်းဟောက် (Tian Kun Hao) ဟု အမည်ပေးထားပြီး ပင်လယ်ကြမ်းပြင်အောက် ၃၅ မီတာအနက်အထိ တူးနိုင်ပြီး တစ်နာရီလျှင် ၆,၀၀၀ ကုဗမီတာအထိ သောင် တူးနိုင်မည် ဖြစ်သည်။

လေးရက်ကြာပြုလုပ်ခဲ့သည့် စမ်းသပ်မောင်းနှင်မှုအတွင်း သင်္ဘော မောင်းနှင်ခြင်း အထောက်အပံ့များဖြစ်သည့် ရေဒါနှင့် ဂျိုင်ရိုသံလိုက်အိမ်မြောင် (Gyrocompass) တို့အပါအဝင် စမ်းသပ်ခဲ့ကြောင်း၊ သင်္ဘော ဝန်ထမ်းနှင့် အင်ဂျင်နီယာများ အပါအဝင် ဝန်ထမ်း ၁၂၀ ကျော်လည်း လိုက်ပါသွားကြောင်း သိရသည်။(Xinhua)