Videos
လစ်လပ် မဲဆန္ဒနယ်မြေများ အတွက် ကြားဖြတ်ရွေးကောက်ပွဲ စတင် ကျင်းပ
ရန်ကုန် ၊ ဧပြီ ၁ ရက်(ဆင်ဟွာ)
တစ်နိုင်ငံလုံး အတိုင်းအတာဖြင့် လစ်လပ် မဲဆန္ဒနယ် ၁၉ နေရာ အတွက် ကြားဖြတ် ရွေးကောက်ပွဲအား ယနေ့ဧပြီ ၁ ရက်တွင် စတင် ကျင်းပ ပြုလုပ်နေပြီ ဖြစ်သည်။ ယခု ကျင်းပသည့် ၂၀၁၇ ခုနှစ် ကြားဖြတ် ရွေးကောက်ပွဲတွင် ဆန္ဒမဲ ပေးနိုင်သည့် ဦးရေမှာ ၂ သန်းကျော် ရှိသည်။ ကြားဖြတ် ရွေးကောက်ပွဲတွင် လွှတ်တော် ကိုယ်စားလှယ်လောင်း ၉၄ ဦး ဝင်ရောက်ယှဉ်ပြိုင်မည် ဖြစ်ပြီး ယှဉ်ပြိုင်မည့် ကိုယ်စားလှယ်လောင်းများသည် နိုင်ငံရေး ပါတီ ၂၄ ခုမှ လွှတ်တော်ကိုယ်စားလှယ်လောင်း ၈၇ ဦး နှင့် တစ်သီး ပုဂ္ဂလ လွှတ်တော် ကိုယ်စားလှယ်လောင်း ၇ ဦး ပါဝင်ကြောင်း သိရသည်။ ကြားဖြတ်ရွေးကောက်ပွဲတွင် ပြည်သူ့လွှတ်တော်တွင် ၉ နေရာ ၊ အမျိုးသားလွှတ်တော်တွင် ၃ နေရာနှင့် တိုင်းဒေသကြီး နှင့် ပြည်နယ် လွှတ်တော် တွင် ၇ နေရာ ၊ စုစုပေါင်း လစ်လပ်မဲဆန္ဒနယ် ၁၉ နေရာရှိသည်။ ယခု ကျင်းပပြုလုပ်သည့် ၂၀၁၇ ခုနှစ် ကြားဖြတ် ရွေးကောက်ပွဲသည် နိုင်ငံတော် သမ္မတ ဦးထင်ကျော် ဦးဆောင်သည့် အစိုးရ သက်တမ်း အတွင်း ပထမဆုံး အကြိမ် ကျင်းပ ပြုလုပ်သည့် ကြားဖြတ် ရွေးကောက်ပွဲလည်း ဖြစ်သည်။ (Xinhua)