တရုတ်နိုင်ငံခြားရေးဝန်ကြီး ဝမ်ရိနှင့် ယူကရိန်းနိုင်ငံခြားရေးဝန်ကြီး Dmytro Kuleba တို့ ဖုန်းဖြင့် ဆက်သွယ်ဆွေးနွေး

ပေကျင်း၊ မတ် ၂ ရက်(ဆင်ဟွာ)

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် ချိန်းဆိုချက်အရ ယူကရိန်းနိုင်ငံခြားရေးဝန်ကြီး Dmytro Kulebaနှင့် မတ် ၁ ရက်က ဖုန်းဖြင့် ဆက်သွယ်ဆွေးနွေးခဲ့သည်။ထိုသို့ ဆွေးနွေးရာတွင် Dmytro Kulebaက ယူကရိန်း-ရုရှား ပထမအကြိမ် တွေ့ဆုံဆွေးနွေးမှုအခြေအနေကို ပြောကြားခဲ့ပြီး စစ်ပွဲအဆုံးသတ်ရေးမှာ ယူကရိန်း၏ဦးစားပေးလုပ်ငန်းဖြစ်ကြောင်း၊ စေ့စပ်ညှိနှိုင်းမှုဖြင့် ဖြေရှင်းရန် ယူကရိန်းဘက်က တံခါးဖွင့်ထားပြီး ယူကရိန်း-ရုရှား ဆွေးနွေးမှုကို သဘောထားမှန်ကန်စွာ အပြုသဘောထားရှိမည် ဖြစ်ကြောင်း ဆိုသည်။

တွေ့ဆုံဆွေးနွေးမှုက လက်ရှိတွင် အဆင်ပြေချောမွေ့မှုမရှိသေးသော်လည်း ယူကရိန်းအနေဖြင့် တည်ငြိမ်စွာ ဆွေးနွေးမှုများကို ဆက်လက်တွန်းအားပေး ဆောင်ရွက်လိုကြောင်း၊ ယူကရိန်းအရေးတွင် တရုတ်နိုင်ငံသည် အပြုသဘောဆောင်သည့်အခန်းကဏ္ဍမှ ပါဝင်ခဲ့ရာ တရုတ်နိုင်ငံနှင့် ဆွေးနွေးညှိနှိုင်းမှုများ အားဖြည့်ဆောင်ရွက်လိုကြောင်းနှင့် အပစ်ခတ်ရပ်စဲရေးဖော်ဆောင်ရာတွင် တရုတ်နိုင်ငံက ကြားဝင်ညှိနှိုင်းစေ့စပ်ပေးစေလိုကြောင်း ပြောကြားခဲ့သည်။

ဝမ်ရိက ယူကရိန်းအခြေအနေ ဆိုးဝါးပြီး ယူကရိန်း-ရုရှား ပဋိပက္ခပေါက်ကွဲမှုဖြစ်ပေါ်လာသည့်အတွက် ဝမ်းနည်းရကြောင်း ၊ အရပ်သားထိခိုက်ဒဏ်ရာရမှုကို အထူးပင် ဂရုစိုက်ကြောင်း ပြောကြားခဲ့သည်။ ယူကရိန်းအရေးတွင် တရုတ်နိုင်ငံ၏ရပ်တည်ချက်က အခြေခံအားဖြင့် ပွင့်လင်းမြင်သာ၍ တသမတ်တည်း ရှိကြောင်း ၊ မိမိတို့အနေဖြင့် နိုင်ငံအသီးသီး၏အချုပ်အခြာအာဏာနှင့်နယ်မြေပိုင်နက် ပြည်စုံမှုကို အစဉ်အမြဲလေးစားကြောင်း၊ လက်ရှိ အကျပ်အတည်းတွင် ယူကရိန်းနှင့်ရုရှား နှစ်နိုင်ငံအနေဖြင့် ညှိနှိုင်းဆွေးနွေးကာ ပြဿနာများကို ဖြေရှင်းကြရန် တိုက်တွန်းကြောင်း၊ နိုင်ငံရေးအရ ဖြေရှင်းသည့် အပြုသဘောဆောင်ကြိုးပမ်းမှုကို အကျိုးဖြစ်ထွန်းစေမည့် နိုင်ငံတကာ၏ ကြိုးပမ်းမှုအားလုံးကို ထောက်ခံကြောင်း ပြောကြားခဲ့သည်။

တစ်နိုင်ငံ၏လုံခြုံရေးသည် အခြားနိုင်ငံ၏လုံခြုံရေးကိုထိခိုက်နစ်နာအောင် အစားထိုးလုပ်ဆောင်၍မရသလို ဒေသလုံခြုံရေးသည် စစ်ရေးအုပ်စုချဲ့ထွင်ခြင်းဖြင့် ဖော်ဆောင်၍မရသည်ကို တရုတ်နိုင်ငံအနေဖြင့် အစဉ် ယူဆကြောင်း ဝမ်ရိက ပြောကြားခဲ့သည်။
စစ်ပွဲ အဆက်မပြတ် ကျယ်ပြန့်လာရာတွင် လက်ရှိအရေးကြီးဆုံးက မြေပြင်အခြေအနေများကို အတတ်နိုင်ဆုံးဖြေလျှော့ရန်၊ ပဋိပက္ခအရှိန်မြင့်တက်လာမှုနှင့် အထိန်းအကွပ်မဲ့ ဖြစ်ပွားနိုင်မှုကို ရှောင်ရှားရန် ဖြစ်ကြောင်း၊ အထူးသဖြင့် အရပ်သားပြည်သူများ၏ ထိခိုက်နစ်နာမှုနှင့် လူသားချင်းစာနာထောက်ထားမှုဆိုင်ရာ အကျပ်အတည်းဖြစ်ပေါ်လာမှုကို ကာကွယ်တားဆီးရန် ဖြစ်ရာ လူသားချင်းစာနာထောက်ထားမှုအကူအညီများ လုံခြုံဘေးကင်းစွာအချိန်မီဝင်ရောက်ရေးအတွက် အာမခံထားရမည် ဖြစ်ကြောင်း ပြောကြားခဲ့သည်။

ဝမ်ရိက ယူကရိန်းရှိ တရုတ်နိုင်ငံသားများ၏ လုံခြုံရေးကို အလေးထားပေးရန် ပြောကြားခဲ့ပြီး သက်ဆိုင်သည့် နိုင်ငံတကာတာဝန်ဝတ္တရားများကို ထမ်းဆောင်ရန် တိုက်တွန်းခဲ့သည်။ တရုတ်နိုင်ငံအစိုးရအနေဖြင့် ယူကရိန်းရှိ တရုတ်နိုင်ငံသားများ၏ လုံခြုံရေးအခြေအနေကို အထူးအလေးထားကြောင်း၊ ယူကရိန်းရှိ တရုတ်နိုင်ငံသားများသည် တရုတ်-ယူကရိန်း ချစ်ကြည်ရေး သံတမန်များ ဖြစ်ရာ ယူကရိန်းပြည်သူများ၏ မိတ်ဆွေများဖြစ်ကြောင်း ဆိုသည်။ ယူကရိန်းရှိ တရုတ်ပညာတော်သင်များနှင့်နိုင်ငံသားများကို ပြန်လည်ခေါ်ဆောင်ရန် တွန်းအားပေးလုပ်ဆောင်လျက်ရှိရာ ယူကရိန်းလူမှုအဖွဲ့အစည်း ကဏ္ဍအသီးသီး၏ချစ်ကြည်ရင်းနှီးသည့် ကူညီမှုများကို ကျေးဇူးတင်ရှိကြောင်း၊ နိုင်ငံခြားသားများ ထွက်ခွာရန်အတွက် ယူကရိန်းမှ သီးသန့်ဖွင့်လှစ်ပေးခြင်းကို တရုတ်နိုင်ငံအနေဖြင့် တန်ဖိုးထားပါကြောင်း၊ ယင်းလုပ်ဆောင်ချက်သည် နိုင်ငံတကာ လူသားချင်းစာနာထောက်ထားမှု စိတ်ဓါတ်နှင့်ကိုက်ညီပါကြောင်း၊ ယူကရိန်းရှိတရုတ်နိုင်ငံသားများ ဘေးကင်းစွာ ထွက်ခွာရန် လိုအပ်သည့်နည်းလမ်းများဖြင့် အာမခံပေးစေလိုကြောင်း ပြောကြားခဲ့သည်။

Dmytro Kulebaကလည်း နိုင်ငံခြားသားများ၏လုံခြုံရေးကို အာမခံထားဆောင်ရွက်ပေးရန်မှာ ယူကရိန်း၏အရေးကြီးသည့်တာဝန်ဝတ္တရားတစ်ခုဖြစ်ကြောင်း ဆိုသည်။ ယူကရိန်းအနေဖြင့် တရုတ်နိုင်ငံ၏ဂရုပြုမှုကို အထူးအလေးထားပြီး တရုတ်ပညာတော်သင်များ ချောမွေ့စွာ ထွက်ခွာနိုင်ရေးကူညီပေးနေကြောင်း ၊ တာဝန်ယူမှုရှိစွာဖြင့် နိုင်ငံခြားသားများဘေးကင်းစွာထွက်ခွာရေး သက်ဆိုင်ရာ အာမခံမှုရှိစေရန် ကောင်းမွန်စွာ လုပ်ဆောင်လျက်ရှိကြောင်း ပြောကြားခဲ့သည်။ (Xinhua)

——————————
(Chinese Version)
（国际）王毅应约同乌克兰外长库列巴通电话

2022-03-01 22:11:16 分类： 政治法律
新华社北京3月1日电3月1日，国务委员兼外长王毅应约同乌克兰外长库列巴通电话。
库列巴介绍了乌俄首轮谈判情况，表示结束战事是乌方的最优先任务，乌方对谈判解决乌克兰问题持开放态度，怀着积极诚意对待乌俄谈判。尽管当前谈判进展并不顺利，乌方仍保持冷静，愿继续推进谈判。中方在乌克兰问题上发挥了建设性作用，乌方愿同中方加强沟通，期待中方为实现停火开展斡旋。

王毅表示，乌克兰局势急剧变化，中方对乌俄爆发冲突感到痛惜，对平民受到伤害极为关注。中方在乌克兰问题上的基本立场是公开、透明和一贯的。我们始终主张尊重各国的主权和领土完整。针对当前危机，中方呼吁乌俄通过谈判找到解决问题的办法，支持国际上一切有利于政治解决的建设性努力。

王毅强调，中方始终认为，一国安全不能以损害他国安全为代价，地区安全不能以扩张军事集团来实现。针对战事不断扩大，当务之急是尽可能缓解现地局势，避免冲突升级甚至失控，尤其是防止对平民的伤害和出现人道主义危机，还应确保人道主义援助安全及时准入。

王毅重点就确保中国在乌公民安全表明立场，督促乌方承担相应国际责任。王毅强调，中国政府高度重视在乌中国公民安全状况，每时每刻牵挂着他们的安危。在乌中国公民都是中乌友好的使者，都是乌克兰人民的朋友。中方撤离在乌留学人员及侨民的进程正在推进，感谢乌方的支持配合和乌社会各界的友好帮助。中方赞赏乌方开设外国侨民撤离专列，这符合国际人道主义精神。希望乌方采取一切必要措施确保在乌中国公民安全，并继续为中国公民撤离提供保障和便利。

库列巴表示，确保外国公民安全是乌方重要职责。乌方高度重视中方关切，正在协助中国留学生等顺利撤离。乌方将继续本着负责任态度，做好外国公民安全撤离的相关保障。（完）
图说1：2021年12月17日，国务委员兼外长王毅在北京以视频方式出席“一带一路”国际合作高峰论坛咨询委员会2021年度会议。 新华社记者 王晔 摄