Connect with us

Politics, Law & Military

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက ကုလသမဂ္ဂ အာရှ-ပစိဖိတ် စီးပွားရေးနှင့်လူမှုရေးကော်မရှင် (၇၈) ကြိမ်မြောက် နှစ်ပတ်လည်အစည်းအဝေး ဖွင့်ပွဲအခမ်းအနား၌ အမှာစကားပြောကြား

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက ကုလသမဂ္ဂ အာရှ-ပစိဖိတ် စီးပွားရေးနှင့်လူမှုရေးကော်မရှင် (၇၈) ကြိမ်မြောက် နှစ်ပတ်လည်အစည်းအဝေး ဖွင့်ပွဲအခမ်းအနား ၌အမှာစကားပြောကြားစဉ်(ဓါတ်ပုံ - တရုတ်နိုင်ငံ နိုင်ငံခြားရေးဝန်ကြီးဌာန ဝက်ဘ်ဆိုက် )

ကွမ်ကျိုး၊ မေ ၂၄ ရက်(ဆင်ဟွာ)

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် ကုလသမဂ္ဂ (UN) အာရှ-ပစိဖိတ် စီးပွားရေးနှင့်လူမှုရေးကော်မရှင် (ESCAP) ၇၈ ကြိမ်မြောက် နှစ်ပတ်လည်အစည်းအဝေး ဖွင့်ပွဲအခမ်းအနားသို့ မေ ၂၃ ရက်က ကွမ်ကျိုးမြို့မှ ဗွီဒီယိုဖြင့် တက်ရောက်အမှာစကား ပြောကြားခဲ့သည်။
လွန်ခဲ့သော ၇၅ နှစ်က ကုလသမဂ္ဂ (UN) အာရှ-ပစိဖိတ် စီးပွားရေးနှင့်လူမှုရေးကော်မရှင် (ESCAP)သည် တရုတ်နိုင်ငံ ရှန်ဟိုင်းမြို့တွင် စတင်ခဲ့ရာ ၇၅ နှစ်ကြာပြီးနောက် ယနေ့တွင် အာရှ-ပစိဖိတ်သည် သမိုင်း၏လမ်းဆုံလမ်းခွသို့ ထပ်မံရောက်ရှိနေကြောင်း ဝမ်ရိက ပြောကြားခဲ့သည်။

အာရှ-ပစိဖိတ်၏ ငြိမ်းချမ်းရေးနှင့်သာယာဝပျောရေးသည် ဤဒေသ၏ကံကြမ္မာနှင့်သက်ဆိုင်ရုံသာမက ကမ္ဘာ့အနာဂတ်နှင့် ပို၍ပင် ဆက်စပ်လျက်ရှိကြောင်း၊ သမိုင်းကို သင်ခန်းစာယူ၍ ဆုံးဖြတ်ချက်ခိုင်မာရဲဝံ့စွာ တိုးတက်အောင် လက်ချင်းတွဲ၍ အာရှ-ပစိဖိတ်၏ ကံကြမ္မာတူ အကျိုးတူ အသိုက်အဝန်း တည်ဆောက်ကာ အာရှ-ပစိဖိတ် ပူးပေါင်းဆောင်ရွက်မှု၏ ဂုဏ်ကျက်သရေသစ်ကို ထပ်မံဖန်တီးကြရမည် ဖြစ်ပါကြောင်း ပြောကြားခဲ့သည်။

ထိုသို့ဆောင်ရွက်ရာတွင်-

ပထမဦးစွာ ငြိမ်းချမ်းရေးနှင့်တည်ငြိမ်ရေးကို ခိုင်မာစွာ ထိန်းသိမ်းစောင့်ရှောက်ပြီး ကုလသမဂ္ဂ ပဋိညာဉ်စာတမ်း၏ရည်ရွယ်ချက်နှင့်အခြေခံမူများကို ခိုင်မာစွာ ထိန်းသိမ်းစောင့်ရှောက်ရမည် ဖြစ်ကြောင်း၊ မည်သည့် စစ်ရေးအစုအဖွဲ့နှင့် အုပ်စုခွဲဖွဲ့ ထိပ်တိုက်ရင်ဆိုင်မှုများကို အာရှ-ပစိဖိတ်၌ ဖြစ်ပွားစေရန် ကြိုးပမ်းမှုမှန်သမျှကို အတိအလင်းပြတ်သားစွာ ငြင်းပယ်ရမည် ဖြစ်ကြောင်း

ဒုတိယအနေဖြင့် စိတ်တူကိုယ်တူ စီးပွားရေးဖွံ့ဖြိုးတိုးတက်ရေးအတွက် မြှင့်တင်ဆောင်ရွက်ရမည် ဖြစ်ကြောင်း၊ အာရှ-ပစိဖိတ်ဒေသ လွတ်လပ်သောကုန်သွယ်ရေးဇုန် တည်ဆောက်ရေးကို တွန်းအားပေး၍ တံခါးဖွင့် ပွင့်လင်းသော အာရှ-ပစိဖိတ် စီးပွါးရေးနှင့်ကမ္ဘာ့စီးပွါးရေးကို တည်ဆောက်ကာ ကမ္ဘာစီးပွားရေး ပြန်လည် ရှင်သန် တိုးတက်လာရေးအတွက် “အာရှ-ပစိဖိတ် အခွင့်အလမ်း”များကို ဆောင်ကြဉ်းကြရမည် ဖြစ်ကြောင်း။

တတိယအနေဖြင့် အားသာချက်များဖြင့် အပြန်အလှန်ဖြည့်ဆည်းပေး၍ ပူးပေါင်းဆောင်ရွက်မှု ဘုံအကျိုးစီးပွားကို ဖော်ဆောင်ကြရမည် ဖြစ်ပါကြောင်း၊ ဖွံ့ဖြိုးတိုးတက်ရေး မူဝါဒ ချိန်ဆက်မှုကို အားဖြည့်ခြင်း၊ လက်တွေ့ ပူးပေါင်းဆောင်ရွက်မှုများကို နက်ရှိုင်းအောင် ဆောင်ရွက်ခြင်းဖြင့် ၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးတိုးတက်တက်ရေး အစီအစဉ် အကောင်အထည်ဖော်ရေးအတွက် အာရှ-ပစိဖိတ် အကျိုးထမ်းဆောင်ကြရမည် ဖြစ်ပါကြောင်း ပြောကြားခဲ့သည်။

တရုတ်နိုင်ငံသည် အာရှ-ပစိဖိတ်တွင် ဆက်လက် တည်ရှိရပ်တည်နေမည်ဖြစ်ကာ အာရှ-ပစိဖိတ်၏အကျိုးကို ထမ်းဆောင်သွားမည် ဖြစ်ကြောင်း ၊ လက်တွေ့ဆောင်ရွက်မှုဖြင့် အာရှ-ပစိဖိတ်၏ ရေရှည်တည်ငြိမ်အေးချမ်းရေးနှင့် စဉ်ဆက်မပြတ် ဖွံ့ဖြိုးတိုးတက်ရေးအတွက် ပို၍ကြီးမားသော အကျိုးကို ဖော်ဆောင်သွားမည်ဖြစ်ကြောင်း ဝမ်ရိက အလေးထားပြောကြားခဲ့သည်။

တရုတ်နိုင်ငံသည် အာရှ-ပစိဖိတ်၏ ငြိမ်းချမ်းရေးကို ခိုင်မာစွာ ကာကွယ်သွားမည် ဖြစ်သလို အာရှ-ပစိဖိတ် ဖွံ့ဖြိုးတိုးတက်ရေးကို ခိုင်မာစွာ မြှင့်တင်ပေးသွားမည် ဖြစ်ကြောင်း၊ အာရှ-ပစိဖိတ်၏ပူးပေါင်းဆောင်ရွက်မှုတွင် ခိုင်မာစွာ ပါဝင်သွားမည် ဖြစ်သလို ကုလသမဂ္ဂ(UN)အာရှ-ပစိဖိတ် စီးပွားရေးနှင့်လူမှုရေးကော်မရှင် (ESCAP)၏လုပ်ငန်းများကို ခိုင်မာစွာ ထောက်ခံအားပေးသွားမည် ဖြစ်ကြောင်း၊ ဒေသဖွံ့ဖြိုးတိုးတက်ရေးမြှင့်တင်ရန်အတွက် အာရှ-ပစိဖိတ် စီးပွားရေးနှင့်လူမှုရေးကော်မရှင် (ESCAP)၏ ပိုမိုကောင်းမွန်သော အခန်းကဏ္ဍမှ ပါဝင်မှုကို ထောက်ခံကြောင်း ပြောကြားခဲ့သည်။ (Xinhua)

#China, #WangYi, #UN, #ESCAP, #xinhua, #xinhuamyanmar, #တရုတ်, #ဝမ်ရိ, #ကုလသမဂ္ဂ, # အာရှ-ပစိဖိတ် စီးပွားရေးနှင့်လူမှုရေးကော်မရှင်, #ဆင်ဟွာ

—————————————-
(Chinese Version)

(外事)王毅出席联合国亚太经社会第78届年会开幕式并致辞
2022-05-23 14:41:22
新华社广州5月23日电5月23日,国务委员兼外长王毅在广州以视频方式出席联合国亚太经社会第78届年会开幕式并致辞。
王毅说,75年前,亚太经社会在中国上海应运而生。75年后的今天,亚太再次站在历史的十字路口。亚太的和平繁荣不仅关乎本地区命运,更关乎世界未来。要以史为鉴,锐意进取,携手构建亚太命运共同体,再创亚太合作新辉煌。
一是毫不动摇维护和平稳定,坚持维护联合国宪章宗旨和原则,旗帜鲜明地拒绝任何将军事集团和阵营对抗引入亚太的图谋。
二是齐心协力促进经济发展,推动建立亚太自贸区,建设开放型亚太经济和世界经济,为世界经济复苏增长带来更多“亚太机遇”。
三是优势互补实现合作共赢,加强发展政策对接,深化务实合作,为落实2030年可持续发展议程做出亚太贡献。
王毅强调,中国将继续立足亚太、造福亚太,以实际行动为亚太长治久安和可持续发展做出更大贡献。中国将坚定捍卫亚太和平,坚定促进亚太发展,坚定参与亚太合作,坚定支持联合国亚太经社会的工作,支持亚太经社会为促进区域发展发挥更大作用。(完)

 

Continue Reading
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.