ယူနန်ပြည်နယ် ရှစ်ဆောင်ပဏ္ဏားတွင် ပထမဆုံး အာဆီယံနိုင်ငံခရီးသွားအဖွဲ့ ဗီဇာကင်းလွတ်ခွင့်ဖြင့် စတင်ဝင်ရောက်လာ

ကူမင်း၊ ဖေဖော်ဝါရီ ၁၉ ရက် (ဆင်ဟွာ)

ထိုင်းနိုင်ငံခရီးသည် ဆာထီသည် ဖေဖော်ဝါရီ ၁၈ ရက် ည ၆ နာရီဝန်းကျင်တွင် ခရီးဆောင်အိတ်ဆွဲလျက် ထိုင်းနိုင်ငံနှင့် လာအိုနိုင်ငံမှ အခြားခရီးသည် ၁၄ ဦးနှင့်အတူ တရုတ်-လာအိုရထားလမ်း ရှစ်ဆောင်ပဏ္ဏားဘူတာမှ ထွက်ခွာလာခဲ့ရာ ၎င်းတို့အား ကြိုဆိုနေသည်မှာ ဆုမွန်ကောင်းတောင်းပေးမှု အနက်အဓိပ္ပာယ်ဆောင်သည့် ရေပက်ဖျန်းမှုအခမ်းအနားနှင့် မြူးကြွသော တိုင်လူမျိုးအကဖြစ်ပေသည်။

ယင်းသည် အာဆီယံ ခရီးသွားအဖွဲ့များ တရုတ်နိုင်ငံ ယူနန်ပြည်နယ် ရှစ်ဆောင်ပဏ္ဏား တိုင်လူမျိုး ကိုယ်ပိုင်အုပ်ချုပ်ခွင့်ရ ပြည်နယ်ခွဲသို့ ဝင်ရောက်ရာတွင် ဗီဇာကင်းလွတ်ခွင့်ပေးသည့် မူဝါဒ စတင်ဖော်ဆောင်ပြီးနောက် ရောက်ရှိလာသည့် ပထမဆုံး ခရီးသွားအဖွဲ့ဖြစ်သည်။ ခရီးသွားကုမ္ပဏီ၏ အသေးစိတ်စီစဉ်မှုဖြင့် ခရီးသည်များသည် ရှစ်ဆောင်ပဏ္ဏား၏ သဘာဝရှုခင်းများကို ရှုစားနိုင်သည့်အပြင် ဒေသတွင်း ရသာမွန်စားဖွယ်စုံနှင့် တိုင်းရင်းသား ရိုးရာဓလေ့များကိုလည်း ကိုယ်တိုင်ကိုယ်ကျ ခံစားနိုင်ပေသည်။
“အရင်က ရှစ်ဆောင်ပဏ္ဏားနဲ့ ပတ်သက်တဲ့စာအုပ်တွေ အများကြီး ဖတ်ခဲ့ဖူးတော့ ဒီနေရာကို အင်မတန် လာချင်ခဲ့ပါတယ်။ အခုတကယ်လာဖို့ အခွင့်အရေးရလာပြီ။ အထူးသဖြင့် တိုင်လူမျိုးတွေရဲ့ ယဉ်ကျေးမှုကို ထဲထဲဝင်ဝင် နားလည်သိရှိချင်ပါတယ်” ဟု ထိုင်းနိုင်ငံမှ ပင်စင်ယူထားသော ဆရာမ စုမိသာက မျှော်လင့်ချက်အပြည့်ဖြင့် ဆိုလာပါသည်။
“ပိုအလုပ်များတော့မယ်”
ထိုင်းစကား ကျွမ်းကျင်ပိုင်နိုင်စွာ ပြောဆိုနိုင်သော ဒေသခံဧည့်လမ်းညွှန် ယွိဟန်လာက သတင်းထောက်အား အာဆီယံနိုင်ငံက ခရီးသည်တွေကို ကြိုဆိုဖို့အတွက် ခရီးသွားကုမ္ပဏီတွေက ပိုမိုများပြားတဲ့ ခရီးစဉ်ထုတ်ကုန်တွေကို အရှိန်မြှင့်ဖော်ဆောင်နေကြောင်း ပြောကြားခဲ့သည်။

ဖေဖော်ဝါရီ ၁၀ ရက်မှစ၍ အာဆီယံ ခရီးသွားအဖွဲ့များ တရုတ်နိုင်ငံ ယူနန်ပြည်နယ် ရှစ်ဆောင်ပဏ္ဏားသို့ ဝင်ရောက်ရာတွင် ဗီဇာကင်းလွတ်ခွင့် မူဝါဒကို ကျင့်သုံးလိုက်ကြောင်း တရုတ်နိုင်ငံ လူဝင်မှုကြီးကြပ်ရေးဌာနက ယင်းမတိုင်မီ ထုတ်ပြန်ကြေညာခဲ့သည်။ ယင်းမှာ ဒေသတွင်းပြည်ဝင်ခရီးသွားဈေးကွက်ကို တစ်ဆင့်တိုး နှိုးဆွပေးမည်ဖြစ်ကြောင်း ရှစ်ဆောင်ပဏ္ဏား ပြည်နယ်ခွဲ ယဉ်ကျေးမှုနှင့် ခရီးသွားဌာန ဒု-ညွှန်ကြားရေးမှူး ကျန်းကျယ်က ပြောကြားခဲ့သည်။ အနာဂတ်တွင် ရှစ်ဆောင်ပဏ္ဏားပြည်နယ်ခွဲက ခရီးသွားလုပ်ငန်း အခြေအနေအသစ်ကို ပိုမိုအသေးစိတ်ဖန်တီး၍ ခရီးသွားလာရေး မူဝါဒ၊ ဝန်ဆောင်မှုနှင့် အဆောက်အအုံ စသည့် “ဆော့ဖ်ဝဲလ်နှင့် ဟာ့ဒ်ဝဲလ်” အစီအမံများကို မြှင့်တင်ကာ ခရီးသွားများအား ပိုမိုကောင်းမွန်စွာ ဝန်ဆောင်မှု ပေးသွားမည်ဖြစ်ကြောင်းလည်း ၎င်းက ပြောကြားခဲ့သည်။ (Xinhua)

တရုတ်-လာအိုရထားလမ်း ရှစ်ဆောင်ပဏ္ဏားဘူတာတွင် ထိုင်းနိုင်ငံနှင့် လာအိုနိုင်ငံမှလာသည့် ခရီးသွားများ အမှတ်တရဓာတ်ပုံရိုက်ကူးနေသည်ကို ဖေဖော်ဝါရီ ၁၈ ရက်က တွေ့ရစဉ် (ဆင်ဟွာ)

………………………..
(Chinese Version)
抵达！首个东盟国家旅游团免签入境云南西双版纳
新华社昆明2月18日电（记者吉哲鹏、王贤思）18日18时许，泰国游客萨提拖着行李箱，和其他14名来自泰国、老挝的游客走出中老铁路西双版纳站，迎接他们的是表示祝福的洒水仪式和欢快的傣族舞蹈。
这是东盟国家旅游团入境云南省西双版纳傣族自治州免签政策实施后，抵达的首个旅游团。在旅行社的精心安排下，游客们既可领略西双版纳的自然风光，还能体验当地美食和民族风情。
“以前读过很多关于西双版纳的书，一直很向往这里。这次终于有机会实地来看看，尤其是想深入了解傣族文化。”来自泰国的退休教师素密达满怀期待。
“要更忙了！”讲着一口流利泰语的地接导游玉罕拉告诉记者，为迎接东盟国家游客，旅行社正在加紧开发更多入境游产品。
国家移民管理局此前发布公告，自2月10日起，实施东盟国家旅游团入境云南西双版纳免签政策。西双版纳州文化和旅游局副局长江杰表示，这将进一步激活当地入境游市场。未来，西双版纳州将精心打造旅游新业态，提升旅游“软硬件”，更好服务游客。（完）
图说1：2月18日，来自泰国和老挝的游客抵达中老铁路西双版纳站。新华社记者 陈欣波 摄
图说2：2月18日，来自泰国和老挝的游客在中老铁路西双版纳站留影。新华社记者 陈欣波 摄