မြန်မာနိုင်ငံအရေးတွင် လူ့အခွင့်အရေး အရေးကိစ္စအား နိုင်ငံရေးအသွင်ပြောင်းမှုကို ဆန့်ကျင်ကြောင်း တရုတ်ကိုယ်စားလှယ်ပြောကြား

ကုလသမဂ္ဂ၊ ဇွန် ၁၁ ရက် (ဆင်ဟွာ)

တရုတ်နိုင်ငံအနေဖြင့် လူအခွင့်အရေး အရေးကိစ္စအား နိုင်ငံရေးအသွင်ပြောင်းမှု၊ ကိရိယာအသွင်ပြောင်းမှုကို ဆန့်ကျင်သလို လူ့အခွင့်အရေး အရေးကိစ္စနှင့်စပ်လျဉ်း၍ ပြောင်ပြောင်တင်းတင်း ဖိအားပေးမှုကို ဆန့်ကျင်ကြောင်း ကုလသမဂ္ဂဆိုင်ရာ တရုတ်နိုင်ငံ ဒုတိယ အမြဲတမ်း ကိုယ်စားလှယ် စွန်းလေက ဇွန် ၁၀ ရက် ကုလသမဂ္ဂညီလာခံ မြန်မာနိုင်ငံအရေး အလွတ်သဘောဆွေးနွေးပွဲတွင် ပြောကြားခဲ့သည်။

ယခုအကြိမ် ဆွေးနွေးပွဲသည် ကုလသမဂ္ဂ အထွေထွေညီလာခံ ဆုံးဖြတ်ချက်အမှတ် ၇၉/၁၈၂ ၏ ခွင့်ပြုချက်အရ ကျင်းပခြင်းဖြစ်ပြီး တရုတ်နိုင်ငံအနေဖြင့် သဘောတူညီမှုတွင် မပါဝင်ခဲ့ကြောင်း ၎င်းက ပြောကြားခဲ့သည်။ မြန်မာနိုင်ငံ၏ မိမိနိုင်ငံအခြေအနေနှင့် ကိုက်ညီသော ဖွံ့ဖြိုးတိုးတက်ရေးလမ်းစဉ် လျှောက်လှမ်းခြင်း၊ အချုပ်အခြာအာဏာ လွတ်လပ်မှု၊ နယ်မြေပိုင်နက်ပြည့်စုံမှု၊ နိုင်ငံတည်ငြိမ်မှုအား ကာကွယ်ထိန်းသိမ်းခြင်း၊ ပြည်တွင်းနိုင်ငံရေးလုပ်ငန်းစဉ်များ တည်ငြိမ်သင့်လျော်စွာ တွန်းအားပေးခြင်းအပေါ် ချစ်ကြည်ရင်းနှီးသော အိမ်နီးချင်းနိုင်ငံအနေဖြင့် တရုတ်နိုင်ငံက ထောက်ခံကြောင်း၊ တရုတ်နိုင်ငံသည် အာဆီယံက အဓိကဦးဆောင်မှုလမ်းကြောင်း အခန်းကဏ္ဍ၌ ပါဝင်မှုအပေါ် ထောက်ခံကြောင်း၊ အာဆီယံ “ဘုံသဘောတူညီချက် ၅ ရပ်” နှင့် မြန်မာနိုင်ငံ၏ “ရှေ့လုပ်ငန်းစဉ် ၅ ရပ်” အပြန်အလှန်တွန်းအားပေးကာ ထိရောက်စွာ ဖော်ဆောင်ရန် မျှော်လင့်ကြောင်း၊ နိုင်ငံတကာအသိုက်အဝန်းအနေဖြင့် ကွဲလွဲမှုများ ရင်ကြားစေ့ရေး၊ ပြဿနာဖြေရှင်းရေးကို အထောက်အပံ့ဖြစ်စေသည့် ကိစ္စရပ်များအား ပိုမိုဆောင်ရွက်သင့်ပြီး ပဋိပက္ခ ပြင်းထန်ကာ အခြေအနေများ ထပ်မံတစ်ဆင့်တိုး ရှုပ်ထွေးစေမှုမဖြစ်ရန် ရှောင်ကြဉ်သင့်ကြောင်း ၎င်းက ပြောကြားခဲ့သည်။

လက်ရှိ မြန်မာနိုင်ငံပြည်သူများသည် အပစ်ရပ်ရေး၊ လူသားချင်းစာနာထောက်ထားမှု အကူအညီများအား အရေးတကြီး လိုအပ်နေဆဲဖြစ်ကြောင်း စွန်းလေက ပြောကြားခဲ့သည်။ မကြာမီကာလများက တရုတ်နိုင်ငံသည် မြန်မာနိုင်ငံ သက်ဆိုင်သူအသီးသီး၏ ဆန္ဒနှင့် တောင်းဆိုချက်အရ ပြန်လည်သင့်မြတ်ရေး ဆွေးနွေးညှိနှိုင်းမှုလုပ်ငန်းများ တက်ကြွစွာ ဆောင်ရွက်ခဲ့ရာ အပြုသဘောရလဒ်များ ရရှိခဲ့ကြောင်း၊ မြန်မာနိုင်ငံ တည်ငြိမ်ရေး၊ ပြန်လည်ရင်ကြားစေ့ရေးကို ဖော်ဆောင်ရာတွင် တရုတ်နိုင်ငံက အပြုသဘောဆောင်သည့် အခန်းကဏ္ဍမှ ဆက်လက်ပါဝင်သွားမည် ဖြစ်ကြောင်း၊ နိုင်ငံတကာအသိုက်အဝန်းအနေဖြင့်လည်း တူညီသောလားရာသို့ အတူတကွကြိုးပမ်းအားထုတ်သွားရန် မျှော်လင့်ကြောင်း၊ တစ်ချိန်တည်းတွင်ပင် နိုင်ငံတကာအသိုက်အဝန်းက အာဆီယံ၊ ကုလသမဂ္ဂ လူသားချင်းစာနာထောက်ထားမှု အကူအညီပေးရေးအေဂျင်စီတို့၏ အပြုသဘောဆောင်သော အခန်းကဏ္ဍမှပါဝင်မှုကို ဆက်လက်ထောက်ခံရန်၊ လူသားချင်းစာနာထောက်ထားမှု အကူအညီနှင့် ကပ်ဘေးလွန် ပြန်လည်တည်ဆောက်ရေးလုပ်ငန်းများ ဆောင်ရွက်ကြရန် တရုတ်နိုင်ငံက တိုက်တွန်းကြောင်း ၎င်းက ပြောကြားခဲ့သည်။

ရခိုင်ပြည်နယ် နေရပ်စွန့်ခွာသူများအား နေရပ်ပြန်ပို့ရေးကိစ္စမှာ အရင်းခံအရ မြန်မာနိုင်ငံနှင့် ဘင်္ဂလားဒေ့ရှ်နိုင်ငံ နှစ်ဖက်က တွေ့ဆုံဆွေးနွေးညှိနှိုင်းမှုဖြင့် တစ်ဆင့်ချင်းဖြေရှင်းရမည် ဖြစ်ကြောင်း ၎င်းက ပြောကြားခဲ့သည်။ ထို့အတွက် တရုတ်နိုင်ငံက သံတမန်ရေးလှုပ်ရှားမှုများကို အစဉ်တစိုက် တက်ကြွစွာ ဆောင်ရွက်လျက်ရှိရာ မြန်မာ၊ ဘင်္ဂလားဒေ့ရှ် နှစ်ဖက်အတွက် လူသားချင်းစာနာမှုအကူအညီများစွာ ပံ့ပိုးခဲ့ကြောင်း၊ နိုင်ငံတကာ အသိုက်အဝန်းအနေဖြင့် မြန်မာ၊ ဘင်္ဂလားဒေ့ရှ် နှစ်ဖက်က ရှိပြီးသား အခြေခံပေါ်တွင် ညှိနှိုင်းဆွေးနွေးမှုကို မြှင့်တင်ပြီး ခိုင်မာသည့်သန္နိဋ္ဌာန်ချကာ နေရပ်ပြန်လည်ပို့ဆောင်ရေးလုပ်ငန်းစဉ်ကို တွန်းအားပေးရန်အတွက် အကျိုးရှိစေမည့် အခြေအနေများ စဉ်ဆက်မပြတ် စုဆောင်းလျက် ကောင်းမွန်သည့်ပတ်ဝန်းကျင်ကို တည်ဆောက်ရန် ထောက်ခံအားပေးသင့်ပါကြောင်း ၎င်းက ပြောကြားခဲ့သည်။ (Xinhua)

————————
(Chinese Version)
中国代表：在缅甸问题上反对将人权问题政治化
新华社联合国6月10日电　中国常驻联合国副代表孙磊10日在联合国大会缅甸问题非正式会议上发言，表示中方反对将人权问题政治化、工具化，反对就人权问题公开施压。
他说，此次会议根据联大第79/182号决议授权召开，中方未参加协商一致。作为友好邻邦，中方支持缅甸走符合本国国情的发展道路，维护主权独立、领土完整、国家稳定，稳妥推进国内政治议程。中方支持东盟发挥主渠道作用，希望东盟“五点共识”同缅方的“五点路线图”能够相互促进、有效落实。国际社会应多做有助于弥合分歧、解决问题的事情，避免激化矛盾使局势进一步复杂化。
孙磊表示，当前，缅甸人民对停火止战、人道援助的需求依然迫切。近期中方根据缅甸相关各方意愿和诉求，积极开展劝和促谈工作并取得积极成果。中方也将继续为缅甸实现稳定、和解发挥建设性作用，希望国际社会朝着相同方向作出共同努力。同时，中方呼吁国际社会继续支持东盟、联合国人道援助机构发挥积极作用，开展人道主义援助及灾后重建。
他说，若开邦避乱民众遣返问题，根本上要由缅甸和孟加拉国双方通过对话协商逐步解决。中方一直为此积极开展外交行动，向缅、孟双方提供多批人道援助。国际社会应支持缅、孟双方在已有基础上，加强沟通、坚定决心，为推进遣返进程不断积累有利条件，营造良好环境。（完）