တရုတ်နိုင်ငံ ဝေးကျိုးခရိုင်၏ ယဉ်ကျေးမှုအမွေအနှစ်များအား အသက်ဝင်စေသူ

ဟဲဖေ၊ ဇွန် ၃၀ ရက် (ဆင်ဟွာ)

အရှေ့အာရှမိုးရာသီရောက်ချိန်တွင် တရုတ်နိုင်ငံ အန်းဟွေးပြည်နယ် ဟွမ်ဆန်းမြို့ ရှဲ့ခရိုင်တွင် မကြာခဏဆိုသလို မိုးလေးဖွဲဖွဲရွာလေ့ရှိသည်။ ဟွေးဗိသုကာလက်ရာများရှိသော ရှေးဟောင်းကျေးရွာလေးရှိ မြင်းခေါင်းသဏ္ဌာန်နံရံသည် မိုးဖွဲဖွဲနှင့်မြူမှုန်များကြားတွင် မထင်မရှားဖြစ်၍နေပေသည်။ ကျိုးဟူသည် ကျဉ်းမြောင်းသည့် လမ်းကြားတွင် လမ်းလျှောက်ရင်း ရှေးဟောင်းလူနေအိမ်နှင့် ဘုံကျောင်းများကို မကြာခဏ စစ်ဆေးကြည့်ရှုလေ့ရှိသည်။

“အရှေ့အာရှမိုးရာသီကာလမှာ ယဉ်ကျေးမှုအမွေအနှစ်ပစ္စည်းတွေကို ကာကွယ်ထိန်းသိမ်းတဲ့လုပ်ငန်းက ကြီးမားတဲ့စိန်ခေါ်မှုပါ။ ကျွန်တော်တို့ ဟွေးဗိသုကာအဆောက်အဦတွေရဲ့ ခေါင်မိုးက အုတ်ကြွပ်လေးတွေဖြစ်တော့ မိုးသည်းရင် ရေစိမ့်လွယ်တယ်။ ဟွေးဗိသုကာလက်ရာ ရှေးဟောင်းကျေးရွာလေးကာ ရေကမ်းစပ်တောင်နံဘေးမှာ ရှိတော့ ဒီရာသီ ရေကြီးတာ ဒါမှမဟုတ် ရွှံ့သဲရေစီးလာတဲ့ အန္တရာယ်ရှိတော့ ကျွန်တော်တို့က ၂၄ နာရီ မဖြစ်မနေ သတိထားရတယ်” ဟု ကျိုးဟူက ပြောသည်။

အသက် ၃၃ နှစ်အရွယ်ရှိသော ကျိုးဟူသည် အန်းဟွေးတက္ကသိုလ် ရှေးဟောင်းသုတေသနဘာသာဖြင့် ကျောင်းပြီးထားသူဖြစ်ရာ ဟွေးကျိုးယဉ်ကျေးမှုကို ချစ်မြတ်နိုးခြင်းကြောင့် ၂၀၁၆ ခုနှစ် ဘွဲ့လွန်ကျောင်းပြီးချိန်တွင် ဘွဲ့ရကျောင်းသားများ အလုပ်ရွေးချယ်ခန့်အပ်သည့်စာမေးပွဲတွင် ပါဝင်ခြင်းဖြင့် ရှဲ့ခရိုင်သို့ရောက်ရှိလာခြင်းဖြစ်သည်။ ထိုမှစ၍ ယဉ်ကျေးမှုအမွေအနှစ်ပစ္စည်းပြန်လည်မွမ်းမံရေးလုပ်ငန်းများကို လုပ်ဆောင်ခဲ့ရာမှ ယခုအခါ ရှဲ့ခရိုင် ယဉ်ကျေးမှုအမွေအနှစ်ရေးရာစင်တာ၏ ပါတီအဖွဲ့ဝင်၊ ဒုတိယ ညွှန်ကြားရေးမှူးအဖြစ် တာဝန်ထမ်းဆောင်ခဲ့သည်။
ရှဲ့ခရိုင်သည် ရှေးဟောင်းဟွေးကျိုးမြို့ စီမံအုပ်ချုပ်သည့်နေရာ၌ တည်ရှိရာ “ခေါင်မိုးမပါသည့် ဟွေးဗိသုကာယဉ်ကျေးမှုအနုပညာပြတိုက်” အဖြစ် တင်စားခေါ်ဝေါ်ကြသည်။ မြို့တွင်းတွင် ရှေးဟောင်းယဉ်ကျေးမှုလက်ရာများပြားရာ ရှေးဟောင်းလမ်းမ၊ ရှေးဟောင်းလမ်းသွယ်၊ ရှေးဟောင်းတံတား ယှက်နွှယ်တည်ရှိနေသလို လူနေအိမ်၊ ဘုံကျောင်း၊ မုခ်ပေါင်းကူး တို့သည် ပနံသင့်လှသည်။ အမျိုးသားအဓိကယဉ်ကျေးမှု ထိန်းသိမ်းစောင့်ရှောက်ရေးနေရာပေါင်း ၂၂ ခု အထိ ရှိသည်။

ကျိုးဟူနှင့် လုပ်ဖော်ကိုင်ဖက်များက ခရိုင်တစ်ခုလုံးရှိ ယဉ်ကျေးမှုအမွေအနှစ်များ၏ ဘေးကင်းလုံခြုံရေးကို လှည့်လည်စစ်ဆေးရသလို ပြုပြင်မွမ်းမံထိန်းသိမ်းသည့်အလုပ်ကိုလည်း လုပ်ဆောင်ကြသည်။ အလုပ်တာဝန်ထမ်းဆောင်သည့် ဆယ်စုနှစ် တစ်ခုနီးပါးကြာ ကာလတွင် ကျိုးဟူသည် နိုင်ငံတော်အဆင့်၊ ပြည်နယ်အဆင့် အဓိကယဉ်ကျေးမှုအမွေအနှစ်ပစ္စည်းထိန်းသိမ်းရေးနေရာ၏ ပြန်လည်မွမ်းမံမှုလုပ်ငန်းများစွာတွင် ရှေ့ဆင့်နောက်ဆင့် ပါဝင်ခဲ့ရာ ၎င်းမွမ်းမံခဲ့သည့် ယဉ်ကျေးမှုအမွေအနှစ်ပစ္စည်းပေါင်း တစ်ထောင်ကျော် ရှိသည်။ ၎င်းနှင့် လုပ်ဖော်ကိုင်ဖက်များသည် ဆေးကုသသည့်နည်းပညာမြင့်မားသော ဆရာဝန်များပမာ ယင်းရှေးဟောင်းအဆောက်အဦများကို ပြန်လည်အသက်သွင်းရှင်သန်စေခဲ့သည်။

ယဉ်ကျေးမှုအမွေအနှစ်ပစ္စည်းမွမ်းမံမှုများအပြင် ကျိုးဟူသည် ယဉ်ကျေးမှုပြန့်ပွားရေးလုပ်ငန်းကိုပါ တစ်စိုက်မတ်မတ်လုပ်ဆောင်ခဲ့သည်။ ၎င်းဂရုတစိုက် အစီအစဉ်ရေးဆွဲခဲ့သည့် “အန်းဟွေး ဟွေးကျိုး သမိုင်းပြတိုက်အံ့ဖွယ်ညချမ်း“ စသည့် အခမ်းအနားတွင် ၎င်းကိုယ်တိုင်အစီအစဉ်တင်ဆက်သူနှင့် သရုပ်ဆောင်သူအဖြစ်ပါဝင်ပြီး ကိုယ်တိုင်နစ်မြောကာ ဟွေးကျိုးသမိုင်းနှင့် ဟွေးကျိုးယဉ်ကျေးမှုအမွေအနှစ်များ၏အကြောင်းကို ပရိသတ်များအား ပြောကြားခဲ့သည်။

ယဉ်ကျေးမှုအမွေအနှစ်မွမ်းမံမှုသည် သမိုင်း၏ပုံစံကို ထိန်းသိမ်းထားခြင်းဖြစ်ပြီး ယဉ်ကျေးမှု ပြန့်ပွားအောင် ဆောင်ရွက်ခြင်းသည် သမိုင်းကို “အသက်သွင်းခြင်း” ဖြစ်ပေသည်။ (Xinhua)

တရုတ်နိုင်ငံ အန်းဟွေးပြည်နယ် ရှဲ့ခရိုင်ရှိ အမျိုးသားအဓိကယဉ်ကျေးမှုအမွေအနှစ်ထိန်းသိမ်းရေးနေရာ ဖြစ်သော ကော်ရှီဖောင်ကို လှည့်လည်စစ်ဆေးနေသာ ကျိုးဟူအား ၂၀၂၅ ခုနှစ် ဇွန် ၁၉ ရက်က တွေ့ရစဉ် (ဆင်ဟွာ)

—————–
(Chinese Version)
文化中国行·守宝人｜让徽州文物“活”起来
新华社照片，合肥，2025年6月28日
正值梅雨季节，安徽省黄山市歙县时常烟雨朦胧，徽派古村的马头墙在雨雾里时隐时现。周虎行走在狭窄的街巷里，不时查看古民居和祠堂。“梅雨季节对文物保护工作是个巨大的挑战，我们徽派建筑屋顶是小瓦，下大雨容易出现渗漏。徽派古村依山傍水，这个季节有洪水或泥石流的风险，我们必须24小时保持警惕。”
今年33岁的周虎毕业于安徽大学考古专业，因为喜爱徽州文化，2016年研究生毕业时，他参加选调生考试来到歙县，从事文物修复工作，现任歙县文物事务中心党组成员、副主任。 歙县是古徽州府治所在地，被誉为“一座没有屋顶的徽派文化艺术馆”，城内文物古迹众多，古街、古巷、古桥纵横交错，民居、祠堂、牌坊相得益彰，全国重点文物保护单位多达22处。周虎和同事们负责全县文物的安全巡查、保护修缮工作。工作近十年来，周虎先后参与多个国家级、省级重点文物保护单位的修复工作，经手修复的文物超过千件。他和同事们像医术高超的医生，让这些古老建筑重获新生。
除了文物修复外，周虎还积极投身于文化传播工作。他精心策划了“安徽徽州历史博物馆奇妙夜”等活动，亲自担任主持人和演员，用沉浸式演出为观众讲述徽州历史和徽州文物的故事。他说，文物修复是留住历史的模样，而文化传播则是让历史“活”起来。
1. 6月19日拍摄的歙县徽州古城一景（无人机照片）。 新华社记者 周牧 摄
2. 6月19日，周虎在位于歙县的全国重点文物保护单位许国石坊巡查。新华社记者 周牧 摄