ရှီကျင့်ဖိန်နှင့် ရုရှားနိုင်ငံခြားရေးဝန်ကြီး Sergey Lavrov တွေ့ဆုံဆွေးနွေး

ပေကျင်း၊ ဇူလိုင် ၁၅ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် ဇူလိုင် ၁၅ ရက် နံနက်ပိုင်းတွင် တရုတ်နိုင်ငံ ပေကျင်းမြို့ရှိ ပြည်သူ့ခန်းမဆောင်တွင် ရုရှားနိုင်ငံခြားရေးဝန်ကြီး Sergey Lavrov နှင့် တွေ့ဆုံဆွေးနွေးခဲ့သည်။

ထိုသို့တွေ့ဆုံရာတွင် ရှီကျင့်ဖိန်က Sergey Lavrov မှတစ်ဆင့် သမ္မတ ပူတင်ထံသို့ ဆုမွန်ကောင်းတောင်းစကား ပြောကြားခဲ့သည်။

ရှီကျင့်ဖိန်က တရုတ်-ရုရှားနှစ်ဖက်သည် မိမိနှင့် သမ္မတ ပူတင်တို့ ရရှိထားသည့် အရေးကြီး သဘောတူညီချက်များအား ကောင်းမွန်စွာ အကောင်အထည်ဖော်၍ တရုတ်-ရုရှား ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးအား နက်ရှိုင်းစွာ တွန်းအားပေး ဖော်ဆောင်ရမည် ဖြစ်ကြောင်း၊ နိုင်ငံစုံပလက်ဖောင်းတွင် အပြန်အလှန် ထောက်ခံအားပေးမှုအား မြှင့်တင်ကာ နှစ်နိုင်ငံ ဖွံ့ဖြိုးတိုးတက်မှုနှင့် လုံခြုံရေး အကျိုးစီးပွားအား ကောင်းမွန်စွာ ကာကွယ်ထိန်းသိမ်းရမည်ဖြစ်ကြောင်း၊ ကမ္ဘာ့တောင်ဘက်ခြမ်းနိုင်ငံများ စည်းလုံးညီညွတ်အောင် လုပ်ဆောင်၍ နိုင်ငံတကာစည်းစနစ် ပိုမိုတရားမျှတ၍ လျော်ကန်သော ဦးတည်ချက်ဆီသို့ တိုးတက်လာစေရန် တွန်းအားပေးရမည်ဖြစ်ကြောင်း ထောက်ပြပြောကြားခဲ့သည်။

ရှန်ဟိုင်းပူးပေါင်းဆောင်ရွက်မှုအဖွဲ့ (SCO) သည် တရုတ်-ရုရှား အတူတကွ ပါဝင်ဖန်တီးတည်ဆောက်သည့် ဘက်စုံဒေသတွင်း ပူးပေါင်းဆောင်ရွက်မှုအဖွဲ့ဖြစ်ပြီး ယူရေးရှားကုန်းမြေကြီး ငြိမ်းချမ်းမှု၊ တည်ငြိမ်မှု၊ ဖွံ့ဖြိုးတိုးတက်မှုအတွက် အရေးပါသော အနက်အဓိပ္ပာယ်ရှိကြောင်း၊ နှစ်ဖက်အနေဖြင့် အပြန်အလှန် ထောက်ခံအားပေးကာ SCO အဖွဲ့၏ ဖွံ့ဖြိုးတိုးတက်မှု ဦးတည်ချက်အား ကောင်းမွန်စွာ လက်ကိုင်ထား၍ စွမ်းအားသစ်များ အဆက်မပြတ်ဖြည့်တင်းပြီး အဆိုပါ မဟာဗျူဟာ ပလက်ဖောင်း အင်အားတောင့်တင်း အားကောင်းလာအောင် လုပ်ဆောင်ရမည်ဖြစ်ကြောင်း ၎င်းက ပြောကြားခဲ့သည်။

Sergey Lavrov က သမ္မတ ရှီကျင့်ဖိန်ထံသို့ သမ္မတ ပူတင်၏ ရင်းနှီးသော နှုတ်ခွန်းဆက်စကားကို ပြောကြားခဲ့ပြီး နှစ်နိုင်ငံခေါင်းဆောင်များ၏ မဟာဗျူဟာဦးဆောင်မှုအောက်တွင် ရုရှား-တရုတ် ဘက်စုံမဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးသည် နက်ရှိုင်းစွာ တိုးတက်လာလျက်ရှိကြောင်း ပြောကြားခဲ့သည်။

ရုရှားနိုင်ငံအနေဖြင့် တရုတ်နိုင်ငံနှင့်ဆက်ဆံရေးအား များစွာအလေးထားကြောင်း၊ ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း ၈၀ ပြည့်နှစ်ဟူသည့် အရေးကြီးသောနှစ်တွင် တရုတ်နိုင်ငံနှင့် အဆင့်မြင့်အလွှာ သွားလာဆက်ဆံမှုအား ထိန်းသိမ်းထားကာ ကဏ္ဍစုံ အပြန်အလှန် အကျိုးဖြစ်ထွန်းသော ပူးပေါင်းဆောင်ရွက်မှုအား မြင့်တင်သွားလိုကြောင်း၊ နိုင်ငံတကာနှင့် ဒေသတွင်းကိစ္စရပ်များတွင် ချိတ်ဆက်ညှိနှိုင်းမှုအား ထိန်းသိမ်းထားပြီး ကမ္ဘာကြီးနှင့် ဒေသတွင်း ငြိမ်းချမ်းနှင့် တည်ငြိမ်မှုအား မြှင့်တင်သွားလိုကြောင်း၊ ရုရှားနိုင်ငံက တရုတ်နိုင်ငံ၏ ဥက္ကဋ္ဌနိုင်ငံလုပ်ငန်းများအား တက်ကြွစွာ ပံ့ပိုးပေး၍ SCO အဖွဲ့ ထျန်းကျင်းထိပ်သီးအစည်းအဝေး အောင်မြင်စွာကျင်းပနိုင်ရန် အတူတကွ တွန်းအားပေးသွားမည်ဖြစ်ကြောင်း ၎င်းက ပြောကြားခဲ့သည်။

အထက်ပါတွေ့ဆုံဆွေးနွေးပွဲသို့ ဝမ်ရိလည်း တက်ရောက်ခဲ့ကြောင်း သိရသည်။ (Xinhua)

————–
(Chinese Version)
习近平会见俄罗斯外长拉夫罗夫
新华社北京7月15日电（记者孙奕、曹嘉玥）7月15日上午，国家主席习近平在北京人民大会堂会见俄罗斯外长拉夫罗夫。
习近平请拉夫罗夫转达对普京总统的亲切问候。习近平指出，中俄双方要落实好我同普京总统达成的重要共识，深入推进中俄全面战略协作伙伴关系建设，加强在多边平台的相互支持，维护好两国发展和安全利益，团结全球南方国家，推动国际秩序朝着更加公正合理的方向发展。上海合作组织是中俄共同参与创建的综合性区域合作组织，对维护亚欧大陆和平、稳定、发展具有重要意义。双方要相互支持，把好上海合作组织发展方向，不断注入新动能，做实做强这个战略平台。
拉夫罗夫转达普京总统对习近平主席的诚挚问候，表示在两国元首战略引领下，俄中全面战略协作伙伴关系深入发展。俄方高度重视对华关系，期待在世界反法西斯战争胜利80周年这一重要年份，同中方保持高层交往，加强各领域互利合作，在国际地区事务中保持沟通协调，促进世界和地区和平稳定。俄方将积极支持中方主席国工作，共同推动上海合作组织天津峰会取得圆满成功。
王毅参加会见。（完）
图说：7月15日上午，国家主席习近平在北京人民大会堂会见俄罗斯外长拉夫罗夫。 新华社记者 丁林 摄