တရုတ်နိုင်ငံခြားရေးဝန်ကြီး ဝမ်ရိ နှင့် အမေရိကန်နိုင်ငံခြားရေးဝန်ကြီး Antony Blinken ဖုန်းဖြင့် ဆက်သွယ်ဆွေးနွေး

ပေကျင်း၊ ဇန်နဝါရီ ၂၇ ရက်(ဆင်ဟွာ)

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် အမေရိကန်နိုင်ငံ နိုင်ငံခြားရေးဝန်ကြီး Antony Blinken၏ဖိတ်ကြားချက်ကိုလက်ခံကာ ဇန်နဝါရီ ၂၇ ရက်တွင် ဖုန်းဖြင့်ဆက်သွယ်ဆွေးနွေးခဲ့သည်။

ထိုသို့ တွေ့ဆုံဆွေးနွေးရာတွင် ဝမ်ရိက လက်ရှိ တရုတ်-အမေရိကန် နှစ်ဖက်စလုံး၏ အရေးကြီးဆုံးလုပ်ငန်းမှာ သမ္မတရှီကျင့်ဖိန်နှင့် သမ္မတ ဘိုင်ဒန်၏ ပြီးခဲ့သည့်နှစ် နိုဝင်ဘာလ ဗွီဒီယိုတွေ့ဆုံဆွေးနွေးမှုတွင် ရရှိသော သဘောတူညီချက်များကို အကောင်အထည်ဖော်ဆောင်ရန်ဖြစ်ကြောင်း ပြောကြားခဲ့သည်။ သမ္မတရှီသည် တွေ့ဆုံဆွေးနွေးမှုတွင် တရုတ်-အမေရိကန် ရာစုနှစ်ဝက်ကျော် ဆက်ဆံရေး၏အတွေ့အကြုံ သင်ခန်းစာများကို အနှစ်ချုပ်သုံးသပ်ခဲ့ရာ အပြန်အလှန်လေးစားရေး၊ ငြိမ်းချမ်းစွာအတူယှဉ်တွဲနေထိုင်ရေး၊ ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ရေး မူ ၃ ရပ်ကို အတိအလင်း အဆိုပြုခဲ့ရာ သမ္မတ ဘိုင်ဒန်၏ အပြုသဘောတုန့်ပြန်မှုကို ရရှိခဲ့ပါကြောင်း၊ သမ္မတဘိုင်ဒန်က အမေရိကန်အနေဖြင့် “စစ်အေးတိုက်ပွဲ”ကို ရှာဖွေမည်မဟုတ်သလို တရုတ်နိုင်ငံ၏စနစ်ကိုပြောင်းလဲရန်၊ မဟာမိတ်ဆက်ဆံရေး အားကောင်းအောင် ဆောင်ရွက်ခြင်းဖြင့် တရုတ်ကို ဆန့်ကျင်ရန် ကြိုးပမ်းမည်မဟုတ်ကြောင်း၊ “ထိုင်ဝမ်ခွဲထွက်ရေး”ကို အားပေးမည်မဟုတ်ကြောင်းနှင့် တရုတ်နိုင်ငံနှင့်ထိပ်တိုက်ရင်ဆိုင်မှုများ ဖြစ်ပွားရန် ဆန္ဒမရှိကြောင်း ပြောကြားခဲ့ရာ ပြင်ပသို့ ယခင်အစိုးရနှင့်မတူသော အပြုသဘောသတင်းစကားများလွှင့်နိုင်ခဲ့ပါကြောင်း ဆိုသည်။

အမေရိကန်နိုင်ငံ နိုင်ငံခြားရေးဝန်ကြီး Antony Blinkenအား ဇန်နဝါရီ ၂၀ ရက်က ဂျာမနီနိုင်ငံ ဘာလင်မြို့ သတင်းစာရှင်းလင်းပွဲတွင် တွေ့ရစဉ်(ဆင်ဟွာ)

သို့သော်အများ မြင်တွေ့ရသည်မှာ အမေရိကန်၏ တရုတ်နိုင်ငံအပေါ် မူဝါဒ အခြေခံအားဖြင့် လက်တွေ့ပြောင်းလဲမှုမရှိခဲ့သလို သမ္မတ ဘိုင်ဒန် ဖော်ပြခဲ့သည့် သဘောထားကို အမှန်တကယ် လက်တွေ့ဖော်ဆောင်ခြင်းမရှိကြောင်း ၊ တရုတ်နိုင်ငံနှင့်ပတ်သတ်၍ မှားယွင်းသော ပြောဆိုဆောင်ရွက်မှုများကို အမေရိကန်ဘက်မှ အဆက်မပြတ်ပြုလုပ်နေခြင်းသည် နှစ်နိုင်ငံဆက်ဆံရေးကို ရိုက်ခတ်မှုအသစ် ဖြစ်စေကြောင်း ဝမ်ရိက ပြောကြားခဲ့သည်။

ယခုနှစ်သည် “ရှန်ဟိုင်း ကြေညာချက်”ထုတ်ပြန်သည့် နှစ် ၅၀ ပြည့်အချိန်အခါဖြစ်ပါကြောင်း ၊ တရုတ်-အမေရိကန် နှစ်နိုင်ငံစလုံးက တစ်ဖက်နိုင်ငံအား ပြုပြင်ပြောင်းလဲလိုစိတ်မရှိခြင်းသည် နှစ်နိုင်ငံဆက်ဆံရေး ပုံမှန်ဖြစ်တည်မှု၏အခြေခံဖြစ်ရာ တရုတ်-အမေရိကန် အနာဂတ် ငြိမ်းချမ်းစွာ အတူယှဉ်တွဲနေထိုင်ရေး၏ အာမခံမှုလည်း ဖြစ်သင့်ကြောင်း ဝမ်ရိက ပြောကြားခဲ့သည်။

ကပ်ရောဂါအလွန်ကာလ ကမ္ဘာတွင် စိန်ခေါ်မှုအသစ်များနှင့်ရင်ဆိုင်ရမည်ဖြစ်‌သော်လည်း နိုင်ငံကြီးယှဉ်ပြိုင်မှုသည် ကမ္ဘာ၏အဓိကကဏ္ဍမဟုတ်သလို အမေရိကန်နှင့်နိုင်ငံအသီးသီး ကြုံတွေ့နေရသည့် ပြဿနာများကိုလည်း ဖြေရှင်းနိုင်မည် မဟုတ်ကြောင်း၊ ကမ္ဘာ့ရှေ့တန်း စီးပွားရေးနိုင်ငံကြီး နှစ်နိုင်ငံ၊ ကုလသမဂ္ဂလုံခြုံရေးကောင်စီ အမြဲတမ်းအဖွဲ့ဝင် နိုင်ငံများအနေဖြင့် တရုတ်နှင့်အမေရိကန်သည် နှစ်နိုင်ငံပြည်သူများ၏ အခြေခံအကျိုးစီးပွားကို အရင်းခံပြီး ကမ္ဘာ့ဖွံ့ဖြိုးတိုးတက်သည့်အခြေအနေကို အလျဉ်းသင့်လိုက်လျောညီထွေနေထိုင်ကာ နှစ်နိုင်ငံခေါင်းဆောင်များ၏ အရေးကြီးသဘောတူညီချက်များကို ကောင်းမွန်စွာ အကောင်အထည်ဖော်ကြရမည်ဖြစ်ပါကြောင်း ၊ တရုတ်-အမေရိကန် ဆက်ဆံရေး၏ဦးတည်ချက်လားရာကို ချိန်ညှိခြင်း၊ ကတိကဝတ်များကို လက်တွေ့ကျကျဖော်ဆောင်ခြင်း၊ နှစ်နိုင်ငံ ပူးပေါင်းဆောင်ရွက်မှု အပြုသဘောကဏ္ဍကို ချဲ့ထွင်ခြင်း၊ ကွဲလွဲမှုများကို အပြုသဘောဆောင် ထိန်းသိမ်းစီမံခြင်းများ မဖြစ်မနေဆောင်ရွက်ကြရမည် ဖြစ်ကြောင်း ဆိုသည်။

ဖိအားပေးခြင်းက တရုတ်ပြည်သူများ ပို၍ သွေးစည်းညီညွတ်ဖို့သာရှိပြီး တရုတ်နိုင်ငံ၏အင်အားကြီးမားမှုကို တားဆီး၍မရကြောင်း ဝမ်ရိက အလေးထားပြောကြားခဲ့သည်။ လက်ရှိ အရေးကြီးဆုံးမှာ အမေရိကန်၏ ပေကျင်း ဆောင်းရာသီအိုလံပစ်ကို စွက်ဖက်နေခြင်း၊ ထိုင်ဝမ်အရေးတွင် မီးနှင့်ကစားနေခြင်း၊ တရုတ်ဆန့်ကျင်ရေးတားဆီးရေး “အသိုက်အဝန်းငယ်”အမျိုးမျိုးတည်ဆောက်နေခြင်းကို ရပ်တန့်သင့်ကြောင်း ပြောကြားခဲ့သည်။

အမေရိကန်နိုင်ငံခြားရေးဝန်ကြီး Antony Blinkenက နှစ်နိုင်ငံ နိုင်ငံခြားရေးဝန်ကြီး အမြဲဆက်သွယ်ဆွေးနွေးမှုသည် အထူးအရေးကြီးကြောင်း၊ သမ္မတ ဘိုင်ဒန်၏ နှစ်နိုင်ငံခေါင်းဆောင်တွေ့ဆုံဆွေးနွေးမှု၌ ပြောကြားသည့် ရပ်တည်ချက်က ပြောင်းလဲမှုမရှိကြောင်း အလေးထားပြောကြားခဲ့သည်။
အမေရိကန်နှင့်တရုတ်သည် အကျိုးစီးပွား ယှက်နွယ်မှုများရှိသလို ကွဲလွဲမှုများလည်းရှိကြောင်း ၊ အမေရိကန်နိုင်ငံအနေဖြင့် တာဝန်ယူမှုရှိစွာဖြင့် ကွဲလွဲမှုများကို ထိန်းသိမ်းစီမံဆောင်ရွက်သွားရန် ဆန္ဒရှိကြောင်း ၊ အမေရိကန်၏ တရုတ်တစ်နိုင်ငံတည်းမူဝါဒသည် ပြောင်းလဲမှုမရှိကြောင်း၊ အမေရိကန်အားကစားသမားများကို ပေကျင်း ဆောင်းရာသီအိုလံပစ်ပွဲတွင် ပါဝင်ဆင်နွှဲဖို့ စေလွှတ်သွားမည်ဖြစ်ကြောင်းနှင့် တရုတ်ပြည်သူများ နှစ်သစ် နွေဦးပွဲတော်တွင် ပျော်ရွှင်ပါစေကြောင်း ပြောကြားခဲ့သည်။

ယူကရိန်းအရေးနှင့်ပတ်သတ်၍ အမေရိကန်၏ ရပ်တည်ချက်ကို Antony Blinkenက ပြောကြားခဲ့သည်။

ဝမ်ရိက ယူကရိန်းအရေးဖြေရှင်းမှုတွင် မူလရှိနေသည့် မင့်စ်ခ်သဘောတူညီချက်သစ်ကိုပင် ပြန်သွားသင့်ပါကြောင်း ပြောကြားခဲ့သည်။ မင့်စ်ခ်သဘောတူညီချက်သစ်ကို လုံခြုံရေးကောင်စီက စိစစ်အတည်ပြုပြီးဖြစ်ရာ ဘက်ပေါင်းစုံ အသိအမှတ်ပြုသည့် အခြေခံနိုင်ငံရေးစာရွက်စာတမ်းဖြစ်ခြင်းကြောင့် လက်တွေ့ကျင့်သုံးဆောင်ရွက်သင့်ကြောင်း ၊ ယင်းသဘောတူညီချက်၏ ဦးတည်ချက်၊စိတ်ဓါတ်နှင့်ကိုက်ညီသည့် ကြိုးပမ်းမှုသာဖြစ်လျှင် တရုတ်နိုင်ငံက အားပေးထောက်ခံသွားမည် ဖြစ်ကြောင်း ၊တစ်ချိန်တည်းမှာပင် မိမိတို့အနေဖြင့် ဘက်ပေါင်းစုံ တည်တည်ငြိမ်ငြိမ် ထိန်းထိန်းသိမ်းသိမ်း နေကြရန်၊ အခြေအနေပို၍တင်းမာဖြစ်အောင် နှိုးဆွခြင်း၊ အကျပ်အတည်းကို အရောင်ဆိုး သတင်းဖြန့်ခြင်းမလုပ်ဆောင်ကြရန် တိုက်တွန်းကြောင်း ဆိုသည်။

တစ်နိုင်ငံ၏လုံခြုံရေးအတွက် အခြားနိုင်ငံလုံခြုံရေးကို စတေးခြင်း ပြု၍မရကြောင်း ၊ ဒေသလုံခြုံရေးသည် စစ်အင်အားအစုအဖွဲ့ ချဲ့ထွင်၊မြှင့်တင်ခြင်းဖြင့် အာမခံ၍ ပိုမရနိုင်ကြောင်း ဝမ်ရိက အလေးထားပြောကြားခဲ့သည်။ ၂၁ ရာစု ယနေ့အခါ ဘက်ပေါင်းစုံက စစ်အေးခေတ်အတွေးအခေါ်ကို လုံးဝစွန့်လွှတ်သင့်ရာ တွေ့ဆုံဆွေးနွေးမှုဖြင့် ဟန်ချက်ညီအောင်၊ စဉ်ဆက်မပြတ်ထိရောက်သော ဥရောပလုံခြုံရေးယန္တရားကို ဖော်ဆောင်ကြရမည်ဖြစ်ရာ ရုရှား၏ သင့်လျော်မှုရှိသော လုံခြုံရေးဆိုင်ရာ အလေးထားမှုများကို အလေးထားဖြေရှင်းမှုရှိသင့်ပါကြောင်း ပြောကြားခဲ့သည်။ (Xinhua)

………………………………………
(Chinese Version)
（国际）王毅应约同美国国务卿布林肯通电话
2022-01-27 13:17:30
新华社北京1月27日电2022年1月27日，国务委员兼外交部长王毅应约同美国国务卿布林肯通电话。
王毅表示，当前中美双方最重要的工作就是把习近平主席同拜登总统去年11月视频会晤达成的重要共识落到实处。习近平主席在会晤中总结中美半个多世纪交往的经验教训，明确提出了相互尊重、和平共处、合作共赢三原则，为中美关系的健康发展指明了方向。拜登总统对此作出积极呼应，并表示美国不寻求“新冷战”、不寻求改变中国体制、不寻求通过强化同盟关系反对中国、不支持“台独”、无意同中国发生冲突对抗，对外释放了与上届政府不同的积极信息。但世人看到的是，美方对华政策的基调并没有发生实质性变化，也未将拜登总统的表态真正落到实处。美方仍不断推出涉华错误言行，使两国关系受到新的冲击。
王毅说，今年是“上海公报”发表50周年。中美都无意改变对方是两国关系正常化的前提，也应该成为中美未来和平共处的保障。疫情后的世界会面临新形势新挑战，但大国竞争不是这个世界的主题，也解决不了美方和各国面临的问题。作为世界前两大经济体和联合国安理会常任理事国，中美要立足两国人民根本利益，顺应世界发展大势，落实好两国元首重要共识，必须把握中美关系的大方向，必须以实际行动践行承诺，必须扩大两国合作积极面，必须建设性管控分歧。王毅强调，施压只会让中国人民更加团结，对抗阻止不了中国走向强大。当务之急，美方应当停止干扰北京冬奥会，停止在台湾问题上玩火打牌，停止打造各种反华遏华“小圈子”。
布林肯表示两国外长经常性沟通非常重要，强调拜登总统在两国元首会晤中阐述的立场没有变化。美中既有利益交集的地方，也存在分歧，美方愿以负责任的态度管控分歧。美国的一个中国政策没有改变。美方会为美运动员参加北京冬奥会加油，也祝愿中国人民新春快乐。
布林肯通报了美方在乌克兰等问题上的立场。王毅表示，解决乌克兰问题，还是要回到新明斯克协议这一原点上。新明斯克协议得到安理会核可，是各方公认的基础性政治文件，理应得到切实执行。只要是符合这一协议方向和精神的努力，中方都将支持。同时我们呼吁各方保持冷静，不做刺激局势紧张、炒作渲染危机的事情。王毅强调，一国安全不能以损害他国安全为代价，地区安全更不能以强化甚至扩张军事集团为保障。在21世纪的今天，各方应当彻底摒弃冷战思维，通过谈判形成均衡、有效、可持续的欧洲安全机制，俄罗斯的合理安全关切应当得到重视和解决。（完）
图说1： 1月17日，国务委员兼外长王毅向“中菲马尼拉论坛”发表视频致辞。 新华社记者 季春鹏 摄
图说2：1月20日，在德国首都柏林，美国国务卿布林肯参加新闻发布会。