ဆင်းရဲနွမ်းပါးမှုကို ရင်ဆိုင်ကျော်လွှားနေသော ဘီးတပ်ကုလားထိုင်ပေါ်က အမျိုးသမီး

ရင်ချွမ်း၊ မတ် ၁၂ ရက် (ဆင်ဟွာ)

အသက် ၄၆ နှစ်အရွယ် ဟဲဝန်ဟွာက ၎င်း၏ ဘီးတပ်ကုလားထိုင်ကို ချိန်ညှိလိုက်ပြီး စမတ်ဖုန်းကို ထရိုင်ပေါ့ (tripod) ပေါ်၌ နေရာချလိုက်ပြီးနောက် တရုတ်နိုင်ငံ အနောက်မြောက်ပိုင်း နင်းရှ (ဟွေလူမျိုး) ကိုယ်ပိုင်အုပ်ချုပ်ခွင့်ရဒေသ၊ ဝူကျုံးမြို့ရှိ ၎င်း၏ဇာတိ ဟုန်ယာကျေးရွာမှ ဒေသခံလက်မှုပစ္စည်းများကို ဂုဏ်ယူစွာမိတ်ဆက်လျက်ရှိသော အွန်လိုင်းတိုက်ရိုက်ရောင်းချမှုကို စတင်လိုက်သည်။

ခန္ဓာကိုယ်အောက်ပိုင်း ဆိုးဝါးစွာမသန်စွမ်းဖြစ်နေတစ်ဦးအနေဖြင့် ဟဲသည် တစ်နေ့တွင် နာမည်ကျော် ကျေးလက် လက်မှုပညာရှင်တစ်ဦးအဖြစ် ၎င်းနှင့် ၎င်း၏အိမ်နီးချင်းများမှ ပြုလုပ်ထားသော ထုတ်ကုန်များကို အွန်လိုင်းမှတစ်ဆင့် ရောင်းချခြင်းဖြင့် အခက်အခဲဆင်းရဲမှုများမှ မိသားစုအား ကူညီပေးနိုင်မည်ဟု မည်သည့်အခါမှ စိတ်ကူးပင်မရှိခဲ့ပေ။

၂၀၁၁ ခုနှစ်က မတော်တဆမှုဖြစ်ပွားခဲ့ပြီးနောက် ချစ်စဖွယ် မိခင်နှင့် ဇနီးတစ်ဦးဖြစ် ၎င်း၏ဘဝသည် လုံးဝပြောင်းလဲသွားခဲ့သည်။ “ကျန်ရှိတဲ့ ကျွန်မဘဝကို ဘီးတပ်ကုလားထိုင်ပေါ်မှာပဲ အကျဉ်းကျသွားပြီလို့ သဘောပေါက်လိုက်ချိန်မှာ အရုပ်ကြိုးပြတ်ဖြစ်သွားတယ်” ဟု ၎င်းက ဆိုသည်။

၎င်း၏ ကြေကွဲဝမ်းနည်းမှုကို ထပ်ဆင့်သည့်အနေဖြင့် မိသားစု၏ တစ်ဦးတည်းသော ရှာဖွေကျွေးမွေးသူ ခင်ပွန်းသည်မှာလည်း ဟဲ မတော်တဆမှုဖြစ်ပြီး နှစ်အနည်းငယ်အကြာ၌ ပန်းနာရင်ကြပ်ရောဂါ ရရှိခဲ့သည်။

“ကောင်းကင်ကြီးပြိုကျသွားသလို ခံစားလိုက်ရတာပေါ့။ ကျွန်မကလည်း ကိုယ့်ကိုကိုယ်တောင် မစောင့်ရှောက်နိုင်သလို သူ (ခင်ပွန်း) ကလည်း အလုပ်ပင်ပင်ပန်းပန်း မလုပ်နိုင်တော့ဘူးလေ” ဟု မိမိကိုယ်ကို အဆုံးစီရင်ရန်အထိပင် စဉ်းစားမိခဲ့ခြင်းကို ပြန်ပြောင်းအမှတ်ရလျက် ဟဲက ဆိုသည်။

ဆင်းရဲနွမ်းပါးသော အိမ်ထောင်မိသားစုအဖြစ် စာရင်းသွင်းပြီးနောက် ၎င်းတို့မိသားစုအတွက် ဝမ်းနည်းပူဆွေးမှုအားလုံး၏ အလယ်၌ မျှော်လင့်ချက်ရောင်ခြည်တန်းလေး ပေါ်ထွက်လာခဲ့သည်။ ဘီးတပ်ကုလားထိုင်တစ်ခု လှူဒါန်းခြင်း အပါအဝင် ဒေသန္တရအစိုးရက ပေးအပ်သော အချိန်ကိုက် ဖော်ရွေသည့် အကူအညီများက ၎င်းကို အသက်ဆက်ရှင်သန်ရန် ခွန်အားနှင့် မျှော်လင့်ချက်ကို ပေးစွမ်းခဲ့ပေသည်။

ဒေသန္တရ ဆင်းရဲနွမ်းပါးမှုလျော့ပါးရေးကေဒါများသည် ဟဲက ကလေးဘဝအရွယ်တွင် ဖခင်ထံမှ ခြင်းတောင်းယက်လုပ်ခြင်းကို သင်ယူခဲ့ရကြောင်း သိရှိခဲ့ပြီးနောက် အဆိုပါ စွမ်းရည်များအား ပြန်လည်လေ့ကျင့်ကာ ယင်းသို့ထုတ်ကုန်များကို အွန်လိုင်းပေါ်ရောင်းချရန် တွန်းအားပေးခဲ့သလို ချေးငွေမှတစ်ဆင့် ငွေကြေးပံ့ပိုးမှုရရှိရန်ကိုပင် ကမ်းလှမ်းခဲ့သည်။

တာဝန်ရှိသူများ၏ တိုက်တွန်းအားပေးမှုဖြင့် ဟဲသည် အစိုးရက ပံ့ပိုးပေးသော ခြင်းတောင်းယက်လုပ်ခြင်း စွမ်းရည်လေ့ကျင့်မှု အစီအစဉ်ကိုသာမက အွန်လိုင်းသင်ခန်းစာများမှတစ်ဆင့် အခြား ခြင်းတောင်းယက်လုပ်ခြင်း နည်းပညာများကိုလည်းပဲ လေ့လာခဲ့သည်။

၎င်း၏ ခင်ပွန်းသည်၏ ကူညီမှုနှင့်အတူ ဟဲသည် နေအိမ်၌ အလုပ်ရုံတစ်ခု တည်ဆောက်ခဲ့ကာ ဖိနပ်များနှင့် ဦးထုပ်များအပါအဝင် လက်ရာမြောက်လှသော ထုတ်ကုန်အမြောက်အများကို စတင်လုပ်ကိုင်ခဲ့သည်။

ဟဲအား စိတ်အားတက်ကြွပျော်ရွှင်စေရန် ဆင်းရဲနွမ်းပါးမှုလျော့ပါးရေးကေဒါများသည် ၎င်း၏ လက်မှုပစ္စည်းများအား ဆိုရှယ်မီဒီယာပေါ်တင်ခြင်းနှင့် ပြခန်းများမှတစ်ဆင့် အရောင်းမြှင့်တင်ပေးခဲ့သလို အချို့သောကေဒါများကလည်း အရောင်းမြှင့်တင်ရေး အထောက်အကူဖြစ်စေရန် ဟဲ၏ တိုက်ရိုက်ထုတ်လွှင့် ရောင်းချရာတွင်ပင် ပါဝင်ခဲ့ကြသည်။

နိုင်ငံတစ်ဝန်းလုံးမှ မှာယူမှုများနှင့်အတူ ဟဲသည် ဝင်ငွေတိုးမြင့်လာရေးအတွက် စီးပွားရေး၌ အကူအညီရစေရန် အနီးဝန်းကျင်ရှိ အမျိုးသမီးများအား စတင်စုဆောင်းခဲ့သည်။ ယနေ့တွင် ဟဲနှင့်အတူ အလုပ်လုပ်ကိုင်နေသော အမျိုးသမီး ၂၀ ဦးခန့်ရှိနေပြီဖြစ်ပြီး ၎င်းတို့အားလုံးသည် ရွှေ့ပြောင်းအလုပ်သမားများအဖြစ် နေအိမ်မှအဝေးသို့ သွားရောက်လုပ်ကိုင်နေရသော ခင်ပွန်းသည်များ၏ နောက်တန်းမှ အိမ်ထောင်ရှင်မများဖြစ်ကြသည်။

“လက်ယက်ထုတ်ကုန်တွေ ရောင်းချခြင်းကနေ တစ်နှစ်ကို ယွမ် ၂၅,၀၀၀ ခန့် (အမေရိကန်ဒေါ်လာ ၃,၉၅၉ ခန့်) ကျွန်မ ဝင်ငွေရရှိပါတယ်” ဟု အစိုးရနှင့် ၎င်း၏ဘဝကို စာနာမှုရှိစွာဖြင့် ကူညီပေးကြသော ကြင်နာစိတ်ထားရှိသည့် ဒေသခံများကို ကျေးဇူးတင်ကြောင်း ဟဲက ပြောကြားခဲ့သည်။

တရုတ်နိုင်ငံသည် မသန်စွမ်းသူများအတွက် စီးပွားရေးနှင့် အခမဲ့အလုပ်အကိုင် လေ့ကျင့်မှု စတင်ရန် ချေးငွေများပေးအပ်ခြင်း အပါအဝင် လူမှုဖူလုံရေးမူဝါဒကို မြှင့်တင်လိုက်ခြင်းကြောင့် လက်ရှိ ဘဝကို ရဲရင့်စွာ ရင်ဆိုနေကြသော မသန်စွမ်းသူအရေအတွက်မှာ မြင့်တက်လာပေသည်။ ယမန်နှစ်က နင်းရှရှိ မသန်စွမ်းသူများအကြား အလုံးစုံအလုပ်အကိုင်ရရှိနှုန်းမှာ ၈၅.၅ ရာခိုင်နှုန်းအထိ ရောက်ရှိခဲ့ကြောင်း သိရသည်။

၁၃ ကြိမ်မြောက် ငါးနှစ်စီမံကိန်းကာလ (၂၀၁၆-၂၀၂၀) အတွင်း စုစုပေါင်း မသန်စွမ်းပြည်သူ ၂၆ သန်းမှာ ဘဝနေထိုင်မှု ထောက်ပံ့ကြေးနှင့် စောင့်ရှောက်မှုထောက်ပံ့ကြေးမှ အကျိုးကျေးဇူးရရှိခဲ့ကြောင်းနှင့် မသန်စွမ်းပြည်သူ ၇.၁ သန်းကိုမူ ဆင်းရဲနွမ်းပါးမှုမှ ဆွဲတင်ပေးနိုင်ခဲ့ကြောင်း တရားဝင်အချက်အလက်များအရ သိရသည်။

အလားတူကာလအတွင်း တရုတ်နိုင်ငံရှိ မသန်စွမ်းကလေးငယ် ၉၅ ရာခိုင်နှုန်းမှာ မသင်မနေရပညာရေးကို ရရှိကြကြောင်း တရုတ်နိုင်ငံ မသန်စွမ်းသူများအဖွဲ့ချုပ်အရ သိရသည်။
၂၀၂၁ ခုနှစ်တွင် ဒေသခံမသန်းစွမ်းသူများအဖွဲ့ချုပ်က ဟဲ၏နေအိမ်အဆောက်အအုံကို ၎င်း၏အခြေအနေနှင့် လိုက်လျောညီထွေဖြစ်စွာဝင်ထွက်နိုင်စေရန် ပြုပြင်မွမ်းမံပေးခဲ့သည်။

“အိမ်မပြုပြင်ခင်တုန်းကဆိုရင် ကျွန်မက အိမ်ထဲအဝင် အထွက်ကို အခြားသူအားကိုးနေရတာ။ ဒါပေမဲ့ အခုတော့ ကျွန်မကိုယ်တိုင် အားလုံးရွှေ့လျားလုပ်ဆောင်နိုင်ပြီလေ” ဟု ဟဲက ဆိုသည်။

လက်ရှိ ကျင်းပနေသော ပေကျင်း ဆောင်းရာသီ မသန်စွမ်းအိုလံပစ် အားကစားပွဲနှင့် ပတ်သက်၍ ပြောဆိုရာတွင်လည်း ဟဲအနေဖြင့် တရုတ်အားကစားသမားများက ဆုများတစ်ခုပြီးတစ်ခု ဆွတ်ခူးလျက် ၎င်းတို့၏အိပ်မက်ကို အကောင်အထည်ဖော်ရေး ကြိုးပမ်းအားထုတ်မှုများကို သွားရောက်ကြည့်ရှုရန် စိတ်လှုပ်ရှားခဲ့ကြောင်း ပြောကြားခဲ့သည်။

“ကျွန်မရဲ့ လက်ရှိဘဝကို အရမ်းပဲနှစ်သက်မြတ်နိုးမိပါတယ်။ အလုပ်လုပ်နေရင်းနဲ့လည်း ကျွန်မသင်ယူနေပါတယ်။ ကျွန်မရဲ့ဖောက်သည်တွေ စိတ်ကျေနပ်စေတဲ့ ထုတ်ကုန်တွေကို ထုတ်လုပ်နိုင်မယ်လို့လည်း မျှော်လင့်ပါတယ်” ဟု ဟဲက ဆိုသည်။ (Xinhua)

………………………………………………

Woman in wheelchair weaves way out of poverty
Source: XinhuaEditor: huaxia2022-03-11 00:36:15
YINCHUAN, March 10 (Xinhua) — He Wenhua, 46, adjusted her wheelchair and placed the smartphone on a tripod, as she started her livestream sales session, proudly introducing local handicrafts from her native village of Hongya in Wuzhong City, northwest China’s Ningxia Hui Autonomous Region.
As someone with severe paraplegia, He never imagined she would one day become a renowned local handicraft artist and that she will be able to help her family out of hardships through online sales of these products manufactured by her and her neighbors.
A loving mother and wife, her life completely changed after she met with a road accident in 2011. “When I realized that I would be confined to a wheelchair for the rest of my years, I fell apart,” she said.
To add to her tragedy, He’s husband, the family’s sole breadwinner, developed asthma a few years after her accident.
“It felt like the sky was falling. I couldn’t take care of myself, and he couldn’t do heavy work,” He said, recalling that she even contemplated suicide.
Amidst all gloom, rays of hope emerged after her family was registered as an impoverished household. The local government’s timely and courteous assistance, which included the donation of a wheelchair, gave her the courage and hope to live.
After the local poverty-alleviation cadres came to know that He had learned basket weaving from her father as a child, they encouraged her to brush up on the skills to sell such products online and even offered financial support through loan.
Encouraged by the officials, He not only attended a government-funded weaving skills training session but also learned other weaving techniques through online courses.
With the help of her husband, she built a workshop at home and started making many exquisite products including shoes and hats.
To her delight, poverty alleviation cadres volunteered to help promote her handicrafts on social media and through exhibitions, with some cadres even joining her livestream to help boost sales.
With orders pouring in from all over the country, He started recruiting women living nearby to assist her in the business to increase income. Today she has some 20 women working with her, all of whom are “left-behind” wives whose husbands work far away from home as migrant workers.
“I can earn about 25,000 yuan (about 3,959 U.S. dollars) a year by selling the handwoven products,” He said, expressing her gratitude to the government and kindhearted locals who helped rekindle her life.
As China improves its welfare policy for the disabled, which includes offering grants to start a business and free job training, an increasing number of people with disabilities are now facing life bravely. Last year, the overall employment rate among disabled people in Ningxia reached 85.5 percent.
During the 13th Five-Year Plan period (2016-2020), a total of 26 million disabled people benefited from living allowances and nursing subsidies and 7.1 million disabled people have been lifted out of poverty in the country, official data showed.
During the same period, 95 percent of children with disabilities in China received compulsory education, according to the China Disabled Persons’ Federation.
In 2021, the local Disabled Persons’ Federation helped renovate He’s home building accessible facilities, which made her life a lot easier.
“Before the renovation, I relied on others to get in and out but now I can move all by myself,” she said.
Talking about the ongoing Beijing Winter Paralympics, He said she was deeply moved to see Chinese athletes’ efforts to realize their dreams, winning one medal after another.
“I cherish my present life very much and I’m learning while working. I hope I can make products that satisfy my clients,” He said. ■

Photo : Photo taken on May 9, 2020 shows He Wenhua teaching weaving techniques to other women at home. (Xinhua/Feng Kaihua)