CHINA

ကိုဗစ်-၁၉ တိုက်ဖျက်ရေး ကူညီရန် ရှန်ဟိုင်းမြို့သို့ ကျန်းမာရေးဝန်ထမ်း ၃၈,၀၀၀ ကျော်သွားရောက်

တရုတ်နိုင်ငံအရှေ့ပိုင်း Jiangxi ပြည်နယ် နန်ချန်းမြို့ရှိ နန်ချန်းရထားဘူတာရုံတွင် ရှန်ဟိုင်းမြို့သို့သွားရောက်မည့် ဆေးဘက်ဆိုင်ရာဝန်ထမ်းများအား ဧပြီ ၃ ရက်တွေ့ရစဉ်(ဆင်ဟွာ)

ပေကျင်း ၊ ဧပြီ ၅ ရက်(ဆင်ဟွာ)

တရုတ်နိုင်ငံတစ်ဝှမ်းလုံးရှိ ပြည်နယ်အဆင့်ဒေသ ၁၅ ခုမှ ဆေးဘက်ဆိုင်ရာဝန်ထမ်းပေါင်း ၃၈,၀၀၀ ကျော်သည် တရုတ်နိုင်ငံ၏ ငွေကြေးလုပ်ငန်းဆိုင်ရာ အကြီးဆုံးမြို့ကြီးဖြစ်သည့် ရှန်ဟိုင်းမြို့၏ ကိုဗစ်-၁၉ ကပ်ရောဂါတိုက်ဖျက်ရေးတွင် ပါဝင်ကူညီရန် သွားရောက်နေကြပြီဖြစ်ကြောင်း တရုတ်အမျိုးသားကျန်းမာရေးကော်မရှင်(NHC) ၏ ပြောကြားချက်အရ သိရသည်။

ဆေးပညာရှင် ၁၁,၀၀၀ ကျော်က ရှန်ဟိုင်းမြို့ရှိ ယာယီဆေးရုံများတွင် ဝင်ရောက် တာဝန်ထမ်းဆောင်နေကြပြီး အခြားဆေးဘက်ဆိုင်ရာဝန်ထမ်းပေါင်း ၂၃,၀၀၀ ကျော်က နျူကလိစ်အက်စစ်မှု နမူနာစုဆောင်းခြင်း လုပ်ငန်းတွင် ပါဝင်ဆောင်ရွက်သွားမည်ဖြစ်ကြောင်း တရုတ်အမျိုးသားကျန်းမာရေးကော်မရှင်(NHC) မှ အဆင့်မြင့်အရာရှိတစ်ဦးဖြစ်သူ Jiao Yahui က ပြောကြားခဲ့သည်။ ထို့ပြင် လူပေါင်း ၄,၀၀၀ နီးပါးသည် ကိုဗစ်-၁၉ ရောဂါဆိုင်ရာဓာတ်ခွဲခန်းတွင် ဝင်ရောက်ကူညီလုပ်ကိုင်ပေးရန် သွားရောက်နေကြပြီဖြစ်ကြောင်းလည်း သိရသည်။

နျူကလိစ်အက်စစ် ဓာတ်ခွဲစစ်ဆေးရေးအဖွဲ့အနေဖြင့် နေ့စဉ်နျူကလိစ်အက်စစ်နမူနာပေါင်း ၂.၃၈ သန်းကို စစ်ဆေးပေးနေပြီဖြစ်ကြောင်း ကော်မရှင်၏ ပြောကြားချက်အရ သိရသည်။

ရှန်ဟိုင်းမြို့၌ ဧပြီ ၃ ရက်တွင် ပြည်တွင်း ကူးစက်မှု အတည်ပြုလူနာ ၄၂၅ ဦးစစ်ဆေးတွေ့ရှိခဲ့သည်။ အဆိုပါဧရာမမြို့ကြီးတွင် မြို့လုံးကျွတ် နျူကလိစ်အက်စစ် စစ်ဆေးခြင်းလုပ်ငန်းစဉ်ကို ဧပြီ ၄ ရက်တွင် စတင်ခဲ့ကြောင်း သိရသည်။(Xinhua)

—————————
(English Version)

Over 38,000 medics dispatched to Shanghai to aid COVID-19 fight
BEIJING, April 4 (Xinhua) — More than 38,000 medics from 15 provincial-level regions nationwide have rushed to Shanghai to aid in the battle against the resurging COVID-19 epidemic in China’s financial hub, according to the National Health Commission (NHC).

Over 11,000 medics have assumed responsibility for work in temporary hospitals, and over 23,000 medical workers are responsible for collecting nucleic acid samples, according to Jiao Yahui, a senior NHC official. And nearly 4,000 people have been dispatched to support the work in the COVID-19 testing lab.

Nucleic acid testing teams with a daily handling capacity of 2.38 million test tubes have also been mobilized, the commission said.
Shanghai reported 425 local confirmed cases on Sunday. The megacity on Monday launched a citywide nucleic acid testing campaign

Medical workers board a train to Shanghai at Nanchang Railway Station in Nanchang, east China’s Jiangxi Province, April 3, 2022. (Xinhua/Peng Zhaozhi)