တရုတ်-ရုရှား အာဏာရပါတီနှစ်ရပ်ကြား ဆွေးနွေးမှုယန္တရား အစည်းအဝေးအတွက် ရှီနှင့် ပူတင် ဝမ်းမြောက်ကြောင်းသဝဏ်လွှာ အပြန်အလှန်ပေးပို့

ပေကျင်း၊ နိုဝင်ဘာ ၂၁ ရက် (ဆင်ဟွာ)

တရုတ်ကွန်မြူနစ်ပါတီ (CPC) ဗဟိုကော်မတီ အထွေထွေအတွင်းရေးမှူးချုပ်၊ တရုတ်နိုင်ငံသမ္မတ ရှီကျင့်ဖိန်နှင့် ရုရှားနိုင်ငံ သမ္မတ ဗလာတီမာ ပူတင်တို့သည် တရုတ်နှင့် ရုရှား အာဏာရပါတီနှစ်ရပ်ကြား ၁၀ ကြိမ်မြောက် ဆွေးနွေးမှုယန္တရားအစည်းအဝေးထံ ဝမ်းမြောက်ကြောင်း သဝဏ်လွှာများ အသီးသီးပေးပို့ခဲ့ကြကြောင်း သိရသည်။

အဆိုပါ အစည်းအဝေး စီစဉ်ကျင်းပခြင်းအတွက် ဝမ်းမြောက်မိကြောင်း တရုတ်နိုင်ငံ သမ္မတ ရှီက သဝဏ်လွှာတွင် ဖော်ပြထားသည်။ ထို့ပြင် လက်ရှိတွင် ရာစုနှစ်အတွင်း မကြုံတွေ့ဖူးသော ပြောင်းလဲမှုများက အလွန်လျင်မြန်စွာဖြစ်ပေါ်လျက်ရှိကြောင်းနှင့် ကမ္ဘာကြီးသည်လည်း အစီအစဉ်မကျမှုနှင့် အသွင်ကူးပြောင်းမှု ကာလသစ်ဆီသို့ ဝင်ရောက်လျက်ရှိကြောင်း ရှီက ထည့်သွင်းပြောကြားခဲ့သည်။

တရုတ်-ရုရှား ဆက်ဆံရေးသည် နိုင်ငံတကာအခင်းအကျင်းတွင် ပြောင်းလဲမှုများ၏ ပြင်းထန်သောစမ်းသပ်မှုကို ကြံ့ကြံ့ခံနိုင်ခဲ့ကြောင်း၊ အဆင့်မြင့် တိုးတက်မှုကို ထိန်းထားလျက်ရှိကြောင်း၊ အဓိကနိုင်ငံကြီး ဆက်ဆံရေးပုံစံသစ် စံနမူနာဖြစ်ခဲ့ကြောင်းနှင့် ကမ္ဘာ့တည်ငြိမ်ရေးနှင့် ဖွံ့ဖြိုးတိုးတက်ရေးတွင် ပိုမိုမဟာဗျူဟာကျသော အခန်းကဏ္ဍ၌ ပါဝင်လျက်ရှိကြောင်း ရှီက ဆိုသည်။

ရုရှားနိုင်ငံ သမ္မတ ဗလာတီမာ ပူတင်က ရုရှား-တရုတ် ဘက်စုံမဟာဗျူဟာမြောက် ညှိနှိုင်းမှု မိတ်ဖက်နိုင်ငံဆက်ဆံရေးသည် သမိုင်းတွင် အမြင့်ဆုံးအဆင့်သို့ ရောက်ရှိနေကြောင်းနှင့် နှစ်နိုင်ငံတို့သည် စီးပွားရေး၊ သယ်ယူပို့ဆောင်ရေး၊ စွမ်းအင်နှင့် ယဉ်ကျေးမှု အပြင် အခြားကဏ္ဍများ၌ ပူးပေါင်းဆောင်ရွက်မှု စီမံကိန်းများစွာကို အတူတကွ အဆင့်မြှင့်တင်ဆောင်ရွက်လျက်ရှိကြောင်း ဝမ်းမြောက်ကြောင်းသဝဏ်လွှာ၌ ပြောကြားခဲ့သည်။
ထို့ပြင် နှစ်နိုင်ငံအနေဖြင့် အဓိကနိုင်ငံတကာရေးရာများ ဖြေရှင်းရန်နှင့် ပိုမိုတရားမျှတ၍ ဒီမိုကရေစီနည်းလမ်းကျ နိုင်ငံတကာအစီအစဉ်တစ်ရပ် တည်ဆောက်ရေး မြှင့်တင်ရန် နှစ်နိုင်ငံ ချန်နယ်များ၊ ရှန်ဟိုင်း ပူးပေါင်းဆောင်ရွက်မှုအဖွဲ့နှင့် BRICS ကဲ့သို့ နိုင်ငံစုံပူးပေါင်းဆောင်ရွက်မှု ယန္တရားများမှတစ်ဆင့် ညှိနှိုင်းဆောင်ရွက်လျက်ရှိကြောင်း ပူတင်က သဝဏ်လွှာ၌ ဖော်ပြထားသည်။

ထို့ပြင် ၁၀ ကြိမ်မြောက် ဆွေးနွေးမှုယန္တရား အစည်းအဝေးသည် အဓိပ္ပါယ်ပြည့်စုံ၍ အပြုသဘောဆောင်မည်ဖြစ်ကြောင်းနှင့် ရုရှားနိုင်ငံနှင့် တရုတ်နိုင်ငံကြား အကျိုးကျေးဇူးပြည့်ဝသော ပူးပေါင်းဆောင်ရွက်မှုကို ထပ်မံမြှင့်တင်ပြီး နက်ရှိုင်းစေမည်ဖြစ်ကြောင်း ပူတင်က ပြောခဲ့သည်။ (Xinhua)

………………………………
(English Version)
Xi, Putin congratulate meeting of China-Russia dialogue mechanism between ruling parties
BEIJING, Nov. 20 (Xinhua) — Chinese President Xi Jinping, also general secretary of the Communist Party of China (CPC) Central Committee, and Russian President Vladimir Putin, on Monday respectively sent congratulatory letters to the 10th meeting of the dialogue mechanism between the ruling parties of China and Russia.
In his congratulatory letter, Xi extended warm congratulations on the convening of the meeting. He said that at present, changes unseen in a century are unfolding at an ever faster pace and the world has entered a new period of disorder and transformation. China-Russia relations have withstood the severe test of changes in the international landscape, maintained a high level of development, set an example of a new model of major-country relations, and played a more prominent strategic role in achieving global stability and development.
Putin said in his congratulatory letter that the Russia-China comprehensive strategic partnership of coordination is at the highest level in history, and the two countries are working together to advance a number of large-scale cooperation projects in the fields of economy, transportation, energy and culture, among others. The two countries are coordinating positions through bilateral channels and multilateral mechanisms such as the Shanghai Cooperation Organization and BRICS to resolve major international issues and promote the building of a more just and democratic international order.
Putin expressed the belief that the 10th meeting of the dialogue mechanism will be meaningful and constructive, and further promote and deepen the fruitful cooperation between Russia and China.
Photo: Chinese President Xi Jinping holds talks with Russian President Vladimir Putin at the Great Hall of the People in Beijing, capital of China, Oct. 18, 2023. (Xinhua/Zhang Ling)