တရုတ်နိုင်ငံနှင့် နအူရူးနိုင်ငံ သမ္မတများ နှစ်နိုင်ငံဆက်ဆံရေးပြန်လည်စတင်ပြီးနောက် ပထမဆုံးအကြိမ်တွေ့ဆုံဆွေးနွေး

ပေကျင်း၊ မတ် ၂၆ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် နအူရူးနိုင်ငံ သမ္မတ David Adeang တို့သည် ပေကျင်းမြို့တော်တွင် မတ် ၂၅ ရက်က တွေ့ဆုံဆွေးနွေးခဲ့ကြကြောင်း သိရသည်။
တရုတ်တစ်နိုင်ငံတည်းမူဝါဒကို လေးစားလိုက်နာရန်နှင့် ဇန်နဝါရီလက တရုတ်နိုင်ငံနှင့် သံတမန်ဆက်ဆံရေး ပြန်လည်ထိန်းသိမ်းရန် နအူရူး၏ နိုင်ငံရေးဆုံးဖြတ်ချက်သည် သမိုင်းနှင့် ခေတ်ကာလပြောင်းလဲမှုနှင့် ကိုက်ညီသည့် အရွေ့တစ်ခုဖြစ်ကြောင်း သမ္မတ ရှီက ပြောခဲ့သည်။

တရုတ်နိုင်ငံ မြို့တော် ပေကျင်းရှိ ပြည်သူ့ခန်းမဆောင် မြောက်ဘက်ခန်းမတွင် သမ္မတ ရှီကျင့်ဖိန်က နအူရူးနိုင်ငံ သမ္မတ David Adeang အား ကြိုဆိုခြင်းအခမ်းအနားကို ၂၀၂၄ ခုနှစ် မတ် ၂၅ ရက်က တွေ့ရစဉ် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် နအူရူးနိုင်ငံ သမ္မတ David Adeang တို့ မြို့တော် ပေကျင်းရှိ ပြည်သူ့ခန်းမဆောင်တွင် တွေ့ဆုံဆွေးနွေးနေကြသည်ကို ၂၀၂၄ ခုနှစ် မတ် ၂၅ ရက်က တွေ့ရစဉ် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် နအူရူးနိုင်ငံ သမ္မတ David Adeang တို့ တွေ့ဆုံဆွေးနွေးပြီးနောက် ရပ်ဝန်းနှင့် ပိုးလမ်းမပူးပေါင်းဆောင်ရွက်မှု၊ ကမ္ဘာလုံးဆိုင်ရာဖွံ့ဖြိုးတိုးတက်မှုအဆိုပြုချက်၊ စီးပွားရေးဖွံ့ဖြိုးတိုးတက်မှုနှင့် လယ်ယာစိုက်ပျိုးရေးဆိုင်ရာ နှစ်နိုင်ငံ ပူးပေါင်းဆောင်ရွက်မှုသဘောတူစာချုပ်များ လက်မှတ်ရေးထိုးခြင်းအခမ်းအနား၌ သက်သေပြုဆောင်ရွက်နေကြစဉ် (ဆင်ဟွာ)

မည်သို့ပင်စတင်သော ချစ်ကြည်ရေးဖြစ်စေကာမူ တောက်ပသောအနာဂတ်ရှိကြောင်း၊ ပူးပေါင်းဆောင်ရွက်မှု အလေးထားမှုကလည်း အကျိုးရှိသည်နှင့်အမျှ စစ်မှန်မှုလည်းရှိကြောင်း ရှီက ဆိုသည်။
တရုတ်-နအူရူးဆက်ဆံရေးသည် သမိုင်းကြောင်းတွင် စာမျက်နှာသစ်ဖွင့်လှစ်ခဲ့ပြီဖြစ်ကြောင်း၊ တရုတ်နိုင်ငံအနေဖြင့် နအူရူးနိုင်ငံနှင့်အတူ နှစ်နိုင်ငံကြား ဆက်ဆံရေးအတွက် ပိုမိုကောင်းမွန်သောအနာဂတ် ဖန်တီးရေး၊ နှစ်နိုင်ငံပြည်သူများထံ အကျိုးကျေးဇူးများ ဆောင်ကြဉ်းပေးနိုင်ရေး အတူတကွဆောင်ရွက်ရန် အသင့်ရှိကြောင်း ရှီက ပြောကြားခဲ့သည်။
ထို့ပြင် တရုတ်နိုင်ငံက နအူရူးနိုင်ငံအား ရပ်ဝန်းနှင့် ပိုးလမ်းမ ပူးပေါင်းဆောင်ရွက်ရေးသဘောတူစာချုပ်ကို တရုတ်နိုင်ငံနှင့် လက်မှတ်ရေးထိုးသည့် နောက်ထပ်နိုင်ငံတစ်နိုင်ငံအဖြစ် ကြိုဆိုကြောင်း၊ တရုတ်နိုင်ငံအနေဖြင့် နအူရူးနိုင်ငံနှင့်အတူ ကုန်သွယ်ရေး၊ ရင်းနှီးမြှုပ်နှံမှု၊ အခြေခံအဆောက်အအုံတည်ဆောက်ရေး၌ လက်တွေ့ပူးပေါင်းဆောင်ရွက်မှု တိုးချဲ့ရန်၊ နိုင်ငံရေးနှောင်ဖွဲ့မှုမပါဘဲ နအူရူးနိုင်ငံ၏ သီးခြားလွတ်လပ်မှုနှင့် စဉ်ဆက်မပြတ် ဖွံ့ဖြိုးတိုးတက်မှုကို ပံ့ပိုးကူညီရန် အသင့်ရှိကြောင်းလည်း သမ္မတ ရှီက ပြောခဲ့သည်။

တရုတ်နိုင်ငံ၏ သံတမန်ရေးရာတွင် နိုင်ငံများအားလုံးကို သာတူညီမျှ သဘောထားကာ ဆက်ဆံကြောင်း၊ နိုင်ငံအားလုံးသည် အရွယ်အစား ကြီးသည်ဖြစ်စေ ငယ်သည်ဖြစ်စေ၊ အားကောင်းသည်ဖြစ်စေ အားနည်းသည်ဖြစ်စေ၊ ချမ်းသာသည်ဖြစ်စေ ဆင်းရဲသည်ဖြစ်စေ နိုင်ငံတကာအသိုင်းအဝိုင်း၏ တူညီသောအဖွဲ့ဝင်များဖြစ်သည်ဟု တရုတ်နိုင်ငံက အစဉ်အမြဲမှတ်ယူကြောင်း ရှီက ဆိုသည်။
နအူရူးနိုင်ငံ သမ္မတ David Adeang က ၎င်း၏နိုင်ငံအနေဖြင့် သမိုင်း၏မှန်ကန်သောဘက်ခြမ်းတွင် ရပ်တည်ရန်နှင့် နအူရူး-တရုတ်ဆက်ဆံရေး၌ အရေးပါသော အထင်ကရတစ်ခုဖြစ်သည့် တရုတ်တစ်နိုင်ငံတည်းမူဝါဒကို အခြေခံအသိအမှတ်ပြုကာ လေးစားလိုက်နာပြီး တရုတ်နိုင်ငံနှင့် သံတမန်ဆက်ဆံရေး ပြန်လည်စတင်ရန်၊ နအူရူးနိုင်ငံ၏ အမျိုးသားဖွံ့ဖြိုးတိုးတက်မှုနှင့် နှစ်နိုင်ငံဆက်ဆံရေးတွင် စာမျက်နှာသစ် ဖွင့်လှစ်ရန် ဆုံးဖြတ်ခဲ့ကြောင်း ပြောကြားခဲ့သည်။

သမ္မတနှစ်ဦးတွေ့ဆုံဆွေးနွေးပြီးနောက် ရပ်ဝန်းနှင့် ပိုးလမ်းမ ပူးပေါင်းဆောင်ရွက်မှု၊ ကမ္ဘာလုံးဆိုင်ရာ ဖွံ့ဖြိုးတိုးတက်မှုအဆိုပြုချက်၊ စီးပွားရေးဖွံ့ဖြိုးတိုးတက်မှုနှင့် လယ်ယာစိုက်ပျိုးရေး စသည့်နယ်ပယ်များ၌ နှစ်နိုင်ငံ ပူးပေါင်းဆောင်ရွက်ရေးသဘောတူစာချုပ်များ လက်မှတ်ရေးထိုးရာတွင် သက်သေအဖြစ်ဆောင်ရွက်ခဲ့ကြကြောင်း သိရသည်။ (Xinhua)

…………………………………
(English Version)
Chinese, Nauruan presidents hold talks for 1st time since resuming ties
BEIJING, March 25 (Xinhua) — Chinese President Xi Jinping and Nauruan President David Adeang held talks in Beijing on Monday.
Xi noted that Nauru’s political decision to adhere to the one-China principle and restore diplomatic ties with China in January is a move that conforms to the trend of history and the times.
Friendship, no matter its beginning, will have a bright future, and cooperation, regardless of scale, will be productive as long as it is sincere, Xi said.
Xi said that China-Nauru relations have opened a new chapter in history, and China is ready to work with Nauru to create a better future for relations between the two countries and bring more benefits to the two peoples.
Xi said China welcomes Nauru as another country to sign the Belt and Road cooperation document with China, adding that China is ready to expand practical cooperation with Nauru in trade, investment and infrastructure construction, and provide assistance to Nauru for its independent and sustainable development without political strings attached.
Stressing that treating others as equals is a defining feature of China’s diplomacy, Xi said China always believes that all countries, big or small, strong or weak, rich or poor, are equal members of the international community.
Nauru decided to stand on the right side of history and resume diplomatic relations with China on the basis of recognizing and adhering to the one-China principle, which is an important landmark in Nauru-China relations and opens a new chapter in Nauru’s national development and bilateral relations, Adeang added.
After the talks, the two heads of state witnessed the signing of bilateral cooperation documents in the fields of the Belt and Road cooperation, the Global Development Initiative, economic development and agriculture.
Photo 1, 2: Chinese President Xi Jinping holds a welcome ceremony for Nauruan President David Adeang in the Northern Hall of the Great Hall of the People prior to their talks in Beijing, capital of China, March 25, 2024. (Xinhua/Huang Jingwen)
Photo 3: Chinese President Xi Jinping holds talks with Nauruan President David Adeang, who is on a state visit to China, at the Great Hall of the People in Beijing, capital of China, March 25, 2024. (Xinhua/Zhai Jianlan)
Photo 4: Chinese President Xi Jinping and Nauruan President David Adeang jointly witness the signing of bilateral cooperation documents in the fields of the Belt and Road cooperation, the Global Development Initiative, economic development and agriculture after their talks at the Great Hall of the People in Beijing, capital of China, March 25, 2024. (Xinhua/Liu Bin)