တရုတ်နိုင်ငံ သမ္မတ ရှီကျင့်ဖိန်က တရုတ်-ပြင်သစ်ဆက်ဆံရေး၏ ပိုမိုတောက်ပသောအနာဂတ်ကို ခရီးစဉ်မှတစ်ဆင့် ဖွင့်လှစ်ရန် ရည်မှန်းထား

ပဲရစ်၊ မေ ၆ ရက် (ဆင်ဟွာ)
သမ္မတ ရှီကျင့်ဖိန်က ၎င်းအနေဖြင့် တရုတ်နိုင်ငံနှင့် ပြင်သစ်နိုင်ငံတို့သည် သမိုင်းမီးရှူးတန်ဆောင်ကို ဆက်လက်ထွန်းညှိကာ တရုတ်-ပြင်သစ်ဆက်ဆံရေး၏ ပိုမိုတောက်ပသော အနာဂတ်ကို ဖွင့်လှစ်၍ ကမ္ဘာ့ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်ရေးကို ပံ့ပိုးကူညီမှုအသစ်များ ဆောင်ကြဉ်းနိုင်မည်ဟု မျှော်လင့်ကြောင်း မေ ၅ ရက်က ပြောကြားခဲ့သည်။
သမ္မတ ရှီက နိုင်ငံတော်ခရီးစဉ်အဖြစ် ပြင်သစ်နိုင်ငံသို့ ရောက်ရှိချိန် စာဖြင့်ရေးသားပြောကြားခဲ့သော မိန့်ခွန်းတွင် အထက်ပါအတိုင်းမှတ်ချက်ပြုခဲ့ခြင်းဖြစ်သည်။

တရုတ်နိုင်ငံ သမ္မတ ရှီကျင့်ဖိန် နိုင်ငံတော်ခရီးစဉ်အဖြစ် ပြင်သစ်နိုင်ငံ ပဲရစ်မြို့သို့ ၂၀၂၄ ခုနှစ် မေ ၅ ရက်က ရောက်ရှိလာစဉ် (ဆင်ဟွာ)

အဆိုပါ ခရီးစဉ်အတွင်း သမ္မတ ရှီသည် ပြင်သစ်နိုင်ငံ သမ္မတ အီမန်နျူရယ် မက်ခရွန်နှင့်အတူ ယနေ့ခေတ် အခြေအနေများ၊ အဓိက နိုင်ငံတကာနှင့် ဒေသတွင်းရေးရာများအောက်တွင် တရုတ်-ပြင်သစ်ဆက်ဆံရေး၊ တရုတ်-ဥရောပဆက်ဆံရေး တိုးတက်မှုအပေါ် နက်နက်ရှိုင်းရှိုင်း အမြင်ချင်းဖလှယ် ဆွေးနွေးမည်ဖြစ်ကြောင်း သိရသည်။

“မိမိအနေဖြင့် ဤခရီးစဉ်က မိမိတို့၏ ကာလရှည်ချစ်ကြည်ရင်းနှီးမှု ခိုင်မာစေရေး၊ နိုင်ငံရေးယုံကြည်မှု တိုးမြင့်စေရေး၊ မဟာဗျူဟာမြောက် သဘောတူညီမှုကို ခိုင်မာစေရေး၊ နယ်ပယ်စုံ၌ ဖလှယ်မှုများနှင့် ပူးပေါင်းဆောင်ရွက်မှု နက်ရှိုင်းရေးအတွက် အထောက်အကူပြုမည်ဟု မျှော်လင့်ကြောင်း၊ သမ္မတ မက်ခရွန်၏ ဖိတ်ကြားချက်အရ ပြင်သစ်နိုင်ငံသို့ တတိယအကြိမ်မြောက် ခရီးစဉ်စတင်ရသည့်အတွက် လွန်စွာဝမ်းမြောက်မိကြောင်း” ရှီက ဆိုသည်။

ရှီသည် ပြင်သစ်ပြည်သူများနှင့်အတူ သံတမန်ဆက်ဆံရေး နှစ် ၅၀ ပြည့်နှင့် ၅၅ နှစ်ပြည့် အထိမ်းအမှတ် နှစ်ပတ်လည်ကျင်းပရန် ပြင်သစ်နိုင်ငံသို့ ၂၀၁၄ ခုနှစ်နှင့် ၂၀၁၉ ခုနှစ်များတွင် နှစ်ကြိမ်တိုင်လာရောက်လည်ပတ်ခဲ့ကြောင်း၊ ထိုနှစ်ကြိမ်လုံးသည်လည်း နွေဦးရာသီတွင်ပင်ဖြစ်ကြောင်း သိရသည်။

“သံတမန်ဆက်ဆံရေး နှစ်ပေါင်း ၆၀ ပြည့်အခါသမယတွင်လည်း မိမိအနေဖြင့် ဤလှပသောတိုင်းပြည် မြေပေါ်သို့ တစ်ဖန်ရောက်ရှိလာသည့်အတွက် ရင်းနှီးသောစိတ်ခံစားမှုကို ခံစားမိပါကြောင်း၊ တရုတ်နိုင်ငံ အစိုးရနှင့် ပြည်သူများ၏ ကိုယ်စား ယခုလိုအခွင့်အခါတွင် နွေးထွေးသောနှုတ်ခွန်းဆက်သမှုနှင့် ဆန္ဒမွန်များကို ပြင်သစ်အစိုးရနှင့် ပြည်သူများထံပို့သပါကြောင်း” ရှီက ပြောခဲ့သည်။
ကမ္ဘာ့အရှေ့ခြမ်းနှင့် အနောက်ခြမ်း ယဉ်ကျေးမှုအဖွဲ့အစည်းများ၏ အရေးပါသောကိုယ်စားပြုများအဖြစ် တရုတ်နိုင်ငံနှင့် ပြင်သစ်နိုင်ငံတို့သည် အပြန်အလှန်ကျေးဇူးပြုမှုနှင့် စိတ်အားထက်သန်မှု သမိုင်းကြောင်းရှည်ရှိကြောင်းလည်း ရှီက ထည့်သွင်းပြောကြားခဲ့သည်။
လွန်ခဲ့‌သော နှစ်ပေါင်း ၆၀ အကြာက နှစ်နိုင်ငံတို့သည် စစ်အေးခေတ်အုပ်စုဖွဲ့မှုကို ကျော်လွှားခဲ့ကာ သံအမတ်အဆင့် သံတမန်ဆက်ဆံရေးထူထောင်ထားရှိခဲ့သည်ကိုလည်း သမ္မတ ရှီက မှတ်ချက်ပြုခဲ့သည်။

ထိုနှစ်ပေါင်း ၆၀ အချိန်မှစတင်ကာ နှစ်နိုင်ငံဆက်ဆံရေးသည် တရုတ်နှင့် အနောက်နိုင်ငံများ ဆက်ဆံရေးနှင့် အစဉ်အမြဲ တန်းတူရည်တူ ရင်ပေါင်တန်းနိုင်ခဲ့ကြောင်း၊ ငြိမ်းချမ်းစွာ အတူယှဉ်တွဲနေထိုင်ရန်၊ အပြန်အလှန် အကျိုးကျေးဇူးရှိသော ပူးပေါင်းဆောင်ရွက်မှုကို လိုက်လျှောက်ရန် အမျိုးမျိုးသော လူမှုစနစ်များရှိသော နိုင်ငံများအတွက် အကောင်းဆုံးနမူနာချမှတ်လျက်ရှိကြောင်း ရှီက ဆိုသည်။
ထို့ပြင် မကြာသေးမီနှစ်အတွင်း တရုတ်နိုင်ငံနှင့် ပြင်သစ်နိုင်ငံတို့သည် အဆင့်သစ်များဆီ မြှင့်တင်လာနိုင်ခဲ့သလို နှစ်နိုင်ငံအနေဖြင့် လေကြောင်း၊ အာကာသယာဉ်တည်ဆောက်မှုနည်းပညာ၊ နျူကလီးယားစွမ်းအင်၊ လယ်ယာထွက်စားသောက်ကုန်နှင့် အစိမ်း‌ရောင်ဖွံ့ဖြိုးတိုးတက်မှု စသည့်ကဏ္ဍများ၌ ပူးပေါင်းဆောင်ရွက်ရာတွင် တိုးတက်မှုအသစ်များ ရရှိခဲ့ကြောင်း ရှီက ပြောကြားခဲ့သည်။
တရုတ်နှင့် ပြင်သစ် နိုင်ငံတို့သည် ရာသီဥတု‌ပြောင်းလဲမှုတုံ့ပြန်ရေး၊ ဇီဝမျိုးစုံမျိုးကွဲများ ကာကွယ်စောင့်ရှောက်ရေးနှင့် ကမ္ဘာ့စီမံအုပ်ချုပ်မှု စသည်တို့အပေါ် အနီးကပ်ညှိနှိုင်းကာ ပူးပေါင်းဆောင်ရွက်လျက်ရှိကြောင်း၊ တရုတ်-ပြင်သစ် ယဉ်ကျေးမှုနှင့် ခရီးသွားလုပ်ငန်းနှစ်ဆိုင်ရာ အစီအစဉ်များလည်း ကမ္ဘာတစ်ဝန်း ကျင်းပလျက်ရှိကြောင်း သမ္မတ ရှီက ဖြည့်စွက်ပြောခဲ့သည်။
ထို့ပြင် ရှီက “တရုတ်-ပြင်သစ်ဆက်ဆံရေး တိုးတက်ခြင်းသည် နှစ်နိုင်ငံပြည်သူများကို အကျိုးကျေးဇူးများ ဆောင်ကြဉ်းပေးသည်သာမက မတည်ငြိမ်သော ကမ္ဘာကြီးကိုလည်း တည်ငြိမ်ကောင်းမွန်သော စွမ်းအင်များလည်းပဲ ပံ့ပိုးပေးလျက်ရှိကြောင်း ထည့်သွင်းပြောကြားခဲ့သည်။

ပြင်သစ်နိုင်ငံ Paris Orly လေဆိပ်သို့ ရောက်ရှိလာသော တရုတ်နိုင်ငံ သမ္မတအား ပြင်သစ်နိုင်ငံ နိုင်ငံခြားရေးဝန်ကြီး Gabriel Attal က ကြိုဆိုခဲ့သလို ပြည်ပရောက် တရုတ်နွယ်ဖွားများကလည်း ရင်းနှီး‌နွေးထွေးစွာ ကြိုဆိုခဲ့ကြကြောင်း သိရသည်။ (Xinhua)

……………………
(English Version)

Xi aims to open brighter future of China-France ties via visit
PARIS, May 5 (Xinhua) — Chinese President Xi Jinping said here on Sunday that he hopes China and France will light up their way forward with the torch of history, open a brighter future of China-France relations and make new contributions to world peace, stability and development.
Xi made the remarks in a written speech upon his arrival here for a state visit to France.
He said during the visit, he will have an in-depth exchange of views with French President Emmanuel Macron on growing China-France and China-Europe relations under the new circumstances as well as major international and regional issues in the world today.
“I hope this visit will help cement our long-standing friendship, enhance political trust, build strategic consensus and deepen exchanges and cooperation in various fields,” he said, adding that it is a great pleasure to begin his third state visit to the French Republic at the invitation of Macron.
Back in 2014 and 2019, Xi paid two visits to France, both in spring, to celebrate the 50th and 55th anniversaries of diplomatic relations together with the people of France.
“As we celebrate the 60th anniversary of our diplomatic ties, I have a strong sense of deja vu when setting foot again on the soil of your beautiful country. On behalf of the Chinese government and people, I wish to take this opportunity to extend our warmest greetings and best wishes to the French government and people,” Xi said.
As important representatives of Eastern and Western civilizations, China and France have a long history of mutual appreciation and admiration, said Xi.
He also noted that 60 years ago, the two countries broke through Cold War blocs and established diplomatic relations at the ambassadorial level.
In the 60 years since, the bilateral relations have always stayed abreast of China’s relations with Western countries, setting a prime example for countries with different social systems to coexist in peace and pursue win-win cooperation, said Xi.
In recent years, the relationship between China and France has risen to new heights, and the two countries keep making new progress in cooperation on aviation, aerospace, nuclear energy, agrifood and green development, Xi said.
He said that the two countries enjoy close coordination and cooperation on climate response, biodiversity protection and global governance, adding that activities of the China-France Year of Culture and Tourism are unfolding across the board.
“A growing China-France relationship not only brings benefits to both peoples, but also provides stability and positive energy to the turbulent world,” Xi said.
The Chinese president was received by French Prime Minister Gabriel Attal at Paris Orly airport and warmly welcomed by overseas Chinese upon arrival.
Photo 1, 2: Chinese President Xi Jinping arrives in Paris for a state visit to France at the invitation of French President Emmanuel Macron, May 5, 2024. (Xinhua/Xie Huanchi)